ՊԵԿ - infocom.am

ՊԵԿ

ՀՀ կառավարությանն առընթեր պետական եկամուտների կոմիտեն 2008-2014 թթ. և 2016 թ. մարտի 1-ից գործող հանրապետական գործադիր մարմին է, որն իր իրավասության սահմաններում ապահովում է պետական բյուջեի մուտքերը և հարկային ու մաքսային վարչարարությունը։ Կոմիտեում գործում են հարկային և մաքսային ծառայությունները։

Ներկայումս, Պետական եկամուտների կոմիտեի նախագահի պաշտոնը զբաղեցնում է Էդվարդ Հովհաննիսյանը։

ՊԵԿ-ը վերահրապարակել է խոշոր հարկատուների ցանկը, որտեղ ԶՊՄԿ-ն երրորդ տեղում է |hetq.am|

hetq.am։ Պետական եկամուտների կոմիտեն վերահրապարակել է այս տարվա առաջին եռամսյակում հանրապետության 1000 խոշոր հարկատուների ցանկը։ Նախկին ցանկը, որը հրապարակվել էր ավելի վաղ, ևս ամփոփում էր առաջին եռամսյակը, բայց, ինչպես երեկ հայտնեցին Պետական եկամուտների կոմիտեից (ՀՀ ՊԵԿ), այն հաշվարկվել էր նոր մեթոդաբանությամբ և համադրելի չէր նախորդ ցանկերի հետ։ ՊԵԿ նախագահ Դավիթ Անանյանը պատասխանեց, որ արդեն այս նոր ցանկը՝ վերահրապարակվածը, համադրելի է նախորդ տավա նույն եռամսյակի ցանկի հետ։ ՊԵԿ-ը հայտարարություն է տարածել, որ հարկային մարմնի նախաձեռնությամբ մշակվել և ներկայում շրջանառության մեջ է դրվել «Հայաստանի Հանրապետության կառավարության 2017 թվականի հուլիսի 6-ի 783-Ն որոշման մեջ փոփոխություններ և լրացումներ կատարելու մասին» ՀՀ կառավարության որոշման նախագիծը, որով, ըստ էության, առաջարկվում է ամբողջականացնել հարկերի ցուցանիշները` հանրությանն ավելի համապարփակ տեղեկատվություն ներկայացնելու ակնկալիքով։ Առաջին եռամսյակն ամփոփող առաջին ցանկից, ինչպես ավելի վաղ գրել ենք, դուրս էր մնացել «Զանգեզուրի պղնձամոլիբդենային կոմբինատը», որը մշտապես եղել է խոշոր հարկատու։ Այս հարցի մասին ֆեյսբուքյան իր էջում բարձրաձայնել է նաև ԱԺ պատգամավոր, ֆինանսավարկային և բյուջետային հարցերի մշտական հանձնաժողովի նախագահ Մանե Թանդիլյանը։ Նախորդ տարվա առաջին եռամսյակում 4.1 մլրդ դրամի հարկերով ԶՊՄԿ-ն դարձել էր հանրապետության երրորդ խոշոր հարկատուն։ ՊԵԿ-ից մեկնաբանում են, որ ԶՊՄԿ-ի ցանկից դուրս մնալը ևս մեթոդաբանական փոփոխությունների հետևանքն է եղել։ Ամեն դեպքում, նույնիսկ մեթոդաբանության փոփոխության պարագայում, ԶՊՄԿ-ի ցանկից դուրս մնալը տարօրինակ է թվում։ Այս կապակցությամբ ՊԵԿ-ին լրացուցիչ հարցում ենք ուղարկել, որի պատասխանը կհրապարակենք ստանալուն պես։ Իսկ վերահրապարակված ցանկում արդեն ԶՊՄԿ-ն հանրապետության երրորդ խոշոր հարկատուն է։Այսպես, ըստ վերահրապարակված ցանկի՝ այս տարվա առաջին եռամսյակում հանրապետության 1000 խոշոր հարկատուները միասին պետական բյուջե են վճարել 221 մլրդ դրամի հարկեր ու տուրքեր։ 2018 թվականին 1000 խոշոր հարկատուների հարկերը կազմել են մոտ 178.6 մլրդ դրամ։ Ստացվում է, որ այս տարվա առաջին եռամսյակում խոշորների հարկերն աճել են 42.4 մլրդ դրամով կամ 23.8%-ով։Հանրապետության խոշորագույն հարկատուն, ըստ վերահրապարակված ցանկի ևս, «Գազպրոմ Արմենիա» ընկերությունն է, որն այս տարվա առաջին եռամսյակում վճարել է 13.67 լրդ դրամի հարկեր՝ նախորդ տարվա նույն ժամանակահատվածի մոտ 14 մլրդ դրամի դիմաց։Երկրորդ տեղում ծխախոտի արտադրությամբ զբաղվող «Գրանդ Տոբակո»-ն է՝ 12.83 մլրդ դրամի հարկերով՝ նախորդ տարվա նույն ժամանակաշրջանի 8.1 մլրդ դրամի դիմաց։Երրորդ տեղում «Զանգեզուրի պղնձամոլիբդենային կոմբինատն» է, որի անունը նախորդ ցանկում այդպես էլ չգտնվեց։ Ընկերությունն այս տարվա առաջին եռամսյակում վճարել է 6.7 մլրդ դրամի հարկեր ու տուրքեր՝ նախորդ տավա նույն ամիսների 4.1 մլրդ դրամի դիմաց։Հաջորդում է «Հայաստանի Էլեկտրական ցանցեր» ընկերությունը՝ 4.5 մլրդ դրամի հարկերով։ 2018 թվականի առաջին եռամսյակում ընկերությունը վճարել է 2.6 մլրդ դրամի հարկեր։Հինգերորդ տեղում հանքարդյունաբերական «Գեոպրոմայնինգ Գոլդ» ընկերությունը։ Հարկերի ծավալը կազմել է մոտ 4.3 մլրդ դրամ՝ նախորդ տարվա հունվար-մարտի 2.5 մլրդ դրամի դիմաց։Մյուս խոշոր հարկատուն ծխախոտի արտադրությամբ զբաղվող «Ինտերնեյշնլ Մասիս տաբակ» ընկերությունն է 3.95 մլրդ դրամի հարկերով։ «Ինտերնեյշնլ Մասիս տաբակ»-ը 2018 թվականի առաջին եռամսյում վճարել է 2 մլրդ դրամ։Հանրապետության յոթերորդ խոշորագույն հարկատուն բենզինի առևտրով զբաղվող «Սիփիէս Օիլ Քորփորեյշն»-ը՝ մոտ 3.8 մլրդ դրամով, որը գրեթե հավասար է նախորդ տարվա առաջին եռամսկում վճարած հարկերի ծավալին։Խոշոր հարկատուների ցանկում ութերորդ տեղում բենզինի առևտրով զբաղվող մեկ այլ ընկերություն՝ «Ֆլեշը»։ Այս տարվա առաջին եռամսյակում այն վճարել է 3.75 մլրդ դրամի հարկեր՝ նախորդ տարվա նույն ժամանակաշրջանի 2.5 մլրդ դրամի դիմաց։Իններոդ տեղում «Ակվիլոն թրեյդ» ընկերությունն է, որը հարկերի թռիչքային աճ է գրանցել։ Այս տարվա առաջին երեք ամսում վճարել է 3.4 մլրդ դրամի հարկեր։ Ընկերությունը նախորդ տարվա առաջին եռամսյակում վճարել է ընդամենը 331 մլն դրամի հարկեր և զբաղեցրել 101-րդ տեղը։ Պետական ռեգիստրի տվյալներով՝ այս ընկերությունը հիմնադրվել է 2015 թվականի տարեկեսին և ներառվել է խոշոր հարկատուների ցանկում։ Ընկերությունը զբաղվում է հագուստի մեծածախ առևտրով։Եվ տասներորդ տեղում «Արմենիա» միջազգային օդանավակայաններ» ընկերությունն է՝ մոտ 2.8 մլրդ դրամի հարկերով։ 2018 թվականի առաջին եռամսյակում ընկերության հարկերը կազմել են մոտ 1.7 մլրդ դրամ։ Խոշորների առաջին տասնյակին հաջորդում են բենզինի ներկրմամբ ու մեծածախ առևտրով զբաղվող «Մաքս պետրոլը», «Հայկական ատոմային էլեկտրակայանը», հանքարդյունաբերական «Արմենիան մայնինգ քոնթրաքթորը», «Յուքոմը», «Սիթին» («Երևան Սիթի» սուպերմարկետներիկ ցանց), «Գազպրոմ Արմենիա» ՓԲԸ-ի դուստր ընկերությունը՝ «Տրանսգազ» ՍՊԸ-ն և այլ ընկերություններ։

07:47 - 22 մայիսի, 2019

Ինչպես է ՊԵԿ-ը հովանավորում նախկին բարձրաստիճան պաշտոնյաներին առնչվող բիզնեսը |hetq.am|

hetq.am։ Նոր սերնդի ՀԴՄ-ների տեխնիկական սպասարկման ոլորտում հակամրցակցային իրավիճակ է: Թեև կան տեխնիկական սպասարկման իրավունք ունեցող մի քանի ընկերություններ, սակայն դրանցից մեկի համար բարենպաստ պայմաններ են ստեղծվել: Երբ տնտեսվարողները ՀԴՄ սարքեր են ձեռք բերում պետական եկամուտների կոմիտեին առընթեր «ՀԴՄ-ների ներդրման գրասենյակից», տեղի մասնագետները նրանց ուղղորդում են սարքի տեխնիկական սպասարկման պայմանագիր կնքել «Սմարթ սոլուշնս» ընկերության հետ: Այս ընկերության սեփականատերերը փոխկապակցվում են ՊԵԿ նախկին նախագահ Վարդան Հարությունյանին և նախկին վարչապետ Կարեն Կարապետյանին։ Բաժնետերերից մեկը բժիշկ է, մյուսը՝ ռեստորանի մենեջեր, երկուսն էլ՝ կարծես անտեղյակ ընկերության գործունեության մանրամասներից։Չենք կարող ասել, թե ինչու է Պետական եկամուտների կոմիտեի ներկայիս ղեկավարությունը շահագրգռված աջակցել նախկին պաշտոնյաների հետ փոխկապակցված այս ընկերությանը, սակայն մենք ձեռք ենք բերել տվյալներ, որոնք ակնհայտ հուշում են՝ նրանց առնչվող բիզնեսը պետական հովանավորչություն է վայելում։ ՀԴՄ-ների սպասարկումը կայուն շահույթ է ապահովում նախկին պաշտոնայներին առնչվող ընկերության համարՏնտեսվարողները նոր սերնդի ՀԴՄ-ներ ձեռք բերելուց հետո պետք է կնքեն նաև սպասարկման պայմանագիր։ Սպասարկող ընկերությունը ամսական վճարի դիմաց պարտավորվում է նախ ՀԴՄ-ն միացնել ՊԵԿ-ի համակարգին, ապա տեխնիկական անսարքություններ առաջանալու դեպքում՝ վերանորոգել այն։Անկախ այն հանգամանքից՝ անսարքություն առաջացել է, թե ոչ, տնտեսվարողը պարտավոր է այդ ընկերությանը վճարել սպասարկման պայմանագրով սահմանված գումարը։ Նոր սերնդի ՀԴՄ սարքերի տեխնիկական սպասարկումն այժմ, ըստ ՊԵԿ-ի մեզ փոխանցած տեղեկության, իրականացնում են հինգ ընկերություններ՝ «Տոչ-Մաստեր», «ՀԴՄ-Շտրիխ», «Մերի-Քրիստ», «Սմարթ սոլուշնս» և «Թորփայս» ՍՊԸ-ները: Գործող օրենսդրությամբ՝ տնտեսվարողն ինքն է որոշում, թե որ ընկերության հետ պայմանագիր կնքի։ Առաջին երեք ընկերությունները սպասարկման ծառայությունը սկսել են 2013թ.-ից, երբ մեկնարկել էր նոր սերնդի ՀԴՄ-ների ներդրումը, իսկ «Սմարթ սոլուշնս» և «Թորփայս» ՍՊԸ-ները համեմատաբար նոր են այս ոլորտում։ «Սմարթ սոլուշնս»-ը նոր սերնդի ՀԴՄ-ների սպասարկմամբ, ըստ ՊԵԿ-ի մեզ փոխանցած տեղեկության, սկսել է զբաղվել 2017 թ.-ից։ Ու թեև ընդամենը մոտ երկու տարի է, ինչ ընկերությունը ՀԴՄ-ների տեխնիկական սպասարկող է, սակայն կարողանում է մրցակցային առավելություն ունենալ մյուս ընկերությունների նկատմամբ։Սպասարկող ընկերությունների գնային առաջարկների միջև տարբերություն չկա, մրցակցությունը կարող է լինել միայն սպասարկման որակը։ «Սմարթ սոլուշնս»-ը ընկերությունը հիմնադրվել է 2013 թվականին: Մեզ հայտնի չեն տվյալներ ընկերության նախկին գործունեությունից, սակայն ՀԴՄ-ների սպասարկման ոլորտ «Սմարթ սոլուշնս»-ը մտել է 2017թ.-ից, երբ մի քանի ամիս առաջ էր Պետական եկամուտների կոմիտեի նախագահ նշանակվել Վարդան Հարությունյանը, ում հետ փոխկապակցվում է այս ընկերությունը։ Հիշեցնենք, որ նույն տարվանից ՊԵԿ-ը որոշեց ՀԴՄ-ներ ներկրել չինական «Պաքս Թեքնոլոջի» ընկերությունից, որի հայաստանյան պաշտոնական ներկայացուցիչը «Սմարթ սոլուշնս» ընկերությունն է։Ընկերության միակ բաժնետերը «Եղիշանս» ՍՊԸ-ն է: «Եղիշանս»-ի բաժնետոմսերը, ըստ ընկերությունների գրանցման պետական ռեգիստրի, կիսում են Շանթ Եղիազարյանն ու Գոռ Անանյանը։ Փորձեցինք բաց աղբյուրներից գտնել տեղեկություններ Շանթ Եղիազարյանի և Գոռ Անանյանի մասին: Պարզվեց, որ Շանթ Եղիազարյանը աշխատում է Պետական եկամուտների կոմիտեի նախկին նախագահ Վարդան Հարությունյանին փոխկապակցվող «Արքայաձոր» ռեստորանային համալիրում։ Այս տեղեկությունը հաստատեցին նաև «Արքայաձոր»-ից, երբ, որպես հաճախորդ, խնդրեցինք ամրագրում կատարել և մեզ փոխանցեցին մենեջեր Շանթ Եղիազարյանի հեռախոսահամարը։Շանթ Եղիազարյանը մեզ հետ զրույցում չպատասխանեց, թե առհասարակ ինչ առնչություն ունի ՀԴՄ-ների սպասարկման ոլորտի հետ։ «Հինգ րոպեից զանգեք, ես հաշվապահին մի հատ կասեմ, կպատասխանի, լավ», - ասաց Շանթ Եղիազարյանը։ Շարունակությունը՝ hetq.am

06:16 - 16 մայիսի, 2019