ՌԴ

Ռուսաստանը (պաշտոնական անվանումը՝ Ռուսաստանի Դաշնություն) միջմայրցամաքային պետություն Եվրասիայի հյուսիսարևմտյան հատվածում։ Տարածքի հիմնական մասը գտնվում է Հյուսիսային Ասիայում, իսկ որոշակի հատված՝ նաև Արևելյան Եվրոպայում: ՌԴ-ն աշխարհի խոշորագույն պետությունն է և զբաղեցնում է երկրագնդի ցամաքային տարածքի 1/8-ը։ Բնակչության թվով 9-րդն է աշխարհում․ ըստ 2018-ի մարդահամարի տվյալների՝ ավելի քան 144 մլն մարդ։ Երկրի ազգաբնակչության 77%-ը կենտրոնացված է արևմուտքում՝ եվրոպական հատվածում։

Մայրաքաղաքն է Մոսկվան։ Վերջինս համարվում է Եվրոպայի խոշորագույն քաղաքը, ինչպես նաև խոշորագույններից մեկն ամբողջ աշխարհում։ ՌԴ նշանավոր քաղաքներից են նաև Սանկտ Պետերբուրգը, Նովոսիբիրսկը, Եկատերինբուրգը և Նիժնի Նովգորոդը։ Պետական լեզուն ռուսերենն է։ Խոշոր ազգային փոքրամասնություններն են թաթարները, ուկրաինացիները, բաշկիրները, հայերը, չուվաշները, չեչենները և այլն։

Ռուսաստանը նախագահական կառավարմամբ դաշնային հանրապետություն է, որտեղ նախագահը՝ պետության, իսկ վարչապետը՝ կառավարության ղեկավարն է։ ՌԴ գործող նախագահն է Վլադիմիր Պուտինը, վարչապետը՝ Միխայիլ Միշուստինը։

ՌԴ քաղաքացիություն չունեցողները տաքսի չեն կարողանա վարել |panarmenian.net|

panarmenian.net։ Տաքսոմոտորային փոխադրումների ոլորտում աշխատող օտարերկրյա ընկերությունները չեն կարողանա աշխատել Ռուսաստանի տարածքում՝ համապատասխան փոփոխությունները կատարվել են տաքսիների ագրեգատորների մասին օրինագծի երկրորդ ընթերցումից առաջ: Այդ մասին հայտարարել է ՌԴ Պետդումայի տրանսպորտի և շինարարության կոմիտեի ղեկավար Եվգենի Մոսկվիչևը, գրում է ՌԻԱ Նովոստին:Ըստ նրա, ՌԴ քաղաքացիություն չունեցող անձինք չեն կարողանա տաքսու վարորդ աշխատռել:«Մենք նաև վերջնականապես կամրագրենք օրենքում, որ տաքսիների օտարերկրյա վարորդներ չենք ունենալու: ՌԴ քաղաքացիություն չունեցող մարդն իրավունք չի ունենա որպես տաքսու վարորդ աշխատել ՌԴ տարածքում»,-ասել է նա:Տաքսու վարորդներին նաև կարգելեն ուղևորատար օգտագործման 7 տարին հատած ավտոմեքենաների օգտագործումը:Ըստ Պետդումայի ներկայացուցչի, օրենքն ուժի մեջ կմտնի 2019-ին:

12:24 - 27 մայիսի, 2019

Ռուսական ևս երկու քաղաքներում դադարեցրել են եկեղեցիների կառուցումը |azatutyun.am|

azatutyun.am։ Եկատերինբուրգում ուղղափառ եկեղեցի կառուցելու շուրջ սկանդալային զարգացումներից հետո երկու քաղաքներում՝ Չելյաբինսկում և Կրասնոյարսկում հրաժարվել են հանրային վայրում եկեղեցիներ կառուցելու մտադրությունից:Չելյաբինսկի քաղաքապետ Վլադիմիր Ելիստրատովն ասել է, որ Հարավուրալյան պետական համալսարանին հարող այգում եկեղեցի կառուցելու ծրագիրը սառեցվել է:«Պետք է հաշվի առնել Եկատերինբուրգի պատմությունը, եկեղեցի չի կառոուցվի, քանի դեռ չգիտենք բնակիչների կարծիքները»,- ասել է քաղաքապետը:Կրասնոյարսկի քաղաքապետ Սերգեյ Երյոմինն էլ է կասեցրել ուղղափառ եկեղեցու կառուցումը քաղաքային այգում:Եկատերինբուրգում հանրային այգում եկեղեցի կառուցելու նախաձեռնությունը բողոքի ակցիաների առիթ է դարձել:Քաղաքի իշխանությունները և Ռուսաց Ուղղափառ եկեղեցին ցանկանում էին Սուրբ Կատերինայի եկեղեցին կառուցել Եկատերինբուրգի հիմնադրման 300-ամյակի կապակցությամբ:Հանրային բողոքներից հետո եկեղեցու կառուցումն անորոշ ժամանակով սառեցվել է, սակայն այդ շինարարական ծրագրի ղեկավար Ալեքսանդր Անդրեևը հույս է հայտնել, որ եկեղեցին վաղ թե ուշ կկառուցվի:Սվերդլովսկի շրջանի նահանգապետ Եվգենի Կույվաշևն այսօր ասել է, որ եկեղեցու կառուցման հարցով վերջնական որոշումը կընդունվի Եկատերինբուրգում հանրհային հարցում անցկացնելուց հետո:

13:02 - 21 մայիսի, 2019

Ղրիմի պատկանելիության հարց գոյություն չունի. Պեսկովի պատասխանը Զելենսկիին |armtimes.com|

armtimes.com: Ղրիմի պատկանելության հարց գոյություն չունի և չի կարող ունենալ, դա Ռուսաստանի շրջաններից մեկն է: Այդ մասին հայտարարել է ՌԴ նախագահի մամուլի խոսնակ Դմիտրի Պեկովը` մեկանանելով Ուկրաինայի նոր նախագահ Վլադիմիր Զելենսկիի` ավելի վաղ արված հայտարարոթյունը: Նշվում է, որ Զելենսկին առաջնահերթ խնդիր է համարել Դոնբասում կրակի դադարեցումը և Ղրիմի վերադարձը:

11:43 - 20 մայիսի, 2019

Կրեմլը մեկնաբանել է Պուտինի և Թրամփի նոր հանդիպման հավանականությունը |tert.am|

tert.am։ Ռուսաստանի և ԱՄՆ նախագահներ Վլադիրմիր Պուտինի և Դոնալդ Թրամփի նոր հանդիպման անցկացման նախաձեռնությունը պետք է ամերիկյան կողմից լինի: Lenta.ru-ի փոխանցմամբ՝ այս մասին հայտարարել է ՌԴ նախագահի մամլո քարտուղար Դմիտրի Պեսկովը: Նա հիշեցրել է, որ Արգենտինայում 24 ժամվա ընթացքում չեղարկվել է երկու առաջնորդների՝ արդեն համաձայնեցված հանդիպումը: «Այս առումով, իհարկե, նախաձեռնությունը նոր հանդիպման համար պետք է ամերիկյան կողմից լինի», -պարզաբանել է Կրեմլի ներկայացուցիչը: Պեսկովի խոսքով՝ ռուսական կողմը տեղյակ է Պուտինի հետ հանդիպելու Թրամփի ցանկության մասին, սակայն ԱՄՆ պետքարտուղար Մայք Պոմպեոն Մոսկվա կատարած այցելության ժամանակ հստակ առաջարկներ չի արել Օսակայում անցկացվելիք G20-ի գագաթնաժողովի ժամանակ հանդիպում կազմակերպելու մասին: Միևնույն ժամանակ Պեսկովը հույս է հայտնել, որ հանդիպումը կկայանա: Նա նշել է, որ այն կարող է տեղի ունենալ «ոտքի վրա» կամ լիարժեք ձևաչափով:

13:03 - 19 մայիսի, 2019

Գրանցվել է Ռուսաստանի տնտեսության անկում |azatutyun.am|

azatutyun.am։ Ռուսաստանի տնտեսությունն այս տարվա առաջին կիսամյակում էապես կրճատվել է:Դա տեղի է ունեցել այն բանից հետո, երբ իշխանությունը կարգադրել է բարձրացնել ավելացված արժեքի հարկը, ինչի արդյունքում պահանջարկը շեշտակի նվազել է:Ռուսաստանի համախառն ներքին արդյունքն անցյալ տարվա նույն ժամանակահատվածի համեմատությամբ ավելացել է ընդամենը կես տոկոսով, ինչն ամենանվազ ավելացնում է վերջին շրջանում:Այդ մասին հայտնել է Ռուսաստանի Դաշնության պետական վիճակագրական ծառայությունը:Կառավարությունն ավելացված արժեքի հարկը 18-ից հասցրել է 20 տոկոսի: Որոշումն ուժի մեջ է մտել այս տարվա հունվարի 1-ից:Ռուսաստանի տնտեսական զարգացման նախարարությունը հայտարարել է, թե «տնտեսության անկումը կանխատեսելի է և բացատրվում է ներքին պահանջարկի անկման հանգամանքով»:Ավելացված արժեքի հարկը և կենսաթոշակի անցնելու տարիքային շեմը բարձրացնելու որոշումները խիստ դժգոհություն են առաջացրել Ռուսաստանում:

05:56 - 19 մայիսի, 2019

Բողոքի ակցիաներ, բախումներ Եկատերինբուրգում |azatutyun.am|

azatutyun.am: Ռուսաստանի Ուրալի տարածաշրջանի Եկատերինբուրգ քաղաքում բողոքի ակցիաներ են տեղի ունենում, որոնք ուղեկցվում են ցուցարարների և ոստիկանների միջև բախումներով: Առնվազն 30 մարդ բերման է ենթարկվել:Հարյուրավոր ցուցարարներ փողոց են դուրս եկել` թույլ չտալու համար սիրված զբոսայգու տեղում ռուսական ուղղափառ եկեղեցու շինարարությունը։

07:17 - 15 մայիսի, 2019

Պուտինն ու Պոմպեոն ոչինչ չեն խոսել ոչ Ուկրաինայի, ոչ էլ Մադուրոյի մասին. Ուշակով |tert.am|

tert.am: Ուկրաինական խնդիրը չի քննարկվել ՌԴ նախագահ Վլադիմիր Պուտինի և ԱՄՆ պետքարտուղար Մայք Պոմպեոյի` մայիսի 14-ին Սոչիում կայացած հանդիպման ժամանակ: Ոչինչ չի խոսվել նաև Վենեսուելայի նախագահ Նիկոլաս Մադուրոյի մասին: Նման հայտարարություն է արել Ռուսաստանի առաջնորդի օգնական Յուրի Ուշակովը:«Ես գրառել եմ գրեթե բոլոր հարցերը, որոնք քննարկել են նախագահն ու պետքարտուղարը: Ուկրաինայի մասին ոչինչ չի խոսվել, ես դա չեմ հիշատակել: Ընդհանրապես որևէ թեմա չի եղել Ուկրաինայի վերաբերյալ: Չի քննարկվել նաև Մադուրոյի ճակատագիրը»,- Ուշակովի խոսքերն է փոխանցում РИА Новости-ն:

05:56 - 15 մայիսի, 2019

«Մոսկվան է խոսում» ռադիոկայանը փակել է Սերգեյ Դորենկոյի հեղինակային հաղորդաշարը |tert.am|

tert.am: «Պոդյոմ» (Подъем) հաղորդաշարը, որի հեղինակն ու վարողը լրագրող Սերգեյ Դորենկոն էր, այլևս չի հեռարձակվի «Մոսկվան է խոսում» ռադիոկայանի եթերում, հաղորդում է Газета-ն՝ հղում անելով ռադիոկայանի տարածած հաղորդագրությանը: Աղբյուրի փոխանցմամբ՝ ռադիոկայանից հայտնել են, որ հաղորդաշարի փակվելու հետ կապված եթերի հեռարձակման ցանցում այսօրվանից փոփոխություններ կլինեն:

05:49 - 14 մայիսի, 2019

Երևանը ռուս զբոսաշրջիկների համար ամառային ճամփորդության ամենաէժան ուղղությունն է |tert.am|

tert.am: Ավիատոմսերի ամրագրման Biletix առցանց ծառայությունն ուսումնասիրել է ամառվա ամիսներին ինքնաթիռի տոմսերի արժեքները և կազմել ռուս զբոսաշրջիկների համար այդ ամիսներին ճամփորդելու առումով ամենաէժան երկրների ցանկը: Ինչպես գրում է gazeta.ru-ն, վարկանշային աղյուսակը գլխավորում է Երևանը: Պարզվում է՝ Դոնի Ռոստովից դեպի Երևան ամենաէժան ավիատոմսի արժեքը 6331 ռուբլի է, Կրասնոդարից դեպի Երևան թռիչքի տոմսը՝ 7131, իսկ Մոսկվա – Երևան չվերթի տոմսը՝ 10735 ռուբլի: Ռուսների համար ամենաէժան ուղղությունների ցանկում են հայտնվել նաև Բելառուսի մայրաքաղաք Մինսկը և Ղրղզստանի մայրաքաղաք Բիշքեկը:

13:38 - 12 մայիսի, 2019

ԱՄՆ պետքարտուղարությունից հայտնել են, թե ինչ թեմաներ է Պոմպեոն քննարկելու Պուտինի հետ |tert.am|

Վաշինգտոնը հետաքրքրված է Ռուսաստանի հետ հարաբերությունների բարելավմամբ և կարծում է, որ ԱՄՆ պետքարտուղար Մայք Պոմպեոյի Ռուսաստան կատարելիք այցի արդյունքները ցույց կտան նաև երկու երկրների նախագահների նոր հանդիպման կազմակերպան հեռանկարները: Ինչպես փոխանցում է ТАСС գործակալությունը, այս մասին ուրբաթ լրագրողներին հայտնել է Պետքարտուղարության ներկայացուցիչը: Նրա խոսքով՝ Վլադիմիր Պուտինի և Դոնալդ Թրամփի հնարավոր հանդիպման մասին պարզ կդառնա Սոչիում Պոմպեոյի և ՌԴ ղեկավարության բանակցություններից հետո: Միևնույն ժամանակ Պետքարտուղարության ներկայացուցիչն ընդգծել է, որ ԱՄՆ-ն ցանկանում է հասնել Ռուսաստանի հետ հարաբերությունների բարելավման: «Ռուսաստանի հետ հարաբերությունների բարելավումը կպատասխաներ մեր շահերին», ասել է դիվանագետը:

07:31 - 11 մայիսի, 2019

Ռուսաստանը կշարունակի աջակցել Բաքվին ու Երեւանին՝ ԼՂ հարցում փոխզիջումային լուծումներ գտնելու հարցում. ՌԴ ԱԳՆ |armtimes.com|

armtimes.com: Ռուսաստանի Դաշնության արտաքին գործերի նախարարությունը հաղորդագրություն է հրապարակել մայիսի 12-ին Ադրբեջանի, Հայաստանի եւ Լեռնային Ղարաբաղի միջեւ կնքված հրադադարի համաձայնագիրն ուժի մեջ մտնելու 25-ամյակի առթիվ: «ԼՂ հակամարտության կարգավորման գործընթացը բարդ է: Այն ապրում է վերելքներ ու անկումներ: Անհրաժեշտ է ժամանակ եւ մասնակիցների քաղաքական կամքը՝ կարգավորման առանցքային հայեցակետերի վերաբերյալ համաձայնություն ձեռք բերելու համար: Մենք տեսնում ենք կողմերի պատրաստակամությունը շարունակելու համատեղ աշխատանքը, որն ուղղված է կայուն խաղաղության հաստատմանը: Այս մասին, մասնավորապես, վկայում են Հայաստանի եւ Ադրբեջանի ղեկավարների՝ Վիեննայում կայացած հանդիպման եւ Մոսկվայում ԱԳ նախարարների հանդիպման արդյունքները», - ասվում է ՌԴ ԱԳՆ հաղորդագրության մեջ: Դրանում նաեւ նշվում է, որ Մոսկվան «կշարունակի ակտիվ աջակցություն ցուցաբերել Բաքվին ու Երեւանին ԼՂ հարցում փոխզիջումային հանգուցալուծումներ գտնելու հարցում։ Ինչպես նախկինում, կշարունակենք հետեւողական միջնորդական ջանքեր գործադրել՝ որպես ԵԱՀԿ Մինսկի խմբի համանախագահ ԱՄՆ-ի եւ Ֆրանսիայի հետ միասին»:

16:56 - 10 մայիսի, 2019

Շերեմետևոյում բռնկված օդանավում եղած 78 մարդկանցից ողջ են մնացել 37-ը |hetq.am|

Hetq.am: Մոսկվայի «Շերեմետևո» օդանավակայանում հրդեհված ինքնաթիռում եղած 78 մարդկանցից ողջ են մնացել 37-ը: Այս մասին հաղորդում է Ռուսաստանի քննչական կոմիտեի պաշտոնական կայքը: Հիշեցնենք, որ ավելի վաղ ՌԴ քննչական կոմիտեն հայտարարել էր 13 զոհի մասին: Ռուսաստանի քննչական կոմիտեի հաղորդագրությունը սկզբում տարբեր մեկնաբանությունների տեղիք էր տվել ռուսական ԶԼՄ-ներում, օրինակ՝ եթե 78 մարդկանցից ողջ են մնացել 37-ը, ապա ինչու միանգամից չի հայտարարվում 41 զոհի մասին: Մի քանի լրատվամիջոցներ էլ գրել էին, որ 37-ը փրկվել են, 13-ը՝ զոհվել, մնացած 28-ի ճակատագիրն էլ անհայտ է: Ավելի ուշ, այնուամենայնիվ ՌԴ քննչական կոմիտեի Մոսկվայի միջտարածքային վարչության ներկայացուցիչ Ելենա Մարկովսկայան վերջիվերջո հաստատեց, որ միջադեպի հետևանքով զոհվել է 41 մարդ:

05:17 - 06 մայիսի, 2019

Պենտագոնը նոր միջուկային զենքի ստեղծումը հիմնավորել է ՌԴ-ին «զսպելու» ծրագրերով |news.am|

Փոքր հզորության միջուկային զենքը ԱՄՆ-ին հարկավոր է Ռուսաստանին զսպելու համար, ԱՄՆ-ն չի նախատեսում դրա կիրառման շեմի նվազեցում, հայտարարել է Պենտագոնի ղեկավարի փոխտեղակալ Դեւիդ Թրահթենբերգը, փոխանցում է «ՌԻԱ Նովոստի»-ն: «Պատճառը, որ որոշեցինք գնալ փոքր հզորության միջուկային զենքի ստեղծման ճանապարհով, այն է, որ տեսնում ենք, թե ինչ են անում ռուսները, եւ դա մեծ մտահոգություն է առաջացնում»,- հայտարարել է նա Կոնգրեսում անցկացվող լսումներոմ:

06:37 - 02 մայիսի, 2019

Երեկ Ռուսաստանում ոստիկանությունը տասնյակ ցուցարարների է բերման ենթարկել |azatutyun.am|

azatutyun.am: Ոստիկանությունը ողջ Ռուսաստանով մեկ տասնյակ քաղաքացիների է բերման ենթարկել մայիսմեկյան հանրահավաքների և հակակառավարական ցույցերի ժամանակ, որոնց մասնակցում էին ընդդիմության ակտիվիստները, կոմունիստները և արհմիությունների անդամները: Սանկտ Պետերբուրգում իրավապահները ցրել են ընդդիմության հանրահավաքը և 69 հոգու բերման ենթարկել, երբ մասնակիցները նախագահ Վլադիմիր Պուտինին քննադատող կարգախոսներ են հնչեցրել։ Ակտիվիստներից ոմանք «Պուտինը գող է», « Սա մեր քաղաքն է» կարգախոսներ էին հնչեցնում, մյուսները «Պուտինն անմահ է» գրությամբ պաստառներով էին եկել: Բողոքի ցույցերի կազմակերպիչները նշում են, որ դրանք անցկացվել են Ռուսաստանի շուրջ երեք տասնյակ քաղաքներում:

06:24 - 02 մայիսի, 2019

Գերիների փոխանակումը նպաստում Է վստահության հաստատմանը հակամարտության գոտիներում.Սերգեյ Լավրով |armenpress.am|

armenpress.am: Ռուսաստանը հանդես Է գալիս «բոլորին՝ բոլորի հետ» սկզբունքով գերիների փոխանակման օգտին՝ հակամարտության գոտիներում վստահության հաստատման համար: Այդ մասին, ինչպես հաղորդել Է ՏԱՍՍ-ը, ապրիլի 30-ին Մոսկվայում կայացած մամուլի ասուլիսում հայտարարել Է ՌԴ արտաքին գործերի նախարար Սերգեյ Լավրովը: «Մենք միշտ Էլ բոլոր դեպքերում հանդես ենք գալիս նման իրավիճակների սպառիչ մարդասիրական լուծման օգտին, ներառյալ աճյունների փոխանակումը, ռազմագերիների, պահվող անձանց փոխանակումը «բոլորին՝ բոլորի հետ» սկզբունքով,-նշել Է ՌԴ դիվանագիտական գերատեսչության ղեկավարը: Եվ մենք գտնում ենք, որ դա կնպաստի հակամարտության գոտիներում վստահության մթնոլորտի հաստատմանը՝ լինի դա Լեռնային Ղարաբաղում, լինի դա Ուկրաինայի հարավ-արեւելքում»: Նախարարը հիշեցրել Է, որ այդ սկզբունքն Է դրված նաեւ Ուկրաինայի հակամարտության կարգավորման Մինսկի համաձայնություններում:

12:43 - 30 ապրիլի, 2019

Ռուսաստանը զիջել Է դիրքերն ամենամեծ ռազմական ծախսերով երկրների վարկանիշում |armenpress.am|

armenpress.am: Ռուսաստանի պաշտպանական բյուջեն կազմել Է 61,4 միլիարդ դոլար, այդ ցուցանիշով երկիրն զբաղեցրել Է վեցերորդ հորիզոնականը ռազմական ծախսերի համաշխարհային վարկանիշում: Այս մասին, ինչպես տեղեկացնում Է «Արմենպրես»-ը, հաղորդել Է ՏԱՍՍ-ը՝ հղում անելով Ստոկհոլմի Խաղաղության հիմնախնդիրների հետազոտությունների միջազգային ինստիտուտին: Նշվում Է, որ Ռուսաստանը 2006 թվականից ի վեր առաջին անգամ չի հայտնվել պաշտպանության ծախսերի ցուցանիշով երկրների հնգյակում: 2018 թվականին Մոսկվան 3,5 տոկոսով պակասեցրել Է ռազմական ծախսերը: Վարկանիշի առաջատարներն են դարձել ԱՄՆ-ը եւ Չինաստանը (համապատասխանաբար 649 եւ 250 միլիարդ դոլար): Նաեւ հնգյակ են մտել Սաուդյան Արաբիան, Հնդկաստանը եւ Ֆրանսիան:

08:19 - 29 ապրիլի, 2019