ԱՄՆ

Ամերիկայի Միացյալ Նահանգները դաշնային սահմանադրական հանրապետություն է Հյուսիսային Ամերիկայում, որը բաղկացած է որոշակի ինքնավարություն ունեցող 50 նահանգներից և դաշնային նշանակության Կոլումբիա մարզից։ Ամերիկայի Միացյալ Նահանգները հյուսիսում սահմանակցում է Կանադային, հարավում՝ Մեքսիկային, ծովային սահման ունի Ռուսաստանի հետ։

Մայրաքաղաքը՝ Վաշինգտոն, տարածքը 9,826,675 կմ² է։ 2019 թվականին դրությամբ բնակչությունը կազմում է 328 239 523 մարդ։ Գործող նախագահը Ջոզեֆ Բայդենն է։

Ամերիկայի Միացյալ Նահանգները ներկայումս անդամակցում է ՄԱԿ-ի Անվտանգության Խորհրդին, Հյուսիսատլանտյան դաշինքին, Առևտրի համաշխարհային կազմակերպությանը, Տնտեսական համագործակցության և զարգացման կազմակերպությանը և այլ միջազգային կազմակերպությունների։

Սալիվանը Մակրոնի խորհրդականի հետ հանդիպմանը քննարկել է ՆԱՏՕ-ին, Ռուսաստանին, Չինաստանին և Իրանին առնչվող հարցեր |tert.am|

tert.am: ԱՄՆ նախագահի՝ ազգային անվտանգության հարցերով օգնական Ջեք Սալլիվանը Վաշինգտոնում հանդիպել է Ֆրանսիայի նախագահի խորհրդական Էմանուել Բոննի հետ և քննարկել ՆԱՏՕ-ի, Ռուսաստանի, Չինաստանի և Իրանի վերաբերյալ օրակարգային հարցեր, հաղորդում է ТАСС-ը:

09:48 - 04 հունիսի, 2021

ԱՄՆ-ը պարգեւ Է հայտարարել իսլամական Մահրիբում «Ալ Քաիդա»-ի պարագլխի մասին տվյալների դիմաց |armenpress.am|

armenpress.am: ԱՄՆ-ը 7 միլիոն դոլարի պարգեւ Է հայտարարել իսլամական Մահրիբում «Ալ Քաիդա» ահաբեկչական խմբավորման պարագլուխ Աբու Ուբայդե ալ Անաբիի վերաբերյալ տեղեկատվության դիմաց: Այդ մասին հաղորդել Է Պետդեպարտամենտը: Ալժիրցի զինյալ ալ Անաբին, ինչպես կարծում են ամերիկյան իշխանությունները, խմբավորումը գլխավորել Է նրա առաջին «Էմիր» Աբդելմալեք Դրուքդելին՝ Մալիում ֆրանսիական հատուկ նշանակության ուժերի կողմից վերացվելուց հետո: Ալ Անաբին 2015 թվականից գտնվում Է ԱՄՆ-ի պատժամիջոցների ցուցակի մեջ, իսկ 2016 թվականից նա հիշատակվում Է ՄԱԿ-ի պատժամիջոցների ցուցակում: Պետդեպարտամենտը հիշեցնում Է, որ «Ալ Քաիդա»-ն իսլամական Մահրիբում ստանձնել Է մի շարք ահաբեկչությունների, այդ թվում՝ ամերիկացիների առեւանգման եւ սպանության, համար պատասխանատվությունը: 2006 թվականից խմբավորումը պատկանում Է «Ալ Քաիդա»-ի «ֆրանշիզային»՝ հանդիսանալով նրա մասնաճյուղը Աֆրիկայի մի շարք երկրներում: Պետդեպարտամենտը հիշեցնում Է, որ «Պարգեւատրում հանուն արդարության» ծրագրի շրջանակներում 1984 թվականից ի վեր ավելի քան 200 միլիոն դոլար Է վճարել 200-ից ավելի մարդկանց մասին տեղեկատվության դիմաց, հաղորդել Է ՌԻԱ Նովոստին:

16:20 - 03 հունիսի, 2021

Բլինքենը Տաջիկստանի ԱԳ նախարարի հետ հեռախոսազրույցում վերահաստատել է ԱՄՆ-ի դիրքորոշումը Տաջիկստանի տարածքային ամբողջականությանը աջակցելու վերաբերյալ |tert.am|

tert.am: ԱՄՆ պետքարտուղար Էնթոնի Բլինկենը հեռախոսազրույց է ունեցել Տաջիկստանի արտգործնախարար Սիրոջիդդին Մուհրիդդիննի հետ և քննարկել ղրղզա-տաջիկական սահմանին առկա իրավիճակը, հայտնել է Պետքարտուղարության խոսնակ Նեդ Փրայսը: «Ցավակցություն հայտնելով ղրղզա-տաջիկական սահմանին տեղի ունեցած վերջին բախումների հետևանքով զոհերի կապակցությամբ՝ պետքարտուղարն ընդգծել է ռազմական գործողությունների դադարեցման, սահմանների ճշգրտման և խնդրի երկարաժամկետ կարգավորման հասնելու անհրաժեշտությունը: Պետքարտուղարը նշել է նաև տարածաշրջանային կապերի զարգացման, մարդու իրավունքների և հիմնարար ազատությունների պահպանմնաանհրաժեշտությունը»,- ըստ Պետքարտուղարության հաղորդագրության՝ ասել է Փրայսը: Բլինքենը շեշտել է ԱՄՆ-ի անփոփոխ դիրքորոշումը Տաջիկստանի տարածքային ամբողջականությանն աջակցելու իմաստով: Նա շնորհակալություն է հայտնել տաջիկստանցի իր գործընկերոջը տարածաշրջանային անվտանգության հարցերում, մասնավորապես՝ Աֆղանստանի հարցով խաղաղ բանակցություններում, ահաբեկչության դեմ պայքարի հարցում կատարած զգալի աշխատանքի համար С5+1 ձևաչափում: Կողմերը պայմանավորվել են ամենամյա երկկողմ մակարդակում խորհրդակցություններ անցկացնելու և համագործակցության օրակարգին վերաբերող հարցերը քննարկելու վերաբերյալ:

09:53 - 02 հունիսի, 2021

ՆԱՏՕ-ի ակտիվությանն ի պատասխան ՌԴ-ն իր արևմտյան սահմանների մոտ նոր ռազմական միավորումներ կստեղծի․ Շոյգու |tert.am|

tert.am: Մինչև տարեվերջ ՌԴ արևմտյան ռազմական օկրուգում կհայտնվի շուրջ 20 նոր միավորում և զորամաս, հայտնել է երկրի պաշտպանության նախարար Սերգեյ Շոյգուն, փոխանցում է ria.ru-ն։ Նրա խոսքով՝ դա կլինի ԱՄՆ-ի գլխավորությամբ ՆԱՏՕ-ի երկրների՝ ռուսական սահմանների մոտ թռիչքների ինտենսիվության ու ռազմանավերի ներկայության մեծացման պատասխանը։ «Մեր արևմտյան գործընկերների գործողությունները ոչնչացնում են աշխարհում անվտանգության համակարգը և ստիպում են մեզ համարժեք միջոցներ ձեռնարկել դրանց հակազդելու համար։ Մենք մշտապես կատարելագործում ենք մեր զորքերի մարտական հզորությունը»,- հայտարարել է Շոյգուն՝ նշելով, որ նոր ստորաբաժանումներն ապահովված կլինեն ժամանակակից սպառազինությամբ և տեխնիկայով։

15:29 - 31 մայիսի, 2021

Հրաձգություն Մայամիում. կա 2 զոհ, 25 վիրավոր |armtimes.com|

armtimes.com: ԱՄՆ-ի Ֆլորիդա նահանգի Մայամի քաղաքի հանդիսությունների սրահում հրաձգություն է սկսվել, ինչի հետևանքով երկու մարդ է զոհվել, 25-ը վիրավորվել են, հաղորդում է Fox News- ը: Ըստ նախնական տեղեկությունների՝ երեք զինված տղամարդ Country Club առևտրի կենտրոնի հանդիսությունների սրահին են մոտեցել սպիտակ մեքենայով և կրակել ներկաների վրա: Կրակողների ինքնությունը դեռ պարզված չէ, վիրավորներից մեկը ծայրահեղ ծանր վիճակում է: Մայիսի 29-ին էլ, դարձյալ Մայամիում, անհայտ անձինք անկանոն կրակել էին փողոցում՝ վիրավորում պատճառելով յոթ մարդու:

19:52 - 30 մայիսի, 2021

Բաքվում ԱՄՆ դեսպանությունը Ադրբեջանին կոչ է անում անհապաղ ազատ արձակել բոլոր գերիներին |1lurer.am|

1lurer.am: Բաքվում ԱՄՆ դեսպանությունը Թվիթերի իր միկրոբլոգում գրառում է կատարել՝ կապված հայ-ադրբեջանական սահմանին տիրող լարվածության և վեց հայ զինվորների գերեվարման հետ: Ամերիկյան դիվանագիտական առաքելությունը մասնավորապես գրել է. «ԱՄՆ-ը մտահոգված է Հայաստանի ու Ադրբեջանի սահմանի երկայնքով տեղի ունեցող վերջին զարգացումներով, ինչպես նաև ադրբեջանական զինված ուժերի կողմից մի քանի հայ զինվորների գերեվարմամբ: Երկու կողմերին կոչ ենք անում այս միջադեպը կարգավորել խաղաղ ճանապարհով, իսկ Ադրբեջանին կոչ ենք անում անհապաղ ազատ արձակել բոլոր գերեվարվածներին»,- նշվում է գրառման մեջ:

17:24 - 29 մայիսի, 2021

Կոնգրեսական Ֆրենկ Փալոունը անդրադարձել է ՀՀ սահմանին Ադրբեջանի ագրեսիային |1lurer.am|

1lurer.am: ԱՄՆ հանրապետական կոնգրեսական Ֆրենկ Փալոունը Թվիթերի իր միկրոբլոգում անդրադարձել է Հայաստանի սահմանին ադրբեջանական ագրեսիային՝ նշելով, որ ԱՄՆ Կոնգրեսի հայկական հարցերով հանձնախումբը հայտարարությամբ է հանդես եկել՝ Հայաստանի միջազգային սահմանին Ադրբեջանի շարունակվող ագրեսիվ գործողությունների հետ կապված: Հայտարարության մեջ մասնավորապես ասվում է. «Մենք խիստ մտահոգված ենք Հայաստանի տարածքում՝ Գեղարքունիքի մարզում և հարակից շրջաններում ադրբեջանական զինված ուժերի շարունակվող գործողություններով, որոնց հետևանքով հայ զինվոր է զոհվել, ևս վեց զինվորական գերեվարվել է: ԱՄՆ պետքարտուղարությունը պետք է պատասխանատվության ենթարկի Ալիևին իր մահացու ագրեսիայի համար: Մենք կշարունակենք աշխատել Բայդենի վարչակազմի և մեր գործընկերների հետ, որպեսզի երաշխավորվի, որ ԱՄՆ-ն օգտագործում է առկա դիվանագիտական բոլոր գործիքները, այդ թվում՝ պատժամիջոցները՝ այս վայրագություններին վերջ տալու համար: ԱՄՆ-ն պետք է մի շարք շոշափելի գործողություններ իրականացնի՝ խաղաղությունն ապահովելու և պատասխանատվության ենթարկելու համար»:

12:21 - 29 մայիսի, 2021

Բայդենի վարչակազմը Հայաստանին առաջարկում է ավելի քան 24 միլիոն դոլարի հետպատերազման օգնության փաթեթ |armenpress.am|

armenpress.am: ԱՄՆ նախագահ Ջո Բայդենի վարչակազմը Հայաստանին 24.005.000 միլիոն դոլորի հետպատերազմյան օգնության փաթեթ է առաջարկում: Այս մասին հայտնում է ԱՄՆ Հայ դատի հանձնախումբը: Նշվում է, որ ԱՄՆ օրենսդիրները մեկ անգամ չէ, որ կոչ են արել Հայաստանին ու Արցախին նվազագույնը 100 միլիոն դոլարի օգնություն հատկացնել: ԱՄՆ Հայ դատի հանձնախմբի գործադիր տնօրեն Արամ Համփարյանն ընդգծել է, որ Հայաստանի համար նախատեսված բյուջեի չափը Հայաստանում և Արցախում հումանիտար ճգնաժամի պայմաններում շատ հեռու է այն հիմնական կարիքներից, որոնց բախվում են տասյնակ հազարավոր հայեր, որոնք տեղահանվել են Բաքվի կողմից իրականացված էթնիկ զտման հետևանքով: Բյուջեի առանձին հոդվածով նախատեսվում է 6.050.000 դոլար հատկացնել Հայաստանի իրավապահ մարմիններին՝ թմրանյութերի տարածման դեմ միջազգային պայքարի համար:

12:03 - 29 մայիսի, 2021

ԱՄՆ-ն պատժամիջոցներ կսահմանի Բելառուսի նկատմամբ` Ryanair-ի ինքնաթիռի շուրջ առկա միջադեպի ֆոնին |tert.am|

tert.am: Բելառուսի նկատմամբ ԱՄՆ-ի իշխանությունների կողմից սահմանված պատժամիջոցների հետևանքով Վաշինգտոնը կկասեցնի Միացյալ Նահանգների և Բելառուսի միջև օդային երթևեկության մասին համաձայնագիրը։ ԱՄՆ-ի իշխանությունները պատժամիջոցներ կսահմանեն Բելառուսի 9-ը պետական ձեռնարկությունների նկատմամբ և գործընկերների հետ նպատակային պատժամիջոցներ կմշակեն՝ Ալեքսանդր Լուկաշենկոյի իշխանության ներկայացուցիչների դեմ՝ Ryanair ինքնաթիռի հետ կապված միջադեպի պատճառով:Այս մասին հաղորդել է Սպիտակ տան մամուլի խոսնակ Ջեն Փսակին, հայտնում է Սպիտակ տան պաշտոնական կայքը։«2021 թվականի հունիսի 3-ից Միացյալ Նահանգները պատժամիջոցներ կսահմանի Բելառուսի 9-ը պետական ձեռնարկությունների նկատմամբ, որոնք նախկինում Ֆինանսների նախարարության մի շարք ընդհանուր լիազորագրերով արտոնություններ էին ստացել», - ասել է Փսակին։Պատժամիջոցների կիրառումից հետո ԱՄՆ-ի քաղաքացիներին կարգելվի այդ կազմակերպությունների հետ գործարքների գնալ։ Կդադարեցվի 2019 թվականին ԱՄՆ-ի և Բելառուսի միջև ստորագրված օդային երթևեկության մասին համաձայնագիրը:Բացի վերոնշյալ պատժամիջոցներից, ամերիկյան ավիափոխադրողները նախազգուշացվել են՝ Բելառուսի օդային տարածքում զգուշություն ցուցաբերելու համար, իսկ քաղաքացիներին զգուշացվել է չմեկնել Բելառուս։Փսակիի խոսքով` այս քայլերը նպատակ ունեն ցույց տալ ԱՄՆ-ի նվիրվածությունը բելառուս ժողովրդին և իշխանությանը պատասխանատվության ենթարկել իր գործողությունների համար։ Նա կոչ է արել Լուկաշենկոյին՝ ազատ արձակել քաղբանտարկյալներին, հետաքննություն անցկացնել Ryanair ինքնաթիռի անհապաղ վայրէջքի հետ կապված միջադեպի շուրջ, երկխոսություն սկսել ընդդիմության և իշխանության միջև, ինչը կհանգեցնի ազատ և արդար նախագահական ընտրությունների անցկացմանը՝ ԵԱՀԿ հովանու ներքո։

10:59 - 29 մայիսի, 2021

ԵԱՀԿ Միսնկի խմբի համանախագահները կոչ են արել ազատ արձակել բոլոր ռազմագերիներին, վերատեղակայել զորքերը |armenpress.am|

16:40 - 28 մայիսի, 2021

Բոբ Մենենդեսը դատապարտել է հայ զինվորների գերեվարումն Ադրբեջանի զինված ուժերի կողմից |armenpress.am|

armenpress.am: ԱՄՆ Սենատի Արտաքին հարաբերությունների հանձնաժողովի նախագահ Բոբ Մենենդեսը դատապարտել է հայ զինվորների գերեվարումը Ադրբեջանի զինված ուժերի կողմից: «Միանշանակ դատապարտում եմ վերջերս հայ զինվորների գերեվարումը Ադրբեջանի զինված ուժերի կողմից: Ադրբեջանի ագրեսիան միայն ավելի է բորբոքում լարվածությունը: Ես պահանջում եմ զինվորների արագ վերադարձը»,- այս մասին սենատորը գրառում է կատարել «Թվիթեր»-ում:

12:08 - 28 մայիսի, 2021

ԱՄՆ-ը պատրաստ է աջակցել ԼՂ հակամարտության երկարատև քաղաքական կարգավորման բանակցություններին. Բլինքեն

Ամերիկայի Միացյալ Նահանգները՝ որպես ԵԱՀԿ Մինսկի խմբի համանախագահ երկիր, շարունակում է հավատարիմ մնալ Լեռնային Ղարաբաղի հակամարտության երկարաժամկետ քաղաքական կարգավորման բանակցություններում կողմերին աջակցելու հանձնառությանը: Այս մասին ասված է ԱՄՆ պետքարտուղար Էնթոնի Բլինքենի՝ Ադրբեջանի Հանրապետության օրվա առթիվ հղած ուղերձում: Ուղերձում նաև նշված է. որ ԱՄՆ-ն պատրաստ է աջակցել կողմերին մարտական գործողությունների հետևանքով առաջացած մարդասիրական խնդիրները վերացնելու հարցում, որոնք են բոլոր պահվող անձանց ազատ արձակումը, անհետ կորածների որոնման աշխատանքները, աճյունների փոխանակման գործընթացը:

11:33 - 28 մայիսի, 2021

Բելառուսը բողոքի նոտաներ է հղել 8 երկրի՝ Ryanair-ի ինքնաթիռի հետ կապված միջադեպի պատճառով

ՄԱԿ-ում Բելառուսի մշտական առաքելությունը բողոքի նոտաներ է հղել 8 երկրի առաքելություններին, որոնք հայտարարություն են տարածել Ryanair ավիաընկերության չվերթի հետ կապված միջադեպի վերաբերյալ: Այս մասին հայտնել է երկրում ՄԱԿ-ի մշտական առաքելության ղեկավար Վալենտին Ռիբակովը, գրում է EurAsia Daily-ն:Բողոքի նոտան ուղարկվել է Էստոնիա, Ֆրանսիա, Իռլանդիա, Նորվեգիա, Մեծ Բրիտանիա, ԱՄՆ, Բելգիա և Գերմանիա՝ այն բանից հետո, երբ չորեքշաբթի Ֆրանսիան, Իռլանդիան և Էստոնիան ՄԱԿ-ի Անվտանգության խորհրդում նախաձեռնել են փակ քննարկում Մինսկում ինքնաթիռի վայրէջքի շուրջ ստեղծված իրավիճակի հարցով:Արդյունքում, 8 երկիր, որոնց նկատմամբ այժմ բողոք է հայտնել Մինսկը, հանդես են եկել հայտարարությամբ: Նրանք պնդում են, որ Ryanair-ի վայրէջքը Մինսկում կանխամտածված է եղել և կատարվել է շինծու դրդապատճառներով: Բացի այդ, հայտարարության հեղինակները կոչ են անում ազատ արձակել NEXTA թելեգրամյան ալիքի նախկին գլխավոր խմբագիր Ռոման Պրոտասևիչին ու նրա ընկերուհուն՝ Սոֆյա Սապեգային:«Մենք բողոքի նոտա ենք հղել նույն բովանդակությամբ այս հայտարարությունն արած բոլոր 8 երկրներին: Դրանում մենք նշել ենք, որ այս դեպքի վերաբերյալ ցանկացած կարծիքների և գնահատականների հրապարակումը, նախքան համապատասխան քննություն իրականացնելը և համապատասխան արդյունքներ ստանալը, ՄԱԿ-ի ինքնիշխան անդամ պետության իրավունքի խախտման վառ օրինակ է»,- ասել է Ռիբակովը:Մշտական ներկայացուցիչն անթույլատրելի է համարել ցանկացած հայտարարության հրապարակումը «նախքան պաշտոնական հետաքննության իրականացումն իրավասու կառույցների (առաջին հերթին ՝ Քաղաքացիական ավիացիայի միջազգային կազմակերպության) կողմից, որոնք իրավունք ունեն նման հետաքննություններ իրականացնել»:

11:09 - 28 մայիսի, 2021

ԱՄՆ-ը եւ Եվրոպայի մի շարք երկրներ հայտարարել են, որ Սիրիայում ընտրություններն արդարացի ու ազատ չեն լինի |armenpress.am|

17:20 - 26 մայիսի, 2021

ԱՄՆ-ն դեռևս չի պատրաստվում իր զորակազմին դուրս բերել Սիրիայից․ Պենտագոն |tert.am|

tert.am: Ամերիկյան զորակազմը դեռևս գտնվում է Սիրիայում, քանի որ, Վաշինգտոնի կարծիքով, այդ երկրում դեռ չի վերացվել ահաբեկչական սպառնալիքը։ Այս մասին երեքշաբթի լրագրողներին հայտնել է Պենտագոնի մամուլի քարտուղար Ջոն Քիրբին: «Ոչինչ չի փոխվել Սիրիայում մեր առաքելության հարցում, որը վերաբերում է «Իսլամական պետության» դեմ պայքարին։ ԱՄՆ-ի ներկայությունը Սիրիայում քիչ է, 1000-ից էլ պակաս զորակազմ»,- ասել է նա։ Հարցին, թե արդյոք ամերիկյան զորակազմը Սիրիայի տարածքում կմնա մինչև «երկրի լիակատար վերականգնումը», մամուլի քարտուղարը պնդել է՝ «ԱՄՆ-ն Սիրիայի տարածքում է գտնվում միայն ԻՊ-ին հակազդելու համար և ներգրավված չէ երկրում ընթացող այլ գործընթացներին»։ Պենտագոնի պաշտոնական ներկայացուցչի խոսքով՝ ամերիկյան զորակազմի ներկայությունը շարունակելու մասին հարցը կդատեն «ահաբեկչությունների սպառնալիքի լրջությամբ»:

10:22 - 26 մայիսի, 2021

Կրեմլից հաստատել են Պուտին-Բայդեն հանդիպման վայրն ու օրը. կողմերը քննարկելու են տարածաշրջանային հակամարտությունների կարգավորումը |tert.am|

tert.am: Ռուսաստանի նախագահ Վլադիմիր Պուտինը, ձեռք բերված պայմանավորվածության համաձայն, հունիսի 16-ին Ժնևում հանդիպում կանցնացնի ԱՄՆ նախագահ Ջոզեֆ Բայդենի հետ: Այս մասին հաղորդում է Կրեմլի մամուլի ծառայությունը:«Նախատեսվում է քննարկել ռուս-ամերիկյան հարաբերությունների իրավիճակն ու հետագա զարգացման հեռանկարները, ռազմավարական կայունության խնդիրները, ինչպես նաև միջազգային օրակարգի արդիական հարցեր, այդ թվում՝ պայքարը կորոնավիրուսի համավարակի դեմ և տարածաշրջանային հակամարտությունների կարգավորումը»,- ասվում է Կրեմլի հաղորդագրության մեջ:

19:58 - 25 մայիսի, 2021