Նիկոլ Փաշինյան

Նիկոլ Վովայի Փաշինյան, ՀՀ գործող վարչապետն է։ ՀՀ Ազգային ժողովի նախկին պատգամավոր, «Քաղաքացիական պայմանագիր» կուսակցության վարչության անդամ։

Ծնվել է 1975 թվականի հունիսի 1-ին՝ Իջեւան քաղաքում։ 1999-2012 թվականներին եղել է քաղաքական ուղղվածության «Հայկական ժամանակ» օրաթերթի գլխավոր խմբագիրը, 2012 թվականի մայիսի 6-ից մինչեւ վարչապետի պաշտոնում ընտրվելը՝ Հայաստանի Հանրապետության Ազգային ժողովի պատգամավոր` ընդդիմադիր «Ելք» խմբակցությունից։ Որպես կուսակցական գործիչ համարվում է «Քաղաքացիական պայմանագիր» կուսակցության, ինչպես նաեւ «Իմպիչմենտ» եւ «Ելք» դաշինքների համահիմնադիր։

2018 թվականին Սերժ Սարգսյանի երրորդ պաշտոնավարման դեմ պայքարող Նիկոլ Փաշինյանը սկսում է «Իմ քայլը» նախաձեռնությունը եւ իր համախոհների հետ միասին Գյումրուց քայլարշավով ուղեւորվում Երեւան։ Գործողությունների արդյունքում ապրիլի 23-ին Սերժ Սարգսյանը հրաժարական է տալիս։

Մայիսի 8-ին Փաշինյանն ընտրվում է Հայաստանի Հանրապետության 16-րդ վարչապետ։ Վարչապետի պաշտոնում Նիկոլ Փաշինյանը վերընտրվում է 2018-ի դեկտեմբերի և 2021-ի հունիսի խորհրդարանական արտահերթ ընտրությունների ժամանակ;

Նիկոլ Փաշինյանի պարտավոր է անհապաղ հրաժարական տալ ՀՀ վարչապետի պաշտոնից. Կոնսերվատորիայի մի խումբ դասախոսներ հանդես են եկել հայտարարությամբ

Կոմիտասի անվան Երևանի պետական կոնսերվատորիայի մի խումբ դասախոսներ հանդես են եկել հայտարարությամբ՝ պահանջելով Նիկոլ Փաշինյանի հրաժարականը: Հայտարարությունը՝ ստորև. «Մենք, Կոմիտասի անվան Երևանի պետական կոնսերվատորիայի ներքոստորագրյալ դասախոսներս, ամբողջ Հայ ազգի հետ միասին խորը մտահոգված լինելով մեր երկրում ստեղծված իրավիճակով, Քաջ գիտակցելով, որ Արցախի կորուստը և աղետաբեր պատերազմը հետևանք են առնվազն ՀՀ կառավարության և վարչապետի անհեռատես և չմտածված քաղաքականության և կառավարման ունակություններից ակնհայտորեն զուրկ լինելու, Գիտակցելով, որ 2018 թվականի մայիսից մինչ օրս վարչապետ Ն.Փաշինյանը և իր գլխավորած քաղաքական ուժը ամեն ինչ արել են երկրում անկայուն վիճակ ստեղծելու, հասարակությանը պառակտելու, դեմագոգիայի միջոցով հանրության լայն զանգվածներին մոլորեցնելու, պետությունը ներսից թուլացնելու համար Եզրահանգելով, որ վարչապետ Ն.Փաշինյանը իր ղեկավարման ընթացքում չի կարողացել առաջարկել որևէ իրական միտք կամ գաղափար Հայաստանի տնտեսությունը զարգացնելու, ինչպես նաև չի առաջարկել մշակույթի և արվեստի զարգացման որևէ իրատեսական կամ խելամիտ զարգացման ծրագիր, Համոզված լինելով, որ կապիտուլյացիայի խայտառակ և ազգակործան ակտը ստորագրելուց հետո, Ն.Փաշինյանը չունի որևէ բարոյական իրավունք ներկայացնելու Հայոց պետությունը թե երկրի ներսում, թե առավել ևս ՝ աշխարհի այլ երկրների հետ հարաբերություններում՝ Հայտարարում ենք՝ Նիկոլ Փաշինյանի պարտավոր է անհապաղ հրաժարական տալ ՀՀ վարչապետի պաշտոնից»: 1․Էդուարդ Թադևոսյան, ջութակահար, ՀՀ ժողողովրդական արտիստ, միջազգային մրցույթների դափնեկիր, ԵՊԿ պրոֆեսոր 2․Գագիկ Սմբատյան, ջութակահար, ՀՀ արվեստի վաստակավոր գործիչ, ԵՊԿ պրոֆեսոր 3․Վարդ Մանուկյան, կոմպոզիտոր, ՀՀ արվեստի վաստակավոր գործիչ, ԵՊԿ պրոֆեսոր 4․Միխայիլ Կոկժաև, կոմպոզիտոր, ՀՀ արվեստի վաստակավոր գործիչ, արվեստագիտության թեկնածու, Բնագիտության եվրոպական ակադեմիայի ակադեմիկոս, «Արարատ» փարիզյան ակադեմիայի պատվավոր անդամ-թղթակից, ԵՊԿ պրոֆեսոր 5․Շահինյան Շահեն, ջութակահար, ՀՀ արվեստի վաստակավոր գործիչ, ԵՊԿ պրոֆեսոր 6․Անահիտ Ներսիսյան, դաշնակահար, ՀՀ արվեստի վաստակավոր գործիչ, ԵՊԿ պրոֆեսոր 7․Արամ Թալալյան, թավջութակահար, ՀՀ վաստակավոր արտիստ, ԵՊԿ դեկան 8․Մարտին Վարդազարյան, կոմպոզիտոր, ՀՀ ժողողովրդական արտիստ, ԵՊԿ պրոֆեսոր 9․Աննա Մայիլյան, մեներգչուհի, ՀՀ վաստակավոր արտիստ, ԵՊԿ պրոֆեսոր 10․Մարինե Դեինյան, օպերային երգչուհի, ՀՀ վաստակավոր արտիստ, ԵՊԿ պրոֆեսոր 11․Հասմիկ Լեյլոյան, քանոնահար, ՀՀ ժողողովրդական արտիստ, միջազգային մրցույթների դափնեկիր, ոսկե մեդալակիր, ԵՊԿ պրոֆեսոր 12․Հասմիկ Հացագործյան, մեներգչուհի, ՀՀ վաստակավոր արտիստ, ԵՊԿ պրոֆեսոր 13․Քրիստինե Սահակյան, օպերային երգչուհի, ՀՀ վաստակավոր արտիստ, ԵՊԿ դոցենտ 14․Արմենուհի Սեյրանյան, օպերային երգչուհի, ՀՀ վաստակավոր արտիստ, ԵՊԿ պրոֆեսոր 15․Էմմա Պետրոսյան, երգչուհի, ՀՀ վաստակավոր արտիստ, ԵՊԿ դոցենտ 16․Կարինե Օհանյան, դաշնակահարուհի, ՀՀ վաստակավոր արտիստ, ԵՊԿ պրոֆեսոր 17․Սերգեյ Սարաջյան, դաշնակահար, ԵՊԿ պրոֆեսոր 18․Վաղարշակ Հարությունյան, դաշնակահար, ԵՊԿ պրոֆեսոր 19․Մարգարիտ Սարգսյան, դաշնակահար, ԵՊԿ պրոֆեսոր 20․Իրինա Բադալյան, դաշնակահարուհի, ԵՊԿ կամերային ամբիոնի վարիչ, պրոֆեսոր 21․Գայանե Հովհաննիսյան, դաշնակահարուհի, ԵՊԿ պրոֆեսոր 22․Ջուլիետա Խաչատրյան, դաշնակահարուհի, միջազգային մրցույթների դափնեկիր, ԵՊԿ պրոֆեսոր 23․Հասմիկ Պետրոսյան, դաշնակահարուհի, ԵՊԿ պրոֆեսոր 24․Լիանա Գասպարյան, դաշնակահարուհի, ԵՊԿ պրոֆեսոր 25․Սուսաննա Երիցյան, դաշնակահարուհի, ԵՊԿ պրոֆեսոր 26․Գոհար Թորոյան, դաշնակահարուհի, ԵՊԿ պրոֆեսոր 27․Հարություն Արզումանյան, դիրիժոր, ԵՊԿ պրոֆեսոր 28․Սվետլանա Դավթյան, դաշնակահարուհի, ԵՊԿ պրոֆեսոր 29․Արմինե Մոկացյան, դաշնակահարուհի, ԵՊԿ պրոֆեսոր 30․Աննա Պողոսյան, մեներգչուհի, միջազգային մրցույթների դափնեկիր, ոսկե մեդալակիր, ԵՊԿ դոցենտ 31․Գեորգի Սարաջյան, դաշնակահար, ԵՊԿ դոցենտ 32․Սյուզաննա Համբարձումյան, դաշնակահարուհի, ԵՊԿ դոցենտ 33․Ջուլիետա Նազարյան, օպերային երգչուհի, ԵՊԿ դոցենտ 34․Աննա Խաչատրյան, դաշնակահարուհի, ԵՊԿ դոցենտ 35․Հայկանուշ Խաչատրյան, դաշնակահարուհի, ԵՊԿ դոցենտ 36․Քրիստինե Իսկանդարյան, դաշնակահարուհի, միջազգային մրցույթների դափնեկիր, ԵՊԿ դոցենտ 37․Լուսինե Կչոզյան, երգչուհի, միջազգային մրցույթների դափնեկիր, ԵՊԿ դոցենտ 38․Լիանա Անդրիասյան, դաշնակահարուհի, կոմպոզիտոր, ԵՊԿ դոցենտ 39․Զառա Թոփչյան, դաշնակահարուհի, ԵՊԿ դոցենտ 40․Էռնեստ Մանգուլյան, դաշնակահար, ԵՊԿ դոցենտ 41․Զառա Ղազարյան, դաշնակահարուհի, ԵՊԿ դոցենտ 42․Իրինա Գրիգորյան, դաշնակահարուհի, ԵՊԿ դոցենտ 43․Նարինե Արմենյան, դաշնակահարուհի, ԵՊԿ դոցենտ 44․Աննա Ղազարյան, դաշնակահարուհի, ԵՊԿ դոցենտ 45․Կարեն Անանյան, դաշնակահար, ԵՊԿ դոցենտ 46․Բելլա Կոստանդյան, դաշնակահարուհի, ԵՊԿ դոցենտ 47․Նաիրա Խաչատրյան, դաշնակահարուհի, ԵՊԿ դոցենտ 48․Անաիդա Հովսեփյան, դաշնակահարուհի, ԵՊԿ դոցենտ 49․Ելենա Վարդազարյան, դաշնակահարուհի, ԵՊԿ դոցենտ 50․Արծվիկ Դեմուրչյան, օպերային երգչուհի, միջազգային մրցույթների դափնեկիր, ԵՊԿ դասախոս 51․Լուսինե Ազարյան, Վիեննայի կամերային օպերայի մեներգչուհի, Արաքս Դավթյանի անվան վոկալ ստուդիայի հիմնադիր, ԵՊԿ դասախոս 52․Գայանե Մաթևոսյան, մեներգչուհի, ԵՊԿ դասախոս 53․Նունե Մելիք-Վրթանեսյան, դաշնակահարուհի, ԵՊԿ դասախոս 54․Լիլիթ Մարտիրոսյան, թեորետիկ, ԵՊԿ դասախոս 55․Էմմա Ասատրյան, միջազգային մրցույթների դափնեկիր, ԵՊԿ դասախոս 56․Մարիաննա Հայրապետյան, դաշնակահարուհի, ԵՊԿ կոնցերտմայստեր 57․Աննա Մանուկյան, ջութակահարուհի, ԵՊԿ կոնցերտմայստեր 58․Սուսաննա Մուրադյան, թավջութակահար, ԵՊԿ կոնցերտմայստեր 59․Սիրանուշ Հարությունյան, դաշնակահարուհի, ԵՊԿ պրոֆ. Ասիստենտ 60․Քրիստինե Չտչյան, ջութակահարուհի, ԵՊԿ կոնցերտմայստեր 61․Մարիա Ստեփանյան, դաշնակահարուհի, ԵՊԿ կոնցերտմայստեր 62․Ալեկսանդր Թամազով՝օպերային երգիչ,ԵՊԿ դասախոս 63․Նարինե Ավետիսյան՝երաժշտագետ,ԵՊԿ դոցենտ

14:03 - 21 դեկտեմբերի, 2020

Կառավարությունը չի հրաժարվել զոհերի ընտանիքներին հասանելիք 10 միլիոնները տալ. Մեսրոպ Մանուկյանը եւ Politik-ը սխալ են ներկայացնում իրողությունը

Դեկտեմբերի 17-ին հրավիրված մամուլի ասուլիսի ժամանակ հասարակական գործիչ, Զինծառայողների ապահովագրության հիմնադրամի հոգաբարձուների խորհրդի նախկին անդամ Մեսրոպ Մանուկյանը հայտարարել էր, թե կառավարությունը չի ուզում անհայտ կորած զինծառայողների հասանելիք գումարը տալ. «Ամեն անհայտ կորած զինծառայողի կարգավիճակի դիմաց 10 մլն միանվագ պետք է վճարեն, որից հետո ամեն ամիս 200 հազար դրամ: Իրենք, որպես լավություն, ուզում են այդ ընտանիքների վրա ծախել 300 հազար դրամ ամսական աջակցությունը: Այդ 300 հազար դրամը ոչ թե լավություն եք անում, աջակցում եք այդ ընտանիքներին, այլ հակառակը՝ այդ մարդկանց իրենց հասանելիքից քիչ գումար եք տալիս: 10 մլն դրամ պետք է միանվագ վճարեին, ամսական էլ նվազագույնը 200 հազար դրամ տային, հիմա ասում են՝ մենք ձեզ 6 ամիս տանք, հետո հասկանանք ձեր կարգավիճակը, հետո էլի տանք: Գործող կառավարությունը թող չմտածի, թե ինքը այդ քայլով լավություն է անում ընտանիքներին: Դուք նրանց հասանելիքը նույնիսկ չեք ուզում տալ»,- մասնավորապես ասել էր Մանուկյանը: Վերջինիս խոսքերը տարածել էին նաեւ լրատվամիջոցները։ Դրանցից Politik.am-ը, սակայն, Մանուկյանի ասածը ներկայացրել է փոփոխված՝ տեսանյութը վերնագրելով՝ «Կառավարությունը հրաժարվում է զոհված զինծառայողների հարազատներին տրամադրել իրենց հասանելիք 10 մլն ՀՀ դրամները»: Սակայն կառավարության՝ դեկտեմբերի 17-ի նիստում խոսվել է ոչ թե զոհված կամ անհետ կորած զինծառայողներին փոխհատուցում տրամադրելու մասին, այլ պատերազմի հետեւանքով վնասվածք կամ խեղում ստացած զինծառայողներին տրամադրվող ամսական վճարի չափը եռապատկելու մասին՝ մինչեւ կարգավիճակի հստակեցումը, որից հետո էլ պետք է տրամադրվի ամբողջական փոխհատուցումը: Աշխատանքի եւ Սոցիալական հարցերի նախարար Մեսրոպ Առաքելյանը կառավարության այդ նիստի ժամանակ ներկայացրել էր նախագիծ, համաձայն որի՝ պատերազմի հետեւանքով վնասվածք կամ խեղում ստացած զինծառայողները պետք է ստանան ամսական 300 հազար դրամ աջակցություն՝ մինչեւ հիմնական շահառու դառնալը: Նա նշել էր, որ, համաձայն օրենքով սահմանված չափի եւ ժամկետների, զինծառայողների ընտանիքները ստանում են աջակցություն, սակայն, հաշվի առնելով, որ հաշմանդամության կարգ ստանալու գործընթացը որոշակի ժամանակ է ենթադրում, այս նախագծով հնարավոր է դառնում հիմնադրամից ստանալ որոշակի աջակցություն՝ 6 ամիս ժամկետով: Նշենք, որ այս պահին Զինծառայողների ապահովագրության հիմնադրամը նման գործառույթ ունի: Համաձայն Զինծառայողների կյանքին կամ առողջությանը պատճառված վնասների հատուցման հիմնադրամի խորհրդի՝ 2017 թվականի մարտի 2-ի թիվ 9 որոշման՝ յուրաքանչյուր ամիս իրականացվում է աջակցության տրամադրում՝ 100 հազար դրամի չափով, որը դադարեցվում է վնասվածք կամ խեղում ստացած զինծառայողի հիմնական շահառու ճանաչվելուց հետո: Համաձայն միջոցառման՝ առաջարկվում է այդ գումարը պետբյուջեի միջոցով ավելացնել եւս 200 հազար դրամով: Այսինքն՝ մինչեւ շահառու դառնալը՝ զինծառայողները հնարավորություն կստանան 6 ամիս ժամկետով ստանալ աջակցություն 300 հազար դրամի չափով: Փաստացի, այս որոշումը կապ չունի զոհված կամ անհետ կորած զինծառայողներին տրամադրվող փոխհատուցումների հետ, եւ, բացի այդ, կառավարությունը չի հրաժարվում հաշմանդամության կարգ ունեցող զինծառայողներին փոխհատուցում տրամադրել: Սա, ըստ էության, աջակցություն տրամադրելու միջոց է՝ մինչեւ զինծառայողների հիմնական շահառու դառնալը: Ինչ վերաբերում է անհետ կորած անձանց աջակցություն չտրամադրելուն՝ ինչպես նշել էր Մեսրոպ Մանուկյանը, ապա այս մասով ծրագիրը ներկայացվել է կառավարության՝ դեկտեմբերի 10-ի նիստում: Աշխատանքի եւ Սոցիալական հարցերի նախարար Մեսրոպ Առաքելյանի խոսքով՝ մինչեւ զինծառայողների կարգավիճակի հստակեցումը՝ առաջարկվում է առավելագույնը 6 ամիս ժամկետով յուրաքանչյուր ամիս 300 հազար դրամ աջակցություն տրամադրել անհետ կորած զինծառայողների ընտանիքներին: Աջակցությունը տրամադրվելու է այնքան ժամանակ, մինչեւ այս անձինք կդառնան հիմնադրամի շահառու՝ համաձայն գործող օրենքի: Այս մասով որոշակի պարզաբանում է ներկայացրել նաեւ Նիկոլ Փաշինյանը: Նրա խոսքով՝ անհետ կորածի կարգավիճակի տրամադրման ընթացակարգերը օրենսդրությամբ երկարատեւ են, դրա համար այդ ժամկետը կրճատելու համար օրենսդրության մեջ փոփոխություններ են մտցրել: Սակայն ինչքան էլ ժամկետը կրճատվի, միեւնույն է՝ դա մի քանի ամիս տեւող գործընթաց է: Եթե այս գործնթացի ընթացքում կպարզվի, որ քաղաքացիները շահառու են, բյուջեից փոխանցված գումարը կհաշվանցվի, եթե կպարզվի, որ շահառու չեն, այս ընթացքում տրամադրված գումարը կլինի որպես անհատույց աջակցություն: Այս համատեքստում ներառվում են նաեւ գերեվարված անձանց ընտանիքի անդամները: Այսպիսով՝ թե՛ դեկտեմբերի 10-ի, թե՛ դեկտեմբերի 17-ի նիստում չի խոսվել զոհված զինծառայողների ընտանիքներին գումարի տրամադրումից հրաժարվելու կամ մեկ այլ ծրագրով փոխարինելու մասին, իսկ անհետ կորած կամ վնասվածք ստացած զինծառայողներին վերոնշյալ ծրագրերով տրամադրվում է աջակցություն՝ մինչեւ ծրագրի շահառու դառնալը, հետեւաբար չի կարող տրամադրվել ավելի քիչ գումար, քան նախատեսված է օրենքով: Նարեկ Մարտիրոսյան

13:14 - 21 դեկտեմբերի, 2020