ՀՀ առողջապահության նախարարություն

Գործադիր իշխանության հանրապետական մարմին է, որը մշակում եւ իրականացնում է առողջապահության բնագավառում ՀՀ կառավարության քաղաքականությունը։ Նախարարության ենթակայության տակ են գտնվում Առողջապահության ազգային ինստիտուտը, Դեղերի եւ բժշկական տեխնոլոգիաների փորձագիտական կենտրոնը, Հանրապետական գիտաբժշկական գրադարանը, Ստացիոնար բուժօգնություն իրականացնող կազմակերպությունները, Առաջնային բուժօգնություն իրականացնող կազմակերպությունները, այլ կազմակերպություններ։

ՀՀ առողջապահության նախարարն է Անահիտ Ավանեսյան, տեղակալներն են՝ Լենա Նանուշյանը, Գեւորգ Սիմոնյանը, Արտյոմ Սմբատյանը։

Կորոնավիրուսի շուրջ զարգացումներ, Հայաստան, 22․06․20 (թարմացվող)

19:45- Վաղը և մյուս օրը կորոնավիրուսի դեմ պայքարի համակարգին ևս մի քանի բժշկական հաստատություն կմիանա՝ իրենց մահճակալներով, նաև՝ ռեանիմացիոն մահճակալներով: Մեծ ծավալ կավելանա Դիլիջանի բժշկական կենտրոնում, որտեղ մի մասն է շահագործված: Արմենիա բժշկական կենտրոնը կմիանա հունիսի 24-ին՝ 50 մահճակալով և 8 վերակենդանացման մահճակալով։ Համակարգին միանալու փուլում է նաև Սպիտակի ԲԿ-ն՝ ամբողջությամբ, և Մարտունու ԲԿ-ի մոտ 50 մահճակալները: Արդեն միացել է նաև Վեդու բժշկական կենտրոնը: [Արսեն Թորոսյան] |armenpress.am|19:30- Այս պահին ունենք ծանր վիճակում 504 քաղաքացի, ծայրահեղ ծանր վիճակում ՝ 123 և թոքերի արհեստական օդափոխության միացված՝ 44 քաղաքացի: Այսինքն՝ գումարային 627 քաղաքացի ծանր և ծայրահեղ ծանր վիճակում են, ինչը շատ մտահոգիչ է: [Արսեն Թորոսյան]19:25- Հոսպիտալացման կարիք ունեցող քաղաքացիների թիվը վերջին 1 շաբաթվա ընթացքում տատանվում էր 150-200 –ի շրջանակներում: Նրանց մի մասը գտնվում էր տանը, այսինքն՝ տանն էր սպասում հոսպիտալացման, իսկ երեկ երեկոյից տանը սպասող քաղաքացի չունենք: Այսինքն, այն քաղաքացիները, որոնց մոտ հաստատվում է կորոնավիրուսային հիվանդություն, և ովքեր կարիք ունեն հոսպիտալացման՝ իրենց առողջական վիճակով պայմանավորված, հրատապ հոսպիտալացվում են: Եվ այս առումով կարող ենք ասել, որ այդ խնդիրը լուծված է: [Արսեն Թորոսյան] |armenpress.am|17:56- ՔՏՀԱՏՄ-ն վերահսկողություն է իրականացրել Քանաքեռ-Զեյթուն վարչական շրջանում: Ուղևորափոխադրում իրականացնող տրանսպորտային միջոցների վարորդների կողմից կրկին փոխադրումը կատարվել է վարորդի կողքին՝ ուղևորի նստեցումով, հայտնաբերվել են նաև առանց դիմակի վարորդներ։ Օրեցօր արձանագրվում է խախտումների նվազման ցուցանիշ։ [ՔՏՀԱՏՄ] 17:18- ՀՀ ՍԱՏՄ մասնագետներն այսօր խախտումներ են արձանագրել մայրաքաղաքի «Երևան Սիթի» ս/մ ցանցի գրեթե բոլոր մասնաճյուղերում: Դրանք հիմնականում կապված են եղել ջերմաչափման գրանցամատյանների տվյալների թերիության, դիմակները ոչ պատշաճ կրելու, երբեմն նաև՝ մարդկանց կուտակումների, ձեռնոցների ու դիմակների համար նախատեսված փակ աղբամանների բացակայության հետ: Ցանցի խանութներից շատերում նշանակված են հերթերը հսկող և կուտակումներ թույլ չտվող հատուկ աշխատակիցներ: Թերացումներ են հայտնաբերվել նաև «Երևան Սիթի» խանութներում գործող հացի արտադրամասերում: [ՍԱՏՄ] 17:09- ՀՀ-ում կորոնավիրուսային հիվանդության նկատմամբ լաբորատոր հետազոտություններն իրականացվում են հետևյալ լաբորատորիաներում`• «Հիվանդությունների վերահսկման և կանխարգելման ազգային կենտրոն» ՊՈԱԿ• «ՁԻԱՀ-ի կանխարգելման հանրապետական կենտրոն» ՊՈԱԿ• «Նորք» ինֆեկցիոն կլինիկական հիվանդանոց ՓԲԸ• «Նատալի ֆարմ» ՍՊԸ («Աստղիկ» բժշկական կենտրոն):Վճարովի հետազոտություններ իրականացնող լաբորատորիաներ են`• «Պրոմ-Տեստ» ՍՊԸ• «Գիսանե» ՍՊԸ («Դավիդյանց լաբորատորիաներ»)• «Էկոսենս» ՍՊԸ [ԱՆ] 16:31- Մարդկության տեսանկյունից մենք նաև շատ հուզիչ ժամանակներ ենք ապրում։ Առաջին անգամ գործ ունենք մի աշխարհի հետ, որն այսքան փոխկապակցված է: Մարդկանց կապվածությունը ֆենոմենալ է: Մենք շնորհակալ ենք այն բոլոր ժողովուրդներին, որոնք աջակցել են մեզ կորոնավիրուսի համավարակի հաղթահարման գործում: [ՀՀ նախագահ Արմեն Սարգսյանի խոսքը՝ «Հորասիս-Հնդկաստան» (Horasis India) միջազգային հեղինակավոր համաժողովին] 13:45- Արտակարգ դրության իրավական ռեժիմի կանոնները խախտելու փաստերով ոստիկանությունում մինչ օրս կազմվել է 41941 արձանագրություն, իսկ հունիսի 21-ին` իրավախախտման 958 դեպք։ [ՀՀ ոստիկանություն] 11:09- Մահվան դեպքերի վերաբերյալ հայտնում ենք, որ պացիենտները եղել են 83 (տղամարդ), 71 (կին), 81 (տղամարդ), 85 (կին), 70 (տղամարդ), 53 (տղամարդ), 84 (կին), 84 (տղամարդ), 62 (կին) և 60 (կին) տարեկան: Բացի վերջինից՝ մնացած բոլորն ունեցել են ուղեկցող քրոնիկական հիվանդություններ։ [ԱՆ] 11:06- Հունիսի 22-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 20588 դեպք, որոնցից 9131-ն` առողջացած, 360-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 10980 պացիենտ: Ընդհանուր առմամբ կատարվել է 96843 թեստավորում: Այսպիսով` ունենք կորոնավիրուսային հիվանդությամբ հաստատված 320 նոր դեպք և 129 առողջացած։ Նորություններ կորոնավիրուսի մասին, աշխարհ, 22․06․20 (թարմացվող) Կորոնավիրուսի շուրջ զարգացումներ, Հայաստան, 21․06․20 (թարմացվող)

22:23 - 22 հունիսի, 2020