ՄԱԿ

Միավորված Ազգերի Կազմակերպությունը միջկառավարական կազմակերպություն է, որի առաջադրանքն է պահպանել միջազգային խաղաղություն ու անվտանգություն, ազգերի միջև զարգացնել բարեկամական հարաբերություններ, հասնել միջազգային համագործակցության և ազգերի միջև գործողությունների ներդաշնակման կենտրոնում լինել: Ստեղծվել է 1945 թվականի հոկտեմբերի 24-ին։ Ներառում է 193 երկիր։

ՄԱԿ-ն ունի 6 հիմնական կառույց՝ Գլխավոր ասամբլեան, Անվտանգության խորհուրդը, Սոցիալ-տնտեսական խորհուրդը, Խնամակալության խորհուրդը, Արդարադատության միջազգային դատարանը և ՄԱԿ-ի քարտուղարությունը: ՄԱԿ-ի համակարգային գործակալությունները ընդգրկում են Համաշխարհային բանկի խումբը, Առողջապահության համաշխարհային կազմակերպությունը, Պարենի համաշխարհային ծրագիրը, ՅՈՒՆԵՍԿՕ-ն և ՅՈՒՆԻՍԵՖ-ը:

ՄԱԿ-ի ամենահայտնի պաշտոնյան գլխավոր քարտուղարն է. 2017 թվականի հունվարի 1-ից յադ պաշտոնը զբաղեցնում է պորտուգալացի քաղաքական գործիչ և դիվանագետ Անտոնիո Գուտիերեշը: ՄԱԿ-ի գլխամասային գրասենյակները գտնվում են Մանհեթեն և Նյու Յորք քաղաքներում ու համարվում են արտաօրենսդրական: Մյուս գլխավոր գրասենյակները տեղակայված են Ժնևում, Նայրոբիում և Վիեննայում:

Գազայում մոտ 570 հազար մարդ սովի է մատնված․ ՄԱԿ |shantnews.am|

shantnews.am: Մոտ 570,000 մարդ Գազայում աղետալի սովի է բախվում, հումանիտար ջանքերը խոչընդոտվում են մուտքի և հաղորդակցության հետ կապված խնդիրների պատճառով, ասվում է Պաղեստինի փախստականների օգնության և աշխատանքի գործակալությունը (UNRWA) X սոցիալական ցանցում: «Գազայում 570,000 մարդ աղետալի սովի է բախվում: Ինտենսիվ կռիվները, մուտքի արգելքներն ու սահմանափակումները, հաղորդակցության խափանումները խոչընդոտում են UNRWA-ի արդյունավետ և անվտանգ օգնություն ցուցաբերելու կարողությունը», – ասվում է հրատարակության մեջ:

13:02 - 23 հունվարի, 2024

Ուկրաինայի ԶՈՒ-ի կողմից Դոնեցկի վրա հարվածները կդառնան ՄԱԿ ԱԽ-ի քննարկման առարկա. Զախարովա |tert.am|

tert.am: Ուկրաինայի ԶՈւ-ի հարվածները Դոնեցկին և դրան արևմտյան երկրների մասնակցությունը քննարկման առարկա են դառնալու ՄԱԿ-ի Անվտանգության խորհրդի (ԱԽ) միջոցառումներին, որոնց կմասնակցի ՌԴ ԱԳ նախարար Սերգեյ Լավրովը։ Այս մասին հայտարարել է ՌԴ դիվանագիտական գերատեսչության պաշտոնական ներկայացուցիչ Մարիա Զախարովան։ «Հարվածներ Դոնեցկում խաղաղ քաղաքացիական օբյեկտներին, անմարդկային, նպատակաուղղված խաղաղ բնակչության սպանությունը, և արևմտյան երկրների մասնակցությունը, ովքեր աշխատում են հօգուտ Կիևի ռեժիմի ընդդեմ խաղաղ բնակիչների դառնալու է ՄԱԿ-ի Անվտանգության խորհրդի քննարկման առարկա, որին կմասնակցի ՌԴ ԱԳ նախարար Սերգեյ Վիկտորովիչ Լավրովը»,- ասել է Զախարովան։ Փոխանցում է ՏԱՍՍ-ը։

17:48 - 21 հունվարի, 2024

Հանրապետության նախագահը զրույցներ է ունեցել Արգենտինայի նախագահի, ՄԱԿ Գլխավոր քարտուղարի և ԱՄՆ նախկին պետքարտուղարի հետ

Հանրապետության նախագահ Վահագն Խաչատուրյանը Դավոսի համաշխարհային տնտեսական համաժողովի ընթացքում կարճ զրույցներ է ունեցել Արգենտինայի նախագահ Խավիեր Միլեյի, ՄԱԿ Գլխավոր քարտուղար Անոտոնիո Գուտերեշի, ԱՄՆ նախկին պետքարտուղար Ջոն Քերիի հետ: Այս մասին հայտնում են ՀՀ նախագահի աշխատակազմից։ Հանրապետության նախագահն ու Արգենտինայի նախագահը մտքեր են փոխանակել երկու երկրների համար համատեղ հետաքրքրություն ներկայացնող օրակարգային հարցերի և հարաբերությունների հետագա ամրապնդմանն ուղղված ծրագրերի ու հնարավորությունների կյանքի կոչման վերաբերյալ: Զրույցի ընթացքում անդրադարձ է կատարվել նաև Արգետինայի նախագահի կողմից նախաձեռնած և իրականացվող տնտեսական բարեփոխումներին: Կարևորվել են հայ-արգենտինական բարեկամական հարաբերությունների հետագա խորացմանն ուղղված ջանքերը: ՄԱԿ գլխավոր քարտուղար Անտոնիո Գուտերեշի հետ ունեցած կարճ զրույցում նախագահ Վահագն Խաչատուրյանը մանրամասներ է հայտնել տարածաշրջանային վերջին զարգացումների և Հարավային Կովկասում կայուն և տևական խաղաղության հաստատման շուրջ Հայաստանի սկզբունքային մոտեցումների վերաբերյալ: ՄԱԿ Գլխավոր քարտուղարը հույս է հայտնել, որ տարածաշրջանային հիմնախնդիրները հնարավորինս արագ իրենց լուծումը կստանան, ինչը կերաշխավորի կայունություն և զարգացում ամբողջ ռեգիոնի համար: Երկուստեք շեշտվել է մեր տարածաշրջանում վերջնական խաղաղության ու բարիդրացիական հարաբերությունների հաստատման հրամայականը: Հանրապետության նախագահն ԱՄՆ նախկին պետքարտուղար Ջոն Քերիի հետ զրույցում անդրադարձել է մեր տարածաշրջանում առկա իրադրությանն ու անվտանգային մարտահրավերներին դիմակայելու հեռանկարներին ու հնարավորություններին: Զրուցակիցներն ընդգծել են նաև ժողովրդավարական արժեքների պաշտպանության և ժողովրդավարության ինստիտուտների ամրապնդմանն ուղղված սկզբունքային դիրքորոշումների կարևորությունը:

10:44 - 19 հունվարի, 2024

ՄԱԿ Փախստականների հարցերով բարձր հանձնակատարը հետաքրքրվել է արցախցիների սոցիալական և բնակարանային ապահովվածության պայմաններով

Դավոսի Համաշխարհային տնտեսական ֆորումի շրջանակներում նախագահ Վահագն Խաչատուրյանը հանդիպում է ունեցել ՄԱԿ Փախստականների հարցերով բարձր հանձնակատար Ֆիլիպպո Գրանդիի հետ: Այս մասին հայտնում են ՀՀ նախագահի աշխատակազմից։ Զրույցի ընթացքում երկուստեք դրական է գնահատվել Հայաստանի և Բարձր հանձնակատարի գրասենյակի միջև ավելի քան 30 տարվա արդյունավետ համագործակցությունը: Հանդիպման ընթացքում անդրադարձ է կատարվել 2023 թվականի սեպտեմբերին Լեռնային Ղարաբաղից բռնի տեղահանվածների հումանիտար և սոցիալական խնդիրներին և դրանց լուծմանն ուղղված քայլերին: Ֆիլիպպո Գրանդին առանձնահատուկ կերպով հետաքրքրվել է ավելի քան 100 հազար արցախահայ փախստականների սոցիալական և բնակարանային ապահովվածության պայմաններով, մարդասիրական այլ խնդիրներով: Այս համատեքստում Հանրապետության նախագահը մանրամասն ներկայացրել է կարճ ժամանակահատվածում Հայաստանի կառավարության իրականացրած ծրագրերն ու միջոցառումները, որոնք ուղղված են բռնի տեղահանվածների ինչպես առաջնային, այնպես էլ համալիր խնդիրների լուծմանը: Հանդիպման ավարտին պայմանավորվածություն է ձեռք բերվել շարունակել աշխատանքային շփումներն ու սերտ համագործակցությունն առկա հիմնախնդիրների լուծման ուղղությամբ:

11:31 - 17 հունվարի, 2024

Եմենին հասցված հարվածները Կարմիր ծովում կայունության վերականգնման համար են. ՄԱԿ-ում ԱՄՆ մշտական ներկայացուցիչ |news.am|

news.am: Միավորված Ազգերի Կազմակերպության Անվտանգության խորհրդում ՄԱԿ-ում ԱՄՆ մշտական ներկայացուցիչ Լինդա Թոմաս-Գրինֆիլդը պաշտպանել է հութիներին ԱՄՆ հասցրած հարվածները՝ հայտարարելով, որ հարվածները հասցվել են «Կարմիր ծովում կայունության վերականգնման համար՝ նավագնացության ազատության հիմնարար սկզբունքների պաշտպանության նպատակով», տեղեկացրել է CNN-ը։ Թոմաս-Գրինֆլիդը հայտնել է, որ ԱՄՆ-ն չի ցանկանում հակամարտության շարունակում տարածաշրջանում, բայց կրկնել է, որ «Կարմիր ծովում նավերի դեմ ցանկացած հարձակում, անկախ պատկանելությունից, անընդունելի է»։ Նա նաեւ ասել է, որ «նավերի մեծ մասը, որոնց վրա հարձակվել են հութիները, ոչ մի կապ չունի Իսրայելի հետ»։ Նա ՄԱԿ անդամներին կոչ է արել պահանջել հութիներից դադարեցնել նավերի վրա հարձակումները՝ ապահովելով նավերի եւ նրանց անձնակազմերի անվտանգ ազատ արձակումը, որոնք դեռեւս պահվում են հութիների մոտ։ Երեկ՝ հունվարի 12-ին, ԱՄՆ ՌՕՈւ-ն տեղեկացրել է, որ հարվածներ է հասցրել ավելի քան 60 թիրախների Եմենի «Անսար Ալլահ» ապստամբ շարժման 16 օբյեկտներում։ Ավելի ուշ հայտնի է դարձել հութիների ռադարի կայանքին հասցված հարվածի մասին։ Պենտագոնում հայտնել են, որ ԱՄՆ պաշտպանության նախարար Լլոյդ Օսթինը ղեկավարել է ԱՄՆ հարվածները հիվանդանոցից։ Bloomberg գործակալության տեղեկացմամբ՝ ԱՄՆ նախագահ Ջո Բայդենը հութիներին հարվածները պլանավորել էր դեռ հունվարի 1-ին։

16:57 - 13 հունվարի, 2024

ՄԱԿ-ը զսպվածության կոչ է անում ինչպես Եմենի հութիներին, այնպես էլ կոալիցիոն ուժերին |panorama.am|

panorama.am: ՄԱԿ-ի գլխավոր քարտուղարը կոչ է արել բոլոր կողմերին «չլարել իրավիճակը» Կարմիր ծովում այն բանից հետո, երբ ԱՄՆ-ն և Մեծ Բրիտանիան հարվածներ են հասցրել Եմենի հութիների թիրախներին: Եվրոնյուզի հաղորդմամբ ՄԱԿ-ի խոսնակ Ստեֆան Դյուժարիկը շեշտել է, որ դա առաջին հերթին վերաբերում է հութիներին, որոնք պետք է դադարեցնեն իրենց հարձակումները։ Միևնույն ժամանակ մերձավորարևելյան որոշ վերլուծաբաններ կարծում են, որ Արևմուտքի ուժային միջամտությունը չի կանգնեցնի հութիներին, այլ նրանց համոզիչ հիմք կտա շարունակելու իրենց ուժեղ հակաարևմտյան գաղափարախոսությանը: Մերձավոր Արևելքի հարցերով Chatam House-ի աշխատակցի խոսքով հութիները ոչ միայն «մահ Ամերիկային» դրոշներ են բարձրացնում հանուն կարգախոսների, այլևնրանք անկեղծորեն հավատում են դրան։ Հիշեցնենք, որ ԱՄՆ-ի և Մեծ Բրիտանիայի զինված ուժերը հունվարի լույս 12-ի գիշերը հարվածներ են հասցրել Եմենի «Անսար Ալլահ» (հութիներ) ապստամբական շարժման օբյեկտներին: Պաղեստինա-իսրայելական հակամարտության սրումից ի վեր հութիները հայտարարել էին, որ հարվածներ կհասցնեն Իսրայելի տարածքին և թույլ չեն տա, որ նավերն անցնեն Կարմիր ծովի և Բաբ-Էլ-Մանդեբի նեղուցի ջրերով: Հարվածներից հետո Հութիները խոստացել են պատասխանել Եմենում ԱՄՆ-ի և Մեծ Բրիտանիայի գործողություններին։ Իրանը խստորեն դատապարտել է ԱՄՆ-ի և Միացյալ Թագավորության կողմից Եմենի դեմ հարձակումները։

15:23 - 13 հունվարի, 2024

Ամբողջ Մերձավոր Արևելքը կարող է բախվել աղետի. ՄԱԿ-ում ՌԴ մշտական ներկայացուցիչ |armeniasputnik.am|

armeniasputnik.am ՄԱԿ-ում ՌԴ մշտական ներկայացուցիչ Վասիլի Նեբենզյան Արևմուտքին հորդորել է զերծ մնալ Մերձավոր Արևելքում էսկալացիայից, այլապես ամբողջ տարածաշրջանը կարող է աղետի բախվել։ Տեղեկությունը հայտնում է ՌԻԱ Նովոստին: Հունվարի 12-ին Ռուսաստանը խնդրել էր ՄԱԿ-ի Անվտանգության խորհրդի հրատապ նիստ անցկացնել՝ կապված Եմենի ուղղությամբ ԱՄՆ-ի և նրա գործընկերների հարվածների հետ: «Մերձավոր Արևելքում կրիտիկական իրավիճակ է ստեղծվել։ Հարցը նույնիսկ այն չէ, որ Արևմուտքի ներկայացուցիչներն իրենց գործողություններով ոչնչացնում են ՄԱԿ-ի և տարածաշրջանային միջնորդության` Եմենի ներսում կարգավորման հասնելու բազմամյա ջանքերի արդյունքները»,-ասել է Նեբենզյան ՄԱԿ-ի ԱԽ նիստում։ Նրա խոսքով՝ խնդիրը շատ ավելի լայն է, քանի որ անխոհեմ և անհեռատես քայլերն ապակայունացնում են անվտանգային իրավիճակը և խաթարում են համատարածաշրջանային իրադրության ուրվագծվող կարգավորումը։ «Եթե էսկալացիան շարունակվի, ապա Մերձավոր Արևելքի ամբողջ տարածաշրջանը կարող է բախվել աղետի, որի համեմատ մինչ այդ տեղի ունեցածը «ծաղիկներ» կթվան: Մարդկանց կորցրած կյանքերն ու կործանված ճակատագրերն անհաշիվ կլինեն»,- ասել է դիվանագետը։ Նեբենզյան հայտարարել է, որ դրա ամբողջ պատասխանատվությունը կընկնի ԱՄՆ-ի և նրան աջակցողների վրա, որոնք հանուն իրենց շահադիտական աշխարհաքաղաքական շահերի ոչ միայն համառորեն խանգարում են միջազգային հանրությանը Գազայի հատվածում հրադադար պահանջելու հարցում, այլև իրենք հերթական անգամ ագրեսոր են դարձել: Հիշեցնենք, որ ԱՄՆ-ի և Մեծ Բրիտանիայի զինված ուժերը հունվարի լույս 12-ի գիշերը հարվածներ են հասցրել Եմենի «Անսար Ալլահ» (հութիներ) ապստամբական շարժման օբյեկտներին: Պաղեստինա-իսրայելական հակամարտության սրումից ի վեր հութիները հայտարարել էին, որ հարվածներ կհասցնեն Իսրայելի տարածքին և թույլ չեն տա, որ նավերն անցնեն Կարմիր ծովի և Բաբ-Էլ-Մանդեբի նեղուցի ջրերով: Հարվածներից հետո Հութիները խոստացել են պատասխանել Եմենում ԱՄՆ-ի և Մեծ Բրիտանիայի գործողություններին։ Իրանը խստորեն դատապարտել է ԱՄՆ-ի և Միացյալ Թագավորության կողմից Եմենի դեմ հարձակումները։

13:00 - 13 հունվարի, 2024

ՌԴ-ն ՄԱԿ-ի ԱԽ շտապ նիստ է խնդրել՝ Եմենի վրա ԱՄՆ-ի և Մեծ Բրիտանիայի հարձակման առնչությամբ |aysor.am|

aysor.am: Ռուսաստանը ՄԱԿ-ի Անվտանգության խորհրդի շտապ նիստ է խնդրել՝ կապված Եմենի ուղղությամբ ԱՄՆ-ի և Մեծ Բրիտանիայի հարձակման հետ: Այդ մասին ասվում է ՄԱԿ-ում ՌԴ մշտական ներկայացուցչության հաղորդագրության մեջ։ Հիշեցնենք, որ հունվարի 11-ին ՄԱԿ-ի ԱԽ-ն ընդունել է Կարմիր ծովում նավագնացության անվտանգության վերաբերյալ ԱՄՆ-ի առաջարկած բանաձևը: Փաստաթղթում նշված է այդ տարածքում նավերի վրա հարձակումներն անհապաղ դադարեցնելու պահանջը։ Նույն օրը ԱՄՆ-ն, ռազմական օպերացիայի շրջանակում, հարվածներ են հասցրել Եմենի մի քանի քաղաքներին։

09:50 - 12 հունվարի, 2024

ՄԱԿ-ի ԱԽ-ն դատապարտել է Իրանում տեղի ունեցած ահաբեկչությունը

tert.am: ՄԱԿ-ի Անվտանգության խորհուրդը խստորեն դատապարտում է Իրանի Քերման քաղաքում տեղի ունեցած ահաբեկչությունը և կոչ է անում պատասխանատվության ենթարկել դրա կազմակերպիչներին, հովանավորներին և մեղավորներին։ Ասվում է Անվտանգության խորհրդի մամուլի հաղորդագրության մեջ։ «Անվտանգության խորհրդի անդամները խստագույնս դատապարտել են 2024 թվականի հունվարի 3-ին Քերման քաղաքում (ԻԻՀ) ահաբեկչությունը»,- ասվում է հայտարարության մեջ։ «Անվտանգության խորհրդի անդամները կոչ են արել բոլոր պետություններին, միջազգային իրավունքով և ՄԱԿ-ի Անվտանգության խորհրդի համապատասխան բանաձևերով ստանձնած պարտավորություններին համապատասխան, ակտիվորեն համագործակցել Իրանի Իսլամական Հանրապետության կառավարության հետ»,- ասված է հայտարարության մեջ։ Անվտանգության խորհուրդը հաստատել է, որ ցանկացած ահաբեկչական գործողություն հանցավոր է և չունի արդարացում։

22:18 - 04 հունվարի, 2024

Բորելը դատապարտել է Գազայի սահմաններից դուրս պաղեստինցիների վերաբնակեցման մասին հայտարարությունները |1lurer.am|

1lurer.am: Խստորեն դատապարտում եմ Իսրայելի ֆինանսների նախարար Բեցալել Սմոդրիչի և ազգային անվտանգության նախարար Իտամար Բեն Գվիրի սադրիչ և անպատասխանատու հայտարարությունները, որոնք զրպարտում են Գազայի Պաղեստինյան բնակչությանը և կոչ անում մշակել իրենց արտագաղթի ծրագիրը: Այդ մասին հայտարարել է ԵՄ արտաքին քաղաքականության հարցերով բարձր ներկայացուցիչ Ժոզեպ Բորելը: Հարկադիր տեղաշարժերը խստիվ արգելվում են որպես միջազգային մարդասիրական իրավունքի լուրջ խախտում, և բառերը կարևոր են»,- նշված է Բորելի X-ի միկրոբլոգում:

13:15 - 04 հունվարի, 2024

ՄԱԿ–ի գլխավոր քարտուղարը դատապարտել է Քերմանում տեղի ունեցած հարձակումը |shantnews.am|

shantnews.am: ՄԱԿ–ի գլխավոր քարտուղար Անտոնիո Գուտերեշը դատապարտել է Քերմանում տեղի ունեցած հարձակումն ու կոչ արել պատասխանատվության ենթարկել մեղավորներին։ Այս մասին ճեպազրույցի ժամանակ հայտարարել է ՄԱԿ-ի մամուլի ծառայության աշխատակից Ֆլորենսիա Սոտո Նինյոն. «Գլխավոր քարտուղարը դատապարտում է Իրանի Իսլամական Հանրապետության Քերման քաղաքում հիշատակի արարողության ժամանակ տեղի ունեցած այսօրվա հարձակումը, որի հետևանքով, ինչպես հայտնում են, ավելի քան 100 մարդ է զոհվել, շատերը վիրավորում են ստացել։ Գլխավոր քարտուղարը կոչ է անում պատասխանատվության ենթարկել մեղավորներին»,-ասել է նա։

09:16 - 04 հունվարի, 2024

Գազայում 75 օրվա ընթացքում ՄԱԿ-ի 136 աշխատակից է սպանվել․ Գուտերեշ |azatutyun.am|

azatutyun.am: Գազայում 75 օրվա ընթացքում ՄԱԿ-ի 136 աշխատակից է սպանվել, X-ի իր էջում գրել է ՄԱԿ-ի գլխավոր քարտուղար Անտոնյո Գուտերեշը՝ շեշտելով, ՄԱԿ-ն իր պատմության ընթացքում նման բան չի տեսել։ «Անձնակազմի մեծ մասը բռնի կերպով հեռացվել է իրենց տներից», - գրել է Գուտերեշը՝ շեշտելով՝ խոնարհվում է հազարավոր աշխատակիցների առջև, ովքեր վտանգում են իրենց կյանքը՝ աջակցելու Գազայի խաղաղ բնակիչներին:

12:41 - 23 դեկտեմբերի, 2023

ՄԱԿ-ի Անվտանգության խորհուրդը բանաձև է ընդունել Գազայի հատված մարդասիրական օգնություն հասցնելու վերաբերյալ |1lurer.am|

1lurer.am: ՄԱԿ-ի Անվտանգության խորհուրդը բանաձև է ընդունել Գազայի հատված մարդասիրական օգնություն հասցնելու վերաբերյալ: Այն Իսրայելից և պաղեստինյան ՀԱՄԱՍ խմբավորումից պահանջում է ընդլայնել մարդասիրական օգնության գործողությունները: Բանաձևի տեքստի համաձայն՝ ՄԱԿ-ի ԱԽ-ն հորդորում է անհապաղ քայլեր ձեռնարկել անվտանգ, անարգել և ընդլայնված հումանիտար հասանելիությունն անհապաղ ապահովելու ուղղությամբ: Կոչ է արվում պայմաններ ստեղծել ռազմական գործողությունների դադարեցման համար։ Բանաձևին կողմ է քվեարկել 13 երկիր, Ռուսաստանն ու ԱՄՆ-ը ձեռնպահ են մնացել:

11:51 - 23 դեկտեմբերի, 2023

ՄԱԿ-ի Անվտանգության խորհրդում նորից հետաձվել է Գազայի հարցով քվեարկությունը |azatutyun.am|

azatutyun.am: ՄԱԿ-ի Անվտանգության խորհուրդը հերթական անգամ հետաձգել է Գազայում նոր հրադադարի հարցով քվեարկությունը։ The Guardian պարբերականի փոխանցմամբ, դիվանագետները դեռ փորձում են համաձայնության հասնել բանաձևի նախագծի ձևակերպումների շուրջ։ Ենթադրվում է, որ հաջորդ քվեարկությունը տեղի կունենա դեկտեմբերի 21-ին, Նյու Յորքում։ Արաբական Միացյալ Էմիրությունների ներկայացրած ՄԱԿ-ի բանաձևի նախագիծն արդեն մի քանի անգամ փոփոխվել է։

10:02 - 21 դեկտեմբերի, 2023

Վերջերս Հայաստանի և Ադրբեջանի հարաբերությունների կարգավորման ուղղությամբ զգալի քայլեր են ձեռնարկվել. Դյուժարիկ |1lurer.am|

1lurer.am: Վերջին մի քանի շաբաթների ընթացքում Հայաստանի և Ադրբեջանի հարաբերությունների կարգավորման ուղղությամբ զգալի քայլեր են ձեռնարկվել։ Այդ մասին ադրբեջանական Report գործակալությանը տված հարցազրույցում հայտարարել է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը: «Գլխավոր քարտուղարը ողջունել է նրանց, և մենք պատրաստ ենք աջակցել Հայաստանին և Ադրբեջանին հարաբերությունների կարգավորման ճանապարհով առաջխաղացման գործում»,- ասել է պաշտոնյան: Նրա խոսքով՝ Անտոնիու Գուտերեշը չի ցանկանում ներգրավվել ինչ-որ գործընթացում «ուղղակի ներգրավվելու համար», սակայն միշտ պատրաստ ենք աջակցել արդեն գոյություն ունեցող շրջանակներին։ Դյուժարիկը տեղեկացրել է նաև, որ Գուտերեշը կայցելի Բաքում՝ մասնակցելու ՄԱԿ-ի Կլիմայի փոփոխության շրջանակային կոնվենցիայի կողմերի համաժողովի 29-րդ նստաշրջանին:

17:23 - 19 դեկտեմբերի, 2023

ԲՏԱ նախարարն ընդունել է ՄԱԿ-ի Եվրոպական տնտեսական հանձնաժողովի գործադիր քարտուղարին

Դեկտեմբերի 16-ին ՀՀ բարձր տեխնոլոգիական արդյունաբերության նախարար Ռոբերտ Խաչատրյանն ընդունել է ՄԱԿ-ի Եվրոպական տնտեսական հանձնաժողովի գործադիր քարտուղար Տատյանա Մոլչանին: Հանդիպմանը ներկա են եղել նաև ՄԱԿ-ի Եվրոպական տնտեսական հանձնաժողովի տնտեսական հարցերով պատասխանատու Ռոել Յանսենսը և Հայաստանում ՄԱԿ-ի մշտական համակարգողի պաշտոնակատար Քրիստինե Վեյգանդը: Այդ մասին հայտնում են ԲՏԱՆ-ից: Ողջունելով հյուրերին՝ Ռոբերտ Խաչատրյանը ներկայացրել է ՀՀ բարձր տեխնոլոգիական արդյունաբերության նախարարության ստեղծման պատմությունը, պատասխանատվության ոլորտները: Շնորհակալություն հայտնելով Եվրոպական տնտեսական հանձնաժողովին շարունակական աջակցության համար՝ նա մասնավորապես ընդգծել է կառույցի կողմից պատրաստված «Նորարարություն՝ հանուն կայուն զարգացման. Հայաստանի համար» (Innovation for Sustainable Development: Review of Armenia 2023) զեկույցի կարևորությունը: Ռոբերտ Խաչատրյանը նաև պատմել է բարձր տեխնոլոգիական արդյունաբերության զարգացման ռազմավարության մշակման շուրջ միջազգային այլ կառույցների հետ համագործակցության մասին՝ հավելելով, որ ռազմավարության մշակման ընթացքում օգտագործվելու է նաև ԵՏՀ-ի զեկույցը: Տատյանա Մոլչանը բարձր է գնահատել Նախարարության հետ արդյունավետ համագործակցությունը, խոսել է ԵՏՀ-ի զեկույցի մասին և նշել Եվրոպական տնտեսական հանձնաժողովի, տարբեր միջազգային գործընկերների պատրաստկամությունն աջակցելու դրանում տեղ գտած առաջարկությունների իրագործմանը: ԵՏՀ գործադիր քարտուղարը նաև փոխանցել է Մտավոր սեփականության համաշխարհային կազմակերպության (WIPO) գլխավոր քարտուղար Դարեն Տանգի պատրաստակամությունը Հայաստանի հետ մտավոր սեփականության և նորարարության ոլորտներում համատեղ նախագծեր իրականացնելու հարցում:

11:22 - 19 դեկտեմբերի, 2023