ԱՄՆ

Ամերիկայի Միացյալ Նահանգները դաշնային սահմանադրական հանրապետություն է Հյուսիսային Ամերիկայում, որը բաղկացած է որոշակի ինքնավարություն ունեցող 50 նահանգներից և դաշնային նշանակության Կոլումբիա մարզից։ Ամերիկայի Միացյալ Նահանգները հյուսիսում սահմանակցում է Կանադային, հարավում՝ Մեքսիկային, ծովային սահման ունի Ռուսաստանի հետ։

Մայրաքաղաքը՝ Վաշինգտոն, տարածքը 9,826,675 կմ² է։ 2019 թվականին դրությամբ բնակչությունը կազմում է 328 239 523 մարդ։ Գործող նախագահը Ջոզեֆ Բայդենն է։

Ամերիկայի Միացյալ Նահանգները ներկայումս անդամակցում է ՄԱԿ-ի Անվտանգության Խորհրդին, Հյուսիսատլանտյան դաշինքին, Առևտրի համաշխարհային կազմակերպությանը, Տնտեսական համագործակցության և զարգացման կազմակերպությանը և այլ միջազգային կազմակերպությունների։

Տիխանովսկայան հույս է հայտնել, որ Բայդենի օգնությամբ բելառուսական ընդդիմությունը կարող է հաղթել |tert.am|

tert.am: Բելառուսի նախագահական ընտրությունների նախկին թեկնածու, ըննդդիմության առաջնորդ Սվետլանա Տիխանովսկայան կարծիք է հայտնել, որ իր կողմնակիցները կկարողանան հաղթանական տանել ԱՄՆ նախագահ Ջո Բայդենի օգնությամբ: Այս մասին Տիխանովսկայան հայտնել է The National Interest պարբերականի հետ զրույցում: «Բայդենի օգնությամբ մենք կհաղթենք»,- ասել է ընդդիմադիր գործիչը: Ավելի վաղ Տիխանովսկայայի մամուլի ծառայությունը տեղեկացրել էր, որ ԱՄՆ կատարելիք այցի շրջանակում վերջինս բարձր մակարդակով հանդիպումներ կունենա Պետքարտուղարությունում և Սպիտակ տանը: Ինչպես աղբյուրը հայտնում է, Տիխանովսկայան նաև հույս է հայտնել, որ Բայդենի վարչակազմը կաջակցի Բելառուսի ընդդիմությանը և «ժողովրդվարական կդարձնի» երկիրը:

09:12 - 19 հուլիսի, 2021

Աֆղանստանի կառավարությունը թալիբներին համագործակցության կոչ Է անում հանուն խաղաղության |armenpress.am|

armenpress.am: Աֆղանստանի կառավարությունը «Թալիբան» արմատական շարժմանը համագործակցության կոչ Է անում հանուն երկրում խաղաղության հաստատման: Հուլիսի 16-ին Տաշքենդում այս հայտարարությամբ հանդես Է եկել Իսլամական Հանրապետության նախագահ Աշրաֆ Ղանին՝ «Կենտրոնական եւ Հարավային Ասիա. տարածաշրջանային փոխկապակցվածություն: Մարտահրավերներ եւ հնարավորություններ» միջազգային խորհրդաժողովի ընթացքում։ «Մենք «Թալիբանին» կոչ ենք անում համագործակցելու Աֆղանստանի կառավարության հետ, որպեսզի համապատասխան կերպով լուծենք (վիճելի) հարցերը եւ վերացնենք (պատերազմի) սպառնալիքները»,- հայտարարել Է Ղանին: Դրա հետ մեկտեղ նա նշել Է Աֆղանստանի կառավարության պատրաստականությունը «դեմ առ դեմ մարտի բռնվելու» թալիբների հետ: Աֆղանստանի ղեկավարը նաեւ ընդգծել Է երկրում իրադրության կարգավորման անհնարինությունն առանց «արածաշրջանային փոխհամաձայնության»՝ հավելելով, որ Աֆղանստանում պատերազմն ու անկայունությունը վիթարի ազդեցություն են գործում ամբողջ տարածաշրջանի վրա: Ապրիլի 14-ին ԱՄՆ-ի նախագահ Ջո Բայդենը հայտարարել Է Աֆղանստանում գործողությունն ավարտելու՝ իր որոշման մասին, որը դարձել Է ամենաերկարատեւ արտասահմանյան ռազմարշավն ամերիկյան պատմության մեջ: Այդ ֆոնին Աֆղանստանում դիտվում Է անվտանգության բնագավառում իրադրության վատթարացում՝ կապված այն բանի հետ, որ «Թալիբան» շարժման զինյալները սաստկացնում են հարձակման տեմպերը մի շարք ուղղություններով: Շարժման ներկայացուցիչների պնդումների համաձայն՝ թալիբները կարողացել են վերահսկողություն հաստատել Իսլամական Հանրապետության տարածքի 85 տոկոսի նկատամամբ, ներառյալ շրջանները հինգ երկրների՝ Իրանի, Չինաստանի, Պակիստանի, Տաջիկստանի եւ Թուրքմենստանի հետ սահմանների երկայնքով, հաղորդել Է ՏԱՍՍ-ը:

14:00 - 16 հուլիսի, 2021

Ուզբեկստանը, ԱՄՆ-ն, Աֆղանստանը և Պակիստանն Աֆղանստանի հարցով խորհրդակցությունների նոր ձևաչափ են ստեղծել |tert.am|

tert.am: Ուզբեկստանը, ԱՄՆ-ն, Աֆղանստանը և Պակիստանը պայմանավորվել են խորհրդակցությունների նոր քառակողմ հարթակ ստեղծելու մասին` ուղղված աֆղանական խաղաղ գործընթացի աջակցությանը:ՏԱՍՍ գործակալության փոխանցմամբ` այս մասին ուրբաթ հայտարարարել է Ուզբեկստանի ԱԳ նախարար Յուսուպ Կաբուլժանովը «Կենտրոնական և Հարավային Ասիա. Տարածաշրջանային փոխգործակցություն: Մարտահրավերներ և հնարավորություններ» միջազգային համաժողովի շրջանակում:«Հայտարարությունը փաստում է ԱՄՆ-Ուզբեկստան-Աֆղանստան-Պակիստան քառակողմ ձևաչափի մասին, որը կոչված է աջակցելու խաղաղ կարգավորման գործընթացին»,- ասել է ուզբեկ նախարարը: Հիշեցնենք, որ վերջին շաբաթներին «Թալիբան» ծայրահեղական շարժման անդամներն արագորեն առաջընթաց են ունենում Աֆղանստանի տարբեր հատվածներում, այդ թվում և սահմանների մոտակայքում՝ երկրի զինված ուժերից խլելով մի շարք առանցքային հենակետեր և անցակետեր, ինչպես, օրինակ, Իրանի, Տաջիկստանի և Թուրքմենստանի հետ սահմաններին: Կառավարական ուժերի և թալիբների միջև ընդհարումներն ակտիվացել են Աֆղանստանում գործողությունն ավարտելու մասին ԱՄՆ իշխանությունների որոշումից հետո: ԱՄՆ-ն նախատեսում է մինչև սեպտեմբերի 11-ը երկրից դուրս բերել իր ամբողջ զորակազմը:

11:01 - 16 հուլիսի, 2021

ԱՄՆ-ը սատարում է ԵԱՀԿ Մինսկի խմբի համանախագահության գործընթացին. Պետքարտուղարություն |armenpress.am|

armenpress.am: ԱՄՆ պետքարտուղարությունն իր աջակցությունն է հայտնել ԵԱՀԿ Մինսկի խմբի համանախագահության շրջանակում ղարաբաղյան հարցի խաղաղ կարգավորմանը՝ շեշտելով, որ ԱՄՆ-ը սատարում է ԵԱՀԿ Մինսկի խմբի համանախագահության գործընթացին և հավատարիմ է կողմերին օգնելու հասնել հակամարտության մշտական կարգավորմանը` հիմնվելով Հելսինկյան եզրափակիչ ակտի` ուժի չկիրառման կամ ուժի սպառնալիքի չկիրառման, տարածքային ամբողջականության, հավասար իրավունքների և ժողովուրդների ինքնորոշման սկզբունքների վրա: Այս մասին նշել է ԱՄՆ պետքարտուղարությունն ի պատասխան «Ամերիկայի ձայն»-ի հայկական ծառայության հարցերի: Անդրադառնալով վերջերս Վաշինգտոնում կայացած ԱՄՆ պետքարտուղար Բլինքենի ու Ֆրանսիայի արտգործնախարար Լը Դրիանի հանդիպման ժամանակ ԼՂ խաղաղ կարգավորման գործընթացի քննարկման մասին հարցին՝ պետքարտուղարությունը մատնանշել է ֆրանսիական կողմի տարածած տեղեկատվությունը, ըստ որի՝ Վաշինգտոնում Ֆրանսիայի ու ԱՄՆ-ի դիվանագիտական գերատեսչությունների ղեկավարների հանդիպմանը կողմերը որպես Մինսկի խմբի համանախագահներ խոսել են համատեղ գործողությունների մասին, որոնք կօգնեն հասնելու կայուն խաղաղությանը Հայաստանի և Ադրբեջանի միջև: «Մենք խորապես մտահոգված ենք անցյալ աշնանը Հայաստանի և Ադրբեջանի միջև հակամարտության վերսկսման ազդեցությամբ և հստակ գիտակցում ենք տարածաշրջանում առկա մարդասիրական կարիքների մասին»,- նշել է պետքարտուղարությունը: «Ամերիկայի ձայն»-ի հայկական ծառայությունը նաև հարց էր ուղղել օրերս Ադրբեջանի վերահսկողության տակ անցած Լեռնային Ղարաբաղի տարածքներ Ադրբեջանում հավատարմագրված մի խումբ դեսպանների ու դիվանագետների այցի մասին: ԱՄՆ պետքարտուղարությունը նշել էր, որ չի մեկնաբանում դեսպանի ժամանակացույցի հետ կապված մանրամասներ: Պետքարտուղարությունը չի մեկնաբանել նաև Ֆրանսիայի կամ Ռուսաստանի դեսպանների ժամանակացույցի վերաբերյալ մանրամասները:

10:25 - 16 հուլիսի, 2021

Բելառուսում շուրջ երկու տասնյակ ՀԿ-ների ներկայացուցիչներ բերման են ենթարկվել |azatutyun.am|

azatutyun.am: Առնվազն 19 հասարակական կազմակերպությունների ներկայացուցիչներ բերման են ենթարկվել Բելառուսում հերթական խուզարկությունների արդյունքում: ԱՄՆ Պետքարտուղարությունը դատապարտել է Բելառուսում խուզարկությունների և ձերբակալությունների նոր ալիքը՝ ուղղված հասարակական կազմակերպությունների անդամների և քաղաքացիական հասարակության ներկայացուցիչների դեմ, ասվում է Պետդեպարտամենտի խոսնակ Նեդ Փրայսի հայտարարությունում, որը հրապարակվել է Թվիթերում: Ավելի վաղ Բելառուսում Միացյալ Նահանգների դեսպան Ջուլի Ֆիշերը նույնպես դատապարտել էր Լուկաշենկոյի ռեժիմի նոր բռնաճնշումները՝ Թվիթերում գրելով, որ «ռեժիմի շարունակական փորձերը՝ հետապնդել անկախ ձայները, մարդու իրավունքների պաշտպաններին և քաղաքացիական հասարակության ներկայացուցիչներին, Բելառուսի միջազգային մեկուսացման պատճառն է»: Բելառուսի «Վեսնա» իրավապաշտպան կենտրոնը հաղորդել է, որ երեկ առավոտյան իրավապահները խուզարկություններ են անցկացրել տասնյակ խոշոր հասարակական և իրավապաշտպան կազմակերպությունների, ընդդիմադիրների գրասենյակներում, ինչպես նաև հասարակական գործիչների տներում:

12:19 - 15 հուլիսի, 2021

Նիկոլ Փաշինյանը հեռախոսազրույց է ունեցել Էնթոնի Բլինքենի հետ

Վարչապետի պաշտոնակատար Նիկոլ Փաշինյանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ՝ վերջինիս նախաձեռնությամբ: Ամերիկյան կողմը շնորհավորել է Նիկոլ Փաշինյանին ընտրություններում «Քաղաքացիական պայմանագիր» կուսակցության հաղթանակի առթիվ` ընդգծելով ՀՀ կառավարության կողմից վերջին տարիներին ձեռնարկած հետևողական քայլերը՝ Հայաստանի ժողովրդավարական ձեռքբերումների ապահովման գործում: Այս համատեքստում, ԱՄՆ պետքարտուղարը բարձր է գնահատել Նիկոլ Փաշինյանի գործադրած ջանքերը՝ երկրում նախընտրական շրջանում ստեղծված լարվածությունը խաղաղ ճանապարհով հանգուցալուծելու և ընդդիմության հետ քաղաքակիրթ հարաբերություններ կառուցելու ուղղությամբ: Էնթոնի Բլինքենը շեշտել է ՀՀ կառավարության կողմից իրականացվող բարեփոխումների օրակարգի կարևորությունը, մասնավորապես, կոռուպցիայի դեմ պայքարում ու արդարադատության ոլորտում և հավելել, որ ԱՄՆ պատրաստակամ է շարունակել օժանդակությունն այս ուղղությամբ: Միաժամանակ նա նշել է, որ երկու երկրների միջև գործընկերությունը խարսխված է ժողովրդավարական արժեքների վրա: Վարչապետի պաշտոնակատար Նիկոլ Փաշինյանը շնորհակալություն է հայտնել ժողովրդավարական բարեփոխումների ուղղությամբ Հայաստանի ձեռբերումները գնահատելու համար: Նա բարձր է գնահատել ԱՄՆ շարունակական աջակցությունը՝ Հայաստանում ժողովրդավարական ինստիտուտների, օրենքի գերակայության ամրապնդման, ինչպես նաև Երևանում ոստիկանության պարեկային ծառայության գործունեության մեկնարկի ուղղությամբ: Նիկոլ Փաշինյանը նշել է, որ Պարեկային ծառայությունը հետագայում ընդլայնվելու է ողջ երկրում և հույս հայտնել, որ ամերիկյան օժանդակությունը հնարավորություն կտա ամբողջացնել այդ գործընթացը: Վարչապետի պաշտոնակատարը բարձր է գնահատել Պետքարտուղարի տեղակալ Ֆիլ Ռիքերի՝ մեկ ամիս առաջ Ադրբեջանից հայ գերիների վերադարձի գործում ներդրած ջանքերը: Որպես տարածաշրջանում կայունության հաստատման առանցքային նշանակության խնդիրներ՝ կարևորվել են գերիների վերադարձի և Հայաստանի ինքնիշխան տարածքից ադրբեջանական զինված ուժերի դուրս բերման հարցերը: Պետքարտուղարը հավաստիացրել է, որ ԱՄՆ շարունակելու է ջանքեր գործադրել բոլոր գերիների վերադարձն ապահովելու համար: Անդրադառնալով Լեռնային Ղարաբաղի հակամարտության թեմային, պետքարտուղարը հույժ կարևորել է ԵԱՀԿ Մինսկի խմբի համանախագահների գործունեության վերականգնումը՝ ընդգծելով խաղաղ գործընթացի հստակ օրակարգի մշակման անհրաժեշտությունը, որը հնարավորություն կտա գտնել հակամարտության կայուն և երկարաժամկետ լուծում: Այս համատեքստում Նիկոլ Փաշինյանը ևս շեշտել է, որ հակամարտությունը կարգավորված չէ և պահանջում է համապարփակ լուծում, որին հնարավոր է հասնել բացառապես Մինսկի խմբի համանախագահության շրջանակում: Ամերիկյան կողմը նշել է, որ համաձայն է վարչապետի պաշտոնակատարի այն դիտարկմանը, որ ստատուս քվոն չի կարող կայուն լինել և ՄԽ համանախագահության համար անհրաժեշտ է հստակ օրակարգ, որը կնպաստի բանակցությունների հաջողությանը:

09:26 - 14 հուլիսի, 2021

Բաքվում ԱՄՆ դեսպանատունը մեկնաբանել է՝ դեսպանի կողմից Ադրբեջանի կառավարության հրավերն անտեսելը և Շուշի չմեկնելը |tert.am|

tert.am: Ադրբեջանում ԱՄՆ դեսպանատունը բացատրել է՝ ինչու դեսպանն այդ երկրում դիվանագիտական կորպուսի 40-ից ավելի ներկայացուցիչների հետ չի մեկնել Լեռնային Ղարաբաղի՝ այժմ Բաքվի վերահսկողության տակ գտնվող Շուշի քաղաք:Հայտնի է, որ Ադրբեջանի իշխանություններն անցած հանգստյան օրերին շրջագայություն էին կազմակերպել օտարերկրյա դեսպանների համար դեպի Վարանդա (Ֆիզուլի) և Շուշի: Սական ԱՄՆ-ի, Ֆրանսիայի և ՌԴ-ի դեսպաններն անտեսել էին Ադրբեջանի կառավարության հրավերը. ԵԱՀԿ Մինսկի խմբի համանախագահող երկրների դիրքորոշումը հանրային ընդվզում է առաջացրել Ադրբեջանում: Այս կապակցությամբ haqqin.az լրատվականի խմբագրությունն Ադրբեջանում ԱՄՆ դեսպան Էրլ Լիտցենբերգերին խնդրել է պատասխանել թեմայի վերաբերյալ մի շարք հարցերի: Ստորև ներկայացված են ԱՄՆ դեսպանատան պատասխանները:- Ինչո՞ւ մերժեցիք Շուշի այցելելու կառավարության հրավերը: - Մենք չենք մեկնաբանում դեսպանի ժամանակացույցին վերաբերող մանրամասները կամ պատճառները, թե ինչու նա չի կարող ներկա լինել որոշակի միջոցառումների: Ցանկանում ենք նշել, որ ուրբաթ Բաքվում կային մի շարք դիվանագիտական առաքելությունների ներկայացուցիչներ, որոնք ի վիճակի չէին մեկնել Ֆիզուլի և Շուշի:- Ինչո՞ւ Մինսկի խմբի երեք համանախագահ երկրների՝ Միացյալ Նահանգների, Ռուսաստանի և Ֆրանսիայի դեսպանները, հանդես եկան նույն դիրքորոշմամբ և մերժեցին հուլիսի 9-ին Շուշի այցելելու հրավերը:- Մենք չենք մեկնաբանում մեր դեսպանի ժամանակացույցի մանրամասները: Խորհուրդ ենք տալիս կապվել Ֆրանսիայի և Ռուսաստանի դեսպանատների հետ ՝ այլ դեսպանատների մասին մանրամասներ ստանալու համար: Շարունակությունը՝ tert.am-ում

11:38 - 13 հուլիսի, 2021

Ադամ Շիֆը ներկա է գտնվել Գլենդեյլում Հայ-ամերիկյան թանգարանի հիմնարկեքի արարողությանը |tert.am|

tert.am: ԱՄՆ կոնգրեսական Ադամ Շիֆը Կալիֆորնիայում ներկա է գտնվել Հայ-ամերիկյան թանգարանի և մշակութային կենտրոնի հիմնադրման և կառուցման մեկնարկի արարողությանը:«Ինձ համար պատիվ էր այցելել Գլենդեյլի սրտում տեղի ունեցած հիմնարկեքի արարողությանը, որով տրվեց Հայ-ամերիկյան թանգարանի և մշակութային կենտրոնի կառուցման մեկնարկը:Նրանց պատմությունն ամերիկյան պատմություն է` հույսի շող դժվարություններին դիմակայելու գործում, համառության և նոր սկզբի դրսևորում»,- գրել է Շիֆն իր ֆեյսբուքյան էջում:

11:12 - 13 հուլիսի, 2021

Ոչ ոք ՀԱՊԿ երկրներում ԱՄՆ ռազմական օբյեկտների հայտնվելու հայտ չի ներկայացրել. Լավրով |tert.am|

tert.am: ՌԴ ԱԳ նախարար Սերգեյ Լավրովը լրագրողների հետ հանդիպմանը հայտնել է, որ ՀԱՊԿ երկրների տարածքում ԱՄՆ ռազմաբազաների կամ ռազմական նշանակության այլ օբյեկտների հայտնվելը, ըստ համաձայնագրի, կազմակերպության շրջանակներում հաստատում կպահանջեր, ոչ ոք նման հայտ չի ներկայացրել, գրում է ՏԱՍՍ-ը:«ՀԱՊԿ ցանկացած անդամի տարածքում օտարերկրյա ռազմական անձնակազմի ներկայության վերաբերյալ բոլոր հարցերը, համաձայն կանոնադրության, ենթակա են համաձայնեցման այս շրջանակներում: Ակնհայտ է, որ այս երկրներից ոչ մեկը ՀԱՊԿ-ին չի դիմել համապատասխան խորհրդատվություն անցկացնելու անհրաժեշտության վերաբերյալ»,-ասել է ՌԴ գլխավոր դիվանագետը:Միևնույն ժամանակ նա ընդգծել է, որ նոր ռազմական օբյեկտների ի հայտ գալը Կենտրոնական Ասիայի երկրների տարածքում հակասում է տարածաշրջանի անվտանգության շահերին:

16:37 - 12 հուլիսի, 2021

Բայդենն ու Պուտինը քննարկել են Ռուսաստանից իրականացվող հաքերային հարձակումների համատեղ հակազդեցության հնարավորությունը |azatutyun.am|

azatutyun.am: Միացյալ Նահանգների նախագահ Ջոզեֆ Բայդենն ու Ռուսաստանի ղեկավար Վլադիմիր Պուտինը ուրբաթ երեկոյան կայացած հեռախոսազրույցի ընթացքում քննարկել են Ռուսաստանի տարածքում գործող հաքերային խմբավորումների կողմից ամերիկյան ընկերությունների դեմ իրականացվող հարձակումների թեման։ Այս մասին տեղեկացնում է Սպիտակ տան մամուլի ծառայությունը։ Հեռախոսազրույցի ընթացքում նախագահ Բայդենը կոչ է արել իր ռուսաստանցի պաշտոնակցին գործուն միջոցներ ձեռնարկել ռուսաստանցի այն հաքերային խմբավորումների դեմ, որոնք ներթափանցում են ամերիկյան մասնավոր ընկերությունների ներքին ցանցեր, վերահսկողություն սահմանում դրանց հանդեպ և այդ ցանցերի բնականոն աշխատանքը վերականգնելու դիմաց փրկագին են պահանջում։ «Ես հստակորեն ասել եմ Ռուսաստանի նախագահին։ Մեր ակնկալիքը հետևյալն է՝ եթե հաքերային հարձակումները անգամ ուղղորդված չեն պետության կողմից սակայն կատարվում են Ռուսաստանի տարածքից, միևնույն է, ռուսաստանյան պաշտոնական մարմինները, ամերիկյան կողմից ստացված բավարար տեղեկատվության հիման վրա, պետք է հստակ քայլեր ձեռնարկեն», - հայտարարել է Բայդենը։ Կրեմլի հաղորդագրության համաձայն, սակայն, վերջին մեկ ամսում հաքերային հարձակումների հարցով ամերիկյան իրավապահ համակարգից որևէ դիմում Մոսկվայում չի ստացվել։ «Չնայած դրան ռուսական կողմը պատրաստ է այս հարցում համագործակցել Վաշինգտոնի հետ «տվյալների փոխանակման հատուկ խողովակների կիրառմամբ և առանց հարցը քաղաքականացնելու», - նշված է Կրեմլի հաղորդագրության մեջ։

18:35 - 10 հուլիսի, 2021

Սիրիայի վերաբերյալ բանաձևը Պուտինի ու Բայդենի շփման արդյունք է. Սպիտակ տուն |1lurer.am|

1lurer.am: Ամերիկյան կառավարությունը համոզված է, որ ՄԱԿ-ի Անվտանգության խորհրդի կողմից Սիրիայի վերաբերյալ նոր բանաձևի հաստատումը Ռուսաստանի և ԱՄՆ-ի նախագահներ Վլադիմիր Պուտինի և Ջո Բայդենի անձնական փոխգործակցության՝ հունիսի 16-ին Ժնևում կայացած նրանց հանդիպման արդյունք է՝ հաղորդում է ТАСС-ը: Ավելի վաղ ՄԱԿ-ի Անվտանգության խորհուրդը բանաձև էր ընդունել Սիրիայում անդրսահմանային օգնությունը երկարաձգելու մասին: Փաստաթուղթը պատրաստվել է Ռուսաստանի, ԱՄՆ-ի, Իռլանդիայի և Նորվեգիայի համատեղ ջանքերով: Այն 12 ամսով երկարաձգում է Սիրիայի և Թուրքիայի սահմանին գտնվող «Բաբ ալ-Հավա» միակ անցակետի շահագործումը՝ պայմանով, որ վեց ամսից ՄԱԿ-ի գլխավոր քարտուղարը զեկույց կներկայացնի անդրսահմանային օգնության աշխատանքի մասին: Թուրքիան ողջունել է ՄԱԿ-ի Անվտանգության խորհրդի բանաձևը, որն ըստ Անկարայի՝ կնպաստի Սիրիայում մարդասիրական ճգնաժամի, տարածաշրջանային կայունության և անվտանգության ապահովմանը:

14:11 - 10 հուլիսի, 2021

ԱՄՆ-ն «սև ցուցակ»-ում է ներառել ռուսական 3 ընկերություն և ՌԴ-ից 3 ֆիզիկական անձ |tert.am|

tert.am: Միացյալ Նահանգների առևտրի նախարարությունը «սև ցուցակ»-ում է ներառել նաև 3 ռուսական ընկերություն և 3 ֆիզիկական անձ Ռուսաստանի Դաշնությունից, հայտնում է «ՌԻԱ Նովոստի» լրատվական գործակալությունը։ԱՄՆ-ն, ընդհանուր առմամբ, «սև ցուցակում» ավելացրել է ավելի քան 30 նոր կազմակերպություն և ֆիզիկական անձ, որոնցից 3-ը ռուսական կազմակերպություններ, իսկ 3-ը ՌԴ-ից ֆիզիկական անձինք են։ Խոսքը «Տեսոն» ՍՊԸ-ի, «Ռադիան» ընկերությունների խմբի և TradeComponent ՍՊԸ-ի, ինչպես նաև դրանց հետ կապված երեք անձի մասին է:Նման միջոցառումների պատճառը «ԱՄՆ-ի ազգային անվտանգության և արտաքին քաղաքականության շահերին հակասող գործունեության համար ապրանքներ (այդ թվում ՝ ամերիկյան ծագում ունեցող) ձեռք բերելու փորձերն են»:Անցյալ տարի առևտրի նախարարությունը ցուցակում ավելացրել էր ռուսական 3 այլ կազմակերպություն։

17:52 - 09 հուլիսի, 2021

Կալիֆոռնիայում 5.9 մագնիտուդ ուժգնությամբ երկրաշարժ է գրանցվել |1lurer.am|

1lurer.am: ԱՄՆ Կալիֆոռնիա և Նևադա նահանգների սահմանին գրանցվել է 5.9 մագնիտուդ հզորությամբ երկրաշարժ՝ փոխանցում է USA Today-ը: Ստորգետնյա ցնցումները տեղի են ունեցել Թահո լճից հարավ՝ առաջացնելով բազմաթիվ հետցնցումներ, որոնցից մեկի ուժգնությունը եղել է 4.6 մագնիտուդ: Նշվում է, որ սա վերջին երկուսուկես տասնամյակի ընթացքում գրանցված ամենահզոր երկրաշարժն է: Ստորգետնյա ցնցումները զգացվել են էպիկենտրոնից ավելի քան 100 մղոն հեռավորության վրա, երկու նահանգներում: Տուժածների կամ ավերածությունների մասին տեղեկություններ առայժմ չեն հաղորդվել:

10:48 - 09 հուլիսի, 2021

«Մենք հասել ենք մեր նպատակին». Ջո Բայդենը հայտարարել է ԱՄՆ-ի մասնակցությամբ ամենաերկարատև պատերազմի ավարտի մասին |tert.am|

tert.am: Միացյալ Նահանգների նախագահ Ջո Բայդենը հայտարարել է, որ ԱՄՆ-ի մասնակցությամբ ամենաերկարատև պատերազմը կավարտվի օգոստոսի 31-ին, երբ Աֆղանստանը կլքի հայրենիք վերադարձող ամերիկացի զինվորականների վերջին խումբը, հայտնում է CBS News-ը՝ հղում տալով Սպիտակ տանը Բայդենի ելույթին։«Ես ևս մեկ ամերիկացի սերնդի չեմ ուղարկի Աֆղանստան պատերազմի՝ առանց ողջամիտ ակնկալիքի առ այն, որ կարելի է այլ արդյունքի հասնել։ Միացյալ Նահանգները չի կարող իրեն թույլ տալ կապված մնալ մի քաղաքականության հետ, որը ստեղծվել է մի աշխարհում, որ գոյություն ուներ 20 տարի առաջ», - ասել է Բայդենը։Նա նշել է, որ Աֆղանստանում անվտանգության հետ կապված ներկա իրավիճակը միայն հաստատում է այն, որ ԱՄՆ-ի ներկայությունն այնտեղ ևս մեկ տարի ոչ մի հարց չի լուծի, սակայն կհանգեցնի ամերիկյան զորքերի անվերջ ներկայությանը։ Բայդենը հավելել է, որ Միացյալ Նահանգները հասել է Աֆղանստանում իր առջև դրած նպատակին․ այն է՝ վերացնել «Ալ Քաիդա» ահաբեկչական կազմակերպությանը և դրա ղեկավար Ուսամա Բեն Լադենին։«Մենք հասել ենք այն նպատակներին, որոնք դրել էինք մեր առջև։ Մենք Աֆղանստան չենք եկել ազգ կառուցելու համար, դա միայն աֆղան ժողովրդի իրավունքն ու պատասխանատվությունն է՝ որոշել իր ապագան և թե ինչպես են ցանկանում կառավարել իրենց երկիրը», - եզրափակել է ԱՄՆ-ի նախագահը։

10:06 - 09 հուլիսի, 2021

Պենտագոնի ղեկավարը Թուրքիայի պաշտպանության նախարարի հետ քննարկել է Քաբուլի օդանավակայանի անվտանգությունն ապահովելու հարցը |tert.am|

tert.am: Պենտագոնի ղեկավար Լոյդ Օսթինը հեռախոսազրույց է ունեցել Թուրքիայի պաշտպանության նախարար Հուլուսի Աքարի հետ և քննարկել Աֆղանստանից ամերիկյան զորքերի դուրս բերման պայմաններում մայրաքաղաք Քաբուլի օդանավակայանի անվտանգության ապահովման հարցը, ТАСС-ի փոխանցմամբ՝ հայտարարել է Պենտագոնի խոսնակ Ջոն Քիրբին: «Օսթինը և Աքարը մտքեր են փոխանակել անվտանգությանն առնչվող հարցերի վերաբերյալ, համաձայնել հետագայում համագործակցել Քաբուլի Համիդ Քարզայի անվան միջազգային օդանավակայանի անվտանգության ապահովման հարցով ձեռք բերված պայմանավորվածությունների շուրջ»,- ասել է Քիրբին: Հունիսի 14-ին Թուրքիայի նախագահ Ռեջեփ Թայիփ Էրդողանը հայտարարել էր, որ պաշտոնական Անկարան պատրաստ է պահպանել Աֆղանստանում իր զորախմբի ներկայությունը ԱՄՆ-ի կողմից ֆինանսական աջակցության տրամադրման պարագայում: Դրան հետևել էր Մոսկվայի արձագանքը. ՌԴ ԱԳՆ պաշտոնական ներկայացուցիչ Մարիա Զախարովան հայտարարել էր, որ Քաբուլի օդանավակայանի անվտանգությունն ապահովելու՝ Թուրքիայի առաջարկը հակասում է Աֆղանստանից օտարերկրյա զորքերի դուրս բերման վերաբերյալ ԱՄՆ-ի և Աֆղանստանում գործող «Թալիբան» շարժման միջև 2020 թ. Քաթարում ստորագրված համաձայնագրին:

09:34 - 09 հուլիսի, 2021

ԱՄՆ-ի կողմից Իրաքում օգտագործվող Այն ալ Ասադ ռազմակայանը գնդակոծման է ենթարկվել |armenpress.am|

armenpress.am: Իրաքի Այն ալ Ասադ ռազմակայանը, որն օգտագործում են ԱՄՆ-ի գլխավորած միջազգային հակաահաբեկչական ուժերը, հրթիռակոծման Է ենթարկվել: Հուլիսի 7-ին այդ մասին հայտնել Է Al Arabiya հեռուստաալքիքը: Հեռուստաալիքի տեղեկատվությամբ՝ Այն ալ Ասադի ուղղությամբ, որը գտնվում Է Անբարի նահանգում, յոթ հրթիռ Է արձակվել: Միջադեպի մանրամասները ճշտվում են, հաղորդել Է ՏԱՍՍ-ը:

15:27 - 07 հուլիսի, 2021