Իրան - infocom.am

Իրան

Իրանի Իսլամական Հանրապետությունն ինքնիշխան պետություն է Արևմտյան Ասիայում: Ավելի քան 83 միլիոն բնակչությամբ։ Իրանը աշխարհում բնակչության թվով 18-րդն է: 1.648.195 կմ քառակուսի տարածքով այն երկրորդ ամենախոշոր երկիրն է Մերձավոր Արևելքում և 17-րդը` աշխարհում: Իրանը հյուսիս արևմուտքում սահմանակից է Հայաստանին, Արցախին, Ադրբեջանին և Ադրբեջանի մաս կազմող Նախիջևանին, հյուսիսում Կասպից ծովին, հյուսիս արևելքում Թուրքմենստանին, արևելքում Աֆղանստանին և Պակիստանին, հարավում Պարսից ծոցին և Օմանի ծոցին, արևմուտքում Թուրքիային և Իրաքին :

Երկրի մայրաքաղաքը և խոշորագույն քաղաքը Թեհրանն է, որը համարվում է նաև երկրի մշակութային և տնտեսական կենտրոնը: Երկրի նախագահը Հասան Ռոհանին է, հոգևոր առաջնորդը Այաթոլլա Ալի Խամենեին է։

Իրանը մերժել Է արաբական կազմակերպությունների կողմից իրեն հասցեագրված մեղադրանքները |armenpress.am|

armenpress.am։ Իրանի արտաքին գործերի նախարարությունը մերժել Է ու դատապարտել արաբական երկրների դիրքորոշումը, որոնք գտնում են, որ Թեհրանը միջամտում Է Պարսից ծոցի պետությունների ներքին գործերին: Համապատասխան հայտարարությամբ մայիսի 31-ին հանդես Է եկել Իրանի արտաքին քաղաքական գերատեսչության պաշտոնական ներկայացուցիչ Աբաս Մուսավին:«Մենք ափսոսանք ենք հայտնում, որ Սաուդյան Արաբիան չարաշահել Է իր լիազորությունները Արաբական պետությունների լիգայի եւ Պարսից ծոցի արաբական պետությունների համագործակցության խորհրդի գագաթնաժողովների անցկացման ընթացքում, օգտագործելով իր քաղաքական ազդեցությունը: Մերժում եւ դատապարտում ենք Պարսից ծոցի մի շարք երկրների անհիմն հայտարարությունները: Գագաթնաժողովների հանրագումարային հայտարարություններն արտացոլում են ոչ բոլոր մասնակիցների կարծիքները»,- նշել Է Մուսավին: Նա հավելել Է, որ Էր Ռիադը ճնշում Է գործադրել ամփոփիչ հայտարարությունների տեքստերը մշակելու ընթացքում, «սխալ քաղաքականություն Է վարում՝ կատարելով Իսրայելի ու ԱՄՆ-ի պահանջները եւ հակասություններ առաջացնելով տարածաշրջանում»: Ինչպես արդեն տեղեկացվել Է, արաբական երկրները Մեքքայում Պարսից ծոցի արաբական պետությունների համագործակցության խորհրդի անդամների գագաթնաժողովի արդյունքներով հայտարարել են, որ հաստատակամ են պաշտպանելու տարածաշրջանի կայունությունն ու անվտանգությունը եւ դատապարտել են Իրանի կողմից հնչող սպառնալիքները:«Խորհուրդը վերահաստատեց Պարսից ծոցի արաբական պետությունների վճռականությունը պաշտպանելու տարածաշրջանի կայունությունը, անվտանգությունն ու խաղաղությունը, համաշխարհային տնտեսության աճը եւ նավթաշուկաների կայունությունը եւ դատապարտեց ծովային նավագնացության ազատությանն ու նավթի մտակարարումներին Իրանի սպառնալիքները»,- ասված Է գագաթնաժողովի արդյունքների վերաբերյալ տարածված ամփոփիչ հաղորդագրության մեջ: Բացի այդ, բանաձեւը կոչ Է անում միջազգային հանրակցությանը՝ կատարելու միջազգային խաղաղության ու անվտանգության պահպանման իր պարտավորությունները եւ վճռական միջոցեր ձեռնարկել իրանական ռեժիմի դեմ: Մասնավորապես, հանդիպման մասնակիցները պահանջում են «ավելի արդյունավետ ու լուրջ քայլեր կատարել Իրանի կողմից միջուկային ներուժի ստեղծում թույլ չտալու նպատակով» եւ «ավելի խիստ սահմանափակումներ կիրառելու բալիստիկ հրթիռների իրանական ծրագրի դեմ»: Բանաձեւում նաեւ հայտարարվում Է Իրանի նկատմամբ ԱՄՆ-ի ռազմավարությանն աջակցության մասին: Մեքքայում միաժամանակ անցկացվել Է երեք գագաթնաժողով՝՝ Իսլամական համագործակցության կազմակերպության, Պարսից ծոցի արաբական պետությունների համագործակցության խորհրդի եւ Արաբական պետությունների լիգայի, հաղորդել Է ՏԱՍՍ-ը:

10:07 - 31 մայիսի, 2019