14:52 - 29 հունվարի, 2021
Թուրքիայից Ռուսաստան է ուղևորվել առաջին բեռնատար շարժակազմը՝ Բաքու-Թբիլիսի-Կարս երկաթգծով |azatutyun.am|
azatutyun.am: Այսօր Թուրքիայից Ռուսաստան է ուղևորվել առաջին բեռնատար շարժակազմը՝ Բաքու-Թբիլիսի-Կարս երկաթգծով։
«Գնացքը ճանապարհ է ընկել Անկարայից դեպի Ռուսաստանի Վորսինո կայարան, ակնկալվում է, որ 4650 կմ ճանապարհն այն կանցնի 8 օրում», - հայտարարել է ադրբեջանական կողմը։
Տրանսպորտային հանգույցը, որը միավորում է Ադրբեջանի, Վրաստանի և Թուրքիայի երկաթուղային ցանցերը, շահագործման է հանձնվել 2017 թվականի հոկտեմբերին: Երկաթգծի ընդհանուր երկարությունը կազմում է 826 կիլոմետր, սկզբնական շրջանում նախատեսվում է դրանով տարեկան 6,5 միլիոն տոննա բեռ տեղափոխել, հետագայում այդ ցուցանիշը բազմապատկել՝ հասցնելով տարեկան 22 միլիոն տոննայի։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)