Իրանի ԱԳՆ խոսնակ Սաիդ Խաթիբզադեն հերքել է Ադրբեջանի նախագահ Իլհամ Ալիևի հայտարարությունները, թե Հայաստանն ու Իրանը ներգրավված են եղել թմրամիջոցների ապօրինի շրջանառության մեջ: Խաթիբզադեն ընդգծել է, որ նման պնդումներն ազդում են Իրան-Ադրբեջան եղբայրական կապերի վրա: «Ցավոք, Բաքուն մտադիր է լրատվամիջոցների համար հանդես գալ անհիմն հայտարարություններով, որոնց, իհարկե, համապատասխան արձագանք կտրվի»,-նշել է ԱԳՆ խոսնակը։ |armenpress.am|
ԱՊՀ երկրների ղեկավարների խորհրդի նիստին Իլհամ Ալիևը հայտարարել է, որ Ադրբեջանը պատրաստ է բանակցություններ սկսել սահմանազատման հարցով՝ փոխադարձ տարածքային ամբողջականության ճանաչման պայմանով։ «Ադրբեջանը ՀՀ-ի հետ պատրաստ է նաև բանակցություններ սկսել խաղաղության պայմանագրի շուրջ։ Հուսանք, որ Հայաստանի ղեկավարությունը բաց չի թողնի այս պատմական հնարավորությունը»,- ասել է նա։ Վարչապետ Նիկոլ Փաշինյանը իր հերթին նշել է, որ դժվար է պատկերացնել սահմանազատումն ու սահմանագծումը, երբ դրանք ոչ վաղ անցյալում խախտվել են Ադրբեջանի կողմից։ «Մենք մեկ անգամ չէ, որ առաջարկել ենք իրականացնել զինված ուժերի հայելային հետքաշում` հաշվի առնելով ԽՍՀՄ քարտեզներում ամրագրված ու իրավականորեն հաստատված սահմանները։ Այդ սահմանին կարող են տեղակայվել ՌԴ սահմանապահները կամ միջազգային դիտորդները։»,– նշել է Փաշինյանը։ |hetq.am|
Պաշտպանության նախկին նախարար Դավիթ Տոնոյանը կմնա կալանքի տակ: Վերաքննիչ քրեական դատարանը մերժեց նրա կալանքը վերացնելու միջնորդությունը։ [Տոնոյանի փաստաբան Սերգեյ Հովհաննիսյան] |azatutyun.am|
Ադրբեջանական զինծառայողների սանձարձակությունն այն աստիճանի է հասել, որ դիտավորյյալ կրակոցներով ժամը 13:15-ի սահմաններում հրդեհել է Երասխի բնակչի խոտի 8 հազար հակ: Ոչնչացվել է ձմռան ողջ պաշարը, որ քաղաքացին իր կենդանիներին կերակրելու համար չարչարանքով հավաքել էր ողջ տարի: Ավելին, կրակը տարածվել է և հրդեհվել քաղաքացու անասնագոմի տանիքը: Միայն հրշեջների ժամանակին միջամտելու արդյունքում է կրակը հաջողվել մարել, որ քաղաքացու տանիքի մյուս մասը չայրվի: Պետք է անհապաղ սկսվի Ադրբեջանի հետ ՀՀ սահմանների շուրջ անվտանգության ապառազմականացված գոտի ստեղծելու և ադրբեջանական զինված ծառայողներին ՀՀ գյուղերի հարևանությունից, համայնքների միջև ճանապարհներից անհապաղ հեռացնելու գործընթաց: [ՀՀ ՄԻՊ]
Արցախի ԱԳ նախարար Դավիթ Բաբայանն աշխատանքային այցով գտնվում էր ՌԴ-ում։ Վլադիմիրի շրջանում, Մոսկվա, Պյատիգորսկ և Սոչի քաղաքներում նախարարը հանդիպումներ է ունեցել ՌԴ քաղաքական, հասարակական, գիտակրթական շրջանակների, Ռուսաստանի հայ համայնքի, նրա արցախյան հատվածի և Հայ Առաքելական եկեղեցու ներկայացուցիչների հետ։ Քննարկվել են տարածաշրջանում ստեղծված իրավիճակին, հնարավոր զարգացումներին, ադրբեջանա-ղարաբաղյան հակամարտության կարգավորման հեռանկարներին, Արցախ-Սփյուռք կապերի հետագա խորացմանը, Արցախի զարգացման գործընթացին Ռուսաստանի հայ համայնքի ներգրավմանն առնչվող հարցեր։ [ԱՀ ԱԳՆ]
Հոկտեմբերի 15-ին, ժամը 15։00-ի սահմաններում, ադրբեջանական ԶՈՒ ստորաբաժանումները կրակ են բացել ՀՀ Արարատի մարզի, մասնավորապես՝ Երասխ գյուղի, և այդ հատվածում տեղակայված հայկական դիրքերի ուղղությամբ, ինչի հետևանքով այրվել են գյուղի բնակիչներից մեկի անասնագոմը և խոտի դեզերը։ ՀՀ ԶՈւ անձնակազմի և քաղաքացիական բնակչության շրջանում տուժածներ չկան։ [ՀՀ ՊՆ]
Վերջին օրերին Ադրբեջանի կողմից կրկին փորձ է արվում արհեստականորեն լարել իրավիճակը տարածաշրջանում, ընդ որում դա տեղի է ունենում բարձր մակարդակի հանդիպումներին զուգահեռ։ Ադրբեջանն ագրեսիվ գործողություններով նպատակ ունի ճնշման ու ահաբեկման միջոցով հասնել Արցախի հայաթափմանը։ Այսպիսի քաղաքականությունը նաև հարված է ՌԴ-ին և ռուս խաղաղապահ առաքելությանը։ ԱՀ ԱԳՆ-ն Ադրբեջանի քաղաքականությունը որակում է որպես ահաբեչություն և ապակառուցողական դիրքորոշման դրսևորում։ Կրկին անգամ ընդգծում ենք, որ նման քայլերով Արցախին չեն վախեցնելու։ Արցախահայությունը հաստատակամ է ապրել իր պատմական հայրենիքում, պաշտպանել իր ինքնիշխանությունն ու արժանապատվությունը։ [ԱՀ ԱԳՆ]
Սիսիանի նախկին քաղաքապետը 20 մլն դրամ գրավի դիմաց գիշերը ազատ է արձակվել: Հիշեցնենք, որ արտահերթ խորհրդարանական ընտրություններից հետո Սիսիանի արդեն նախկին քաղաքապետին մեղադրանք է առաջադրվել ՀՀ Քրեական օրենսգրքի 308-րդ հոդվածի երկրորդ մասի (պաշտոնեական լիազորությունները չարաշահելը) և 314-րդ հոդվածի առաջին մաս (պաշտոնատար անձի կողմից շահադիտական նպատակով կամ անձնական այլ դրդումներով կամ խմբային շահերից ելնելով՝ պաշտոնական փաստաթղթերում ակնհայտ կեղծ տեղեկություններ կամ գրառումներ մտցնելը, կեղծում, քերվածք կամ այլ թվական գրառումներ կամ փոփոխություններ կատարելը, ինչպես նաև կեղծ փաստաթղթեր կազմելը կամ հանձնելը) հատկանիշներով: |tert.am|
Գրանցված միջադեպերը ևս մեկ արձանագրումն են այն բանի, որ խաղաղ գոյակցության շուրջ ադրբեջանական թեզերը կեղծ են, առանց այդ ուղղությամբ իրական նպատակների, և միտված են թոզ փչելու միջազգային հանրության և ադրբեջանաղարաբաղյան հակամարտության կարգավորմամբ զբաղվող կողմերի աչքերին։ Խաղաղության և համակեցության վերաբերյալ ադրբեջանական հայտարարությունները լոկ խոսքեր են, որոնց տակ Ադրբեջանը առաջ է մղում իր հայատյաց, ցեղասպան և ֆաշիստական օրակարգը։ [Արցախի ՄԻՊ Գեղամ Ստեփանյան]
Վերջերս կտրուկ փոփոխվել է ադրբեջանական կրակոցների ուղղությունը` որպես թիրախ ընտրելով արդեն մարդկային կյանքերը: Երեկ Մարտունու շրջանի Նոր շեն համայնքի հարևանությամբ տեղակայված ադրբեջանական դիրքից թիրախային գնդակոծության է ենթարկվել նույն գյուղի խաղաղ բնակչությանը պաշտպանելու նպատակով դրա մոտակայքում տեղակայված հայկական դիրքը: Դիմահար կրակոցներն արձակվել են այն աստիճան բացահայտ, որ դրանք արձանագրվել են հայկական կողմում տեղադրված տեսախցիկների կողմից: [ՀՀ ԱԱԾ]
Ե՞րբ կբարեկարգվեն Գյումրու փողոցները․ պատասխանում են ՏԻՄ ընտրություններին մասնակցող քաղաքական ուժերի առաջին համարները
23:53 - 15 հոկտեմբերի, 2021Իրանի ԶՈՒ ԳՇ պետը, Շոյգուի հրավերով, կայցելի ՌԴ. կքննարկվեն տարածաշրջանային հարցեր |tert.am|
23:31 - 15 հոկտեմբերի, 2021ԱԱՏՄ-ն մեկ շաբաթում իրականացրել է 2571 ստուգայց և բացահայտել 275 խախտում
23:21 - 15 հոկտեմբերի, 2021Պայթյուն Ղանդահարի շիա մզկիթում. զոհվել է առնվազն 62 մարդ |hetq.am|
23:18 - 15 հոկտեմբերի, 2021Կիրականացվեն ծրագրեր՝ Արցախյան պատերազմի մասնակիցների և նրանց ընտանիքների զբաղվածության ապահովման համար
22:56 - 15 հոկտեմբերի, 2021Բաքուն կստանա համապատասխան արձագանքը. Իրանը պատասխանել է Ալիևի հայտարարություններին |armenpress.am|
22:42 - 15 հոկտեմբերի, 2021Մեկնարկել է Գյումրու ՏԻՄ ընտրություններին մասնակցող քաղաքական ուժերի առաջին համարների նախընտրական բանավեճը
22:15 - 15 հոկտեմբերի, 2021Բրիտանացի պատգամավորը սպանվել է ընտրողների հետ հանդիպման ժամանակ |armenpress.am|
20:40 - 15 հոկտեմբերի, 2021ՔՏՀԱ տեսչական մարմնում քննարկվել են տեխնիկական անվտանգության բնագավառի խնդիրները
20:22 - 15 հոկտեմբերի, 2021Ադրբեջանը պատրաստ է Հայաստանի հետ սահմանազատմանը՝ տարածքային ամբողջականության փոխադարձ ճանաչման պայմանով |hetq.am|
19:57 - 15 հոկտեմբերի, 2021Ե՞րբ կբարեկարգվեն Գյումրու փողոցները․ պատասխանում են ՏԻՄ ընտրություններին մասնակցող քաղաքական ուժերի առաջին համարները
23:53 - 15 հոկտեմբերի, 2021Իրանի ԶՈՒ ԳՇ պետը, Շոյգուի հրավերով, կայցելի ՌԴ. կքննարկվեն տարածաշրջանային հարցեր |tert.am|
23:31 - 15 հոկտեմբերի, 2021ԱԱՏՄ-ն մեկ շաբաթում իրականացրել է 2571 ստուգայց և բացահայտել 275 խախտում
23:21 - 15 հոկտեմբերի, 2021Պայթյուն Ղանդահարի շիա մզկիթում. զոհվել է առնվազն 62 մարդ |hetq.am|
23:18 - 15 հոկտեմբերի, 2021Կիրականացվեն ծրագրեր՝ Արցախյան պատերազմի մասնակիցների և նրանց ընտանիքների զբաղվածության ապահովման համար
22:56 - 15 հոկտեմբերի, 2021Բաքուն կստանա համապատասխան արձագանքը. Իրանը պատասխանել է Ալիևի հայտարարություններին |armenpress.am|
22:42 - 15 հոկտեմբերի, 2021Մեկնարկել է Գյումրու ՏԻՄ ընտրություններին մասնակցող քաղաքական ուժերի առաջին համարների նախընտրական բանավեճը
22:15 - 15 հոկտեմբերի, 2021Բրիտանացի պատգամավորը սպանվել է ընտրողների հետ հանդիպման ժամանակ |armenpress.am|
20:40 - 15 հոկտեմբերի, 2021ՔՏՀԱ տեսչական մարմնում քննարկվել են տեխնիկական անվտանգության բնագավառի խնդիրները
20:22 - 15 հոկտեմբերի, 2021Ադրբեջանը պատրաստ է Հայաստանի հետ սահմանազատմանը՝ տարածքային ամբողջականության փոխադարձ ճանաչման պայմանով |hetq.am|
19:57 - 15 հոկտեմբերի, 2021