Նյու Դելիում այսօր՝ մարտի 3-ին, հանդիպում են ունեցել ՀՀ և ՌԴ ԱԳ նախարարներ Արարատ Միրզոյանն ու Սերգեյ Լավրովը։ Այս մասին հայտնում են ՌԴ ԱԳՆ-ից։
Արտաքին գերատեսչությունների ղեկավարները քննարկել են երկկողմ օրակարգի արդիական հարցեր։ Ստուգվել են միջազգային հարթակներում համագործակցության խթանման մոտեցումները՝ ընդհանուր ինտեգրացիոն միավորումների շրջանակներում։
Հանդիպմանը տեղի է ունեցել մտքերի փոխանակում տարածաշրջանային խնդիրների շուրջ։ Նշվել է հայ-ադրբեջանական հարաբերությունների կարգավորման բոլոր ուղղություններում ջանքերի ակտիվացման կարևորությունը եռակողմ պայմանավորվածություններին համապաստախան։
Ըստ հաղորդագրության՝ բանակցություններն անցել են բարեկամական և վստահելի մթնոլորտում։ Պայմանավորվածություն է ձեռք բերվել հետագա շփումների վերաբերյալ։
Նշենք, որ Արարատ Միրզոյանն աշխատանքային այցով գտնվում է Նյու-Դելիում՝ մասնակցելու Հնդկաստանի՝ աշխարհաքաղաքականության և աշխարհատնտեսության թեմաներով առաջատար համաժողով «Ռաիսինա երկխոսությանը»։
comment.count (0)