1lurer.am: Կառավարության նիստից հետո լրագրողների հետ ճեպազրույցում ՀՀ առողջապահության նախարար Անահիտ Ավանեսյանը պատասխանեց այն հարցին, թե ինչ աշխատանքներ են տարվում Արցախում անհետաձգելի բժշկական օգնության կարիք ունեցող մարդկանց օգնություն ցուցաբերելու ուղղությամբ:  

«Մենք անմիջական կապի մեջ ենք ինչպես հիվանդանոցի, այնպես էլ առողջապահության նախարարության հետ: Համատեղ ուժերով փորձում ենք անել հնարավորը ծանր վիճակում գտնվող պացիենտների վիճակը ստաբիլ պահելու, և երբ իրավիճակը հանգուցալուծվի՝ րոպե առաջ նրանց Երևան տեղափոխելու համար»,- ասաց Ավանեսյանը:

Ավանեսյանը տեղեկացրեց, որ դիմել են միջազգային կառույցներին՝ օգտագործել բոլոր խողովակները, որ հնարավոր դառնա հիվանդների տեղափոխումը Երևան:

Խոսելով դեղորայքի և բժշկական պարագաների պաշարների մասին՝ Ավանեսյանը նշեց.

«Նրանք ռացիոնալ ձևով օգտագործում են պաշարները, դրանք ուղղում են միայն անհրաժեշտ ուղղություններով: Ռեսուրսների նման խնայողաբար օգտագործումը կարևոր է, որ կարողանան հնարավորինս երկար դիմանալ»:

Ավանեսյանը նշեց․ «գյուղական այն համայնքները (Շուշիի շրջանի Լիսագոր, Մեծ շեն, Հին շեն և Եղցահող-խմբ․), որոնք կտրված են, Արցախի առողջապահական համակարգն այս պահին չի կարողանում նրանց կարիքները հոգալ, մենք՝ միասնական թիմով, մարզային առողջապահական համակարգերի հետ, այդ բնակավարյրեր են հասցրել դեղորայք, այլ անհրաժեշտ բոլոր պարագաները շտապ բուժօգնության ծառայության միջոցով»: