10:36 - 27 օգոստոսի, 2021
Գորիս-Կապան միջպետական ճանապարհի բացման շուրջ եռակողմ բանակցությունները երեկ անարդյունք են ավարտվել, կշարունակվեն այսօր. Կապանի համայնքապետ |tert.am|
tert.am: Գորիս-Կապան միջպետական ճանապարհի բացման շուրջ եռակողմ բանակցությունները հայկական, ռուսական և ադրբեջանական կողմերի միջև երեկ անարդյունք են ավարտվել, այսօր կշարունակվեն: Այս մասին հայտնեց Կապանի համայնքապետ Գևորգ Փարսյանը:
Նրա խոսքով՝ հստակ ժամ չկա՝ երբ կվերսկսվեն բանակցությունները: Փարսյանի տեղեկացմամբ՝ հայկական կողմից բանակցություններին մասնակցում են սահմանապահ զորքերի ներկայացուցիչները:
Այս պահին ադրբեջանցիների կողմից շարունակում են փակ մնալ Գորիս-Կապան միջպետական ճանապարհի մի քանի հատվածներ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)