18:30 - 04 հուլիսի, 2021
ԵԱՀԿ գործող նախագահը ողջունել է հայ ռազմագերիների ազատ արձակումն ու ականապատման քարտեզների տրամադրումն Ադրբեջանին |tert.am|
tert.am: ԵԱՀԿ գործող նախագահ և Շվեդիայի ԱԳ նախարար Ան Լինդեն ողջունել է 15 հայ ռազմագերիների վերադարձը Հայաստան և հույս հայտնել հակամարտության կարգավորման շուրջ՝ ԵԱՀԿ ՄԽ հովանու ներքո:
«Ողջունում եմ ևս 15 հայ պահվող անձանց ազատ արձակումն Ադրբեջանի կողմից և ականապատման քարտեզների տրամադրումը Հայաստանի կողմից»,- իր թվիթերյան էջում գրել է Ան Լինդեն:
Վերջինս բարձր է գնահատել նաև ռուսական միջնորդությունը:
Հիշեցնենք, որ երեկ՝ հուլիսի 3-ին, ռուսական կողմի միջնորդությամբ Հայաստան են վերադարձել Ադրբեջանի կողմից գերեվարված 15 հայ գերիներ։ Հայկական կողմը Ադրբեջանին է փոխանցել Ֆիզուլիի ու Զանգելանի շրջանների ականապատ դաշտերի քարտեզներ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)