17:57 - 23 նոյեմբերի, 2023
ՌԴ նախագահի օգնականն ակնկալում է, որ Փաշինյանը կմեկնի Սանկտ Պետերբուրգ՝ ԱՊՀ-ի և ԵԱՏՄ-ի գագաթնաժողովներին |armenpress.am|
armenpress.am: Ռուսաստանի նախագահի օգնական Յուրի Ուշակովն ակնկալում է, որ Հայաստանի վարչապետ Նիկոլ Փաշինյանը Սանկտ Պետերբուրգում դեկտեմբերին ներկա կգտնվի Անկախ Պետությունների Համագործակցության (ԱՊՀ) և Եվրասիական տնտեսական միության (ԵԱՏՄ) գագաթնաժողովներին։ Այս մասին հաղորդում է ՏԱՍՍ-ը։
«Կարծում եմ, որ (խմբ․՝ Հայաստանի ներկայացուցիչները) կգան Սանկտ Պետերբուրգ, որտեղ տեղի կունենա ԱՊՀ երկրների ղեկավարների ոչ պաշտոնական ավանդական հանդիպումը, և կլինի ԵԱՏՄ պաշտոնական հանդիպում։ Ի դեպ, այս հանդիպմանը (խմբ․՝ ԵԱՏՄ) նախագահությունը մեզնից անցնում է Հայաստանին, ուստի կարծում եմ, որ Փաշինյանը կգա, որպեսզի վերցնի էստաֆետը Վլադիմիր Վլադիմիրովիչ Պուտինից», - լրագրողներին ասել է Ուշակովը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)