Այսօրվա երթի ավարտին, ոստիկանությունը բռնի ուժի կիրառմամբ բերման ենթարկեց Բևեռի անդամների և աջակիցնեի․ԱԺԲ հայտարարություն

Ազգային-ժողովրդավարական Բևեռը հանդես է եկել հայտարարությամբ․

«Ազգային-ժողովրդավարական Բևեռի այսօրվա երթի ավարտին, երբ արդեն երթի մասնակիցների մեծ մասը Օպերայի հրապարակում էր, ոստիկանությունը Մաշտոցի պողոտայի սկզբնամասում բռնի ուժի կիրառմամբ բերման ենթարկեց Բևեռի անդամներ Վահագն Ավագյանին, Գևորգ Սաֆարյանին, Արսեն Մկրտչյանին և այլ աջակիցների:

Ականատեսների պնդմամբ ոստիկանները քաշքշել և հարվածներ են հասցրել Բևեռի անդամներին:

Ոստիկանների քաշքշոցների և բռնի գործողությունների արդյունքում երթի մասնակիցներից Նաիրա Ղուշչյանի առողջական վիճակը կտրուկ վատացել է, նա ուշաթափվել է: Քիչ առաջ նրան Շտապ օգնության մեքենայով տեղափոխեցին հիվանդանոց:

Նախնական տեղեկություններով շուրջ մեկ տասնյակ անձ է բերման ենթարկվել:

Դատապարտում ենք ոստիկանների բռնի գործողությունները, ովքեր կատարում են ազգի դավաճան Նիկոլ Փաշինյանի անմիջական հրահանգը և պահանջում ենք շտապ ազատ արձակել մեր ընկերներին»: