14:13 - 31 հուլիսի, 2023
«Դադարեցնե՛լ հայկական ցեղասպանությունը Արցախում»․ Լուիս Մորենո Օքամփո |hetq.am|
hetq.am: Արցախի նախագահ Արայիկ Հարությունյանը հուլիսի 29-ին նամակ էր հղել միջազգային իրավունքի առաջատար մասնագետ, Միջազգային քրեական դատարանի նախկին գլխավոր դատախազ և Հարվարդի ու Յեյլի համալսարանների դասախոս Լուիս Մորենո Օքամփոյին՝ փորձագիտական կարծիք խնդրելով, թե արդյոք Արցախի շրջափակումը համապատասխանում է ցեղասպանություն հանցագործությանը:
Այսօր Լուիս Մորենո Օքամփոն Twitter-ի իր միկրոբլոգում պատասխանել է նախագահին, որ յոթ օրվա ընթացքում զեկույց կպատրաստի այս թեմայով։
Նա մասնավորապես գրել է․ «Արցախի նախագահը հարցրել էր՝ արդյո՞ք Ադրբեջանի այս շրջափակումը նոր ցեղասպանության սկիզբ է հայերի համար։ Եվ ես պատիվ ունեմ օգնելու»,-գրել էր Մորենո Օքամփոն։
Հաջորդ գրառումը միջազգային իրավունքի առաջատար մասնագետը հարցի ձևով է շարադրել․ «Կարո՞ղ է Ադրբեջանի նախագահը ցեղասպանություն իրականացնել այսօր։ Այո կարող է»։
Բոլոր երեք թուիթներին Լուիս Մորենո Օքամփոն ավելացրել է #StopArmenianGenocideInArtsakh #StopArmenianGenocide2023 (դադարեցնել հայկական ցեղասպանությունը Արցախում) հեշթեգը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)