Լիբանան

Լիբանանում ընթանում են խորհրդարանական ընտրություններ |hetq.am|

hetq.am: Լիբանանում կիրակի օրը՝ մայիսի 15-ին, սկսվել են խորհրդարանական ընտրությունները, որոնք առաջինն են 2020 թվականի օգոստոսի 4-ին Բեյրութի նավահանգստում տեղի ունեցած հզոր պայթյունից հետո, ինչի հետևանքով զոհվեց ավելի քան 190 մարդ և ևս մոտ 6000-ը վիրավորվեց։ Լիբանանի գրեթե 4 միլիոն ընտրելու իրավունք ունեցող քաղաքացիներն ընտրում են լիբանանյան խորհրդարանի 128 անդամներին։ Ընտրությունների արդյունքների առաջին նախնական տվյալները հայտնի կլինեն այսօր երեկոյան։ Լիբանանն արդեն երկու տարի է՝ գտնվում է իր պատմության ամենախորը տնտեսական և ֆինանսական ճգնաժամի մեջ։ ՄԱԿ-ի տվյալներով՝ երկրի բնակչության մոտ երեք չորրորդը ապրում է աղքատության մակարդակից ցածր կամ ծայրահեղ աղքատ է։ Բազմաթիվ տնային տնտեսություններ էլեկտրաէներգիան ստանում են օրական միայն մի քանի ժամ։ Վերջին շրջանում ուժեղացել է վտանգն այն մասին, որ Ուկրաինայում պատերազմի պատճառով, որն աշխարհում հացահատկի ամենախոշոր արտահանողներից մեկն է, կարող է հացի սուր դեֆիցիտ առաջանալ Լիբանանում։ Շարունակությունը՝ hetq.am-ում

17:13 - 15 մայիսի, 2022

Մեծի Տանն Կիլիկիո կաթողիկոսն ընդունել է Լիբանանում Հայաստանի դեսպանին

Ն.Ս.Օ.Տ.Տ. Արամ Ա Վեհափառ Հայրապետին ապրիլի 26-ին այցելել է Լիբանանում Հայաստանի Հանրապետության դեսպան Վահագն Աթաբեկյանը: Այս մասին հայտնում են Մեծի Տանն Կիլիկիո կաթողիկոսությունից։ «Հանդիպումը առիթ հանդիսացաւ ընդհանուր ակնարկ մը նետելու Ապրիլ 24-ի նշումին եւ ընդհանրապէս Հայաստանի, Արցախի եւ Լիբանանի կացութեան վրայ: Յատկապէս շեշտուեցաւ մեր ժողովուրդի ներքին միասնականութիւնը ամրապնդելու հրամայականը՝ մեզ շրջապատող մարտահրաւէրները միասնաբար դիմագրաւելու յանձնառութեամբ»,- նշվում է հաղորդագրության մեջ:

21:45 - 26 ապրիլի, 2022

Լիբանանի վարչապետի գլխավորած պատվիրակությունը Թուրքիայում է |armenpress.am|

armenpress.am: Անկարայում տեղի է ունեցել Լիբանանի վարչապետ Նաջիբ Միքաթիի գլխավորած պատվիրակության դիմավորման պաշտոնական արարողությունը։ Այս մասին հայտնում է թուրքական «Անադոլու» լրատվական գործակալությունը։ Թուրքիայի նախագահը և Լիբանանի վարչապետը հանդիպելու են դեմ առ դեմ, իսկ հետո ընդլայնված կազմով՝ երկկողմ պատվիրակություններով։ Կողմերը հանդիպումից հետո հանդես կգան համատեղ մամուլի ասուլիսով։

18:45 - 01 փետրվարի, 2022

Հայ խաղաղապահները պարգևատրվել են

Հայոց բանակի կազմավորման 30-րդ տարեդարձի կապակցությամբ տոնական միջոցառում է կազմակերպվել Լիբանանի Հանրապետության Շամա ռազմակայանում։ Ինչպես հայտնում են ՀՀ պաշտպանության նախարարությունից, Լիբանանում ՄԱԿ-ի հովանու ներքո անցկացվող խաղաղապահ առաքելությանն ընդգրկված հայ զինծառայողները ռազմակայանի հրամանատարության կողմից խրախուսվել են պատվոգրերով և շնորհակալական նամակներով՝ բարձր զինվորական կարգապահության և բարեխիղճ ծառայության համար։

16:53 - 31 հունվարի, 2022

ՄԱԿ-ի գլխավոր քարտուղարն Արամ Ա կաթողիկոսին գնահատանք է հայտնել Լիբանանի ճգնաժամին դիմագրավելու ջանքերի համար

Ն.Ս.Օ.Տ.Տ. Արամ Ա Վեհափառ Հայրապետը հունվարի 26-ին ընդունել է Միացյալ ազգերի կազմակերպության գլխավոր քարտուղար Անտոնիո Գուտերեշի ներկայացուցիչ դոկտոր Իոաննա Վրոնեցկային: «Այս առաւօտ՝ Չորեքշաբթի, 26 Յունուար 2022-ին, Ն.Ս.Օ.Տ.Տ. Արամ Ա. Վեհափառ Հայրապետը ընդունեց այցելութիւնը Միացեալ Ազգերու Կազմակերպութեան (Մ.Ա.Կ.) Ընդհանուր Քարտուղար Անթոնիօ Կութիերեսի ներկայացուցիչ՝ դոկտ. Եոաննա Վրոնեցքային: Մ.Ա.Կ.ի ներկայացուցիչը Վեհափառ Հայրապետին նամակ մը յանձնեց Մ.Ա.Կ.ի Ընդհանուր Քարտուղարին կողմէ: Նամակին մէջ Ընդհանուր Քարտուղարը իր գնահատանքը կը յայտնէր Նորին Սրբութեան, ընդհանրապէս Լիբանանի տագնապը դիմագրաւելու գծով իր կատարած ճիգերուն, միջ-համայնքային երկխօսութեան բերած իր կարևոր ներդրումին, ինչպէս նաև 20 Դեկտեմբեր 2021-ին, Լիբանանի վեց գլխաւոր համայնքներու հոգևոր պետերուն հետ իր ունեցած հանդիպման Վեհափառ Հայրապետին բերած կարևոր նպաստին: Վեհափառ Հայրապետը իր շնորհակալութիւնը յայտնեց Ընդհանուր Քարտուղարին՝ նամակի ճամբով իր պարզած մտածումներուն ու մօտեցումներուն համար: Ապա հանդիպումը առիթ մը հանդիսացաւ ընդհանուր ակնարկ մը նետելու աշխարհը յուզող ներկայ հարցերուն և յատկապէս Լիբանանի այժմու կացութեան: Այս ծիրէն ներս Նորին Սրբութիւնը շեշտեց, թէ խորհրդարանական ընտրութիւն կատարելու, միջազգային դրամատան և միջազգային ֆինանսական կազմակերպութիւններուն հետ գործակցաբար Լիբանանի տնտեսական տագնապը բարելաւելու ու ժողովուրդին ընկերային կարիքներուն շուտափոյթ թարման գտնելու անհրաժեշտութիւնը: Մ.Ա.Կ.ի ներկայացուցիչը բաժնելով Վեհափառ Հայրապետին տեսակէտները, իր կարգին յիշեցուց, թէ Մ.Ա.Կ.ը կարևորութեամբ կը շեշտէ ընտրութիւն կատարելու հրամայականը և իր կարգին կը քաջալերէ միջազգային դրամատնային ու տնտեսական կազմակերպութիւնները՝ աջակցելու Լիբանանի տնտեսութեան շուտափոյթ վերականգման աշխատանքներուն: Հանդիպումէն յետոյ Մ.Ա.Կ.ի ներկայացուցիչը ճաշի հիւրը եղաւ Նորին Սրբութեան»,- ասված է հայտարարությունում:

22:54 - 26 հունվարի, 2022

Լիբանանում միկրոավտոբուսների վարորդները փակել են հիմնական փողոցները. ցուցարարները բողոքում են գնաճի դեմ |tert.am|

tert.am: Բեյրութում ցուցարարները հինգշաբթի արգելափակել են մայրաքաղաքի բոլոր գլխավոր փողոցներն ու տրանսպորտային զարկերակները Լիբանանի ողջ տարածքում:Ինչպես փոխանցում է «ՌԻԱ Նովոստի»-ն, հինգշաբթի ցամաքային տրանսպորտի արհմիության կոչով միկրոավտոբուսների և տաքսիների վարորդները փակել են փողոցները՝ ելույթ ունենալով վառելիքի, պարենային մթերքների՝ գնալով բարձրացող գների դեմ: Բողոքի ակցիան տեղի է ունենում ազգային արժույթի փոխարժեքի անկման ֆոնին: Լիբանանյան մայրաքաղաքում արգելափակվել է կենտրոնական հրապարակը, Համրա փողոցը, Վերդան շրջանը և օդանավակայան տանող մայրուղին:Արհմիության ներկայացուցչի խոսքով՝ կարևոր է, որ լիբանանցիներն աջակցեն ցույցներին, քանի որ կյանքի պայմանները գնալով վատանում են բոլորի համար:

12:58 - 13 հունվարի, 2022

Լիբանանի հարավում գտնվող պաղեստինյան ճամբարում պայթյունի հետևանքով տասնյակ մարդիկ են տուժել |1lurer.am|

1lurer.am: Լիբանանի հարավում Տյուր նավահանգստային քաղաքում գտնվող պաղեստինյան ճամբարում ուժգին պայթյուն է որոտացել, ինչի հետևանքով տուժել է մոտ մեկ տասնյակ մարդ: Այս մասին հայտնել է Reuters գործակալությունը՝ վկայակոչելով դեպքի վայրում գտնվող փրկարարներին և ճամբարում գտնվող պաղեստինյան աղբյուրին: Լիբանանի ազգային լրատվական գործակալությունը հաղորդել է մահերի չճշտված թվի մասին, սակայն տեղի ԶԼՄ-ները և դեպքի վայրում քաղաքացիական պաշտպանության աշխատակիցները հայտնել են, որ զոհեր չկան: Գործակալության տվյալներով՝ պայթյունը որոտացել է պաղեստինյան ՀԱՄԱՍ խմբավորմանը պատկանող զենքի պահեստից: Սկսվել է հետաքննություն:

21:36 - 11 դեկտեմբերի, 2021

Լիբանանում հայտնաբերել են կորոնավիրուսի օմիկրոն շտամի առաջին դեպքերը |armenpress.am|

armenpress.am: Լիբանանում առաջին անգամ կորոնավիրուսի «օմիկրոն» շտամը հայտնաբերվել է Աֆրիկայից ժամանած երկու քաղաքացու մոտ: Այս մասին հայտնում է «ՌԻԱ Նովոստի»-ն: Երկու նմուշի հետազոտության արդյունքում հայտնաբերվել է օմիկրոն շտամը: «Երկու պացիենտները գտնվում են տնային մեկուսացման մեջ, նրանց մոտ դրսևորվում են թեթև ախտանշաններ»,- հայտնել են երկրի Առողջապահության նախարարության մամուլի ծառայությունից:

19:43 - 11 դեկտեմբերի, 2021

Ռուսաստանի և Լիբանանի ԱԳ նախարարները կքննարկեն իրադրությունը Սիրիայում |armenpress.am|

armenpress.am: Լիբանանի արտաքին գործերի նախարար Աբդալլահ Բուհաբիբը Ռուսաստան այցի ընթացքում իր գործընկերոջ՝ Սերգեյ Լավրովի հետ կքննարկի իրադրությունը Սիրիայում: Այս մասին հայտնում է Ռուսաստանի ԱԳՆ-ն: Լիբանանի արտաքին քաղաքական գերատեսչության ղեկավարը Մոսկվայում կլինի նոյեմբերի 20-23-ը: «Բանակցությունների ընթացքում տեղի կունենա մտքերի փոխանակում միջազգային ու տարածաշրջանային խնդիրների ակտուալ ասպեկտների շրջանակում՝ շեշտադրելով իրադրությունը հենց Լիբանանում: Նախատեսվում է զգալի ուշադրություն հատկացնել Սիրիայում և դրա շուրջ իրադրությանը, այդ թվում և սիրիացի փախստականների վերադարձի խնդրին: Քննարկվելու է մերձավորարևելյան խաղաղ կարգավորման թեման»,- ասվում է հայտարարության մեջ:

18:25 - 20 նոյեմբերի, 2021

Քուվեյթի ղեկավարությունը Բեյրութից հետ է կանչում իր դեսպանին |armenpress.am|

armenpress.am: Քուվեյթի ղեկավարությունը խորհրդակցությունների համար Բեյրութից հետ է կանչում իր դեսպանին և պահանջում է իրենց երկրում Լիբանանի գործերի ժամանակավոր հավատարմատարին 48 ժամվա ընթացքում լքել երկիրը: Այս մասին ասվում է Քուվեյթի ԱԳ նախարարության տարածած հաղորդագրության մեջ: «Ելնելով նրանից, ինչը պատմականորեն կապում է Քուվեյթի Պետությունը եղբայրական Սաուդյան Արաբիայի հետ, արտաքին գործերի նախարարությունը որոշում է ընդունել խորհրդակցությունների համար հետ կանչել Լիբանանի Հանրապետությունում իր դեսպանին և պահանջել է էմիրաթում լիբանանյան դեսպանության գործերի ժամանակավոր հավատարմատարին 48 ժամվա ընթացքում լքել երկիրը»,- ասվում է հայտարարության մեջ: Ավելի վաղ Լիբանանի դեսպաններին իրենց երկրներից արտաքսել էին Սաուդյան Արաբիան և Բահրեյնը՝ ի պատասխան Լիբանանի ինֆորմացիայի նախարարի՝ Եմենում հակամարտության մասին հայտարարության:

15:49 - 30 հոկտեմբերի, 2021

Բեյրութում անկարգությունների մասնակիցների դեմ դատախազությունը գործ է հարուցել |1lurer.am|

1lurer.am: Լիբանանի զինվորական դատախազությունը գործեր է հարուցել Բեյրութում անկարգությունների 19 մասնակցի նկատմամբ, որոնք հոկտեմբերի 14-ին ձերբակալվել էին ուժայինների կողմից, տեղեկացնում է ТАСС-ը: Հարցաքննության ընթացքում հաստատվել է նրանց մասնակցությունը փոխհրաձգությանը, որի հետևանքով զոհվել է 7 մարդ և վիրավորվել 36-ը: Բեյրութում հինգշաբթի կրակոցներ էին հնչել շիա կուսակցությունների սկսած բողոքի ակցիայի ժամանակ: Ցուցարարները դժգոհում էին 2020 թ. Բեյրութի նավահանգստի պայթյունի հետաքննությունից: Անկարգությունները հրահրել էին անհայտ դիպուկահարները, որոնց արձակած կրակոցներից հետո փոխհրաձգություն էր սկսվել: Լիբանանի նախագահ Միշել Աունը խոստացել է մանրակրկիտ հետաքննություն անցկացնել Բեյրութի շիա և քրիստոնեական շրջանների հատման վայրում տեղի ունեցած իրադարձությունների վերաբերյալ և հայտարարել է, որ թույլ չի տա երկիրը մոտեցնել քաղաքացիական պատերազմի:

13:17 - 16 հոկտեմբերի, 2021

Զինվորականները պարեկություն են իրականացնում Բեյրութի փողոցներում` կանխելու հետագա բախումները |azatutyun.am|

azatutyun.am: Զինվորականները պարեկություն են իրականացնում Բեյրութի փողոցներում` կանխելու հետագա բախումներն ու իրավիճակի սրումը: Որոշ լրատվամիջոցների փոխանցմամբ՝ նրանց հրահանգ է տրվել կրակ բացել ցանկացած զինված մարդու վրա: Հինգշաբթի օրը Լիբանանի մայրաքաղաքում հրաձգության հետևանքով առնվազն 6 մարդ է զոհվել: Անհայտ անձինք կրակել են «Հըզբոլա» և «Ամալ» շիա խմբավորումների ցուցարարների վրա, ովքեր պահանջում էին դատավորի հրաժարականը, որի վարույթում է Բեյրութի նավահանգստում անցած տարի տեղի ունեցած աղետալի պայթյունի գործը: Ցուցարարները պնդում են, որ նա քաղաքական կողմնակալություն է դրսևորում և պատրաստվում է ամեն ինչում մեղադրել շիաներին: Լիբանանի վարչապետ Նաջիբ Միկաթին հոկտեմբերի 15-ը սգո օր է հայտարարել Բեյրութում հրաձգության հետևանքով զոհվածների համար: Այսօր փակ կլինեն բոլոր պետական գերատեսչությունները, ինչպես նաև պետական և մասնավոր դպրոցները:

13:05 - 15 հոկտեմբերի, 2021

Բեյրութում պայթյուն է որոտացել. բանակայինները շրջափակել են թաղամասը, որտեղ առավոտից կրակոցներ են հնչում |tert.am|

tert.am: Պայթյուն է որոտացել Բեյրութի Թայունի շրջանում, որտեղ առավոտից հատուկ գործողություններ են ընթանում՝ ցույցի ժամանակ տեղի ունեցած հրաձգությունից հետո: Ինչպես հաղորդում է «ՌԻԱ Նովոստի»-ն, բանակայինները կրակ են բացել շենքի ուղղությամբ, որտեղ կարող են թաքնված լինել գրոհայինները: Ենթադրաբար, զինվորականները նռնակ են նետել այնտեղ:Ներկա պահին բանակայինները շրջափակել են թաղամասը՝ փորձելով գտնել կրակ բացողներին:ՏԱՍՍ գործակալության փոխանցմամբ՝ զոհերի թիվը հասել է վեցի: Ավելի քան 60 մարդ է տուժել:Նշվում է, որ պարբերաբար կրակոցներ են հնչում, տեղ-տեղ հրդեհներ են բռնկվում:

16:33 - 14 հոկտեմբերի, 2021

Բեյրութում հավաքված ցուցարարների դեմ կրակոցներ են արձակվել. բանակը զրահատեխնիկա է մոտեցնում դեպքի վայրին |tert.am|

tert.am: Փոխհրաձգություն է տեղի ունեցել Բեյրութի Թայունի թաղամասում, ինչի հետևանքով մեկ մարդ մահացել է, ևս ութը վիրավորվել են: Այս մասին հայտնում է «ՌԻԱ Նովոստի»-ն:Նշվում է, որ հինգշաբթի առավոտյան շիա կուսկացությունների կողմնակիցները ցույց են իրականացրել՝ պահանջելով հեռացնել 2020 թվականին Բեյրութի նավահանգստում տեղի ունեցած պայթյունի մասին գործի քննությամբ զբաղվող գլխավոր դատավորին: Կրակոցներն ուղղված են եղել ցուցարարների դեմ:Հաղորդվում է նաև, որ Լիբանանի բանակը խոշոր տրամաչափի գնդացիրներով համալրված մի քանի զրահափոխադրիչներ է ուղարկել հրաձգության վայր: Բանակայինները հերթապահում են փողոցներում՝ փորձելով գտնել կրակոցների հեղինակներին:

15:00 - 14 հոկտեմբերի, 2021

Լիբանանում էլեկտրամատակարարումը վերականգնվել է |hetq.am|

hetq.am: Լիբանանի ողջ տարածքում կիրակի՝ հոկտեմբերի 10-ին, վերականգնվել է էլեկտրաէներգիայի մատակարարումն այն բանից հետո, երբ զինվորականները վառելիք են մատակարարել երկրի երկու հիմնական էլեկտրակայանների համար։ Այդ մասին հայտարարել է Լիբանանի էներգետիկայի և ջրային ռեսուրսների նախարար Վալիդ Ֆայադը։ «Ցանցը վերադարձել է նորմալ աշխատանքի, ինչպես դա կար մինչ այն պահը, երբ վերջացել էր վառելիքը «Դեյր Ամար» և «Ալ Զահրանի» էլեկտակայաններում»,- նշել է նա։ Նախարարը շնորհակալություն է հայտնել Լիբանանի բանակին՝ 6 միլիոն լիտր վառելիք տրամադրելու համար, որը հավասարաչափ բաժանվել է երկու էլեկտրակայանի միջև։ Սակայն էլեկտրաէներգիայի մատակարարումը նախկինի պես հասանելի կլինի օրական մի քանի ժամ, ինչպես դա եղել է վերջին ամիսներին։ Էլեկտրաէներգիայի EDL պետական ընկերությունը ավելի վաղ հայտարարել էր, որ առաջիկա ժամերին նախատեսվում է վառելիքի խմբաքանակի մատակարարում, սակայն բեռնաթափումը տեղի կունենա միայն մի քանի օրից: Հիշեցնենք, որ հոկտեմբերի 9-ին դադարեցվել էր Լիբանանի ամենախոշոր «Ալ Զահրանի» և «Դեյր Ամար» էլեկտրակայանների աշխատանքը, ինչը հանգեցրել էր երկրի ողջ տարածքում էլեկտրականության անջատմանը։

15:24 - 11 հոկտեմբերի, 2021

Ամբողջ Լիբանանը մնացել է առանց էլեկտրականության |hetq.am|

hetq.am: Լիբանանի ամենախոշոր Ալ Զահրանի և Դեյր Ամար էլեկտրակակայանները, վառելիքի անբավարարության պատճառով, դադարեցրել են իրենց աշխատանքը, որի արդյունքում երկրի ողջ տարածքում անջատվել է լույսը։ Այդ մասին հայտնում է Reuters գործակալությունը՝ հղում անելով Լիբանանի կառավարության ներկայացուցչին։ Երկրի իշխանությունների տվյալներով՝ անջատումը կարող է ձգվել մի քանի օր։ «Լիբանանի էլեկտրական ցանցն այսօր կեսօրին ամբողջությամբ դադարեցրել է իր աշխատանքը և քիչ հավանական է, որ այն կսկսի գործել մինչև հաջորդ երկուշաբթի կամ առաջիկա մի քանի օրվա ընթացքում»,- նշել է գործակալության զրուցակիցը։ Շարունակությունը՝ hetq.am կայքում

17:51 - 09 հոկտեմբերի, 2021