Բելառուս

Տիխանովսկայան ՄԱԿ-ին կոչ է արել շտապ միջազգային դիտորդների խումբ ուղարկել Բելառուս՝ երկրում տեղի ունեցող իրադարձություններն արձանագրելու համար |tert.am|

tert.am: Միջազգային հանրությունը պետք է միջոցներ ձեռնարկի այն անձանց նկատմամբ, որոնք պատասխանատու են Բելառուսում նախագահական ընտրությունների ընթացքում խախտումների համար։ Այս մասին այսօր ՄԱԿ-ի Անվտանգության խորհրդի ոչ պաշտոնական նիստում հայտարարել է նախագահի նախկին ընդդիմադիր թեկնածու Սվետլանա Տիխանովսկայան, գրում է ria.ru-ն։ «Ես կոչ եմ անում միջազգային հանրությանը բռնության դադարեցման համար գործի դնել ամբողջ մեխանիզմը, այդ թվում՝ պատժամիջոցներ սահմանել այն անձանց նկատմամբ, որոնք ընտրախախտումներ և մարդկության դեմ հանցագործություններ են կատարել»,-հայտարարել է նա։ Տիխանովսկայայի խոսքով՝ ներկայիս նախագահ Ալեքսանդր Լուկաշենկոն «այլևս Բելառուսի ներկայացուցիչը չէ»։ «Բելառուս ժողովուրդը օրինապաշտ, խաղաղասեր և պատասխանատու մարդիկ են, որոնք ունեն արժանապատվության բարձր զգացում»,- նշել է նա և հավելել, որ բելառուսները պատրաստ են երկխոսության «բոլոր այն երկրների հետ, որոնք հարգում են Բելառուսի տարածքային ամբողջականությունն ու ինքնիշխանությունը»։ Բացի այդ, նախագահի նախկին թեկնածուն հայտարարել է, որ ՄԱԿ-ը որքան հնարավոր է շուտ պետք է Բելառուս ուղարկի միջազգային դիտորդների խումբ՝ երկրում տեղի ունեցող իրադարձություններն արձանագրելու համար:

10:19 - 05 սեպտեմբերի, 2020

Այսօր Բելառուսում տեղի կունենա հետընտրական զանգվածային ակցիաները լուսաբանող վեց լրագրողների դատավարությունը |azatutyun.am|

azatutyun.am: Այսօր Բելառուսում տեղի կունենա հետընտրական զանգվածային ակցիաները լուսաբանող վեց լրագրողների դատավարությունը: Նրանց մեղադրում են ապօրինի հավաքներին ներկա լինելու և ոստիկանների պահանջներին չենթարկվելու համար: Լրագրողներին ձերբակալել են սեպտեմբերի 1-ին Մինսկի «Դինամո» մարզադաշտի մոտ կազմակերպված ցույցի ընթացքում: Նրանց կարող են տուգանել կամ դատապարտել մինչև 15 օր ազատազրկման: Ընտրություններից հետո արտասահման տեղափոխված ընդդիմադիր թեկնածու Սվետլանա Տիխանովսկայան այսօր պետք է հեռավար կարգով ուղերձով դիմի ՄԱԿ-ի Անվտանգության խորհրդին: Բելառուսի ընդդիմությունը չի ընդունում օգոստոսի 9-ի ընտրությունների արդյունքները, որոնց համաձայն 66-ամյա Ալեքսանդր Լուկաշենկոն վեցերորդ անգամ նախագահ է ընտրվել: Լուկաշենկոն պնդում է, թե բողոքի ակցիաները կազմակերպում են արևմտյան երկրները:

16:16 - 04 սեպտեմբերի, 2020

Կադրային փոխատեղումներ Բելառուսում |azatutyun.am|

azatutyun.am: Բելառուսի նախագահ Ալեքսանդր Լուկաշենկոն այսօր մի շարք կադրային փոխատեղումներ է իրականացրել կառավարության կազմում, այդ թվում` դրա ուժային բլոկում։ Պետական անվտանգության կոմիտեի նախագահ Վալերի Վակուլչիկն ազատվել է զբաղեցրած պաշտոնից՝ տեղափոխվելով Անվտանգության խորհրդի պետքարտուղարի պաշտոնին։ ՊԱԿ նոր նախագահ է նշանակվել Իվան Տերտելը, որ մինչ այդ աշխատում էր որպես Պետական վերահսկողության կոմիտեի ղեկավար։ Լուկաշենկոյի մեկ այլ հրամանագրով Մինսկի քաղաքային վարչակազմի ղեկավար Անատոլի Սիվակը ազատվել է զբաղեցրած պաշտոնից՝ տեղափոխվելով կառավարության կենտրոնական ապարատ։ Այսուհետ նա զբաղեցնելու է Բելառուսի փոխվարչապետի պաշտոնը։

14:10 - 03 սեպտեմբերի, 2020

ԱՄՆ պետքարտուղարությունը Ռուսաստանին սպառնացել է Բելառուսի գործերին «միջամտելու» համար |tert.am|

tert.am: ԱՄՆ պետքարտուղարի՝ Եվրոպայի և Եվրասիայի հարցերով օգնականի տեղակալ Ջորջ Կենտը գերմանական Մարշալ հիմնադրամի կողմից կազմակերպված տեսահամաժողովի ընթացքում հայտարարել է, որ ԱՄՆ-ի և Ռուսաստանի հարաբերությունները վատթարանալու են Մոսկվայի կողմից Բելառուսում տիրող իրավիճակին «բաց ուժային միջամտության» դեպքում։ Քաղաքական գործիչը նաև հավելել է, որ ԵԱՀԿ-ն բելառուսական իշխանությունների և ընդդիմության միակ միջնորդն է, քանի որ այս կառույցը կարող է երկրում որոշ խնդիրների, այդ թվում՝ ընտրական գործընթացի որակին, քաղաքական ազատություններին կամ սոցիալական հարաբերություններին առնչվող հարցերին լուծում տալ։

13:53 - 03 սեպտեմբերի, 2020

ԱՄՆ-ն 2008 թ. ի վեր առաջին անգամ պատրաստվում է դեսպան ուղարկել Բելառուս |tert.am|

tert.am: ԱՄՆ պետքարտուղարի՝ Եվրոպայի և Եվրասիայի հարցերով օգնականի տեղակալ Ջորջ Կենտը Գերմանական Մարշալի հիմնադրամի կողմից կազմակերպված տեսահամաժողովի ընթացքում հայտարարել է, որ Մինսկում ԱՄՆ դեսպանի թեկնածու Ջուլի Ֆիշերը Կոնգրեսի վերին պալատի՝ Սենատի կողմից հավանություն ստանալուց հետո մոտ ժամականերն աշխատանքի կանցնի։ Խոսակցության ընթացքում Կենտը մանրամասնել է, որ Ֆիշերի՝ որպես դեսպան հանդես գալու թեկնածությունն առաջադրել է նախագահ Դոնալդ Թրամփը, իսկ նրա վերջնական նշանակման հարցը սենատորները կքննարկեն մյուս շաբաթ՝ արձակուրդից վերադառնալուց հետո։ Խոսելով որոշ սենատորների կարծիքի մասին, թե ԱՄՆ-ն չպետք է դեսպան ուղարկի Մինսկ՝ Կենտը նշել է, որ, հաշվի առնելով Բելառուսում վերջին ամսվա իրադարձությունները, այդ երկրում ձայն ունենալու և այնտեղ աշխատելու անհրաժետություն առաջացել է։

13:08 - 03 սեպտեմբերի, 2020

Լուկաշենկոն ցանկացել է միավորել Ուկրաինան և Բելառուսը՝ դառնալով միանգամից երկու պետությունների նախագահ. Տուսկ |tert.am|

tert.am: 2014-ին Բելառուսի նախագահ Ալեքսանդր Լուկաշենկոն իբրև թե առաջարկել է միավորել Ուկրաինան և Բելառուսը, ապա դառնալ միանգամից երկու երկրների նախագահ: Նման պնդմամբ Onet պորտալին տված հարցազրույցում հանդես է եկել Եվրոպական խորհրդի նախկին ղեկավար, Լեհաստանի նախկին վարչապետ Դոնալդ Տուսկը: «Ուկրաինական ճգնաժամի ամենաթեժ օրերին, երբ Մինսկը զբաղվում էր Եվրամիության, Ռուսաստանի և Ուկրաինայի միջև միջնորդության նման ինչ-որ բանով, Լուկաշենկոն զանգահարեց ինձ և ուղիղ առաջարկել ԵՄ-ին համոզել, որ ինքը կարող է ուկրաինական խնդրի խաղաղ լուծման երաշխավոր լինել, և աջակցել անձամբ իր հետ բելառուսա-ուկրաինական միության գաղափարը՝ որպես երկու պետությունների նախագահ»,- РИА Новости-ի փոխանցմամբ՝ հայտնել է Տուսկը: Ինչպես պնդում է լեհ նախկին վարչապետը, Լուկաշենկոն իբր ակնարկել է, թե դա «ինչ-որ ագրեսիվ մտադրություններից» «Ռուսաստանին կանգնեցնելու միակ ճանապարհն է»: Տուսկը նաև ենթադրել է, թե իրականում Լուկաշենկոն գործել է ոչ թե Ուկրաինայի նկատմամբ հոգատարությունից դրդված, այլ «իշխանությունը կորցնելու վախից»:

09:24 - 03 սեպտեմբերի, 2020

«Ադրբեջանի այն դիրքորոշման պայմաններում, որն այսօր է հնչեցվում, ես չեմ տեսնում այն ուղին, որով հնարավոր է ԼՂ հակամարտության կարգավորումը». Ռոբերտ Քոչարյանի հարցազրույցը РБК-ին |tert.am|

tert.am: Ռոբերտ Քոչարյանը հարցազրույց է տվել ռուսական РБК հեռուստաալիքին: Լրագրողը հարցրել և ստացել է Քոչարյանի տեսակետները քաղաքականություն վերադարձի, «թավշյա հեղափոխության» պատճառների, Բելառուսում իրավիճակի, Ադրբեջանի հետ հակամարտության, Արցախի խնդրի կարգավորման, Սերժ Սարգսյանի, Հայաստանի տնտեսության ու առաջիկա ծրագրերի մասին: Հարցազրույցի ընթացքում նա անդրադարձել է նաև Լեռնային Ղարաբաղի հակամարտության ներկայիս իրավիճակին: «Ադրբեջանի այն դիրքորոշման պայմաններում, որն այսօր է հնչեցվում, ես չեմ տեսնում այն ուղին, որով հնարավոր է հակամարտության կարգավորումը: Լեռնային Ղարաբաղի գոյության իրավունքներն անվիճելի են: Առաջինը՝ Լեռնային Ղարաբաղը երբեք չի եղել անկախ Ադրբեջանի կազմում: Դա փաստ է: Երկրորդը Լեռնային Ղարաբաղի գոյության իրավական հիմքերն են: ԽՍՀՄ-ում ինքնավար հանրապետությունները իրավունք ունեին հանրաքվեի միջոցով որոշելու իրենց ճակատագիրը: Եվ երրորդ՝ դա Լեռնային Ղարաբաղի Հանրապետության գրեթե 30 տարվա փաստացի գոյությունն է, որը պաշտոնական Բաքուն փորձում է հերքել»,-ասել է Ռոբերտ Քոչարյանը: Քոչարյանը անդրադարձել է նաև հայ-ադրբեջանական սահմանին տեղի ունեցած վերջին բախումներին: «Երևի չարժեր չափազանցնել այդ բախման մասշտաբները, եթե չլիներ մշտական սպառնալիք, որ ցանկացած նմանատիպ բախում կարող է հանգեցնել լայնամասշտաբ պատերազմի: Օբյեկտիվորեն նման սպառնալիք կա միշտ: Շփման գծի ամբողջ երկայնքով: Դրանով էլ բացատրվում է Ռուսաստանի և ԵԱՀԿ ՄԽ համանախագահների արագ արձագանքը` մարել հիմա, որպեսզի ավելի մեծ հրդեհ չբռնկվի մեկ կամ երկու շաբաթից: Իսկ ինքն իրենով հակամարտության այս մասշտաբը մեծ չէր, նույնիսկ անհամեմատելի է 2016 թվականի դեպքերի հետ: Ամեն դեպքում զոհեր են եղել: Սակայն պատերազմի վերսկսման հավանականությունը մշտապես կա: Եվ հենց դրանով է բացատրվում և՛ ԶԼՄ-ների, և՛ համանախագահների, և՛ ընդհանրապես միջազգային հանրության նման զգայուն վերաբերմունքն այն ամենին, ինչ կատարվում է այդ շփման գծում»,-ասել է նա: Շարունակությունը՝ tert.am-ում

17:57 - 02 սեպտեմբերի, 2020