Վարազդատ Կարապետյան

Չինաստանում Հայաստանի առեւտրային ներկայացուցչ, ՀՀ ԱԺ «Իմ քայլը» խմբակցության նախկին պատգամավոր։

 Ծնվել է 1974թ. ապրիլի 11-ին Սեւանում: 1996 թ, ավարտել է ԵՊՀ տնտեսագիտության ֆակուլտետի միջազգային տնտեսական հարաբերությունների բաժինը, 1999թ-ին՝ Մոսկվայի Լոմոնոսովի անվան պետական համալսարանի ասպիրանտուրան:  1995-1996թթ. եղել է ՀՀ կենտրոնական բանկի նախագահի օգնական: 1999-2000 թթ․ զբաղեցրել է ՀՀ ֆինանսների եւ էկոնոմիկայի նախարարության Գավառի տեղական գանձապետական բաժանմունքի պետի, 2000-2002 թթ․՝ «Հայագրոբանկ» ՓԲԸ-ի Գավառի մասնաճյուղի կառավարչի պաշտոնը։

2003թ.եղել է ՀՀ Գեղարքունիքի մարզի առեւտրաարդյունաբերական պալատի նախագահ, 2007-2009թթ.՝ Գավառի պետական համալսարանի ուսումնական գծով պրոռեկտոր։ 2011-2012 թվականներին եղել է ՀՀ վարչապետի խորհրդական: 2012 թվականին հունվարից մինչեւ 2014 թվականի հունիսը ղեկավարել է Հայաստանի Փոքր եւ միջին ձեռնարկատիրության զարգացման ազգային կենտրոն հիմնադրամը: 2014 թվականին հուլիսին նշանակվել է Տարածքային զարգացման հիմնադրամի նախագահ: 2017 թվականի հուլիսից զբաղեցրել է ՀՀ տարածքային կառավարման եւ զարգացման նախարարի տեղակալի պաշտոնը:

2018թ. դեկտեմբերի 9-ին ԱԺ պատգամավոր է ընտրվել «Իմ քայլը» կուսակցությունների դաշինքի համապետական ընտրական ցուցակով: 2020 թվականի նոյեմբերի 25-ին վայր է դրել պատգամավորական մանդատը։ 2020 թվականի դեկտեմբերի 4-ից աշխատում է Չինաստանի Ժողովրդական Հանրապետությունում Հայաստանի Հանրապետության առեւտրական կցորդ։