Մխիթար Հայրապետյան

Մխիթար Հայրապետյանը ՀՀ ԱԺ «Իմ քայլը» խմբակցության պատգամավոր է, ԱԺ Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահը, «Քաղաքացիական պանմանագիր» կուսակցության վարչության անդամ։ Եղել է Սփյուռքի նախարար (2018 մայիս 11- 2018 հունվար 13), 2019 թ․ հոկտեմբերից Երեւանի շախմատի ֆեդերացիայի նախագահն է։

Ծնվել է 1990թ. մայիսի 15-ին: 2011թ. ավարտել է ԵՊՀ արեւելագիտության ֆակուլտետը։ 2013թ.՝ նույն ֆակուլտետի մագիստրատուրան: 2010-2017թթ. եղել է հայաստանյան մի շարք թերթերի՝ Մերձավոր Արեւելքի, մասնավորապես, Թուրքիայի հարցերով փորձագետ: 2011թ. հիմնադրել է «Երիտասարդ քաղաքական գործիչների ասոցիացիա» կազմակերպությունը եւ մինչեւ 2015թ. եղել կազմակերպության փոխնախագահ: 2016թ․ «Քաղաքացիական կրթության եւ երիտասարդության զարգացման կենտրոնի» հիմնադիր նախագահն է: «Քաղաքացիական պայմանագիր» կուսակցության հիմնադիր անդամ է: 2016 թվականից՝ քաղաքական խորհրդի անդամ:

ԲՏԱ նախարարն անդրադարձել է ռուսական հեռուստաալիքները ՀՀ տարածքում արգելափակելու հնարավորությանը |1lurer.am|

1lurer.am: Մխիթար Հայրապետյանն անդրադարձել է ռուսական հեռուստաընկերությունները Հայաստանի տարածքում արգելափակելու հնարավորությանը: «Մեր նպատակը ոչ փաստաթղթի խզումն է, ոչ էլ հեռուստաալիքներ փակելը»,- ասել է նախարարը: Ըստ նրա՝ Հայաստանը ռուսական կողմին տեղեկացրել է, որ հայ-ռուսական միջպետական համաձայնագրի կոնկրետ ծավալով ու բովանդակությամբ խախտումներ են արձանագրել՝ ակնկալելով լուծում: Նախարարն ընդգծել է, որ համաձայնագրում տեղ գտած դրույթները չեն աշխատում, և հարց է առաջանում՝ արդյոք համաձայնագրի խմբագրման անհրաժեշտություն չկա: «Սա մի փաստաթուղթ է, որտեղ շարադրված են խաղի կանոններ, սակայն որպես այդպիսին խաղի կանոնները չպահպանելու համար սանկցիայի որևէ հստակ մեխանիզմ գոյություն չունի: Մենք ստորագրել ենք այդ փաստաթուղթը, ակնկալելով, որ այնտեղ զետեղված կետը, որ առկա խնդիրները կկարգավորվեն կոնսուլտացիաների միջոցով, ամբողջությամբ կփակեն բոլոր անհանգստությունները, ժամանակի ընթացքում եկել ենք այն եզրահանգման, որ, ցավոք սրտի, կոնսուլտացիաների միջոցով ի հայտ են գալիս տարակարծություններ կամ սանկցիաների տարընկալումներ, կամ արդյոք այս կամ այն հայտարարությունը խոսքի ազատության դրսևորո՞ւմ է, թե՞ խախտում»,- ասել է Հայրապետյանը:

19:01 - 15 ապրիլի, 2024

Մի քանի զինատեսակի ներքին փորձարկումներ են իրականացվել, որոնք կկիրառվեն ՀՀ ԶՈւ-ում. Մխիթար Հայրապետյան |news.am|

news.am: v class="article-title"> Ռազմաարդյունաբերության ոլորտի հետ կապված ամեն բան չէ, որ ես կարող եմ հանրայնացնել, հասկանալի է, որ մենք գործ ունենք որոշակի գաղտնի տեղեկատվության հետ, և այս առումով փորձել ենք առանձնացնել այն հատվածը, որը կարող ենք հրապարակել: Այս մասին այսօր՝ ապրիլի 15-ին կայացած ասուլիսի ժամանակ ասաց Բարձր տեխնոլոգիական արդյունաբերության նախարար Մխիթար Հայրապետյանը: «Հունվարից 1-ից ցայսօր, Բարձր տեխնոլոգիական արդյունաբերուէթյան ռազմաարդյունաբերության կոմիտեի կողմից իրականացվել է մեկ օրենքի նախագծի, երեք գործող որոշումների փոփոխության, երեք նոր որոշումների նախագծերի մշակման և շրջանառման աշխատանքներ: Օրենսդրական և ենթաօրենսդրական փաթեթները ոչ միայն պատրաստվել են այս ընթացքում, այլև մենք դրանք շրջանառել ենք, և հույս ունենք, որ առաջիկայում թե՛ ԱԺ-ում, թե՛ Կառավարություն ենթաօրենսդրական ակտերը կընդունվեն: Եթե հետևել եք, իմ հարյուրօրյա գործունեությանը, ապա կարծում եմ , արդար կլինի նշել, որ ռազմաարդյունաբերության ոլորտը, ըստ էության եղել է իմ ուշադրության կենտրոնում հենց առաջին օրվանից: Բարձր տեխնոլոգիաների և տեղեկատվական տեխնոլոգիաների հետ մեկտեղ, մեծ ուշադրության է արժանացել իմ կողմից, որովհետև այդ ուղղությունները Կառավարության համար հանդիսանում են առաջնահերթություն»,- ասաց նա: Նախարարը նաեւ տեղեկացրեց, որ իրականացվել են ներքին փորձարկումներ, մի քանի զինատեսակի և մի քանի կառավարման համակարգերի գծով, որոնք մոտ ապագայում հնարավորություն կունենան կիրառվելու ՀՀ ԶՈւ-ում: Նա նշեց, որ ռազմարդյունաբերության գործունեություն ծավալող բոլոր ընկերությունների հետ հանդիպել են, վերհանվել են բոլոր խնդիրները և մի շարք խնդիրներ ակնկալում են, որ կկարգավորվեն։ «Ռազմարդյունաբերական համալիրի ամփոփ ցուցակում՝ ռեեստրում, գրանցվել են ռազմարդյունաբերական համալիրի գործունեությամբ զբաղվող մի քանի նոր ընկերություններ։ Նախարարությունը նախաձեռնել է օրենսդրական մի շարք փոփոխություններ, հիմնական փոփոխություններից է՝ նախարարության, ի դեմս ռազմարդյունաբերության կոմիտեի գործառույթների շրջանակների ընդլայնումը, որով հնարավոր կդառնա իրականացել փորձանմուշների ստեղծման ֆինանսավորման, բաղադրիչների և դրա մասերի ձեռքբերման, պահուստավորման և արտադրության, ինչպես նաև արտահանման խթանման նպատակով ներքին պահանջարկ ունեցող արտադրատեսակների տեխնիկական բնութագրի համապատասխանության հավաստման գործառույթներ»,- հայտնեց նախարարը: Հայրապետյանի խոսքով՝ նախաձեռնվել է ռազմարդյունաբերական կոմիտեի նոր կառուցվածքի նախագիծը, որը հնարավորություն է տալու կոմիտեի գործառույթներն իրականացնել էլ ավելի արդյունավետ և ռազմարդյունաբերության համալիրի զարգացման տեսլականին, օրենսդրությանն ու կանոնադրությանը համահունչ դարձնել։

16:40 - 15 ապրիլի, 2024

Եթե մեր առաջարկները չընդունվեն, ՀՀ-ն կարող է միակողմանի խզել համաձայնագիրը. ԲՏԱ նախարարը՝ ռուսական հաղորդումների մասին |news.am|

news.am: Շուրջ 2 շաբաթ առաջ հայտարարվեց, որ Վլադիմիր Սոլովյովի մասնակցությամբ հեղինակային հաղորդումների հեռարձակումն արգելափակվում են այն բանից հետո, երբ ամիսներ շարունակ Հայաստանի եւ ՌԴ կառավարությունների միջեւ տեղի էին ունենում շփումներ, կոնսուլտացիաներ միջկառավարական համաձայնագրի վերաբերյալ: Այս մասին, այսօր՝ ապրիլի 10-ին, ԱԺ-ում կառավարության հետ հարցուպատասխանի ժամանակ նշեց ԲՏԱ նախարար Մխիթար Հայրապետյանը՝ անդրադառնալով ՔՊ-ական պատգամավոր Սոնա Ղազարյանի հարցին, թե ինչո՞վ է պայմանավորված միայն Սոլովյովի հաղորդումների արգելափակումը, քանի որ այլ հաղորդումների, մասնավորապես, Կիսիլյովի հաղորդման ժամանակ եւս Հայաստանի հասցեին ոչ պակաս վիրավորական հայտարարություններ են հնչել: «Կոնսուլտացիաների նպատակն է նախ արձանագրելու, որ համաձայնագրի 5-րդ եւ 6-րդ հոդվածները խախտվել են, որից հետո նաեւ նշել էի, որ ԲՏԱ նախարարության պատվիրակությունը պետք է մեկնի Մոսկվա՝ կոնսուլտացիաների: Այդ կոնսուլտացիաները կայացել են եւ ցավով պետք է ասեմ, որ չի հաջողվել արձանագրել խախտումների փաստը: Համենայնդեպս, դրա վերաբերյալ չի եղել կոնսենսուս, որի հետեւանքն է վերոհիշյալ հաղորդումների եթերազրկումը: Սա ամենեւին չի նշանակում, որ բանակցություններում փակուղու մեջ ենք: Մենք եթե ոչ այս շաբաթ, ապա հաջորդ շաբաթ նախատեսում ենք առաջարկների մեր փաթեթը ուղարկել ռուս գործընկերներին, թե ինչպես ենք պատկերացնում համաձայնագրի նոր խմբագրումները: Մենք կառուցողական ենք տրամադրված, մեր նպատակն է ոչ թե այս իրավիճակի սրումը, այլ կառուցողական միջավայրում, որակյալ բանավեճի արդյունքում ստանալ այնպիսի փաստաթուղթ, որը կաշխատի, որտեղ ամրագրված խախտումների դեպքում կհետեւեն սանկցիաներ: Այսօրվա գործող կարգավորումները նման հնարավորություն չեն տալիս: Մինչդեռ հանրային մուլտիպլեքսում գործող հայկական ալիքները գործում են այդ կանոններով: Մեր նպատակն է վերախմբագրել այդ համաձայնագիրը, որ հնարավորություն կտա նման խախտումների հայտնաբերման պարագայում ՀՌՀ-ին իրականացնել մոնիտորինգ եւ խախտումների դեպքում կիրառել վարչական վարույթ, ասել է թե՝ սանկցիաներ»,- ասաց նախարարը: Նա ընդգծեց, որ հենց Սոլովյովի երկու հաղորդումներն են եթերազարկվել, որովհետեւ վերջին ամիսներին արձանագրված են եղել թվով ամենամեծ խախտումները: Նրա խոսքով, հայ ժողովրդի հույզերը, արժանապատվությունը վիրավորող բովանդակությամբ հեռուստահաղորդումները կարող են նաեւ հակառուսական ալիքի պատճառ հանդիսանալ. «Մենք շահագրգռված ենք, որ աշխատանքը կազմակերպել այնպես, որ նման բովանդակությունը կանխվի, որը կարող է բերել նման հետեւանքների: Եթե մեր առաջարկները չընդունվեն, չեմ բացառում հավանականությունը, որ ՀՀ-ն կարող է դիտարկել նաեւ այդ համաձայնագիրը միակողմանի խզելու տարբերակը»,- ընդգծեց ԲՏԱ նախարարը: Հիշեցնենք, որ մարտի վերջից Հայաստանում արգելափակվել են հանրային մուլտիպլեքսով սփռվող «ՌՏՌ-ՊԼԱՆԵՏԱ» հեռուստաալիքով հեռարձակվող «Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հեղինակային հաղորդումները։

17:11 - 10 ապրիլի, 2024

Մխիթար Հայրապետյանն ընդունել է Բելգիայի դեսպանին

Բարձր տեխնոլոգիական արդյունաբերության նախարար Մխիթար Հայրապետյանն այսօր ընդունել է ՀՀ-ում Բելգիայի Թագավորության արտակարգ և լիազոր դեսպան Էրիկ Դե Մույնքին: «Իմ խոսքում նշել եմ, որ ԲՏԱ նախարարությունն այժմ կարևոր փաստաթղթերի՝ բարձր տեխնոլոգիական արդյունաբերության զարգացման ռազմավարության և ՏՏ ոլորտի խթանմանն ուղղված օրենսդրական փաթեթի մշակման փուլում է։ Այս նախաձեռնություններով ամփոփվելու են ՀՀ տեխնոլոգիական ոլորտի զարգացման երկարաժամկետ տեսլականն ու բարենպաստ էկոհամակարգի ստեղծման հիմքերը: Դեսպանն ընդգծել է, որ բարձր տեխնոլոգիաների ոլորտում երկկողմ համագործակցության զարգացումն առաջնահերթությունների շարքում է: Այս համատեքստում դեռևս 2023 թվականին կազմակերպվել էր Բելգիայի Թագավորության տնտեսական առաքելության այցը Հայաստան, որի շրջանակներում բելգիական և հայկական ընկերությունները հնարավորություն են ունեցել հանդիպելու և քննարկելու համագործակցության հնարավոր եզրերը»,-Ֆեյսբուքի իր էջում գրել է Հայրապետյանը:

09:46 - 10 ապրիլի, 2024

Հայաստանի արբանյակի միջոցով արված լուսանկարները տևական ժամանակ ծառայում են պետական գերատեսչություններին. ԲՏԱ նախարար |armenpress.am|

armenpress.am: Հայաստանի՝ տիեզերք արձակված արբանյակի աշխատանքի դրական արդյունքներն արդեն իսկ երևում են․ տևական ժամանակ է՝ արբանյակի միջոցով արված լուսանկարները ծառայում են Հայաստանի տարբեր պետական գերատեսչություններին: ԱԺ-ում լրագրողների հետ զրույցում այս մասին ասաց Բարձր տեխնոլոգիական արդյունաբերության նախարար Մխիթար Հայրապետյանը: «Տևական ժամանակ է․ ինչ այն լուսանկարները, որոնք արվում են արբանյակի միջոցով, ծառայում են Հայաստանի Հանրապետության տարբեր պետական գերատեսչություններին»,-ասաց Մխիթար Հայրապետյանը: Հայաստանի առաջին արբանյակը՝ «ArmSat-1»-ը, տիեզերք էր արձակել 2022 թվականի մայիսի 25-ին։ Իսկ հայկական արտադրության առաջին արբանյակը՝ «Հայասաթ 1»-ը, SpaceX ընկերության Falcon 9 հրթիռով տիեզերք էր արձակվել 2023-ի դեկտեմբերի 1-ին:

15:27 - 18 մարտի, 2024

«Որոշումների առանցքում ՀՀ-ի արժանապատվության հարցն է»․ ԲՏԱ նախարարը՝ ռուսական ալիքները մուլտիպլեքսից հանելու մասին |news.am|

<dinews.am: v class="banner square"> Առաջիկայում Մոսկվայում ընթանալու են խորհրդակցություններ, ինչպես ենթադրում է երկկողմ միջպետական համաձայնագիրը, որի ընթացքում հայկական կողմը ներկայացնելու է լուծումների վերաբերյալ իր առաջարկները: Այս մասին այսօր՝ մարտի 18-ին, ԱԺ-ում լրագրողների հետ զրույցում ասաց ԲՏԱ նախարար Մխիթար Հայրապետյանը՝ անդրադառնալով Հայաստանում հեռարձակվող ռուսական հեռուստաալիքների գործունեությանը: Լուծումները բխում են ինչպես համաձայնագրի ողջ տրամաբանությունից, այնպես էլ Հայաստանի պետական շահերից՝ ապահովել համապատասխան բովանդակությամբ հեռուստակոնտենտ, որը չի ենթադրի ՀՀ-ի ներքին գործերին միջամտություն, վիրավորանք ՀՀ խորհրդանիշերի, պետության նկատմամբ, ինչպես նաև ՀՀ ժողովրդի հույզերի ու արժանապատվության նկատմամբ»,-ասաց Հայրապետյանը: Դիտարկմանը, որ արդեն իսկ նման մի քննարկում եղել է, որից հետո հայտարարվեց, որ Երեւանը չի ներկայացրել փաստեր, նախարարն ասաց. «Ճիշտ եք, խոսքը դեկտեմբերյան խորհրդակցությունների մասին է: Պետք է ասեմ, որ այն լուծումները, որոնք հայկական կողմի առաջարկների փաթեթում ներառված են, ենթադրում են նաև նախկինում արված փորձերը, որոնց արդյունքում ոչ միայն որեւէ փոփոխություն բովանակության առումով չի եղել, այլեւ վերջին շրջանում նմանօրինակ հաղորդումների հաճախականությունը պարբերաբար է դարձել։ Սա նշանակում է, որ համաձայնագրում տեղ գտած գործիքները, որոնք ներդրվել են իբրև վերահսկողություն կամ նմանօրինակ հաղորդումների կանխում, ըստ էության, չեն աշխատում։ Եվ սա նաև հաշվի առնելով՝ հայկական կողմը ձևակերպել է իր պատկերացումները լուծումների վերաբերյալ: Եթե դրանք աշխատեին, ձեր հարցը հնչեցնելու կարիք չէր լինի: մենք սա գիտակցում ենք, եւ մեր ռուս գործընկերների հետ աշխատանքներում մենք սա նկատի ենք ունենում և իբրև փաստարկ մենք ներկայացնելու ենք»։ Հարցին՝ կա՞ն ժամկետներ, թե երբ են այդ բանակցությունները սկսվելու՝ նախարարը պատասխանեց. «Այո, կոնկրետ օր կա, բայց ես հիմա այն չեմ հնչեցնի»։ Դիտարկմանը՝ այդ բանակցություններում լինելո՞ւ է արդյոք այդ հեռուստաալիքները հանրային մուլտիպլեքսից հանելու հարցը՝ Հայրապետյանը պատասխանեց. «Պոլիտկոռեկտությունից ելնելով ես մեր առաջարկների եւ լուծումների վերաբերյալ մանրամասներից զերծ կմնամ։ Միայն կարող եմ վստահեցնել, որ յուրաքանչյուր որոշում կամ դիրքորոշում, որ որդեգրում է ԲՏԱ նախարարությունը, առանցքում հայ ժողովրդի և ՀՀ-ի արժանապատվության հարցն է ներդրված»։

14:12 - 18 մարտի, 2024

ԲՏԱ նախարարը հանդիպել է ՀՀ-ում լիցենզավորված հեռուստաընկերությունների ներկայացուցիչների հետ

ԲՏԱ նախարար Մխիթար Հայրապետյանը հանդիպել է ՀՀ-ում լիցենզավորված հեռուստաընկերությունների ներկայացուցիչների հետ։ Հանդիպմանը ներկա է եղել նաև ՀՌՀ նախագահ Տիգրան Հակոբյանը։ Այս մասին Հայրապետյանը հայտնել է իր ֆեյսբուքյան էջում: «Մտքեր փոխանակեցինք պետություն-մասնավոր հեռուստաընկերություններ հարաբերությունների մոդելների, առկա խնդիրների և դրանց հնարավոր լուծումների շուրջ։ Խնդիրները բարդ են, բազմաշերտ ու շատ, սակայն վստահ եմ, որ պետության ջանքերի և առողջ համագործակցային միջավայրի շնորհիվ դրանցից շատերը լուծելի են ողջամիտ ժամկետներում։ Այդ նպատակով պայմանավորվեցինք այսօրինակ շփումները շարունակական դարձնել»։

20:38 - 03 մարտի, 2024

️Մեկնարկել է «Նորարար Հայաստան-2024» աշխատաժողովը

Մարտի 2-ին Երևանում մեկնարկել է ՀՀ բարձր տեխնոլոգիական արդյունաբերության նախարարության կողմից կազմակերպված «Նորարար Հայաստան-2024» աշխատաժողովը։ Աշխատաժողովի նպատակն է համախմբել Հայաստանի բարձր տեխնոլոգիական արդյունաբերության (ԲՏԱ) ոլորտի հիմնական շահագրգիռ կողմերին՝ մշակելու համապարփակ և հեռանկարային ազգային ռազմավարություն: Միջոցառման պաշտոնական բացմանը ելույթով հանդես է եկել ՀՀ բարձր տեխնոլոգիական արդյունաբերության նախարար Մխիթար Հայրապետյանը։ Ողջունելով միջոցառման մասնակիցներին՝ նախարարն իր ելույթում խոսել է Բարձր տեխնոլոգիական արդյունաբերության ազգային ռազմավարություն ունենալու առաջնահերթ անհրաժեշտության մասին՝ կարևորելով այն փաստաթուղթը, որը ձևավորվելու է աշխատաժողովի մասնակիցների համատեղ ջանքերով: «Հույս ունեմ, որ այս աշխատաժողովի արդյունքում մենք կկարողանանք համադրել կատարված ամբողջ աշխատանքը և ստանալ անհրաժեշտ փաստաթուղթը: Ինչո՞ւ է առհասարակ մեզ համար կարևոր բարձր տեխնոլոգիական արդյունաբերության ոլորտի ռազմավարությունը: Գաղտնիք չեմ բացի, եթե ասեմ, որ այդ հիմնարար փաստաթղթի բացակայության պարագայում բոլոր որոշումները, որոնք կայացվում են տարածության և ժամանակի մեջ, հիմնարար, հաշվարկված չլինելու և ազդեցություն չունենալու մեծ ռիսկ են պարունակում: Ստեղծվող փաստաթուղթը կարող է ճանապարհ լինել մեզ համար, որը ցույց կտա սկիզբը և այն շարունակական աշխատանքը, որը մենք նախանշել ենք մեզ համար: Դա կնշանակի, որ մենք գիտենք մեր քայլերի հաջորդականությունն ու հերթականությունը, մենք գիտենք, թե որն է այն ճանապարհը, որ պիտի անցնենք: Մենք հենց այս փաստաթղթով պետք է ամրագրենք այն ուղղությունները, որտեղ Հայաստանն աշխարհին ասելիք պիտի ունենա»,- նշել է Մխիթար Հայրապետյանը: ՀՀ Ազգային ժողովի նախագահի տեղակալ Հակոբ Արշակյանն իր ելույթում խոսել է Հայաստանում տեխնոլոգիական թռիչք ապահովելու հնարավորությունների մասին: Ազգային Ժողովի փոխխոսնակը նշել է, որ Հայաստանն ունի թռիչքաձև զարգացում ապահովելու բոլոր հնարավորությունները: Աշխատաժողովի շրջանակներում տեղի են ունեցել պանելային քննարկումներ, խմբային աշխատանքներ, մտքերի փոխանակում «ԲՏԱ գլոբալ համայնապատկերը և Հայաստանի ներուժը», «Նորարարական միտումները համաշխարհային ԲՏԱ ոլորտում», «Առաջընթացի ուղին. ռազմավարության իրականացում» և մի շարք այլ թեմաներով։Աշխատաժողովի ավարտին մասնակիցները համատեղ կստեղծեն Հայաստանի բարձր տեխնոլոգիական արդյունաբերության ազգային ռազմավարության նախագիծ՝ հագեցած հստակ տեսլականով, իրատեսական նպատակներով և գործնական ծրագրերով: ՀՀ բարձր տեխնոլոգիական արդյունաբերության նախարարության կողմից անցկացվող աշխատաժողովը իրականացվում է ԱՄՆ Միջազգային զարգացման գործակալության «Տնտեսական հիմքեր՝ հանուն դիմակայուն Հայաստանի» ծրագրի, ՄԱԿ-ի արդյունաբերական զարգացման կազմակերպության (ՄԱԱԶԿ) և ՄԱԿ-ի Եվրոպական տնտեսական հանձնաժողովի (ԵՏՀ ՄԱԿ) աջակցությամբ:

14:23 - 02 մարտի, 2024

ՀՀ ԱԳՆ-ն բողոքի հայտագիր է հղել ռուս գործընկերներին. ԲՏԱ նախարարը՝ ռուսական եթերից հնչած գնահատականների մասին |1lurer.am|

1lurer.am: ՀՀ բարձր տեխնոլոգիական արդյունաբերության նախարար Մխիթար Հայրապետյանը ԱԺ-ում անդրադարձավ փետրվարի 25-ին ռուսական հեռուստատեսությամբ հեռարձակվող հաղորդման ժամանակ մեր երկրի վերաբերյալ հնչած գնահատականներին: «Նախկինում էլ առիթ եղել է, որ այս թեմայի հետ կապված պառլամենտում հարցը հնչի: Երևանում անցկացվել են կոնսուլտացիաներ, արձանագրված խախտումները փոխանցվել են ռուս գործընկերներին, բայց որ երկու ամիս անց այդօրինակ խախտումները կրկնվում են, խոսում է այն մասին, որ ՀՀ-ի և ՌԴ-ի միջև գործող միջպետական համաձայնագիրը լրամշակելու կամ խմբագրելու անհրաժեշտություն կա: Մենք փետրվարի 26-ին ՀՌՀ-ից ստացել ենք գրություն, որտեղ արձանագրված են եղել այդ խախտումները: Փետրվարի 27-ին ԲՏԱՆ-ում անցկացվել է խորհրդակցություն, որոնց արդյունքում արձանագրվել է, որ իրապես այդ խախտումները տեղի են ունեցել, մասնավորապես, 5-րդ հոդվածի մի քանի դրույթներ խախտվել են: Այսօր ՀՀ ԱԳՆ-ն բողոքի հայտագիր է հղել ռուս գործընկերներին»,- նշեց Մխիթար Հայրապետյանը: «Եթե մենք դուրս ենք գալիս այն կանխավարկածից, որ ՀՀ-ն և ՌԴ-ն հավատարիմ են այդ համաձայնագրին, բայց, այնուամենայնիվ, այդ խախտումները շարունակվում են, ապա լեգիտիմ հարց է առաջանում անդրադառնալու այդ փաստաթղթի դրույթներին՝ արդյոք փաստաթղթում արձանագրված դրույթները և սկզբունքների պահպանումը վերախմբագրելու, լրամշակելու անհրաժեշտություն չունի, և մեր դիրքորոշումը հստակ է՝ ունի»,- ասաց նա։

20:22 - 28 փետրվարի, 2024

Մխիթար Հայրապետյանն ու Սերգեյ Կոպիրկինն անդրադարձել են գործակցության նոր հնարավորություններին

ՀՀ բարձր տեխնոլոգիական արդյունաբերության նախարար Մխիթար Հայրապետյանը փետրվարի 21-ին ընդունել է Հայաստանի Հանրապետությունում Ռուսաստանի Դաշնության արտակարգ և լիազոր դեսպան Սերգեյ Կոպիրկինին։ Այս մասին հայտնում են ԲՏԱ նախարարությունից: Մխիթար Հայրապետյանը կարևորել է նախարարության գործունեության բոլոր ուղղություններով երկու երկրների միջև համագործակցության ընդլայնման հնարավորությունները, անդրադարձել բարձր տեխնոլոգիական ոլորտի առաջիկա ռազմավարական ծրագրերին, նախաձեռնություններին, այդ ուղղությամբ տարվող աշխատանքներին, ինչպես նաև անդրադարձ է կատարվել համագործակցության խնդրահարույց թեմաներին։ Սերգեյ Կոպիրկինը շնորհավորել է Մխիթար Հայրապետյանին պաշտոնը ստանձնելու կապակցությամբ, նշել, որ փոխադարձ շահավետ և արդյունավետ համագործակցության համար առկա է մեծ ներուժ, ուստի Ռուսաստանը պատրաստակամ է զարգացնելու և ընդլայնելու գործակցությունն ինչպես արդեն նախանշված, այնպես էլ նոր ուղղություններով։ Հանդիպման ընթացքում անդրադարձ է կատարվել երկկողմ ծրագրերի իրականացման ընթացքին, գործակցության նոր հնարավորություններին, ռուսական ոլորտային ընկերությունների ներկայացվածությանն ու գործունեությանը Հայաստանում, երկուստեք մասնակցությանը ոլորտային ցուցահանդեսներին և մի շարք այլ թեմաների։ Կողմերը պատրաստակամություն են հայտնել լայն օրակարգով շարունակելու կառուցողական քննարկումները համագործակցության շուրջ։

10:31 - 22 փետրվարի, 2024

Դեսպան Իմանբաևը ԲՏԱ փոխնախարարին է փոխանցել Ղազախստանի փոխվարչապետի հրավերը՝ մասնակցելու Աստանայի միջազգային ֆորումին

ՀՀ բարձր տեխնոլոգիական արդյունաբերության նախարար Մխիթար Հայրապետյանը փետրվարի 12-ին ընդունել է Հայաստանի Հանրապետությունում Ղազախստանի Հանրապետության արտակարգ և լիազոր դեսպան Բոլատ Իմանբաևին։ Այդ մասին հայտնում են ԲՏԱ-ից: Նախարարը ողջունել է դեսպանին, ներկայացրել նախարարության գործունեության ուղղությունները, նշել, որ լայն հնարավորություններ է տեսնում Ղազախստանի հետ ընդլայնելու գործակցության շրջանակները նորարարության, բարձր տեխնոլոգիաների, նոր ստեղծվող արժեքների ստեղծման գործում։ Դեսպան Բոլատ Իմանբաևը շնորհավորել է նախարարին պաշտոնում նշանակվելու առթիվ, իր հերթին ներկայացրել Ղազախստանի վերջին տարիների ոլորտային բարեփոխումներն ու ձեռքբերումները, նշել, որ 202 4թ. Հայաստանի հետ բավական մեծ ծրագրեր են նախատեսված՝ կապված բարձր տեխնոլոգիաների ոլորտի հետ։ Հանդիպման ընթացքում կողմերը ներկայացրել են երկու երկրներում առաջիկայում կայանալիք ոլորտային միջոցառումները, ընդգծել մասնագետների փոխադարձ այցերի և փորձի փոխանակման կարևորությունը, ինչն իր հերթին կնպաստի գործակցության ամրապնդմանն ու կապերի ընդլայնմանը։ Հանդիպման ավարտին Բոլատ Իմանբաևը Մխիթար Հայրապետյանին է փոխանցել Ղազախստանի փոխվարչապետի հրավերը՝ մասնակցելու Աստանայի միջազգային ֆորումին (Astana International Forum (AIF))։ Մխիթար Հայրապետյանը շնորհակալություն է հայտնել հրավերի համար, ընդգծել է, որ ինչպես նախկինում, այժմ ևս ակտիվորեն պետք է աշխատել համընդհանուր օրակարգերի շուրջ՝ բոլոր ուղղություններով դրական արդյունքներ արձանագրելու համար։

15:59 - 16 փետրվարի, 2024

Մխիթար Հայրապետյանը ՏՏ համայնքի հետ քննարկել է ոլորտի զարգացմանն ուղղված օրենսդրական փաթեթի նախագծերը

16:28 - 09 փետրվարի, 2024

Մխիթար Հայրապետյանը կարևորել է ինտենսիվ շփումները ոլորտի ընկերությունների պատասխանատուների հետ

ՀՀ բարձր տեխնոլոգիական արդյունաբերության նախարար Մխիթար Հայրապետյանը փետրվարի 6-ին 3-րդ հանդիպումն է ունեցել ռազմարդյունաբերության ոլորտի ընկերությունների ներկայացուցիչների հետ։ Այս մասին հայտնում են ԲՏԱ նախարարությունից: Նախարարը կարևորել է հանդիպումների նման ձևաչափը, ինտենսիվ շփումները ոլորտի ընկերությունների պատասխանատուների հետ, նշել է, որ յուրաքանչյուրի ղեկավարած կառույցի վերաբերյալ համապարփակ տեղեկատվությունը շատ կարևոր է՝ հետագա գործունեությունն ավելի արդյունավետ կազմակերպելու համար։ Նախարարը նաև ընդգծել է, որ կան հնարավորություններ, համապատասխան միջավայր, որոնք պետք է ճիշտ կիրառել՝ զարգացնելով ոլորտի ենթակառուցվածքները։ Հանդիպման ընթացքում տեղի ունեցած քննարկմանը ներկայացվել են մի շարք խնդիրներ, դրանց լուծման հնարավորություններ, Հայաստանի ռազմարդյունաբերության բնագավառի զարգացմանն ուղղված առաջարկներ, որոնց հիման վրա կկազմվեն համապատասխան փաստաթղթեր, կառավարության որոշումների ձևաչափեր։

10:00 - 07 փետրվարի, 2024

Մխիթար Հայրապետյան․ Հավերժ տրտնջացողից, բողոքողից՝ լուծումներ առաջարկող եւ մատակարարող, օգտակար պետության վերածվող Հայաստան |aravot.am|

aravot.am: «Առաջարկում եմ՝ ավարտենք մշտապես շարունակվող բանավեճը եւ մեզ համար արձանագրենք, որ պետք է արդեն մտածենք, թե ինչպես ներդնենք արհեստական բանականության գործիքները Հայաստանի տնտեսության մեջ, թվայնացման համակարգում, ռադիոհաղորդակցության, տեղեկատվական գիտության ոլորտում»,-այս մասին այսօր «Արհեստական բանականությունը բիզնեսի համար» համաժողովում ասաց բարձր տեխնոլոգիական արդյունաբերության նախարար Մխիթար Հայրապետյանը։ Նրա խոսքով՝ պետք է հասկանանք, որ մարդու մտածելակերպի եւ ընկալման ու հույզերի մեջ երկու մոտեցում կա․ «Այսինքն, այսօր էլ մենք գուցեեւ փորձում ենք գտնել լուծումներ, մյուս կողմից էլ առկա են վախեր։ Տեխնոլոգիական տարբեր հեղափոխությունների փուլերում այդ վախերը եղել են, դրանք նույնանման են այսօրվա այն վախերին, որոնք ունենք արհեստական բանականության հետ կապված»։ Հայրապետյանն ասաց՝ այն պետությունները, սուբյեկտներն ու ազգերը, որոնք երկար կմտածեն դրա շուրջ, իրենք հետ են մնալու ամբողջ աշխարհի զարգացումից․ «Այս առումով ունեմ մտավախություն, որ մենք տեղ-տեղ արդեն ուշացել ենք։ Հետեւաբար, թռիչքային աճի համար մեզ պետք են տասը անգամ արագ որոշումներ եւ գործողություններ։ Սրանով է պայմանավորված մեր ապագա զարգացումը»։ Նախարարի ներկայացմամբ՝ այսօր պետական տարբեր գերատեսչություններում, երբ առաջարկվում է նոր ռազմավարություն եւ մոտեցումներ, դժվարությամբ կգտնեք այդ թղթերում «արհեստական բանականություն» բառակապակցությունը։ Նա վստահեցրեց, որ ԲՏԱ նախարարությունը ստանձնելու է առաջնորդություն, որպեսզի արհեստական բանականության շուրջ խոսակցությունները ճիշտ ներկայացվեն հասարակությանն ու գերատեսչություններին․ «Այն վախերը, որոնք նույնիսկ պետական ապարատում կան, պետք է կոտրենք եւ հենց հիմա պիտի անենք դա։ Ինչ թվայնացման կամ փաստաթղթաշրջանառության կամ պետական ապարատի արդյունավետ կառավարման մասին է խոսքը, եթե ունենք այդ վախերն անգամ որոշումներ կայացնողների մակարդակով։ Այդ վախերը կոտրելով, վստահ եմ, Հայաստանն աշխարհում կարող է դառնալ մրցունակ ու ամբիցիաներ ունեցող երկիր, ունենալ կարեւոր դեր աշխարհում՝ մոլորակի մարդկանց ինչ որ լուծումներ առաջարկելով, ինչը վերափոխելու է Հայաստանը եւ հայ մտածողի, արարողի նկատմամբ աշխարհի վերաբերմունքը։ Հավերժ տրտնջացողից, բողոքողից՝ լուծումներ առաջարկող եւ մատակարարող եւ օգտակար պետության վերածվող Հայաստանի հանրապետություն»։

12:30 - 02 փետրվարի, 2024

Բարձր տեխնոլոգիական ոլորտը կարող է հայ-բրիտանական համագործակցության լուրջ հեռանկարներ ստեղծել. Մխիթար Հայրապետյան

ՀՀ բարձր տեխնոլոգիական արդյունաբերության նախարար Մխիթար Հայրապետյանը հունվարի 29-ին ընդունել է Հայաստանի Հանրապետությունում Մեծ Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպան Ջոն Գալագերին: Այդ մասին հայտնում են ՀՀ ԲՏԱՆ-ից: «Մխիթար Հայրապետյանը ներկայացրել է դեսպանին նախարարության գործունեության շրջանակը և համակարգվող ուղղությունները, անդրադարձել է բարձր տեխնոլոգիական արդյունաբերության ոլորտի զարգացման ռազմավարության մշակման աշխատանքներին, «Տիեզերական գործունեության մասին» ՀՀ օրենքի փոփոխություններին և ՏՏ ոլորտի զարգացմանն ուղղված օրենսդրական նոր փաթեթի նախապատրաստմանը: Նախարարը շեշտել է, որ Հայաստանը և Միացյալ Թագավորությունն ունեն համատեղ գործակցության լայն շրջանակ՝ սկսած օրենսդրական փոփոխությունների իրագործումից մինչև գործնական քայլերի իրականացում, ճիշտ որոշումների կայացում և փորձագետների ներգրավում: Միացյալ Թագավորության դեսպանը շնորհավորել է Մխիթար Հայրապետյանին նախարարի պաշտոնում նշանակվելու կապակցությամբ, շեշտել տեխնոլոգիական ոլորտի կարևոր դերը երկկողմ միջպետական և գործարար հարաբերությունների զարգացման տեսանկյունից: Դեսպանի խոսքով՝ Միացյալ Թագավորության գերնպատակը տեխնոլոգիական գերհզոր ուժ դառնալն է, և դրան հասնելու համար իրենք ձգտում են ամուր կապեր հաստատել տեխնոլոգիական մասնագետներ ունեցող երկրների հետ: Ջոն Գալագերը պատմել է նախորդ տարի Միացյալ Թագավորությունում տեղի ունեցած ոլորտային կարևոր միջոցառումների մասին: Դեսպանը հույս է հայտնել, որ Հայաստանը ներկայացված կլինի այս տարի Միացյալ Թագավորությունում կայանալիք «Ֆինանսական տեխնոլոգիական շաբաթ» միջոցառմանը: Նշվել է, որ բոլոր այդ միջոցառումները կարող են նպաստել տեխնոլոգիական արդյունաբերության ոլորտում երկկողմ գործակցության զարգացմանը: Մխիթար Հայրապետյանը կարևորել է փոխշահավետ համագործակցության վրա հիմնված հարաբերությունների ձևավորումը՝ նշելով Հայաստանում բարձր որակավորում ունեցող աշխատուժի և տեխնոլոգիական ենթակառուցվածքների առկայության մասին: Նախարարի խոսքով՝ դրանով է պայմանավորված Հայաստանում համաշխարհային մի շարք խոշոր ընկերությունների ներկայացվածությունը: Այդ համատեքստում նախարարը կարևորել է նաև բրիտանական ընկերություններին Հայաստան բերելու հնարավորությունների ստեղծումը: Նախարարը նկատել է, որ պատմականորեն հայ-բրիտանական փոխգործակցության ներուժն ամբողջությամբ իրացված չէ, և այս առումով, բարձր տեխնոլոգիական ոլորտը կարող է համագործակցության լուրջ հեռանկարներ ստեղծել»,- նշված է հաղորդագրության մեջ:

20:53 - 29 հունվարի, 2024

Ռազմարդյունաբերության ոլորտի առաջընթացը նախարարության գործունեության առաջնահերթություններից է. ԲՏԱ նախարար

ՀՀ բարձր տեխնոլոգիական արդյունաբերության նախարար Մխիթար Հայրապետյանը երկրորդ հանդիպումն է ունեցել ռազմարդյունաբերության ոլորտի ընկերությունների ներկայացուցիչների հետ։ Նախարարն ընդգծել է, որ ռազմարդյունաբերության ոլորտի զարգացումն ու առաջընթացը նախարարության գործունեության առաջնահերթություններից է, կան մարտահրավերներ ու խնդիրներ, որոնք պետք է հաղթահարվեն համատեղ ուժերով։ ԲՏԱ նախարարությունից տեղեկացնում են, որ Մխիթար Հայրապետյանը լսել է, թե ինչ ակնկալիքներ ունեն ռազմարդյունաբերության ոլորտի ընկերությունները նախարարությունից, ինչ խնդիրներ ու առաջարկներ ունեն, նաև ինչ մեխանիզմների կիրառմամբ են պատկերացնում ոլորտի զարգացման խթանումն ու առաջմղումը։ Հանդիպման ընթացքում քննարկվել են ներկայացված խնդիրների հաղթահարման մի շարք հնարավորություններ։ Ռազմարդյունաբերության ոլորտի զարգացման գործում առանձնակի կարևորվել է ինժեներական կրթության ուղղությամբ նոր ծրագրերի մշակման անհրաժեշտությունը, որակյալ կադրերի պատրաստումն ու սերնդափոխության ապահովումը:

15:40 - 26 հունվարի, 2024