15:26 - 19 հունվարի, 2021
Քննարկվել է ՀՀ ոստիկանության և Ֆրանսիայի ՆԳ նախարարության տարեկան գործողությունների ծրագիրը
Հունվարի 18-ին ՀՀ ոստիկանության շտաբի պետի տեղակալ, միջազգային համագործակցության վարչության պետ, ոստիկանության գնդապետ Հովհաննես Պողոսյանը հանդիպում է ունեցել ՀՀ-ում Ֆրանսիայի դեսպանության ներքին անվտանգության հարցերով նորանշանակ կցորդ պարոն Էրվե Ժամեի հետ (նստավայրը՝ Վրաստան):
ՀՀ ոստիկանության տեղեկատվության եւ հասարակայնության հետ կապերի վարչությունից հայտնում են, որ, շնորհավորելով պարոն Ժամեին նշանակման կապակցությամբ, Հովհաննես Պողոսյանը բարձր է գնահատել ՀՀ ոստիկանության և Ֆրանսիայի ՆԳ նախարարության միջև փոխգործակցությունը հատկապես միջազգային համագործակցության ոլորտում:
Հանդիպման ընթացքում քննարկվել են ՀՀ ոստիկանության և Ֆրանսիայի ՆԳ նախարարության տարեկան գործողությունների ծրագիրը, համագործակցության ոլորտները, փոխադարձ հետաքրքրություն ներկայացնող մի շարք հարցեր։
ՀՀ ոստիկանություն կատարած այցի շրջանակներում պարոն Ժամեն հանդիպում է ունեցել նաև ՀՀ-ում Ինտերպոլի ԱԿԲ պետ, ոստիկանության փոխգնդապետ Նարինե Հակոբյանի հետ: Հանդիպման ընթացքում քննարկվել են երկու երկրների Ինտերպոլի ԱԿԲ-ի միջև համագործակցության ամրապնդմանն ուղղված հարցեր:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)