06:29 - 26 ապրիլի, 2019
ԱՄՆ իշխանություններն արգելել են Չեչնիայի կառավարության ղեկավարի մուտքը |news.am|
news.am: Ամերիկյան իշխանություններն արգելել են Չեչնիայի կառավարության ղեկավար Մուսլիմ Խուչիեւի մուտքը երկիր։ Ինչպես ասվում է Պետդեպի ապրիլի 25-ի հայտարարության մեջ, պատժամիջոցները տարածվում են նաեւ Խուչիեւի կնոջ՝ Սապիյատ Շաբազովայի վրա՝ հայտնում է «Իզվեստիա»-ն։
Որպես նման միջոցառման պատճառ, ամերիկյան իշխանությունները նշել են «մարդու իրավունքների կոպիտ խախտումները»։
Սրա հետ կապված՝ Վաշինգտոնը Մոսկվային կոչ է արել պատասխանատվության ենթարկել Խուչիեւի եւ այլ պաշտոնատար անձանց, որոնք մասնակից են Չեչնիայում մարդու իրավունքների խախտումներին»։
2018թ․ դեկտեմբերի 21-ին ԵԱՀԿ-ն Չեչնիայում մարդու իրավունքների հնարավոր խախտումների մասին զեկույց էր ներկայացրել։
Չեչնիայի իշխանություններն այդ մեղադրանքները համարում են կանխակալ եւ անհիմն։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)