Պաշտպանության բանակի նախկին հրամանատար, Արցախի նախագահի գլխավոր խորհրդական Միքայել Արզումանյանը կալանավորվել է․ հայտնում է նրա փաստաբան Երեմ Սարգսյանը։
Հիշեցնենք, որ Արզումանյանի ձերբակալման ժամկետը լրացել էր եւ նա երեկ ազատ էր արձակվել։
Ավելի վաղ ՔԿ-ից հայտնել էին՝ պարզվել է, որ կոչումով գեներալ-լեյտենանտ Միքայել Արզումանյանը՝ 2020 թ. հոկտեմբերի 30-ից մինչև նոյեմբերի 9-ը, Շուշի քաղաքի և հարակից շրջանների պաշտպանության կազմակերպման ընթացքում անփույթ վերաբերմունք է դրսևորել իր ծառայողական պարտականությունների նկատմամբ՝ չկատարելով և ոչ պատշաճ կատարելով դրանք, այդպիսի գործողություններն անզգուշությամբ առաջացրել են ծանր հետևանքներ. հակառակորդի զինված ուժերն ամբողջությամբ իրենց վերահսկողության տակ են վերցրել Շուշի քաղաքը և մատույցները, յուրային ստորաբաժանումները կրել են զոհեր և վիրավորներ։
comment.count (0)