Հայաստանի քաղաքացիների 67%-ը կարծում է, որ Խորհրդային Միության փլուզումը Հայաստանի համար բացասական էր, 22%-ի դիտարկմամբ՝ դրական էր։ Այս մասին են վկայում Հետազոտական ռեսուրսների կովկասյան կենտրոնի իրականացրած «Կովկասյան բարոմետր 2021-2022» սոցհարցման տվյալները։
Քաղաքացիների 56%-ը ասել է, որ Խորհրդային Միության փլուզումից հետո ապրում է ավելի վատ, 22%-ը՝ ավելի լավ, իսկ 21%-ի դիտարկմամբ՝ ինքն ապրում է նույն կերպ։
Հարցվածների 80%-ը Խորհրդային Միության փլուզում դրական է համարում Հայաստանի անկախանալու համատեքստում։ 3%-ը կարծում է, որ մշակույթը հնարավորություն ունի զարգանալու, 3%-ի կարծիքով՝ ԽՍՀՄ փլուզումը Հայաստանի համար դրական է մարդու իրավունքների պաշտպանվածության տեսանկյունից։
Խորհրդային Միության փլուզումը հարցվածների 52%-ի համար բացասական է մարդկանց սոցիալական կյանքի վատթարացման համատեքստում, 16%-ի համար՝ աշխատատեղերի սակավացման առումով։ 10%-ը Հայաստանի համար բացասական է համարում ԽՍՀՄ փլուզումը Լեռնային Ղարաբաղի կոնֆլիկտի մեկնարկման տեսանկյունից, իսկ 5%-ը կարծում է, որ հարուստների և աղքատների միջև տարբերությունը խորացել է։
comment.count (0)