azatutyun.am: Մայիսի 28-ին Ֆրանսիայի մայրաքաղաք Փարիզում տեղի է ունեցել ՈւԵՖԱ-ի Չեմպիոնների լիգայի եզրափակիչ հանդիպումը: Եվրոպական ակումբային ֆուտբոլի ամենահեղինակավոր մրցանակի համար պայքարել են Մադրիդի «Ռեալը» և Լիվերպուլի նույնանուն թիմը:
Խաղն ավարտվել է «Ռեալի» հաղթանակով 1-0 հաշվով, միակ գոլի հեղինակը բրազիլացի Վինիշիուս Ժունիորն է (Կրտսերը):
Հանդիպման լավագույն խաղացող է ճանաչվել «Ռեալի» բելգիացի դարպասապահ Տիբո Կուրտուան:
«Ռեալն» իր պատմության ընթացքում 14-րդ անգամ է վաստակել Հին մայրցամաքի ամենակարևոր տիտղոսը, ինչը եվրոպական ֆուտբոլում բացարձակ նվաճում է:
«Ռեալի» իտալացի մարզիչ Կարլո Անչելոտին էլ յուրօրինակ ռեկորդ է սահմանել` չորս անգամ շահելով ՈւԵՖԱ-ի Չեմպիոնների լիգայի գավաթը. երկու անգամ «Միլանի» և երկու անգամ «Ռեալի» հետ:
Այս եզրափակիչ հանդիպումը պետք է տեղի ունենար Սանկտ Պետերբուրգում, սակայն ՈւԵՖԱ-ն այս տարվա փետրվարի 25-ին՝ Ուկրաինայի վրա Ռուսաստանի հարձակման հաջորդ օրը, վճռել է խաղը չանցկացնել Ռուսաստանում, ինչից հետո Ֆրանսիայի կառավարությունը ներկայացրել է այն Փարիզ տեղափոխելու առաջարկը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)