Ուկրաինայի Գերագույն ռադան դիմում է ներկայացրել ՄԱԿ-ին և այլ միջազգային կազմակերպությունների` երկիր խաղաղապահներ մտցնելու խնդրանքով: Այս մասին ասվում է Գերագույն ռադայի կողմից հրապարակված հաղորդագրության մեջ։
«Ուկրաինայի Գերագույն Ռադան, ողջունելով Միավորված ազգերի կազմակերպության անդամ պետությունների ավելի քան երկու երրորդի կողմից ՄԱԿ-ի Գլխավոր ասամբլեայի «Ագրեսիա Ուկրաինայի դեմ» բանաձեւի հաստատումը` դիմում է ՄԱԿ-ին, ՄԱԿ-ի փախստականների հարցերով գերագույն հանձնակատարին, Կարմիր խաչի միջազգային կոմիտեին, Եվրոպական խորհրդարանին, միջազգային կազմակերպություններին և նրանց խորհրդարանական վեհաժողովներին, օտարերկրյա պետությունների խորհրդարաններին և կառավարություններին՝ պահանջելով ձեռնարկել բոլոր անհրաժեշտ միջոցները, այդ թվում՝
1950 թվականի նոյեմբերի 3-ի «Միավորում հանուն խաղաղության» ՄԱԿ-ի Գլխավոր ասամբլեայի 377 բանաձեւի հիման վրա խաղաղապահ ուժերի մուտքն Ուկրաինայի տարածք։
Գերագույն Ռադան դիմում է ՄԱԿ-ի գլխավոր քարտուղարին՝ պատերազմը դադարեցնելու հարցում միջնորդության կոչով»։
comment.count (0)