15:18 - 20 դեկտեմբերի, 2021
Թուրքիայի և Հայաստանի հատուկ ներկայացուցիչները կարող են հանդիպել առաջիկայում. Չավուշօղլու |tert.am|
tert.am: Հարաբերությունների կարգավորման հարցով Թուրքիայի և Հայաստանի հատուկ ներկայացուցիչները կարող են հանդիպում անցկացնել առաջիկայում: ՏԱՍՍ գործակալության փոխանցմամբ՝ այս մասին հայտարարել է Թուրքիայի ԱԳ նախարար Մևլութ Չավուշօղլուն՝ ելույթ ունենալով Անկարայում Մալայզիայի ԱԳ նախարար Սայֆուդին Աբդուլայի հետ համատեղ ասուլիսում:
«Հարաբերությունների կարգավորման գործընթացի մեկնարկի համար մենք հատուկ ներկայացուցիչների ենք նշանակել: Մոտ ապագայում նրանք բանակցություններ կվարեն»,- ասել է Չավուշօղլուն՝ չմասնավորեցնելով կայանալիք հանդիպման մանրամասները:
Նրա խոսքով՝ դիտարկվում է նաև Երևանի և Ստամբուլի միջև ավիաչվերթների կազմակերպման հնարավորությունը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)