Կայացել է ԱԻ նախարարին կից հասարակական խորհրդի արտահերթ նիստ, որը նախագահել է ԱԻ նախարար, խորհրդի նախագահ Անդրանիկ Փիլոյանը: Այս մասին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից:
Արտահերթ նիստ հրավիրելու առաջարկություն էր ներկայացվել Արևելյան գործընկերության «Քաղաքացիական հասարակության ֆորումի Հայաստանի ազգային պլատֆորմ» կազմակերպության և հասարակական խորհրդի կազմում ընդգրկված մի խումբ անդամների կողմից:
Խորհրդի նիստի օրակարգում ընդգրկված են եղել «Քաղաքացիական պաշտպանության մասին Հայաստանի Հանրապետության օրենքում փոփոխություն կատարելու մասին» ՀՀ օրենքի նախագիծը, ինչպես նաև «Թաքստոցներ և ապաստարաններ. հրատապ լուծում պահանջող խնդիրներ» թեմայի շուրջ քննարկում:
Հարցերի վերաբերյալ եղել են տարբեր մոտեցումներ, առաջարկություններ, աշխատանքային շահագրգիռ քննարկում և մտքերի փոխանակում:
ԱԻ նախարար Անդրանիկ Փիլոյանն առաջարկել է անցկացնել նաև հասարակական խորհրդի միջանկյալ հանդիպում՝ նախարարության աշխատանքային, մասնագիտական խմբերի հետ՝ քննարկված առաջարկությունները վերջնական արդյունքի բերելու նպատակով:
Խորհրդի անդամներից բացի նիստին հրավիրվել էին օրակարգում ընդգրկված հարցերի վերաբերյալ տեղեկատվությանը տիրապետող աշխատակիցներ, մասնագետներ, ինչպես նաև օրակարգային հարցերին առնչություն ունեցող հասարակական կազմակերպությունների ներկայացուցիչներ և այլ շահագրգիռ անձինք:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)