13:36 - 27 դեկտեմբերի, 2020
«Հայփոստի» շենքի վերակառուցման հրապարակված նախագիծը քաղաքային իշխանությունը չի հաստատել. քաղաքապետարանի խոսնակ
«Հայփոստ» ՓԲ ընկերության գլխավոր գործադիր տնօրեն Հայկ Կարապետյանի ֆեյսբուքյան էջում հրապարակված՝ «Հայփոստի» շենքի վերակառուցման նախագիծը հաստատված չէ քաղաքային իշխանության կողմից: Այդ մասին Ֆեյսբուքի էջում գրել է Երևանի քաղաքապետարանի խոսնակ Հակոբ Կարապետյանը:
««Հայփոստի» ներկայացուցիչների և քաղաքապետ Հայկ Մարությանի միջև նախագծի վերաբերյալ քննարկում է տեղի ունեցել այս տարվա սեպտեմբերի 17-ին: Այնուհետև նախագիծը քննարկվել է քաղաքապետին կից քաղաքաշինական խորհրդում, որտեղ նկարում երևացող էսքիզը, ըստ էության, չի հաստատվել: Հասկանալի է, որ նախագիծը չի ստացել նաև ճարտարապետա-հատակագծային առաջադրանք և շինթույլտվություն:
Պետական սեփականություն հանդիսացող «Հայփոստի» գլխավոր մասնաշենքի վերաբերյալ ծրագրերը հետագա քննարկման առարկա են»,- գրել է Կարապետյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)