panorama.am: Խորվաթիայի հավաքականի կիսապաշտպան Լուկա Մոդրիչը մեկնաբանել է Հայաստանի հավաքականի նկատմամբ տարած հաղթանակը Եվրո-2024-ի ընտրական մրցաշարի վերջին տուրի խաղում։

«Դա հեշտ չէր: Հայաստանը շատ լավ հանդիպում անցկացրեց, բայց մենք կարողացանք հաղթահարել առաջադրանքը։ Մենք արժանի ենք խաղալ Եվրո 2024-ում: Առջևում շատ ժամանակ ունենք այս մրցաշարին պատրաստվելու համար»,- Մոդրիչի խոսքերն է մեջբերում ՈւԵՖԱ-ի մամուլի ծառայությունը։

Հիշեցնենք, որ նախօրեին Զագրեբում կայացել է ՈՒԵՖԱ Եվրոպայի 2024 թվականի առաջնության որակավորման խմբային փուլի վերջին տուրի Խորվաթիա-Հայաստան հանդիպումը: Մեր ընտրանին պարտվել է մրցակցին 0։1 հաշվով։ D խմբում Խորվաթիան 8 խաղում վաստակեց 16 միավոր եւ գրավեց երկրորդ տեղը։