16:37 - 04 մայիսի, 2023
Լաչինի միջանցքում ապօրինի տեղադրված անցակետը ներառվել է Ադրբեջանի պետական սահմանային անցակետերի ցանկում
Ադրբեջանը Լաչինի միջանցքում ապօրինի տեղադրված անցակետը ներառել է Ադրբեջանի պետական սահմանային անցակետերի ցանկում։
Համապատասխան որոշումն ընդունել է Ադրբեջանի նախարարների կաբինետը։
Հիշեցնենք, որ ապրիլի 23-ին ադրբեջանական կողմը փակել է Արցախ-Հայաստան սահմանագծին գտնվող Հակարիի կամուրջը, որը ՌԴ խաղաղապահ զորակազմի պատասխանատվության տիրույթում է՝ «Լաչինի միջանցք»-ում, այնտեղ անցակետ տեղադրել։
Ապօրինի անցակետի տեղադրումից հետո 2022 թվականի դեկտեմբերի 12-ից Արցախը Հայաստանին կապող միակ ճանապարհը փակած «էկոակտիվիստներ»-ը հայտարարեցին, որ ժամանակավորապես դադարեցնում են իրենց ակցիան՝ հաշվի առնելով, որ «ապրիլի 23-ից պետական սահմանային ծառայության ստորաբաժանումները անցակետ են տեղադրել Հայաստանի հետ սահմանին և, ըստ այդմ, սկզբունքորեն նոր իրավիճակ է ստեղծվել»։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)