12:48 - 17 ապրիլի, 2023
Սոթքի հանքավայրի գործունեությունը դադարեցված է անժամկետ․ Ադրբեջանը պարբերաբար կրակում է |aysor.am|
aysor.am: Ադրբեջանական զինուժը ուրբաթ օրվանից սկսած պարբերաբար կրակում է Սոթքի հանքավայրի ուղղությամբ, ինչի հետևանքով էլ հանքավայրի աշխատանքները դադարեցված են։
Aysor.am-ի հետ զրույցում «ԳեոՊրոՄայնինգ գոլդ» ընկերության ներկայացուցիչ Ռուզաննա Գրիգորյանն ասաց, որ այս պահին էլ աշխատանքները չեն վերսկսել, քանի որ կրակոցները շարունակվում են։
«Առավոտյան էլ կրակոցներ են հնչել, դրանք հնչում են պարբերաբար։ Հանքավայրի գործունեությունը դադարեցված է անժամկետ», - ասաց Ռուզաննա Գրիգորյանը։
Հիշեցնենք՝ ՊՆ-ն հաղորդագրություն է տարածել այն մասին, որ Ադրբեջանը կրակ է բացել Սոթքի ուղղությամբ տեղակայված հայկական դիրքերի ուղղությամբ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)