Իրան

Իրանի Իսլամական Հանրապետությունն ինքնիշխան պետություն է Արևմտյան Ասիայում: Ավելի քան 83 միլիոն բնակչությամբ։ Իրանը աշխարհում բնակչության թվով 18-րդն է: 1.648.195 կմ քառակուսի տարածքով այն երկրորդ ամենախոշոր երկիրն է Մերձավոր Արևելքում և 17-րդը` աշխարհում: Իրանը հյուսիս արևմուտքում սահմանակից է Հայաստանին, Արցախին, Ադրբեջանին և Ադրբեջանի մաս կազմող Նախիջևանին, հյուսիսում Կասպից ծովին, հյուսիս արևելքում Թուրքմենստանին, արևելքում Աֆղանստանին և Պակիստանին, հարավում Պարսից ծոցին և Օմանի ծոցին, արևմուտքում Թուրքիային և Իրաքին :

Երկրի մայրաքաղաքը և խոշորագույն քաղաքը Թեհրանն է, որը համարվում է նաև երկրի մշակութային և տնտեսական կենտրոնը: Երկրի նախագահը Հասան Ռոհանին է, հոգևոր առաջնորդը Այաթոլլա Ալի Խամենեին է։

Հայաստանն ակնկալում է բարեկամ Իրանի աջակցությունը՝ վերջ դնելու Ադրբեջանի սադրիչ գործողություններին․ Իրանում ՀՀ դեսպան

Մայիսի 16-ին ԻԻՀ-ում ՀՀ արտակարգ և լիազոր դեսպան Արտաշես Թումանյանը հանդիպել է ԻԻՀ ճանապարհների և քաղաքաշինության նախարար Մոհամադ Էսլամիին: Այս մասին հայտնում են Իրանում ՀՀ դեսպանությունից։ «Դեսպան Թումանյանը տեղեկություններ է փոխանցել ադրբեջանական զինուժի կողմից ՀՀ տարածք ներխուժման հետևանքով ստեղծված վիճակի մասին՝ նշելով, որ Հայաստանն ակնկալում է բարեկամ Իրանի աջակցությունը վերջ դնելու ՀՀ տարածքային ամբողջականությանը և տարածաշրջանի ապակայունացմանն ուղղված Ադրբեջանի սադրիչ գործողություններին: Վերահաստատելով երկրների տարածքային ամբողջականության և սահմանների անխախտելիության սկզբունքի պահպանման անհրաժեշտությունը՝ կողմերը քննարկել են «Պարսից ծոց-Սև ծով միջազգային տրանսպորտային և տարանցիկ միջանցքի» ծրագրի իրականացմանն ուղղված աշխատանքները: Նախարար Էսլամին հայտնել է ԻԻՀ ղեկավարության պատրաստակամությունը վերը նշված կարևորագույն տրանսպորտային միջանցքի գործարկման հարցում, որն ըստ նախարարի, միտված է ոչ միայն տնտեսական զարգացմանը, այլև տարածաշրջանային անվտանգության ապահովմանը: Դեսպան Թումանյանն ընդգծել է հյուսիս-հարավ տրանսպորտային առանցքի ամրապնդման անհրաժեշտությունը՝ նշելով, որ դա բխում է ծրագրում ներգրավված բոլոր երկրների շահերից և տարածաշրջանի ապակայունացմանն ուղղված նկրտումները սանձող լավագույն հակազդեցության միջոց է»,- նշված է հաղորդագրության մեջ։

12:24 - 17 մայիսի, 2021

Իրանը թույլ չի տալիս փոխել իր հյուսիսային սահմանները. Մոջթաբա Զոլնուրի |1lurer.am|

1lurer.am: «Իրանի Իսլամական Հանրապետության դիրքորոշումը շատ պարզ, հստակ և որոշիչ է. մենք չենք ընդունում տարածաշրջանի որևէ փոփոխություն, տարածաշրջանի երկրների տարածքային ամբողջականությունը պետք է պահպանվի, մինչդեռ մենք չենք ընդունում որևէ վերտարածաշրջանային ուժ մեր սահմանների մոտ: Եթե Հայաստանի տարածքի մի մասը ուզենան վերցնել, և մեր սահմանները փոփոխության ենթարկվեն, այսինքն՝ ունենանք նոր հարևան, դա մեզ համար ընդունելի չէ: Անցյալի սահմանները պետք է ամբողջությամբ լինեն պաշտպանված, և պետք է պահպանվի Իրանի Իսլամական Հանրապետության ընդհանուր սահմանը Հայաստանի հետ»,- հայտարարել է Իրանի Իսլամական Հանրապետության Ազգային ժողովի ազգային անվտանգության և արտաքին քաղաքականության հանձնաժողովի նախագահ դոկտոր Մոջթաբա Զոլնուրին: Նրա խոսքով՝ երկու երկրներն իրավասու են պահպանել իրենց տարածքային ամբողջականությունը: «Մենք սատարում ենք Ադրբեջանի դիրքորոշումը՝ իր տարածքային ամբողջականության պահպանման հարցում, և նաև պաշտպանում ենք Հայաստանի դիրքորոշումը՝ իր տարածքային ամբողջականությունը, հողը և Իրանի հետ հարևանության սահմանը պահպանելու հարցում: Մենք երկու երկրների հետ հարևաններ ենք և, ելնելով նախկինում ունեցած իրավիճակից, առանց տարածաշրջանում որևէ փոփոխության ընդունելու, մենք աջակցում ենք երկու երկրների տարածքային ամբողջականությանը»,- Թեհրանում «Սպուտնիկի» լրագրողի հարցին ի պատասխան նշել է նա:

10:59 - 17 մայիսի, 2021

Իրանը հայտարարել է Իսրայելի դեմ պայքարում պաղեստինցիներին աջակցելու մասին |news.am|

news.am: Իրանի Զինուժի ԻՀՊԿ կազմում «Ալ Քուդս» հատուկ ստորաբաժանման ղեկավար Իսմայիլ Կանին հայտարարել է պաղեստինցի ժողովրդին Իրանի աջակցության մասին՝ բարձր գնահատելով դիմադրության ուժերի հաջողված ռազմական հակազդումը, գրում է Тasnim news-ը: ՀԱՄԱՍ շարժման քաղաքական բյուրոյի ղեկավար Իսմայիլ Հանիայի հետ հեռախոսազրույցի ընթացքում Կանին հավաստիացրել է պաղեստինցիներին եւ ՀԱՄԱՍ-ին Իսլամական Հանրապետության մշտական աջակցության մեջ: Իրանցի հրամանատարը նաեւ կոշտ քննադատության է ենթարկել Շեյխ Ջարա Ալ Քուդս շրջանում եւ Գազայում իսրայելցիների գործողությունները: ՀԱՄԱՍ-ի քաղաքական բյուրոյի ղեկավարը եւս բարձր է գնահատել պաղեստինցի ժողովրդին ուղղված Իրանի աջակցությունը:

13:28 - 16 մայիսի, 2021

Ադրբեջանի ՊՍԾ 2 զինծառայող է սպանվել Իրանի հետ սահմանին |razm.info|

razm.info: Մայիսի 15-ին՝ ժամը 16:00-ի սահմաններում, Ադրբեջանի՝ Իրանի հետ սահմանային Յարդըմլը շրջանի գյուղերից մեկի մոտակայքում Ադրբեջանի Պետական սահմանային ծառայության (ՊՍԾ) ջոկատներից մեկի վերահսկած տարածքում 3 անհայտ անձ, խախտելով սահմանը, կրակել են ադրբեջանցիների ուղղությամբ, ինչի հետևանքով մահացու վիրավորվել են ՊՍԾ ավագ լեյտենանտ Էյվազով Սամիր Էլմար օղլուն (Eyvazov Samir Elmar oğlu) և կրտսեր ենթասպա Ալիմով Ֆարիդ Էլչին օղլուն (Alimov Fərid Elçin oğlu): Այս մասին հայտնում են Ադրբեջանի Պետական սահմանային ծառայությունից «Սահմանախախտներից մեկին հաջողվել է բերման ենթարկել, նա Իրանի քաղաքացի է»,- ասվում է ՊՍԾ հաղորդագրության մեջ։ Բացի այդ՝ նշվում է, որ դեպքի վայրում հայտնաբերվել է մոտ 10 կգ թմրանյութ

20:02 - 15 մայիսի, 2021

Իրանի Գերագույն դատարանի նախագահն առաջադրել է թեկնածությունը նախագահական ընտրություններում |armenpress.am|

armenpress.am: Իրանի Գերագույն դատարանի նախագահ Էբրահիմ Ռաիսին գրանցել է թեկնածությունն առաջիկա նախագահական ընտրություններին մասնակցելու համար: «Արմենպրես»-ի փոխանցմամբ, այս մասին հայտնում է Resalat պարբերականը: Քաղաքացիներին իր դիմումի մեջ նա խոստացել է ձևավորել «ժողովրդական կառավարություն՝ հանուն ուժեղ Իրանի», ինչպես նաև պայքարել կոռուպցիայի, աղքատության դեմ, պաշտպանել քաղաքացիների իրավունքները, աշխատել պատժամիջոցների վերացման ուղղությամբ: Ըստ գործող օրենքի՝ բոլոր թեկնածությունները 5-10 օրվա ընթացքում պետք է հաստատվեն Իրանի Սահմանադրության պահապանների խորհրդի կողմից: Խորհրդի թույլատրած թեկնածուների անունները կհրապարակվեն մայիսի 26-27-ը: Իրանի նախագահական ընտրությունները ծրագրված են հունիսի 18-ին: Գործող նախագահ Հասան Ռոուհանին չի կարող մասնակցել ընտրություններին, քանի որ պաշտոնավարում է արդեն երկրորդ ժամկետով:

11:49 - 15 մայիսի, 2021

Իրանը Հայաստանին և Ադրբեջանին զսպվածության կոչ է անում |tert.am|

tert.am: Իրանի ԱԳՆ պաշտոնական ներկայացուցիչ Սայիդ Խաթիբզադեն կարևորել է տարածաշրջանում կայունության և խաղաղության պահպանումը, Հայաստանին ու Ադրբեջանին կոչ արել ցուցաբերել զսպվածություն, զերծ մնալ ցանկացած հակամարտությունից և հարգել սահմանները: Այս մասին գրում է «Իրնա» գործակալությունը: «Իրանը ուշադրությամբ և հստակորեն հետևում է Հայաստանի և Ադրբեջանի ընդհանուր սահմանների վերջին իրադարձություններին, և հուսով է, որ վեճը կլուծվի հնարավորինս շուտ կողմերի խոհեմությամբ և խաղաղ ճանապարհով»,- նշվում է հաղորդագրության մեջ:

00:39 - 15 մայիսի, 2021

Սերգեյ Լավրովը և Էնթոնի Բլինքենը հեռախոսազրույցի ժամանակ քննարկել են Իրանի թեման |1lurer.am|

1lurer.am: Ռուսաստանի և Միացյալ Նահանգների արտաքին քաղաքական գերատեսչությունների ղեկավարներ Սերգեյ Լավրովն ու Էնթոնի Բլինքենը հեռախոսազրույց են ունեցել, որի ժամանակ քննարկել են Իրանի և «ռազմավարական կայունության» թեման՝ համաձայնության գալով մայիսի 20-ին հանդիպել Իսլանդիայի մայրաքաղաք Ռեյկյավիկում: Այս մասին տեղեկանում ենք իրանական Mehr գործակալությունից: Հեռախոսազրույցի ժամանակ շոշափվել են նաև Հյուսիսային Կորեային առնչվող հարցերը: ԱՄՆ պետքարտուղարը միաժամանակ վերահաստատել է Ջո Բայդենի այն հայտարարությունը, որի համաձայն՝ Միացյալ Նահանգները կպաշտպանի իր քաղաքացիներին և կոշտ միջոցների կդիմի Ռուսաստանի կողմից ԱՄՆ-ի կամ դաշնակիցների դեմ գործողությունների դեպքում ԱՄՆ-ի շահերը պաշտպանելու համար:

20:45 - 13 մայիսի, 2021

ՀՀ դեսպանը Իրանի ԱԳ նախարարի տեղակալին ներկայացրել է Սյունիքում ստեղծված իրավիճակը

Մայիսի 13-ին ԻԻՀ-ում ՀՀ դեսպան Արտաշես Թումանյանը հանդիպում ունեցավ ԻԻՀ արտաքին գործերի նախարարի տեղակալ Մոհսեն Բահարվանդի հետ։ Այս մասին հայտնում են Իրանում ՀՀ դեսպանությունից: ՀՀ դեսպանը հանգամանալից ներկայացրեց մայիսի 12-ից Ադրբեջանի զինված ուժերի գործողությունների հետևանքով Հայաստանի Սյունիքի մարզում ստեղծված իրադրությունը՝ անթույլատրելի համարելով Հայաստանի Հանրապետության ինքնիշխան տարածքի նկատմամբ ոտնձգության փորձերը: ԻԻՀ ԱԳ նախարարի տեղակալի խնդրանքով դեսպան Թումանյանն ներկայացրեց լարվածության թուլացման ուղղությամբ ձեռնարկվող քայլերը: Զրուցակիցներն ընդգծեցին տարածաշրջանային անվտանգության ու կայունության սպառնալիքների չեզոքացման հրամայականը, այդ թվում՝ երկու երկրների համագործակցության միջոցով:

20:33 - 13 մայիսի, 2021

Չենք մեկնաբանում, քանի դեռ չկա համապատասխան հրաման․ Ա․ Նաղդալյանը Իրանում ՀՀ դեսպանի հետկանչի վերաբերյալ |tert.am|

tert.am: Դեսպանների նշանակման և հետկանչման հարցերը չենք մեկնաբանում, քանի դեռ չկա համապատասխան հրաման: Այսպես արձագանքեց արտաքին գործերի նախարարության մամուլի խոսնակ Աննա Նաղդալյանը՝ պատասխաելով հարցանը, թե արդյոք համապատասխանում է իրականությանը տեղեկատվությունը, ըստ որի, Իրանում ՀՀ դեսպան Արտաշես Թումանյանին հետ են կանչել։

14:31 - 13 մայիսի, 2021

Այաթոլլահ Խամենեին դատապարտել է Երուսաղեմում Իսրայելի կողմից ագրեսիան |tert.am|

tert.am: Իրանի Իսլամական Հանրապետության հոգևոր առաջնորդ Այաթոլլահ Ալի Խամենեին դատապարտել է Երուսաղեմում Իսրայելի կողմից ագրեսիան՝ նշելով, որ Իսրայելը միայն ուժի լեզուն է հասկանում, հայտնում է Tehran Times թերթը։ Անդրադառնալով Ալ Աքսա մզկիթում անպաշտպան պաղեստինցիների նկատմամբ իսրայելցիների դաժան հարձակումներին՝ Խամենեին նշել է, որ այդ հանցագործությունները տեղի են ունեցել աշխարհի աչքի առջև և բոլորը պետք է իրենց պարտքը համարեն դատապարտել այդ գործողությունները: «Իսրայելը միայն ուժի լեզուն է հասկանում», - ասել է Խամենեին:

10:30 - 13 մայիսի, 2021

Իրանի Կարմիր մահիկը մարդասիրական օգնություն է տրամադրել Հայկական Կարմիր խաչի ընկերությանը՝ ԼՂ հակամարտության սրացման հետևանքով տեղահանվածներին աջակցելու համար |tert.am|

tert.am: Մայիսի 12-ին Հայկական Կարմիր խաչի ընկերության (ՀԿԽԸ) կենտրոնական գրասենյակ էր այցելել ՀՀ-ում Իրանի Իսլամական հանրապետության փոխդեսպան պարոն Ալի Մոհամադ Մոթաղին, որին ընդունեց ՀԿԽԸ գլխավոր քարտուղար Աննա Եղիազարյանը, տեղեկացնում է ՀԿԽԸ մամուլի ծառայությունը։Իրանի Կարմիր մահիկը մարդասիրական օգնություն է տրամադրել Հայկական Կարմիր խաչի ընկերությանը՝ Ղարաբաղյան հակամարտության սրացման հետևանքով տեղահանված անձանց աջակցելու նպատակով։ Օգնությունը ներառում է 1600 ծածկոց, խոհանոցային պարագաների 400 հավաքածու և մոտ 15 000 միավոր բժշկական պարագա, որոնք փոխանցվելու են Այրվածքաբանության ազգային կենտրոնին։«Մենք շնորհակալ ենք գործընկեր Իրանի Իսլամական Հանրապետության կառավարությանը՝ համագործակցության և Ազգային ընկերությանը՝ ցուցաբերած աջակցության համար։ Իրանի Կարմիր մահիկի հետ մեր համագործակցությունը երկար տարիների պատմություն ունի, և վստահ եմ, որ ապագայում էլ կհամագործակցենք՝ ի շահ խոցելի խմբերի բարօրության, -ողջունելով հյուրերին ասաց տիկին Աննա Եղիազարյանը։ Հայաստանի Հանրապետությունում ԻԻՀ փոխդեսպան պարոն Մոթաղին հիշատակելով Իրան-Հայաստան բարեկամական հարաբերությունների մասին, այդ թվում՝ կողմերի համագործակցությունը ծանր իրավիճակներում, որին բախվել են երկու երկրները, իր կարեկցանքը հայտնեց Ղարաբաղյան հակամարտության վերջին սրացման ընթացքում տուժածներին և, բարձր գնահատելով Հայկական Կարմիր խաչի ընկերության ջանքերը՝ պատերազմի հետևանքով մոտ հարյուր հազար տեղահանվածներին աջակցություն ցուցաբերելու ուղղությամբ, հաջողություն մաղթեց՝ սրացման հետևանքով տուժածներին օգնելու, ինչպես նաև մարդասիրական այլ խնդիրներ լուծելու համար: Անդրադառնալով անցյալ տարվա ծանր պայմաններում երկու երկրների համագործակցության շարունակությանը՝ փոխդեսպանը հույս հայտնեց, որ Իրանի Իսլամական Հանրապետության Կարմիր մահիկի և Հայկական Կարմիր խաչի ընկերության միջև բարեկամական համագործակցությունն էլ ավելի կընդլայնվի: Հայկական Կարմիր խաչի ընկերությունը (ՀԿԽԸ), լինելով Կարմիր խաչի և Կարմիր մահիկի միջազգային շարժման լիիրավ անդամ, առաջնորդվում է Շարժման հիմնարար սկզբունքներով` Մարդասիրություն, Անկողմնակալություն, Չեզոքություն, Անկախություն, Կամավորություն, Եզակիություն, Համընդհանրություն։

16:43 - 12 մայիսի, 2021

Իրանի նախկին նախագահ Մահմուդ Ահմադինեջադը կմասնակցի հունիսին կայանալիք նախագահական ընտրություններին |tert.am|

tert.am: Իրանի պետական հեռուստատեսությունը չորեքշաբթի հայտնել է, որ երկրի նախկին նախագահ Մահմուդ Ահմադինեջադը կմասնակցի հունիսին կայանալիք նախագահական ընտրություններին:Ինչպես հաղորդում է Associted Press-ը, քաղաքական գործիչն աջակիցների ուղեկցությամբ ուղևորել է ներքին գործերի նախարարությունը ընտություններին մասնակլցելու դիմում ներկայացնելու համար:Աղբյուրը հիշեցնում է, որ երկրի գերագույն առաջնորդ Այաթոլլա Ալի Խամենեին 2017 թվականին արգելել էր Ահմադինեջադին մասնակցել նախագահության համար պայքարին:Հիշեցնենք, որ նախագահական ընտրությունների թեկնածուների գրանցումն Իրանում սկսվել է նախօրեին: Թեկնածություններ կարող են ներկայացվել 5-օրյա ժամկետում: Հաստատված թեկնածուների ցանկը կհրապարակվի մայիսի 25-26-ը: Ընտրությունները կայանալու են հունիսի 18-ին:

12:19 - 12 մայիսի, 2021

ԻԻՀ-ում ՀՀ դեսպանը հանդիպել է նախարար Ալի Ասղար Մունեսանին

ԻԻՀ մշակութային ժառանգության, զբոսաշրջության և ձեռնարվեստի նախարարությունում տեղի է ունեցել ԻԻՀ-ում ՀՀ դեսպան Արտաշես Թումանյանի հանդիպումը նախարար Ալի Ասղար Մունեսանի հետ։ ՀՀ դեսպանը շնորհակալություն է հայտնել նախարար Ալի Ասղար Մունեսանին՝ Իրանում հայկական մշակութային ժառանգության պահպանության ուղղությամբ իրականացվող մեծ աշխատանքի համար։ Նա նշել է, որ ԻԻՀ իշխանությունների նմանօրինակ գործունեությունը և հոգատար վերաբերմունքը տարբեր կրոնական և մշակութային արժեքների և ժառանգության նկատմամբ չափազանց այժմեական է և կարող էր ուսանելի ուղերձ լինել տարածաշրջանի որոշ երկրների համար։ Նախարար Մունեսանը հանգամանալից կերպով ներկայացրել է մշակութային ժառանգության պահպանության ոլորտում ԻԻՀ կողմից կատարված մեծածավալ աշխատանքը, ինչպես նաև առաջիկա ծրագրերը, այդ թվում՝ ՅՈՒՆԵՍԿՕ-ի «Ոչ նյութական մշակութային ժառանգության պաշտպանության մասին» կոնվենցիայի շրջանակներում։ Զրուցակիցներն անդրադարձել են հայկական եկեղեցիների և հուշարձանների պահպանության ուղղությամբ իրականացվող աշխատանքներին, խոսվել է Երևանում Կապույտ մզկիթի վերանորոգման աշխատանքների ընթացքի մասին։ Քննարկվել է նաև զբոսաշրջության ոլորտում համատեղ աշխատանքների ակտիվացման հարցը։

23:06 - 11 մայիսի, 2021

Իրանում մեկնարկել է նախագահական ընտրությունների թեկնածուների գրանցումը |tert.am|

tert.am: Իրանում երեքշաբթի մեկնարկում է նախագահական ընտրությունների թեկնածուների գրանցման ընթացակարգը, դիմումներն ընդունվելու են առաջիկա հնգօրյա ժամկետում:Ինչպես հաղորդում է «Թասնիմ» գործակալությունը, բոլոր ցանկացողները, որոնք համապատասխանում են Սահմանադրական խորհրդի ներկայացրած նոր չափանիշներին, կարող են դիմում հանձնել ներքին գործերի նախարարություն: Վերահսկիչ մարմինը նոր չափանիշներ է սահմանել 13-րդ նախագահական ընտրությունների համար: Նախագահի թեկնածուներին հաստատելու է Իրանի սահմանադրության պահապանների խորհուրդը 5-10 օրվա ընթացքում: Հաստատված թեկնածուների անունները կհրապարակվեն մայիսի 26-27-ը:

17:41 - 11 մայիսի, 2021

Իրանի ԱԳՆ-ում հաստատել են Սաուդյան Արաբիայի հետ բանակցությունները |armenpress.am|

armenpress.am: Իրանը եւ Սաուդյան Արաբիան, որոնք 2016 թվականին խզել են դիվանագիտական հարաբերությունները, վերջերս բանակցություններ են անցկացրել՝ նպատակ ունենալով նվազեցնել երկու երկրների միջեւ լարվածությունը: Այդ մասին մայիսի 10-ին հայտարարել Է Իրանի ԱԳ նախարարության ներկայացուցիչ Սայեդ Խաթիբզադեն: «Խոսակցությունը կենտրոնացել Է ե՛ւ երկկողմ, ե՛ւ տարածաշրջանային հարցերի վրա: Մենք միշտ ողջունել ենք նման կոնսուլտացիաները դրանց ցանկացած ձեւով ու ցանկացած մակարդակով»,-նրա խոսքը մեջբերում Է Mehr գործակալությունը: «Դա, որոշակիորեն, ի շահ երկու երկրների եւ տարածաշրջանների Է՝ նվազեցնել լարվածությունը»,-նշել Է նա, հույս հայտնելով, որ Թեհրանը եւ Էր Ռիադը կփոխեն հարաբերությունների մթնոլորտը եւ կհասնեն նշանակալի փոխըմբռնման: Միեւնույն ժամանակ Խաթիբզադեն կոչ Է արել՝ սպասել բանակցությունների արդյունքներին: Ավելի վաղ Սաուդյան Արաբիայի գահաժառանգ արքայազն Մուհամեդ բին Սալմանը սաուդյան հեռուստատեսությանը տված հարցազրույցում հայտարարել Է, որ Էր Ռիադը հույս ունի լավ հարաբերութղյուններ հաստատել Իրանի հետ: Ավելի ուշ Իրանի ԱԳՆ-ում պաշտպանել են արքայազնի այդպիսի հայտարարությունները: Էր Ռիադը Իրանի հետ դիվանագիտական հարաբերությունները խզել Է 2016 թվականին: Այն ժամանակ Թեհրանում սաուդյան դեսպանության մերձակայքում անկարգություններ են տեղի ունեցել այն բանից հետո, երբ Սաուդյան Արաբիայում մահապատժի ենթարկեցին ազդեցիկ շիա աստվածաբան շեյխ Նիմր ան-Նիմրին: Իսլամում շիա ուղղությունն Իրանում գերակշռողն Է: Mehr գործակալությունն իր հերթին հիշեցնում Է, որ դիվանագիտական հարաբերությունների խզմանը նախորդել Է նաեւ Սաուդյան Արաբիայի մասնակցությունը Եմենի ապստամբների դեմ, հաղորդել Է «Ինտերֆասք»-ը:

17:29 - 10 մայիսի, 2021

ԱՄՆ-ում Իրանի ակտիվների ապասառեցումը չեն համարում որպես միակողմանի ժեստ |armenpress.am|

armenpress.am: ԱՄՆ-ի Պետդեպարտամենտը մայիսի 6-ին իրականությանը չհամապատասխանող Է համարել այն հաղորդումները, թե Վաշինգտոնն Իրանի ակտիվների ապասառեցումը դիտում Է որպես «միակողմանի ժեստ Թեհրանի նկատմամբ»: «Հաղորդումները, թե մենք իրանական միջոցների ազատման հնարավորությունը դիտում ենք որպես միակողմանի ժաստ Թեհրանի նկատմամբ, չեն համապատասխանում իրականությանը, ինչը մենք պարզորոշ հասկանալ տվեցինք հրապարկումից առաջ: Ինչպես մենք ասել ենք, ԱՄՆ-ի յուրաքանչյուր Էական քայլ պետք Է լինի այն գործընթացի մասը, որում երկու կողմերը գործողություններ են ձեռնարկում»,- Twitter-ի իր Էջում գրել Է ԱՄՆ-ի Պետդեպարտամենտի մամուլի ծառայության ղեկավար Նեդ Փրայսը:

11:22 - 07 մայիսի, 2021