Իրան

Իրանի Իսլամական Հանրապետությունն ինքնիշխան պետություն է Արևմտյան Ասիայում: Ավելի քան 83 միլիոն բնակչությամբ։ Իրանը աշխարհում բնակչության թվով 18-րդն է: 1.648.195 կմ քառակուսի տարածքով այն երկրորդ ամենախոշոր երկիրն է Մերձավոր Արևելքում և 17-րդը` աշխարհում: Իրանը հյուսիս արևմուտքում սահմանակից է Հայաստանին, Արցախին, Ադրբեջանին և Ադրբեջանի մաս կազմող Նախիջևանին, հյուսիսում Կասպից ծովին, հյուսիս արևելքում Թուրքմենստանին, արևելքում Աֆղանստանին և Պակիստանին, հարավում Պարսից ծոցին և Օմանի ծոցին, արևմուտքում Թուրքիային և Իրաքին :

Երկրի մայրաքաղաքը և խոշորագույն քաղաքը Թեհրանն է, որը համարվում է նաև երկրի մշակութային և տնտեսական կենտրոնը: Երկրի նախագահը Հասան Ռոհանին է, հոգևոր առաջնորդը Այաթոլլա Ալի Խամենեին է։

Մենք կողմնակից ենք Հայաստանի ուժեղացմանը և հզորացմանը. Թեհրանի դեսպանը՝ ՀՀ-ի գնած սպառազինությունների՝ Իրանի տարածքով տարանցման մասին հարցին ի պատասխան |factor.am|

factor.am: ՀՀ-ում Իրանի արտակարգ և լիազոր դեսպան Մեհդի Սոբհանին այսօր հանդիպել է հայ փորձագետների հետ, նաև պատասխանել լրագրողների հարցերին։ «Մենք կողմնակից ենք Հայաստանի ուժեղացմանը և հզորացմանը»,- նշեց դեսպանը՝ ի պատասխան Factor TV-ի հարցի, թե ինչպես է Թեհրանը վերաբերվում Իրանի տարածքով զենքի տարանցման խնդրին՝ հաշվի առնելով հայ-իրանական բարեկամական հարաբերությունները և այն, որ Հայաստանը սպառազինությունների ձեռքբերման պայմանագրեր ունի Հնդկաստանի հետ։ Դեսպան Սոբհանին նաև ընդգծեց՝ Իրանի կառավարությունը գտնում է, որ տարածաշրջանում ուժերի հավասարակշռությունը կնպաստի խաղաղության և անվտանգության հաստատմանը։ «Այս շրջանակում ցանկացված օգնություն, որ անհրաժեշտ կլինի Հայաստանին և կնպաստի Հայաստանում խաղաղություն և կայունություն հաստատաելուն, պատրաստ ենք օգնել»,- ասաց դեսպանը։ Դեսպանն «ասեկոսե» գնահատեց տեղեկությունները թե տարանցման դիմաց Թեհրանը ցանկանում է Սյունիքում ռազմական ներկայություն ունենալ։

17:36 - 06 փետրվարի, 2024