ՌԴ

Ռուսաստանը (պաշտոնական անվանումը՝ Ռուսաստանի Դաշնություն) միջմայրցամաքային պետություն Եվրասիայի հյուսիսարևմտյան հատվածում։ Տարածքի հիմնական մասը գտնվում է Հյուսիսային Ասիայում, իսկ որոշակի հատված՝ նաև Արևելյան Եվրոպայում: ՌԴ-ն աշխարհի խոշորագույն պետությունն է և զբաղեցնում է երկրագնդի ցամաքային տարածքի 1/8-ը։ Բնակչության թվով 9-րդն է աշխարհում․ ըստ 2018-ի մարդահամարի տվյալների՝ ավելի քան 144 մլն մարդ։ Երկրի ազգաբնակչության 77%-ը կենտրոնացված է արևմուտքում՝ եվրոպական հատվածում։

Մայրաքաղաքն է Մոսկվան։ Վերջինս համարվում է Եվրոպայի խոշորագույն քաղաքը, ինչպես նաև խոշորագույններից մեկն ամբողջ աշխարհում։ ՌԴ նշանավոր քաղաքներից են նաև Սանկտ Պետերբուրգը, Նովոսիբիրսկը, Եկատերինբուրգը և Նիժնի Նովգորոդը։ Պետական լեզուն ռուսերենն է։ Խոշոր ազգային փոքրամասնություններն են թաթարները, ուկրաինացիները, բաշկիրները, հայերը, չուվաշները, չեչենները և այլն։

Ռուսաստանը նախագահական կառավարմամբ դաշնային հանրապետություն է, որտեղ նախագահը՝ պետության, իսկ վարչապետը՝ կառավարության ղեկավարն է։ ՌԴ գործող նախագահն է Վլադիմիր Պուտինը, վարչապետը՝ Միխայիլ Միշուստինը։

Էրդողանը պատրաստվում է այցելել Սոչի․ Պուտինի հետ կքննարկեն նաև Լեռնային Ղարաբաղի հետ առնչվող հարցեր |factor.am|

factor.am: Ռեջեփ Թայիփ Էրդողանը սեպտեմբերի վերջին պատրաստվում է այցելել Ռուսաստան։ Սոչիում սպասվում է Թուրքիայի նախագահի հանդիպումը Վլադիմիր Պուտինի հետ։ Կողմերը, ըստ Ահվալ գործակալության, կքննարկեն Սիրիայի հյուսիսարևմուտքում տիրող իրավիճակը։«Օրակարգի գլխավոր կետը Սիրիան է, հատկապես Իդլիբը։ Իդլիբի համաձայնագրով նախատեսված պայմանները լրիվ չեն կատարվել»,- ասել է թուրք բարձրաստիճան պաշտոնյան անանունության պայմանով։Հիշեցնենք՝ Իդլիբի համաձայնագիրը կնքվել էր 2020թ-ի մարտին Թուրքիայի ու Ռուսաստանի միջև շաբաթներ տևած բախումներից հետո։ Այսօր՝ 18 ամիս անց, Թուրքիան ու Ռուսաստանը պարբերաբար դժգոհում են հրադադարի խախտումներից։

12:33 - 20 սեպտեմբերի, 2021

Հայաստանի և Ռուսաստանի միջև ապրանքաշրջանառությունն աճել է 16 տոկոսով՝ կազմելով 1.9 մլրդ դոլար |armenpress.am|

armenpress.am: Հայաստանի և Ռուսաստանի միջև ապրանքաշրջանառությունը 2021-ի առաջին կիսամյակում աճել է 16 տոկոսով՝ կազմելով 1.9 մլրդ դոլար: Այս մասին հայտնեց ՀՀ փոխվարչապետ Մհեր Գրիգորյանը՝ Երևանում Armenia Business Forum-ի շրջանակում «Հայ-ռուսական տնտեսական համագործակցություն. Հեռանկարային նախագծեր» խորագրով քննարկման ժամանակ: Գրիգորյանը նախ հիշեցրեց, որ 2019 թվականին առաջին անգամ ՀՀ-ի և ՌԴ-ի միջև առևտուրը գերազանցել է 2 մլրդ դոլարի մակարդակը: «Չնայած գլոբալ համաճարակի թելադրանքով մեր քաղաքացիների տեղաշարժի և ապրանքների տեղաշարժի պարտադրված սահմանափակումներին՝ 2020-ին մեզ հաջողվեց երկկողմ առևտրի ընդամենը մի փոքր անկում գրանցել»,-ասաց փոխվարչապետը: Իսկ ինչ վերաբերում է ընթացիկ տարվան՝ Գրիգորյանը նկատեց, որ աճն արդեն ակնհայտ է. «Տարվա առաջին կիսամյակի համար ապրանքաշրջանառությունը կազմել է 1.9 մլրդ ԱՄՆ դոլար (աճը 16 տոկոս), ներմուծման աճը կազմել է 9 տոկոս, իսկ արտահանումը՝ 36 տոկոս»: Արտահանման հիմնական մասը կազմել են թանկարժեք և ոչ թանկարժեք մետաղները, քարերը և դրանցից ստացված արտադրանքը, ինժեներական արտադրանքը, գյուղատնտեսական ապրանքները, թեթև արդյունաբերությունը, քիմիական արտադրանքը և սննդամթերքը: Գրիգորյանը նկատեց, որ արտահանման ծավալների ավելացման ակնհայտ հեռանկարներ կան, առաջին հերթին `ոչ հումքային արտադրանքի: «Այս ամենը վկայում է այն մասին, որ ռացիոնալ կլիներ ակտիվացնել արդյունաբերական համագործակցությունը և համատեղ կորպորացիաների և արդյունաբերությունների զարգացումը, իրականացնել համատեղ նորարարական նախագծեր, որոնք թույլ կտան մրցունակ լինել արտաքին գործընկերների նկատմամբ»,-ասաց նա:

12:06 - 20 սեպտեմբերի, 2021

Ռուսաստանում անհայտ անձը կրակ է բացել Պերմի պետական համալսարանում. կան զոհեր և վիրավորներ |tert.am|

tert.am: Ռուսաստանի Դաշնության Պերմի պետական ազգային հետազոտական համալսարանի տարածքում անհայտ անձը կրակ է բացել տրավմատիկ ատրճանակից: ՌԴ ՆԳՆ տվյալներով՝ ոստիկանները ձերբակալել են հրաձգություն բացած տղամարդուն: Նախնական տվյալներով՝ կան զոհեր և վիրավորներ:

11:54 - 20 սեպտեմբերի, 2021

Տրանսպորտային կապերի ապաշրջափակումը հնարավորություն կտա ավելացնել ՀՀ-ի և ՌԴ-ի ապրանքաշրջանառությունը. Օվերչուկ |armenpress.am|

armenpress.am: Ռուսաստանի փոխվարչապետ Ալեքսեյ Օվերչուկը համոզմունք է հայտնում, որ տարածաշրջանում բոլոր տնտեսական և տրանսպորտային կապերի ապաշրջափակումը հնարավորություն կտա ավելացնել Հայաստանի և Ռուսաստանի միջև ապրանքաշրջանառությունը: Օվերչուկը նման տեսակետ հայտնեց Երևանում անցկացվող Armenia Business Forum-ի շրջանակում լրագրողների հետ զրույցում: Նա նախ նշեց, որ Հայաստանի, Ռուսաստանի և Ադրբեջանի փոխվարչապետերի համանախագահությամբ ստեղծված աշխատանքային խումբը հանդիպումներ է ունենում, աշխատում է, վերջին հանդիպումը տեղի է ունեցել օգոստոսի կեսին: «Բոլոր կողմերը տրամադրված են տարածաշրջանում տնտեսական և տրանսպորտային կապերի ապաշրջափակմանը: Իհարկե, քննարկվում է, թե ինչպես դա անել, բայց, միանշանակ, ակնհայտ է, որ ապաշրջափակումը և տրանսպորտային ուղու վերականգնումը զգալիորեն նոր հնարավորություններ կստեղծի՝ ընդլայնելու, ավելացնելու ապրանքաշրջանառությունը, այդ թվում՝ ՌԴ-ի և Հայաստանի միջև»,-ասաց Օվերչուկը: ՀՀ փոխվարչապետ Մհեր Գրիգորյանն էլ, հարցին, թե ինչպես կանդրադառնա ապաշրջափակումը տարածաշրջանում և ՌԴ-ի հետ ապրանքաշրջանառության ծավալների վրա, ասաց, որ դժվար կլինի այս պահին ծավալների ճշգրիտ աճ կանխատեսելը: «Կա երկու հանգամանք, որը դեռևս հետազոտության կարիք ունի: Առաջին հանգամանքը կայանում է նրանում, որ մենք երկար տարիներ, այնուամենայնիվ, եղել ենք սահմանափակումների տիրույթում: Թե ինչ էֆեկտ կունենա ապաշրջափակումը, ակնհայտ է, որ կունենա դրական էֆեկտ, բայց թե ծավալային իմաստով ինչ կլինի՝ պետք է շարունակենք հետազոտել»,-ասաց փոխվարչապետը: Տարածաշրջանում բոլոր տնտեսական և տրանսպորտային կապերն ապաշրջափակելու նպատակով՝ Հայաստանի, Ռուսաստանի և Ադրբեջանի փոխվարչապետերի նախագահությամբ եռակողմ աշխատանքային խումբ ստեղծելու համաձայնություն էր ձեռք բերվել հունվարի 11-ին, Մոսկվայում՝ երեք երկրների ղեկավարների հանդիպման արդյունքներով:

11:28 - 20 սեպտեմբերի, 2021

«Եդինայա Ռոսիա» կուսակցությունը պահպանում է առաջատարությունը Պետդումայի ընտրություններում

«Եդինայա Ռոսիա» կուսակցությունը պահպանում է առաջատարությունը Պետդումայի ընտրություններում՝ 49,42% ձայներով, երկրորդ տեղում է Ռուսաստանի Դաշնության Կոմունիստական կուսակցությունը՝ 19,82%-ով, իսկ «ՌԴ Լիբերալ-Դեմոկրատական» կուսակցությունը՝ (ղեկավարը՝ Ժիրինովսկի) 7,55%-ով: Այս մասին հաղորդում է «ՌԻԱ նովոստի»-ն՝ ներկայացնելով ՌԴ ԿԸՀ տվյալները՝ ըստ տեղամասային ընտրական հանձնաժողովների արձանագրությունների 80.19 %-ի մշակման: Ըստ հաղորդագրության՝ «Արդար Ռուսաստան» կուսակցությունը 7,37%-ով առաջին հնգյակում է, նրան հաջորդում է «Նոր մարդիկ» կուսակցությունը՝ 5,37%-ով: Այսպիսով՝ նախնական տվյալներով Պետական դումա է անցնում հինգ կուսակցություն՝ հաղթահարելով 5%-ի ընտրական շեմը:

10:22 - 20 սեպտեմբերի, 2021

Նոյեմբերի 23-ից սկսած՝ Արցախում չպայթած զինամթերքից մաքրվել է 2290,25 հա տարածք, 683 կմ ճանապարհ, 1937 շենք. ՌԴ ՊՆ |tert.am|

tert.am: Ռուսական խաղաղապահ զորախումբը շարունակում է առաջադրանքներ իրականացնել Լեռնային Ղարաբաղի տարածքում: Քսանյոթ դիտակետերում ռուս խաղաղապահները շուրջօրյա վերահսկում են իրավիճակը և հրադադարի ռեժիմի պահպանումը, հայտնում է ՌԴ ՊՆ-ն:Ռուսաստանի խաղաղապահ ստորաբաժանումները ուղեկցել են Ադրբեջանի Հանրապետության զինված ուժերի վեց շարասյուն. չորսը՝ Լաչինի միջանցքով հյուսիսային և հարավային ուղղություններով, մեկը՝ Շուշի-Կարմիր Շուկա-Քաջար և մյուսը՝ հակառակ ուղղություններով:Ռուս խաղաղապահները պարեկություն են իրականացրել երեք ուղղություններով ՝ Ասկերանի, Մարտակերտի և Շուշիի շրջաններում: Ռուսական խաղաղապահ զորախմբի ականազերծման թիմերը շարունակում են ականապատել օբյեկտներն ու տեղանքը: Մեկ օրվա ընթացքում 0.5 հեկտար տարածք մաքրվել է չպայթած զինամթերքից և պայթուցիկ առարկաներից: Ընդհանուր առմամբ, 2020 թվականի նոյեմբերի 23-ից չպայթած զինամթերքից մաքրվել է 2290,25 հա տարածք, 683 կմ ճանապարհ, 1937 շենք, հայտնաբերվել և վնասազերծվել է 25 960 պայթուցիկ առարկա:

16:01 - 18 սեպտեմբերի, 2021

ՇՀԿ-ի գագաթնաժողովում ստորագվել է Դուշանբեի հռչակագիրը |armenpress.am|

armenpress.am: Շանհայի համագործակցության կազմակերպության (ՇՀԿ) անդամ պետությունների ղեկավարներն ստորագել են Դուշանբեի հռչակագիրը: Այդ մասին հաղորդել Է ՌԻԱ Նովոստին: Փաստաթղթում, որն ընդունվել Է միավորման կազմավորման 20-ամյակի առթիվ, ՇՀԿ-ի ղեկավարներն արտահայտվել են Աֆղանստանում իրադրության շուտափույթ կարգավորման օգտին, նշելով, որ երկիրը պետք Է լինի չեզոք, միասնական եւ ժողովրդավարական: Բացի այդ, ՇՀԿ-ում հանդես են եկել Իսլամական հանրապետությունում կոալիցիոն կառավարության ստեղծման օգտին՝ բոլոր Էթնիկ, կրոնական եւ քաղաքական խմբերի մասնակցությամբ: Գագաթնաժողովում նաեւ փաստաթուղթ Է ստորագրվել, որը նախատեսում Է կազմակերպությանն Իրանի անդամակցության ընթացակարգի մեկնարկ: Ռուսաստանի նախագահ Վլադիմիր Պուտինը, որ գագաթնաժողովի աշխատանքին մասնակցել Է տեսակապով, հայտարարել Է, որ Իսլամական Հանրապետության անդամակցումը ՇՀԿ-ին կբարձրացնի կազմակերպության հեղինակությունը: Ներկայում ՇՀԿ-ի անդամ երկրներն են Չինաստանը, Ռուսաստանը, Ղազախստանը, Տաջիկստանը, Ղրղզստանը, Ուզբեկստանը, Պակիստանը եւ Հնդկաստանը: Աֆղանստանը, Բելառուսը եւ Մոնղոլիան դիտորդ երկրներ են, իսկ Ադրբեջանը, Հայաստանը, Կամբոջան, Նեպալը, Թուրքիան եւ Շրի լանկան՝ գործընկեր երկրներ:

17:07 - 17 սեպտեմբերի, 2021

ՌԴ-ում մեկնարկել են խորհրդարանական ընտրությունները |tert.am|

tert.am: Ռուսաստանում մեկնարկել են Պետդումայի ընտրությունները, որոնք կանցկացվեն սեպտեմբերի 17-ից 19-ը: Առաջին ընտրատեղամասերը բացվել են տեղական ժամանակով առավոտյան 8:00-ին` Չուկոտկայում և Կամչատկայում, գրում է lenta.ru-ն: Կենտրոնական ընտրական հանձնաժողովը գրանցել է Պետական դումայի ընտրություններին մասնակցող 14 կուսակցությունների ցուցակները՝ ընդհանուր 3812 թեկնածուներով: Նրանցից բացի, ընտրություններին մասնակցելու համար գրանցվել է 2020 թեկնածու՝ միամանդատ ընտրատարածքներում: ՌԴ նախագահ Վլադիմիր Պուտինը Պետդումայի ընտրությունների նախաշեմին հայտարարել էր, որ Ռուսաստանին անհրաժեշտ են ուժեղ, հեղինակավոր խորհրդարան և պատգամավորներ, որոնք կգործեն երկրի և ժողովրդի շահերից ելնելով:«Մեզ անհրաժեշտ է ուժեղ, հեղինակավոր խորհրդարան, որպեսզի նորընտիր Դումայի պատգամավորները գործեն ի շահ Ռուսաստանի և մեր ժողովրդի, աշխատեն հանուն ժողովրդի», - հավելել է Ռուսաստանի առաջնորդը:

11:51 - 17 սեպտեմբերի, 2021

Հայ պատգամավորները դիտորդական առաքելություն իրականացնելու նպատակով կմեկնեն ՌԴ

Պետական Դումայի ընտրություններին դիտորդական առաքելություն իրականացնելու նպատակով Դաշնության խորհրդի հրավերով՝ սեպտեմբերի 16-ին Մոսկվա կգործուղվեն ԱԺ «Քաղաքացիական պայմանագիր» խմբակցության քարտուղար Նազելի Բաղդասարյանը, ԱԺ պետական-իրավական հարցերի մշտական հանձնաժողովի նախագահի տեղակալ Վահագն Հովակիմյանը, ԱԺ պատգամավոր Ալեքսեյ Սանդիկովը, ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը, ԱԺ տարածաշրջանային եւ եվրասիական ինտեգրման հարցերի մշտական հանձնաժողովի նախագահի տեղակալ Վաղարշակ Հակոբյանը (ԱՊՀ ՄԽՎ դիտորդական առաքելության կազմում), ԱԺ պատգամավոր Արթուր Դավթյանը (ՀԱՊԿ ԽՎ դիտորդական առաքելության կազմում): Այս մասին տեղեկացնում է խորհրդարանի մամուլի ծառայությունը։

22:41 - 15 սեպտեմբերի, 2021

ՌԴ ԱԳ նախարարի տեղակալը և ԿԽՄԿ նախագահը քննարկել են ԼՂ-ի, այլ տարածաշրջանների հումանիտար խնդիրները |armenpress.am|

armenpress.am: Ժնևում սեպտեմբերի 14-ին հանդիպել են Ռուսաստանի Դաշնության արտաքին գործերի նախարարի տեղակալ Սերգեյ Վերշինինը և Կարմիր խաչի միջազգային կոմիտեի (ԿԽՄԿ) նախագահ Պիտեր Մաուրերը: «Հանդիպման ընթացքում շարունակվել է Աֆղանստանում, Սիրիայում, Լեռնային Ղարաբաղում, ինչպես նաեւ՝ այլ տարածաշրջաններում ընթացիկ հումանիտար օրակարգի մանրամասն քննարկումը: Այս համատեքստում դիտարկվել են Ռուսաստանի և ԿԽՄԿ-ի փոխգործակցության ամրապնդման գործնական ասպեկտները»,- նշված է հաղորդագրության մեջ:

11:57 - 15 սեպտեմբերի, 2021

ՌԴ Պետդումայի ընտրություններում շուրջ 250 միջազգային դիտորդ կաշխատի |armenpress.am|

armenpress.am: Ռուսաստանի առաջիկա խորհրդարանական ընտրություններում կաշխատի 55 պետությունից ժամանած գրեթե 250 միջազգային դիտորդ: Այդ մասին հաղորդել Է ՌԴ Կենտրոնական ընտրական հանձնաժողովի նախագահ Էլլա Պամֆիլովան:«Այս պահին, ըստ նախնական տվյալների (սրանք դեռ գրանցման վերջնական արդյունքները չեն), իրենց մասնակցությունն Է հաստատել 55 երկրի 249 միջազգային դիտորդ: Ընդգծում եմ՝ նրանք միջազգային դիտորդի կարգավիճակ ունեցողներն են, այլ ոչ թե փորձագետի»,-ԿԸՀ-ի ղեկավարն ասել Է հարցազրույցում, որը սեպտեմբերի 15-ին հրապարակվել Է «Ռոսիյսկայա գազետա» թերթում:ՌԴ Պետդումայի ընտրություններում եւ տարածաշրջանային ընտրություններում քվեարկությունը տեղի կունենա սեպտեմբերի 17-ից մինչեւ 19-ը: Ընտրելու են ութերորդ գումարման Պետդումա, ինը տարածաշրջանների ղեկավարներ (եւս երեքին կընտրեն տարածաշրջանային խորհրդարանները), ինչպես նաեւ 39 տարածաշրջանների պետական իշխանության օրենսդիր մարմինների պատգամավորներ, հաղորդել Է «Ինտերֆաքս»-ը:

10:34 - 15 սեպտեմբերի, 2021

Պուտինն ու Ասադը հանդիպում են ունեցել Մոսկվայում. ՌԴ նախագահն անդրադարձել է Սիրիայի գլխավոր խնդրին և երկրում կայացած ընտրություններին |tert.am|

tert.am: Ռուսաստանի և Սիրիայի նախագահներ Վլադիմիր Պուտինը և Բաշար ալ-Ասադը հանդիպում են ունեցել Մոսկվայում, ուր Ասադը ժամանել է չհայտարարված այցով: Այս մասին հայտնում է «ՌԻԱ Նովոստի»-ն:ՌԴ նախագահը ողջույնի խոսքում անդրադարձել է Սիրիայում երկրի ղեկավարի ընտրություններին, որոնք, ըստ Պուտինի, անցել են «շատ լավ արդյունքով»: «Արդյունքները խոսում են այն մասին, որ մարդիկ ձեզ վստահում են, և անկախ անցյալ տարիների դժվարություններից և ողբերգություններից՝ այնուամենայնիվ, ձեզ հետ են կապում վերականգնման գործընթացը և վերադարձը բնականոն կյանքի»,- ասել է ՌԴ նախագահը:«Գլխավոր խնդիրը, իմ կարծիքով, նրանում է, որ արտասահմանյան զինված ուժերն առանց ՄԱԿ-ի որոշման, առանց ձեր թույլտվության ներկա են գտնվում երկրի առանձին տարածքներում, ինչն ակնհայտորեն հակասում է միջազգային իրավունքին և ձեզ հնարավորություն չի տալիս ձեռնարկելու առավելագույն ջանքերը և շարժվելու երկրի վերականգնման ուղղությամբ այնպիսի տեմպերով, որոնք հնարավոր կլինեին, եթե ողջ տարածքը վերահսկվեր օրինական կառավարության կողմից»,- ընդգծել է ՌԴ ղեկավարը՝ արձանագրելով, որ Սիրիայում շարունակում են գործունեություն ծավալել գրոհայինները: Շարունակությունը՝ tert.am-ում

10:42 - 14 սեպտեմբերի, 2021

Իրկուտսկում ավիավթար է տեղի ունեցել. կան զոհեր և ծանր վիրավորներ |tert.am|

tert.am: Իրկուտսկի մարզում տեղի ունեցած ավիավթարից հետո ծանր վիճակում գտնվող վիրավորների թիվը հասել է 4-ի, Instagram-ում հայտնել է շրջանի ղեկավար Իգոր Կոբզևը: L-410 ինքնաթիռը, որը թռնում էր Իրկուտսկ-Կազաչինսկոե (Իրկուտսկի շրջան) երթուղով, սեպտեմբերի 12-ին, Մոսկվայի ժամանակով 18:15-ին, կոշտ վայրէջք է կատարել նպատակակետից չորս կիլոմետր հեռավորության վրա: Ինքնաթիռում եղել է 16 մարդ՝ անձնակազմի երկու անդամ և 14 ուղևոր: Արտակարգ իրավիճակների նախարարությունը հայտնել է, որ չորս մարդ զոհվել է, 12-ը ՝ հոսպիտալացվել:

10:22 - 13 սեպտեմբերի, 2021

Ադրբեջանը, մեքենաների «անօրինական անցման» վերաբերյալ, նամակներ է ուղղել ՌԴ ՊՆ-ին և Արցախում խաղաղապահ ուժերի հրամանատարությանը |tert.am|

tert.am: Այլ երկրների իրավաբանական և ֆիզիկական անձինք և նրանց փոխադրամիջոցները չեն կարող մուտք գործել «Ադրբեջանի տարածք» (չակերտները՝ Խմբ.) առանց Ադրբեջանի Հանրապետության համաձայնության, և նման դեպքերը հանդիսանում են երկրի օրենքների խախտում:Այս մասին ասվում է Ադրբեջանի պաշտպանության նախարարության՝ Ռուսաստանի պաշտպանության նախարարությանը և Արցախում խաղաղապահ ուժերի հրամանատարությանն ուղարկված նամակներում՝ կապված այլ երկրներին պատկանող մեքենաների «անօրինական անցման» (չակերտները՝ Խմբ.) Ադրբեջանի տարածք, որտեղ ժամանակավորապես տեղակայված են ռուս խաղաղապահները:Նամակներում նշվում է, որ նման դեպքերը հակասում են 2020 թվականի նոյեմբերի 10-ին Ադրբեջանի Հանրապետության և Ռուսաստանի Դաշնության նախագահների և Հայաստանի վարչապետի ստորագրած եռակողմ հայտարարությանը, և խորհուրդ է տրվում դրանք ճնշել:

15:06 - 12 սեպտեմբերի, 2021

Ռուս խաղաղապահները հումանիտար ուղեբեռ են փոխանցել Լեռնային Ղարաբաղի բնակիչներին՝ խմելու ջրի հետ կապված խնդիրները լուծելու համար. ՌԴ ՊՆ |tert.am|

tert.am: Ռուսական խաղաղապահ զորակազմի հումանիտար արձագանքման կենտրոնի մասնագետները Հայաստանից հումանիտար ուղեբեռ են տեղափոխել Լեռնային Ղարաբաղ: Խոսքը խմելու ջրի պահպանման համար նախատեսված տարաների մասին է, որոնք անհրաժեշտ են ԼՂ բնակիչներին՝ խմելու ջրի մատակարարման խափանումների պատճառով:Ինչպես փոխանցում է ՌԴ ՊՆ մամուլի ծառայությունը, հատուկ ուղեբեռը փոխանցվել է դպրոցներին և մանկապարտեզներին, որոնք գտնվում են սահմանազատման գծի մոտ՝ հեռավոր շրջաններում:«Այսօր ռուս խաղաղապահները բարեգործական կազմակերպությունների հետ համատեղ հումանիտար ուղեբեռ են տեղափոխել Երևանից Լեռնային Ղարաբաղ: Մենք 14 տարա ենք բերել՝ 5 և 3 խորանարդ մետր տարողությամբ՝ նախատեսված խմելու ջրի համար»,- հայտնել է ՌԴ խաղաղապահ զորակազմի ներկայացուցիչ Դմիտրի Տուսիդին:Վերջին երկու շաբաթում խաղաղապահ զորակազմի հումանիտար կենտրոնի զինծառայողներն ավելի քան 30 շրջայց են կատարել և 200 տոննա խմելու ջուր փոխանցել Ստեփանակերտի ավելի քան 1500 բնակչի:

12:20 - 11 սեպտեմբերի, 2021

Լավրովը հայտարարել է, որ «Թալիբանի» հետ անհրաժեշտ է պահպանել երկխոսություն |armenpress.am|

armenpress.am: Ռուսաստանի Դաշնության արտաքին գործերի նախարար Սերգեյ Լավրովը կարծիքով` գրեթե բոլոր երկրների ղեկավարները ստիպված կլինեն խոսել «Թալիբան» շարժման հետ: Այս մասին նախարարը հայտարարել է ժամանակակից լրագրությանը վերաբերվող համաժողովի ժամանակ: «Թալիբանի» հետ բոլոր երկրները անխուսափելիորեն պետք է խոսեն», – հայտարարել Լավրովը: Նախարարի խոսքով՝ թալիբների՝ Աֆղանստանում իշխանությունը բռնազավթելու մտադրություն չունենալու մասին հայտարարությունները Ռուսաստանն ընդունում է ի գիտություն և ամեն կերպ խրախուսում է:

23:39 - 10 սեպտեմբերի, 2021