Արցախում ռուսական խաղաղապահ զորախումբ

Արցախյան 44-օրյա պատերազմից հետո Հայաստանի վարչապետի, Ադրբեջանի և Ռուսաստանի նախագահների՝ նոյեմբերի 9-ի համատեղ հայտարարությամբ նշվեց, որ Լեռնային Ղարաբաղում շփման գծի երկայնքով և Լաչինի միջանցքի երկայնքով տեղակայվում է Ռուսաստանի խաղաղապահ զորախումբ։

Նոյեմբերի 9-ի համատեղ հայտարարության համաձայն՝ խաղաղապահ զորակազմը ԼՂ-ում տեղակայվել է 5 տարի ժամկետով։ Ժամկետն ինքնաբերաբար կերկարաձգվի հերթական 5-ամյա ժամկետով, եթե կողմերից որևէ մեկը տվյալ ժամկետի ավարտից 6 ամիս առաջ չհայտարարի սույն դրույթի կիրառումը դադարեցնելու մտադրության մասին:

Ներկայումս խաղաղապահ առաքելության հրամանատարը գեներալ-մայոր Միխայիլ Կոսոբոկովն է։

Ադրբեջանը դեռևս չի ստոագրել խաղաղապահների մանդատը։

ՌԴ խաղաղապահները պատրաստ են աջակցել խաղաղությանը՝ ի տարբերություն ԱՄՆ-ի և ԵՄ-ի. Լավրով |armeniasputnik.am|

armeniasputnik.am: Ղարաբաղում ռուսական խաղաղապահ զորախումբը պատրաստ է նպաստել Հարավային Կովկասում խաղաղ կյանքի հաստատմանը, մինչդեռ ԱՄՆ-ն ու ԵՄ-ն անկայունություն են սերմանում: Այս մասին ասվում է ՌԴ արտաքին գործերի նախարար Սերգեյ Լավրովի «ՄԱԿ-ի Կանոնադրության սկզբունքների պահպանումը՝ իր ամբողջականությամբ և փոխկապակցվածությամբ, միջազգային խաղաղության և կայունության գրավականն է» հոդվածում։ «Ներկայումս Բրյուսելը, հոգալով իր աշխարհաքաղաքական հավակնությունների մասին, իր «միջնորդական ծառայություններն» է պարտադրում Ադրբեջանին և Հայաստանին՝ Վաշինգտոնի հետ միասին ապակայունացում բերելով Հարավային Կովկաս։ Հիմա, երբ Երևանի և Բաքվի ղեկավարները միմյանց միջև կարգավորել են երկու երկրների ինքնիշխանության փոխադարձ ճանաչման հարցը, եկել է խաղաղ կյանքը դասավորելու, վստահության ամրապնդման ժամանակը։ Ռուսական խաղաղապահ զորախումբը պատրաստ է ամեն կերպ նպաստել դրան»,- ընդգծել է Ռուսաստանի արտաքին քաղաքական գերատեսչության ղեկավարը։ Լեռնային Ղարաբաղում ռուսական խաղաղապահ զորախումբը տեղակայվել է 44-օրյա պատրեազմից հետո՝ 2020 թվականի նոյեմբերի 9-ին Ադրբեջանի, Հայաստանի և Ռուսաստանի ղեկավարների կողմից ստորագրված հրադադարի մասին հայտարարության հիման վրա։ Ըստ հայտարարության՝ ՌԴ խաղաղապահ զորակազմի գտնվելու ժամկետը կազմելու է 5 տարի՝ հերթական 5- ամյա ժամկետներով ավտոմատ կերպով երկարաձգմամբ, եթե Կողմերից որևէ մեկը ժամկետի ավարտից 6 ամիս առաջ չհայտարարի սույն դրույթի կիրառումը դադարեցնելու մտադրության մասին:

10:29 - 10 հոկտեմբերի, 2023

Ռուսները ադրբեջանցիների հետ համատեղ պահակակետեր են ստեղծում Ղարաբաղում առգրավված զենքը հսկելու համար |azatutyun.am|

azatutyun.am: Ռուսաստանի պաշտպանության նախարարությունը հաղորդում է, որ ռուս խաղաղապահները 25 պահակակետ են ստեղծում Լեռնային Ղարաբաղի ուժերի կողմից հանձնված զենքի, զինտեխնիկայի ու զինամթերքի պահեստները հսկելու համար։ Պահակակետերից 14-ը ստեղծվում է ադրբեջանական կողմի հետ համատեղ։

21:22 - 09 հոկտեմբերի, 2023

Մարտունու և Մարտակերտի շրջաններում ապամոնտաժվել է երկու դիտակետ

ՌԴ ՊՆ-ն հայտնում է, որ ապամոնտաժվել է երկու դիտակետ Մարտունու և Մարտակերտի շրջաններում։ Խաղաղապահներն աջակցել են Ադրբեջանի և ԼՂ միացյալ խմբի աշխատանքին՝ Շուշիում գազամատակարարումը վերականգնելու համար։

21:04 - 08 հոկտեմբերի, 2023

Ռուս խաղաղապահները ևս երեք դիտակետ են ապամոնտաժել Լեռնային Ղարաբաղում |tert.am|

tert.am: Ռուս խաղաղապահները ևս երեք դիտակետ են ապամոնտաժել Լեռնային Ղարաբաղում։ Այս մասին ասված է ՌԴ ՊՆ տեղեկատվական տեղեկագրում։ Նշվում է, որ երկու դիտակետ է ապամոնտաժվել Շուշիի և Ասկերանի շրջաններում և մեկ ժամանակավոր դիտակետ Մարտակերտի շրջանում։ «Ռուսական խաղաղապահ զորախումբը շարունակում է առաջադրանքներ իրականացնել Լեռնային Ղարաբաղի տարածքում։ Անխափան կապ է պահպանվում Բաքվի և Ստեփանակերտի հետ՝ ուղղված արյունահեղության կանխարգելմանը, անվտանգության ապահովմանը և խաղաղ բնակչության իրավունքների պահպանմանը։ Ռուսական խաղաղապահ զորախմբի պատասխանատվության գոտում հրադադարի ռեժիմի խախտումներ չեն արձանագրվել»,- նշված է տեղեկագրում։

21:53 - 06 հոկտեմբերի, 2023

Երևան կժամանի ՌԴ ՊՆ պատվիրակություն՝ քննարկելու է ԼՂ-ից ռուսական խաղաղապահ զորախմբի դուրսբերման ժամկետները․ ՏԱՍՍ

Այսօր Երևան կժամանի Ռուսաստանի պաշտպանության նախարարության պատվիրակություն։ Այս մասին ՏԱՍՍ-ին հայտնել է դիվանագիտական աղբյուրը։ Ըստ աղբյուրի՝ քննարկվելու է Լեռնային Ղարաբաղից ռուսական խաղաղապահ զորախմբի դուրսբերման ժամկետները։ Լեռնային Ղարաբաղում ռուսական խաղաղապահ զորախումբը տեղակայվել է 44-օրյա պատրեազմից հետո՝ 2020 թվականի նոյեմբերի 9-ին Ադրբեջանի, Հայաստանի և Ռուսաստանի ղեկավարների կողմից ստորագրված հրադադարի մասին հայտարարության հիման վրա։ Ըստ հայտարարության՝ ՌԴ խաղաղապահ զորակազմի գտնվելու ժամկետը կազմելու է 5 տարի՝ հերթական 5- ամյա ժամկետներով ավտոմատ կերպով երկարաձգմամբ, եթե Կողմերից որևէ մեկը ժամկետի ավարտից 6 ամիս առաջ չհայտարարի սույն դրույթի կիրառումը դադարեցնելու մտադրության մասին: Հիշեցնենք նաև, որ սեպտեմբերի 19-ին Ադրբեջանի կողմից Արցախի վրա հարձակումից հետո սեպտեմբերի 20-ին ռուս խաղաղապահների միջնորդությամբ ռազմական գործողությունների ամբողջական դադարեցման մասին պայմանավորվածություն ձեռք բերվեց։ Ըստ պայմանավորվածության՝ պետք է ԼՂ-ն ամբողջովին զինաթափվեր, իսկ հետո քննարկվեին «վերաինտեգրման հարցեր»։ Սեպտեմբերի 21-ին Եվլախում տեղի ունեցավ ադրբեջանական և արցախյան կողմերի ներկայացուցիչների առաջին հանդիպումը։ Ինչին հաջորդեցին սեպտեմբերի 25-ի և սեպտեմբերի 29-ի հանդիպումները։ Սեպտեմբերի 29-ին Արցախի նախագահ Սամվել Շահրամանյանը հրամանագիր ստորագրեց, որի համաձայն մինչև 2024թ․ հունվարի 1-ը կլուծարվեն բոլոր պետական հիմնարկները և կազմակերպությունները, և ԼՂ (Արցախի) Հանրապետությունը կդադարի գոյություն ունենալ։ Նշենք նաև, որ սեպտեմբերի 24-ից մեկնարկեց Արցախի բնակչության բռնի տեղահանությունը։ Վերջին տվյալների համաձայն՝ Արցախից բռնի տեղահանվածների թիվը կազմում է 100 632:

12:47 - 06 հոկտեմբերի, 2023

Ստեփանակերտում անհայտ անձը կրակել է ռուս-ադրբեջանական համատեղ պարեկային ծառայության ուղղությամբ․ ՌԴ ՊՆ

Ստեփանակերտում անհայտ անձը դիպուկահար զենքից կրակել է ռուս-ադրբեջանական համատեղ պարեկային ծառայության ուղղությամբ, տուժածներ չկան։ Այս մասին հայտնում են ՌԴ ՊՆ-ից։

20:24 - 02 հոկտեմբերի, 2023

ԼՂ-ում ռուս խաղաղապահ առաքելության երկարաձգման հնարավորությունը կքննարկվի Ադրբեջանի հետ․ Պեսկով

Լեռնային Ղարաբաղում ռուս խաղաղապահ առաքելության երկարաձգման հնարավորությունը կքննարկվի ադրբեջանական կողմի հետ։ Լրագրողների հետ զրույցում հայտնել է ՌԴ նախագահի մամուլի քարտուղար Դմիտրի Պեսկովը։ «Խոսքն այս պահին առաքելության մասին է, որը գտնվում է Ադրբեջանի տարածքում։ Դա ադրբեջանական կողմի հետ քննարկմանն առարկա է»,- ասել է Պեսկովը։ Նա նաև նշել է, որ Բաքվի և Երևանի միջև խաղաղության պայմանագրի կնքման հարցը մնում է արդիական։ «Բացի այդ՝ ծրագրեր կան, իհարկե, ինչպես տարածաշրջանում տրանսպորտային հաղորդակցության զարգացումն ու լոգիստիկայի ապահովումը։ Սա չափազանց կարևոր է Ադրբեջանի, Հայաստանի և Ռուսաստանի համար։ Հուսով ենք, որ այդ աշխատանքը կշարունակվի»,- հայտնել է Պեսկովը։

14:44 - 29 սեպտեմբերի, 2023

«Արցախի Հանրապետությունը դադարում է գոյություն ունենալ»․ Արցախի նախագահը հրամանագիր է ստորագրել

Արցախի նախագահը հրամանագիր է ստորագրել․ «Մինչև 2024թ․ հունվարի 1-ը լուծարել իրենց գերատեսչական ենթակայության բոլոր պետական հիմնարկները և կազմակերպությունները, և ԼՂ (Արցախի) Հանրապետությունը դադարում է գոյություն ունենալ։ Լեռնային Ղարաբաղի բնակչությունը, այդ թվում՝ հանրապետությունից դուրս գտնվող բնակչությունը սույն հրամանագրի ուժի մեջ մտնելուց հետո ծանոթանում է Ադրբեջանի ներկայացրած վերաինտեգրման պայմաններին՝ ապագայում ԼՂ-ում մնալու (վերադառնալու) հնարավորության մասին անհատական որոշում կայացնելու նպատակով»։ Հրամանագրում նշվում է, որ որոշումն ընդունվել է՝ ելնելով ստեղծված ռազմաքաղաքական բարդ իրավիճակից, Արցախի ժողովրդի ֆիզիկական անվտանգության և կենսական շահերի ապահովման առաջնահերթությունից, հաշվի առնելով ՌԴ խաղաղապահ զորակազմի հրամանատարության միջնորդությամբ Ադրբեջանի ներկայացուցիչների հետ ձեռք բերված պայմանավորվածությունն առ այն, որ ապահովվում է Լեռնային Ղարաբաղի բնակիչների, այդ թվում՝ զենքը վայր դրած զինծառայողների, իրենց գույքով իրենց տրանսպորտային միջոցներով Լաչինի միջանցքով ազատ, կամավոր և անարգել երթևեկությունը: Որոշումն ուժի մեջ է մտնում հրապարակման պահից։

10:20 - 28 սեպտեմբերի, 2023

Ռուս խաղաղապահներն ուղղաթիռով Արցախից տարհանել են պայթյունից տուժած 142 բնակչի |hetq.am|

hetq.am: Ռուսական բանակի օդատիեզերական ուժերի ռազմական ավիացիան ուղղաթիռներով Արցախից Հայաստանի Հանրապետություն է տեղափոխել բենզինի պահեստարանի պայթյունից տուժած 142 բնակչի։ Կատարվել է ընդհանուր 16 թռիչք։ Ռուսական խաղաղապահ զորախմբի գործունեությունը լուսաբանող Peacekeeper տելեգրամյան ալիքը տեսանյութ է հրապարակել տեղափոխման գործընթացից։

12:51 - 27 սեպտեմբերի, 2023

Կրեմլը որևէ կոնկրետություն չի տեսնում ԼՂ-ում միջազգային դիտորդական առաքելություն ստեղծելու վերաբերյալ ԱՄՆ գաղափարում

Կրեմլը որևէ կոնկրետություն չի տեսնում Ղարաբաղում միջազգային դիտորդական առաքելություն ստեղծելու վերաբերյալ ԱՄՆ գաղափարում։ Այս մասին, ինչպես փոխանցում է ռուսական ՏԱՍՍ-ը, հայտարարել է ՌԴ նախագահի խոսնակ Դմիտրի Պեսկովը։ «Ոչ, այստեղ մենք որևէ կոնկրետություն չենք տեսնում։ Եվ հետո ցանկացած առաքելություն կարող է գոյություն ունենալ միայն ադրբեջանական կողմի համաձայնությամբ»,- ասել է Պեսկովը՝ պատասխանելով հարցին, թե արդյո՞ք այս հարցով քննարկումներ կան ՌԴ-ի հետ՝ որպես ԵԱՀԿ համանախագ երկրի։ Պեսկովը նշել է, որ ռուս խաղաղապահները մտադիր են շարունակել աջակցել ղարաբաղյան հակամարտության կարգավորմանը՝ իրենց գործող մանդատի համաձայն։ Պեսկովը նաև նշել է, որ Ռուսաստանը շարունակում է շփումները Ադրբեջանի եւ Հայաստանի հետ՝ կապված Լեռնային Ղարաբաղի շուրջ ստեղծված իրավիճակի հետ։ «Մենք մեր հերթին շարունակում ենք մեր շփումները Երեւանի հետ, Բաքվի հետ, ինչպես նաեւ Ղարաբաղի էթնիկ հայերի հետ»,- ասել է նա։ Հիշեցնենք, որ ԱՄՆ պետքարտուղարության խոսնակը այսօր հայտարարել է․ «Մենք միանշանակ հավատացած ենք, որ միջազգային առաքելություն պետք է լինի, որը ԼՂ բնակիչների ու միջազգային հանրության համար կապահովի թափանցիկություն, վստահություն և երաշխիքներ, որ նրանց իրավունքներն ու անվտանգությունը կպաշտպանվի Ադրբեջանի հայտարարություններին հապատասխան»։

14:56 - 26 սեպտեմբերի, 2023

ՌԴ–ն հետևողական քայլեր է ձեռնարկում ԼՂ–ում իրավիճակի կայունացման ուղղությամբ. ՌԴ ԱԳՆ |armeniasputnik.am|

armeniasputnik.am: Ռուսաստանը շարունակում է հետևողական քայլեր ձեռնարկել Լեռնային Ղարաբաղում իրավիճակի կայունացման ուղղությամբ։ Այս մասին հայտնում է ՌԴ ԱԳՆ մամուլի ծառայությունը։ Նշվում է, որռուսական խաղաղապահ զորախումբը հետևում է սեպտեմբերի 20-ին իր ակտիվ միջնորդությամբ հաստատված հրադադարի ռեժիմի պահպանմանը: «Մեր բոլոր ջանքերի բացարձակ առաջնահերթությունն այն է, որ խաղաղ բնակչության շրջանում զոհեր չլինեն։ ՌԴ խաղաղապահները շարունակում են մարդասիրական աջակցություն ցուցաբերել հայ բնակչությանը։ Միայն վերջին երկու օրվա ընթացքում ՌԴ խաղաղապահների ուժերով տարածաշրջան է հասցվել 125 տոննա հումանիտար բեռ և 65 տոննա վառելիք»,– ասված է հաղորդագրությունում։ ՌԴ ԱԳՆ–ից նշում են, որ պլաններում պարենի և առաջին անհրաժեշտության ապրանքների կանոնավոր մատակարարումների ապահովումն է ինչպես Լաչինի, այնպես էլ Աղդամի երթուղիներով։ Ի դեպ, վերջին տվյալներով՝ ռուսական խաղաղապահ զորակազմի տեղակայման վայրում գտնվում են մոտ 700 փախստական, որոնցից ավելի քան 400–ը երեխաներ են: ՌԴ ԱԳՆ–ն հույս է հայտնում, որ Ստեփանակերտի և Բաքվի ներկայացուցիչների միջև բանակցությունների արդյունքում Լեռնային Ղարաբաղի հայ բնակչները կվերադառնան խաղաղ կյանքի` կլուծվեն նրանց իրավունքների ու անվտանգության ապահովման հարցերը: «Ակնկալում ենք, որ այս գործընթացի դրական արդյունքները կնպաստեն Ռուսաստանի, Հայաստանի և Ադրբեջանի ղեկավարների 2020-2022թթ.պայմանավորվածությունների համալիր իրականացման աշխատանքների շուտափույթ վերսկսմանը` ներառյալ տրանսպորտային հաղորդակցությունների ապաշրջափակումը, հայ-ադրբեջանական սահմանի դելիմիտացիան, խաղաղության պայմանագրի համաձայնեցումը և հումանիտար շփումների զարգացումը»,– ասված է հաղորդագրությունում։

23:09 - 25 սեպտեմբերի, 2023

Ռուսաստանի ՊՆ-ն հայտնել է սեպտեմբերի 25-ին հրադադարի ռեժիմի խախտումների բացակայության մասին |news.am|

news.am: Ռուս խաղաղապահները երկուշաբթի օրը հրադադարի խախտումներ չեն արձանագրել Լեռնային Ղարաբաղում, հայտնում է ՌԴ պաշտպանության նախարարությունը։ «Ռուսական խաղաղապահ զորախումբը շարունակում է առաջադրանքներ իրականացնել Լեռնային Ղարաբաղի տարածքում։ Բաքվի և Ստեփանակերտի հետ շարունակական փոխգործակցություն է պահպանվում՝ ուղղված արյունահեղության կանխմանը, անվտանգության ապահովմանը և խաղաղ բնակչության նկատմամբ մարդասիրական իրավունքի պահպանմանը։ Հրադադարի ռեժիմի խախտումներ չեն արձանագրվել»,- ասվում է ՌԴ ՊՆ տեղեկատվական տեղեկագրում։ Պաշտպանության նախարարությունը նշել է, որ ավելի քան 670 տարհանված խաղաղ բնակիչներ շարունակում են մնալ ռուս խաղաղապահների հետ Լեռնային Ղարաբաղում։ «Ռուսական խաղաղապահ զորախումբն ունի 675 խաղաղ բնակիչ, այդ թվում՝ 408 երեխա։ Կազմակերպվել է նրանց բնակեցումը, սնունդը և բուժօգնությունը»,- նշվում է տեղեկագրում։Ավելի քան 3200 միավոր հրետանային զինատեսակներ, հակատանկային զինատեսակներ և շարժակն զինեթահրթիռային համալիրներ, մոտ 435 հազար զինամթերք է փոխանցվել Լեռնային Ղարաբաղի կազմավորումներին, հայտնել է ՌԴ պաշտպանության նախարարությունը։

21:12 - 25 սեպտեմբերի, 2023

Պեսկովը հայտնել է, որ հիմա դժվար թե հնարավոր լինի խոսել Ղարաբաղում ռուս խաղաղապահների մնալու ժամկետների մասին

ՌԴ նախագահի մամուլի քարտուղար Դմիտրի Պեսկովը լրագրողների հետ զրույցում անդրադարձել է Լեռնային Ղարաբաղում ռուս խաղաղապահների գործունեությանը՝ նշելով, որ ռուս խաղաղապահները Ղարաբաղում ցուցաբերում են իսկական հերոսություն, և ոչ ոք չի կարող նրանց մեղադրել իրենց պարտականությունները չկատարելու մեջ։ Նա նշել է, որ հիմա դժվար թե հնարավոր լինի խոսել Ղարաբաղում ռուս խաղաղապահների մնալու ժամկետների մասին՝ ընդգծելով, որ ՌԴ-ն կտրականապես դեմ է Ղարաբաղի շուրջ ստեղծված իրավիճակի պատասխանատվությունը Մոսկվայի ու ռուս խաղաղապահների վրա դնելու փորձերին։ Պեսկովը հայտնել է, որ ՌԴ-ն կշարունակի շփումները Նիկոլ Փաշինյանի հետ եւ իր գործունեությունը՝ ուղղված Ղարաբաղի հայերի բոլոր իրավունքներին հետևելուն։ Կրեմլի խոսնակը նաև ասել է, որ ՌԴ-ն դեմ է Ղարաբաղի հարցով միջնորդական ներուժ չունեցող երկրների՝ տարածաշրջանում իրենց ներկայությունն ամրապնդելու փորձերին։ Խոսելով Հայաստանի, Ռուսաստանի ու Ադրբեջանի ղեկավարների հնարավոր հանդիպումների մասին՝ Պեսկովն ասել է, որ եռակողմ հանդիպման կազմակերպման հարցում հստակ ուրվագծեր չկան։ Նա նաև հույս է հայտնել, որ Ալիեւի հանդիպումները, այդ թվում՝ Էրդողանի հետ, կօգնեն ապահովել անվտանգությունն ու նորմալացնել կյանքը Ղարաբաղում։

14:14 - 25 սեպտեմբերի, 2023

Խաղաղապահները Ստեփանակերտի օդանավակայանից Հայաստան են ուղեկցել 5 ավտոբուս և 41 անձնական մեքենա

Ռուսական խաղաղապահ զորախումբը Ստեփանակերտի օդանավակայանից Հայաստան է ուղեկցել տեղի բնակիչների 5 ավտոբուսներ և 41 անձնական մեքենաներ։ Այս մասին հայտնում է ՌԴ ՊՆ-ն։ Հաղորդագրության մեջ չի նշվում՝ երբ է տեղի ունեցել տարհանումը, և արդյոք նրանք արդեն հատե՞լ են Հայաստանի սահմանը: Ավելի վաղ ՀՀ կառավարությունից հայտնել էին, որ 18:00-ի դրությամբ Լեռնային Ղարաբաղից Հայաստան մուտք է գործել 377 բռնի տեղահանված քաղաքացի։ Գլխավոր լուսանկարը՝ սեպտեմբերի 19-ի

21:35 - 24 սեպտեմբերի, 2023

Խաղաղապահ զորախումբը ԼՂ-ում հրադադարի ռեժիմի խախտումներ չի արձանագրել

Ռուսական խաղաղապահ զորախմբի ենթակայության տակ շարունակում են մնալ 715 խաղաղ բնակիչ, այդ թվում` 402 երեխա։ Այս մասին հայտնում է Ռուսաստանի պաշտպանության նախարարությունը։ Խաղաղապահ զորախումբը Լեռնային Ղարաբաղում հրադադարի ռեժիմի խախտումներ չի արձանագրել։ ՌԴ պաշտպանական գերատեսչությունը նաև տեղեկացնում է, որ Արցախի ՊԲ-ն շարունակել է զենքի և ռազմական տեխնիկայի հանձնումը․ «Սեպտեմբերի 24-ի դրությամբ հանձնվել է վեց միավոր զրահատեխնիկա, ավելի քան 1200 միավոր հրետանային զենք, հակատանկային զենք և շարժական զենիթահրթիռային համակարգ, մոտ 130 հազար զինամթերք»։ Ըստ գերատեսչության՝ խաղաղապահներն Արցախի բնակիչներին մատակարարել են 125 տոննա սննդամթերք և 65 տոննա վառելիք։

20:38 - 24 սեպտեմբերի, 2023

ՌԴ խաղաղապահները Գորիս-Ստեփանակերտ մայրուղով հումանիտար բեռ են Արցախ հասցրել

Ռուսական խաղաղապահ առաքելության կողմից Գորիս-Ստեփանակերտ մայրուղով Արցախ է հասցվել մոտ 150 տոննա հումանիտար բեռ (ալյուր, աղ, ձեթ, խմորիչ, օրապահիկ): Արցախի տեղեկատվական շտաբից հաղորդում են, որ եւս 65 տոննա ալյուր՝ կրկին Գորիս-Ստեփանակերտ մայրուղով, Արցախ է տեղափոխվել Կարմիր խաչի միջազգային կոմիտեի կողմից։

10:09 - 24 սեպտեմբերի, 2023