Պաղեստին

Դե յուրե ինքնիշխան պետություն Միջին Արեւելքում՝ Հորդանան գետի արեւմտյան ափին (սահմանակցում է Իսրայելին եւ Հորդանանին) եւ Գազայի հատվածին (սահմանակցում է Իսրայելին եւ Եգիպտոսին), որի մայրաքաղաքն է համարվում Արեւելյան Երուսաղեմը՝ չնայած վարչական կենտրոնը Ռամալլահում է: Պաղեստին պետության մեծ հատվածն, ըստ համացանցի աղբյուրների, օկուպացված է Իսրայելի կողմից՝ 1967 թվականի Վեցօրյա պատերազմից հետո:

Երկրորդ համաշխարհային պատերազմից հետո, 1947 թվականին ՄԱԿ-ը հաստատեց Բաժանման նախագիծը Պաղեստինի համար, որը հորդորում էր ստեղծել անկախ արաբական եւ հրեական պետություններ` առանձնացնելով Երուսաղեմը, որը պետք է ղեկավարվեր ՄԱԿ-ի հատուկ միջազգային կառավարման ռեժիմով: Հրեական պետության հիմնադրումից հետո, որը 1948 թվականի մայիսի 14-ին ստացավ Իսրայել անվանում, ներքաշվեց պատերազմների մեջ արաբական բանակների հետ: Ավելի ուշ Արաբական լիգայի կողմից ստեղծվեց Համապաղեստինյան կառավարությունը, որը կառավարեց Եգիպտոսի կողմից վերահսկվող Գազայի հատվածը: Այն շուտով ճանաչվեց Արաբական լիգայի անդամ բոլոր պետությունների կողմից՝ բացառությամբ Հորդանանի: Չնայած Համապաղեստինյան կառավարությունը իրեն հռչակեց ոչ միայն Գազայի հատվածի, այլ ամբողջ նախկին Բրիտանական Պաղեստինի կառավարիչ, այն միայն սահմանափակվում էր Գազայի հատվածով: Իսրայելը ավելի ուշ նվաճեց Գազայի հատվածը եւ Սինայի թերակղզին Եգիպտոսից, Հորդանանի գետի արեւմտյան ափը Հորդանանից եւ Գոլանի բարձունքները՝ Սիրայից՝ Վեցօրյա պատերազմի ընթացքում:

Պաղեստինում հայտարարել են Գազայի հատվածում քիմիական զենքի օգտագործման նշանների մասին |tert.am|

tert.am: Պաղեստինի առողջապահության նախարարությունը հայտնել է, որ Գազայի հատվածում հարվածների հետևանքով մահացածներից մի քանիսի մոտ թունավոր գազերով խեղդամահ լինելու նշաններ են հայտնաբերվել: Ինչպես նշում է radiosputnik.ria.ru-ն, այս մասին ասված է Պաղեստինի առողջապահության նախարարության ֆեյսբուքյան էջում: Նախարարությունից հայտնում են, որ զոհերի մարմինները տեղափոխվել են «Աշ Շիֆա» բժշկական կենտրոն: «Դիահերձողի կողմից հետազոտումից հետո պարզվել է, որ մահվան անմիջական պատճառը խեղդումն է, կան նաև հստակ նշաններ, որոնք ցույց են տալիս թունավոր գազերի շնչման պատճառով խեղդվելու հավանականությունը»,-ասվում է հաղորդագրության մեջ:

16:09 - 13 մայիսի, 2021

Իսրայելի ռազմաօդային ուժերը Գազայի հատվածում գտնվող բնակելի շենք են ոչնչացրել |tert.am|

tert.am: Իսրայելի ռազմաօդային ուժերն ավիահարվածներ են հասցրել Գազա քաղաքի Ռիմալ շրջանում գտնվող 6 հարկանի բնակելի շենքին, որն ավերվել է: Այս մասին տեղեկացնում է «ՌԻԱ Նովոստի» գործակալությունը` հղում տալով պաղեստինյան Wafa գործակալությանը: «Իսրայելի ռազմաօդային ուժերի F-16 ինքնաթիռը երկու հրթիռով հարձակում է կատարել Գազայի Ռիմալ տարածքում գտնվող «աթ-Թուրք» բնակելի 6 հարկանի շենքի վրա՝ այն վերածելով աղյուսների կույտի», - նշում է գործակալությունը: Գործակալության տվյալներով` մոտակայքում գտնվող շենքերը նույնպես «զգալիորեն վնասվել են»: Այս բարձրահարկ շենքը երեքշաբթի օրվանից սկսած` դարձել է 4-րդը Գազայի հատվածում, որն ավերվել է Իսրայելի ռազմաօդային ուժերի կողմից:

13:48 - 13 մայիսի, 2021

Այաթոլլահ Խամենեին դատապարտել է Երուսաղեմում Իսրայելի կողմից ագրեսիան |tert.am|

tert.am: Իրանի Իսլամական Հանրապետության հոգևոր առաջնորդ Այաթոլլահ Ալի Խամենեին դատապարտել է Երուսաղեմում Իսրայելի կողմից ագրեսիան՝ նշելով, որ Իսրայելը միայն ուժի լեզուն է հասկանում, հայտնում է Tehran Times թերթը։ Անդրադառնալով Ալ Աքսա մզկիթում անպաշտպան պաղեստինցիների նկատմամբ իսրայելցիների դաժան հարձակումներին՝ Խամենեին նշել է, որ այդ հանցագործությունները տեղի են ունեցել աշխարհի աչքի առջև և բոլորը պետք է իրենց պարտքը համարեն դատապարտել այդ գործողությունները: «Իսրայելը միայն ուժի լեզուն է հասկանում», - ասել է Խամենեին:

10:30 - 13 մայիսի, 2021

Իսրայելի ԱԳՆ-ն ՀԱՄԱՍԻ կողմից հրթիռակոծումն անվանել է ծրագրված ահաբեկչություն |shantnews.am|

shantnews.am: Քիչ առաջ ՌԻԱ «Նովոստի»-ն, հղում անելով Իսրայելի արտաքին գործերի նախարարությանը, տեղեկություն է տարածել, որ Սդերոտում բնակելի տան վրա ընկած հրթիռի հետևանքով մահացել է 6-ամյա երեխա: Իսրայելը ենթարկվել է ՀԱՄԱՍ շարժման կողմից ծրագրված ահաբեկչական հարձակմանը, հայտարարել է Իսրայելի ԱԳՆ խոսնակ Լիոր Հայաթը: «Իսրայելը ենթարկվում է ահաբեկչական հարվածների: Այն համակարգված ու ծրագրված է Համաս ահաբեկչական խմբավորման կողմից: Այն ուղղված է Իսրայելում միլիոնավոր խաղաղ բնակիչների դեմ»,- ասել է Հայաթը ճեպազրույցի ժամանակ:

22:40 - 12 մայիսի, 2021

ԵՄ-ն դատապարտել է ՀԱՄԱՍ-ի հրթիռակոծությունները և Իսրայելին զուսպ պատասխանելու կոչ է արել |tert.am|

tert.am: ԵՄ արտաքին և անվտանգության քաղաքականության գերագույն ներկայացուցիչ Ժոզեպ Բորելը չորեքշաբթի դատապարտել է պաղեստինյան խմբավորումների կողմից Իսրայելի տարածքում քաղաքացիական անձանց վրա հրթիռային հարձակումները՝ միաժամանակ Իսրայելին կոչ անելով զսպվածություն ցուցաբերել և համաչափ պատասխանել: Այս մասին գրում է «ՌԻԱ Նովոստի» գործակալությունը: Նրա խոսքերով` ԵՄ-ն ընդունում է Իսրայելի «քաղաքացիական անձանց պաշտպանության անհրաժեշտության օրինականությունը», բայց Իսրայելի պատասխանը պետք է լինի «համաչափ` ուժի կիրառման հարցում զսպվածության ցուցաբերմամբ»: ԵՄ դիվանագիտության ղեկավարը նաև նշել է, որ իրավիճակի լիցքաթափման նպատակով կապի մեջ է մերձավորարևելյան տարածաշրջանի կողմերի և Մերձավոր Արևելքում կարգավորման հարցով քառյակի անդամների հետ:

21:03 - 12 մայիսի, 2021

ՀԱՄԱՍ-ը հայտարարել է Իսրայելի երեք քաղաքների ուղղությամբ 130 հրթիռ արձակելու մասին |shantnews.am|

shantnews.am: Գազայի հատվածը վերահսկող ՀԱՄԱՍ շարժման «Իզզեդդին ալ-Քասամի» բրիգադի մարտական թևը հայտարարել է իսրայելական Աշկելոն, Նեթիվոտ և Սդերոտ քաղաքների ուղղությամբ 130 հրթիռների արձակման մասին: Այս մասին հաղորդում է ՏԱՍՍ-ը։ Նրա տեղեկատվության համաձայն՝ այդ հարվածներն արմատականների պատասխանն են դարձել իրենց մի շարք հրամանատարների (ներառյալ Գազայի քաղաքի համար պատասխանատու Բասսեմ Իսու) մահվան, ինչպես նաև Գազայի հատվածի կենտրոնում Իսրայելի կողմից գնդակոծությունների հետևանքով 16 հարկանի շենքի ավերման, ինչպես նաև Բուրջ աշ-Շուրուկի ոչնչացման:

20:55 - 12 մայիսի, 2021

Հրթիռակոծության հետևանքով իսրայելցի զինվորական է զոհվել, ՀԱՄԱՍ-ն էլ հայտնել է իր առաջնորդներից մեկի մահվան մասին |factor.am|

factor.am: Գազայի հատվածից Իսրայելի տարածքի հրթիռակոծության հետևանքով իսրայելցի զինվորական է զոհվել։ Այս մասին Twitter-ում գրառմամբ հայտնել է այդ երկրի Պաշտպանության բանակը։Պաղեստինյան ՀԱՄԱՍ շարժման ռազմական թևը հանդիսացող «Իզեդդին ալ-Քասամ» խմբավորումն իր հերթին հայտարարել է Իսրայելի կողմից անկլավի հրթիռակոծության հետևանքով իր առաջնորդներից մեկի՝ Գազայի համար պատասխանատու Բասամ Իսայի զոհվելու մասին, գրում է ՏԱՍՍ-ը։ Տեղական լրատվամիջոցների փոխանցմամբ՝ այսպիսով, Իսան դարձել է 2014 թվականից ի վեր ՀԱՄԱՍ-ի ամենաբարձրաստիճան առաջնորդը, որը սպանվել է Իսրայելի հարձակման հետևանքով։

20:10 - 12 մայիսի, 2021

Թուրքիայի արտգործնախարարն առաջարկել է միջազգային պաշտպանական ուժեր ուղարկել Պաղեստին |ermenihaber.am|

ermenihaber.am: Թուրքիայի արտգործնախարար Մևլութ Չավուշօղլուն անդրադարձել է վերջին օրերին արաբա-իսրայելական հակամարտության սրացմանը և հայտարարել է, որ Իսրայելի գործողությունները դատապարտելը բավարար չէ, անհրաժեշտ է կոնկրետ քայլեր ձեռնարկել։ Չավուշօղլուն Իսլամական համագործակցության կազմակերպության երկրների արտգործնախարարներին առաջարկել է Պաղեստին ուղարկել «միջազգային պաշտպանության ուժեր», որոնց գլխավոր առաքելությունը պետք է լինի պաշտպանել «Պաղեստինի քաղաքացիական բնակչությանը»։ Թուրքիան նաև մտադիր է առաջարկել գումարելու ՄԱԿ-ի Գլխավոր վեհաժողովի արտահերթ նիստ պաղեստինա-իսրայելական հակամարտության սրման կապակցությամբ: Վերջին օրերին պաղեստինա-իսրայելական հակամարտության թեժացման ֆոնին լարվածության նոր փուլ են մտել Թուրքիա-Իսրայել հարաբերությունները: Թուրքիան չեղարկել է Իսրայելի արտգործնախարար Յուվալ Շտայնիցի մասնակցությունը հունիսի 18-20-ն անցկացվելիք Անթալիայի դիվանագիտական ֆորումին՝ պատճառաբանելով պաղեստինցիների վրա հարձակումն ու վերջինների իրավունքների խախտումը:

17:07 - 12 մայիսի, 2021

Իսրայելի նավթամուղում հրդեհ Է բռնկել Գազայի հատվածից իրականացված գնդակոծությունից հետո |armenpress.am|

armenpress.am: Իսրայելի Էյլաթ-Աշկելոն նավթամուղի տեղամասում հրդեհ Է բռնկել հրթիռի ընկնելուց հետո, որն արձակվել Է Գազայի հատվածից: Այդ մասին հաղորդում Է իսրայելական հեռուստատեսության 13-րդ ալիքը: «Գրանցվել նավթային ենթակառուցվածքի օբյեկտի վառելանյութի ամբարի ուղղակի վնասում, որը գտնվում Է Էյլաթ-Աշկելոն նավթամուղի շրջանում»,-ասվում Է հեռուստաալիքի հաղորդագրության մեջ։ Գազայի հատվածի սահմանին վերջին տարիների ընթացքում խոշորագույն Էսկալացիան սկսվել Է մայիսի 10-ի երեկոյան: Այս ժամանակաշրջանում Գազայի հատվածից ավելի քան 600 հրթիռ Է արձակվել Իսրայելի ուղղությամբ: Հակահրթիռային պաշտպանության «Երկաթե գմբեթ» համակարգը կալանել Է դրանցից 200-ը: Իսրայելը նույնպես հարվածներ Է հասցրել Գազայի հատվածի ուղղությամբ, որոնց հետեւանքով, ինչպես ավելի վաղ հայտնել Է պաղեստինյան միջատարածքի առողջապահության նախարարության ներկայացուցիչը, երկու օրվա ընթացքում զոհվել Է 30 մարդ, այդ թվում՝ տասը երեխա: Անցած գիշեր օդային տագնապի շչակները չեն լռում պաղեստինյան միջատարածքին սահմանակից քաղաքներում եւ Աշկելոնում: 13:00-ից պաղեստինյան խմբավորումներն սկսել են գնդակոծել Աշդոդ խոշոր քաղաքը, երեկոյան շչակները հնչել են Թել Ավիվում եւ քաղաքամերձ բնակավայրերում: Իսրայելի բանակը զորակոչել Է հինգ հազար պահեստայինների՝ պաղեստինյան իսլամիստների դեմ գործողության ժամանակ տարբեր ստորաբաժանումների ամրապնդման նպատակով, հաղորդել Է ՌԻԱ Նովոստին:

15:45 - 12 մայիսի, 2021

Միջազգային հանրությունը պետք է ուժեղ և զսպող դաս տա Իսրայելին. Էրդողան` իսրայելա-պաղեստինյան բախումների մասին |tert.am|

tert.am: Թուրքիայի նախագահ Ռեջեփ Թայիփ Էրդողանը Ռուսաստանի նախագահ Վլադիմիր Պուտինի հետ հեռախոսազրույցում նշել է, որ միջազգային հանրությունը պետք է «զսպող դաս տա Իսրայելին»:«Էրդողանը հայտարարել է, որ միջազգային հանրությունը պետք է Իսրայելին ուժեղ և զսպող դաս տա, այդ նպատակով Թուրքիան կշարունակի իր նախաձեռնությունները բոլոր մակարդակներում», - Russia Today-ի փոխանցմամբ` ասվում է Էրդողանի գրասենյակի հաղորդագրության մեջ:Հաղորդվում է նաև, որ Էրդողանի խոսքով` «էսկալացիայի հետագա սրումը կանխելու համար կարևոր է, որ ՄԱԿ-ի Անվտանգության խորհուրդը միջամտի այդ հարցին և վճռական ու հստակ ազդանշան տա Իսրայելին հարձակումները դադարեցնելու վերաբերյալ»:

15:22 - 12 մայիսի, 2021

Բորիս Ջոնսոնն Իսրայելին և Պաղեստինին կոչ է արել զսպվածություն ցուցաբերել և հետքայլ անել |tert.am|

tert.am: Մեծ Բրիտանիայի վարչապետ Բորիս Ջոնսոնն Իսրայելին և Պաղեստինին կոչ է արել զսպվածություն ցուցաբերել և հետքայլ անել, հայտնում է The Jerusalem Post-ը։ «Մեծ Բրիտանիան խորապես մտահոգված է աճող բռնության և քաղաքացիական անձանց մահվան կապակցությամբ և ցանկանում է լարվածության ապաէսկալացում տեսնել», - նշել է Բորիս Ջոնսոնը։ Հիշեցնենք, որ լարվածությունը Արևելյան Երուսաղեմում սկսել է աճել ապրիլի կեսերից, իսկ մայիսի 7-ին իսրայելական սահմանապահ ոստիկանության և պաղեստինցիների բախումները սկսվել են միանգամից երկու վայրում ՝ Տաճարի լեռան և Շեյխ Ժարրայի շրջանում, որտեղ դատարանի որոշման համաձայն` Իսրայելի անվտանգության ուժերը վտարում են մի քանի արաբական ընտանիքների, ինչն ուղեկցվում են տեղի բնակչության բողոքներով և բռնի բախումներով:

13:43 - 12 մայիսի, 2021

Գազայի հատվածից Իսրայելի ուղղությամբ արձակվել է մոտ 850 հրթիռ. իսրայելական Լոդ քաղաքում արտակարգ դրություն է հայտարարվել |tert.am|

tert.am: Մայիսի 10-12-ն ընկած ժամանակահատվածում Գազայի հատվածից մոտ 850 հրթիռ է արձակվել Իսրայելի ուղղությամբ: Այս մասին հայտնել է Իսրայելի պաշտպանության բանակը: Հրթիռային հարձակումների թիրախներ են դարձել հիմնականում քաղաքացիական և ռազմական թիրախները, բնակելի տարածքները: Հրթիռակոծության պատճառով զոհվել է 5 մարդ, տասնյակ մարդիկ վիրավորվել են: Բացի այդ, ՀԱՄԱՍ-ը հայտարարել է՝ 5 րոպեից էլ պակաս ժամանակահատվածում 137 հրթիռ է արձակել Իսրայելի հարավային ուղղությամբ: Իսրայելական 7-րդ ալիքի տեղեկություններով՝ հրթիռակոծման սկզբից ի վեր Գազայի հատվածից ավելի քան 1000 հրթիռ է արձակվել Իսրայելի ուղղությամբ: Իսրայելի պաշտպանության ուժերի կողմից Գազայի հատվածում գտնվող շենքերից մեկի վրա ավիահարվածի հետևանքով չեզոքացվել են պաղեստինյան ՀԱՄԱՍ արմատական շարժման ռազմական հետախուզության երկու ղեկավար, հայտնել է ՀԱՄԱՍ-ի մամուլի ծառայությունը: Ըստ ՀԱՄԱՍ-ի՝ ավիահարվածների հետևանքով սպանվել են ռազմական հետախուզության անվտանգության վարչության պետ Հասան Կաուգին և նրա տեղակալ Ուայլ Իսան: Մամուլի ծառայությունից հավելել են, որ Գազայի հյուսիս-արևմտյան ծայրամասային հատվածներում տեղակայված Ռամալի տարածքում հրթիռային հարձակման է ենթարկվել ՀԱՄԱՍ-ի բարձրահարկ շենքը, որում տեղակայված են եղել շարժման հետախուզական շտաբերը, Արևմտյան ափի գործողությունների ծրագրավորման շտաբ-բնակարանը և տեղեկատվության վարչությունը: Իսրայելում արտակարգ դրություն է հայտարարվել Իսրայելի Լոդ քաղաքում`իսրայելական ուժերի և պաղեստինցիների միջև ռազմական բախումների խստացման ֆոնին: Շարունակությունը՝ tert.am-ում։

10:31 - 12 մայիսի, 2021

Բայդենը վարչակազմին կարգադրել է խորհրդակցություններ սկսել Մերձավոր Արևելքում իրավիճակի կայունացման նպատակով |tert.am|

tert.am: ԱՄՆ նախագահ Ջո Բայդենը վարչակազմին կարգադրել է խորհրդակցություններ սկսել Մերձավոր Արևելքում իրավիճակի կայունացման նպատակով, ТАСС-ի փոխանցմամբ՝ հայտարարել է Սպիտակ տան խոսնակ Ջեն Փսակին: «Նախագահին ամեն օր զեկուցվում է Երուսաղեմում և Գազայում կատարվողի մասին: Նա կարգադրել է իր թիմին ինտենսիվ խորհրդակցություններ սկսել իսրայելական և պաղեստինյան կողմերի բարձրաստիճան ներկայացուցիչների, ինչպես նաև՝ Մերձավոր Արևելքի երկրների ղեկավարների հետ: Նախագահի վարչակազմը հստակ ու հետևողական ուղերձներ է հղում լարվածության լիցքաթափման նպատակով: ԱՄՆ նախագահի կողմից Իսրայելի անվտանգությանն աջակցելը, Իսրայելի ինքնապաշտպանության օրինական իրավունքը առանցքային նշանակություն ունեն և երբեք փոփոխությունների չեն ենթարկվի: ՀԱՄԱՍ-ի և ահաբեկչական այլ կառույցների կողմից այդ թվում Երուսաղեմի հրթիռակոծությունների շարունակվելը դատապարտում ենք»,- ասել է Փսակին: Նշենք, որ երեկ, ինչպես նաև այսօր առավոտյան Իսրայելը հարյուրավոր ավիահարվածներ է իրականացրել Գազայի ուղղությամբ, իսկ իսլամիստական խմբավորումն ու պաղեստինյան այլ գրոհայիններ բազմաթիվ հրթիռներ են արձակել Թել Ավիվի ու Բերշեբայի ուղղությամբ։ Սա ամենաուժգին բախումն է Իսրայելի ու Համասի միջև 2014թ․ Գազայում տեղի ունեցած պատերազմից հետո։

09:39 - 12 մայիսի, 2021

Թել Ավիվի ուղղությամբ տասնյակ հրթիռներ են արձակվել |tert.am|

tert.am: Թել Ավիվի ուղղությամբ տասնյակ հրթիռներ են արձակվել: Այս մասին տեղեկացնում է «ՌԻԱ Նովոստի» գործակալությունը: Քաղաքում ահազանգերի ազդանշաններ են արձակվել ՝ զգուշացնելով հնարավոր հրթիռային հարձակման մասին: Երկնքում տեսանելի է «Երկաթե գմբեթ» հակահրթիռային պաշտպանության համակարգի կողմից հրթիռների որսը: ՀԱՄԱՍ-ում հայտարարել են, որ Թել Ավիվի ուղղությամբ 130 հրթիռ են արձակել:

01:00 - 12 մայիսի, 2021

ԱԳՆ-ն մտահոգություն է հայտնել Երուսաղեմում շարունակվող բախումների կապակցությամբ

Հայաստանի Հանրապետության արտաքին գործերի նախարարությունը մտահոգություն է հայտնել Երուսաղեմում շարունակվող բախումների կապակցությամբ: «Խորապես մտահոգված ենք Երուսաղեմում շարունակվող բախումների կապակցությամբ։ Կոչ ենք անում ներգրավված բոլոր կողմերին զսպվածություն ցուցաբերել` նվազեցնելու լարվածությունը և կանխելու քաղաքացիական անձանց շրջանում հետագա զոհերը»,- ասված է ՀՀ ԱԳՆ տարածած հաղորդագրության մեջ։

16:36 - 11 մայիսի, 2021

25 պաղեստինցիներ են զոհվել Գազայի հատվածին Իսրայելի հարվածների հետեւանքով |armenpress.am|

armenpress.am: Առնվազն 25 պաղեստինցիներ են զոհվել Գազայի հատվածին Իսրայելի բանակի հարվածների հետեւանքով: Մայիսի 11-ին այս տվյալները հայտնում Է Dunya Al Watan նորությունների պորտալը՝ վկայակոչելով ափամերձ միջատարածքի առողջապահության նախարարությունը: Ավելի վաղ գերատեսչությունը հայտնել Էր, որ հարվածների ժամանակ վիրավորվել Է 107 պաղեստինցի: Նշվել Է, որ դրանց թվում կան ծանր վիրավորներ: Զոհվածների թվում, ինչպես նշում Է առողջապահության նախարարությունը, կա ինը երեխա: Գազայի հատվածի ռմբակոծումը չի դադարել անցած ամբողջ գիշեր: Որոշ ժամանակ առաջ, ինչպես հայտնել են պաղեստինյան զանգվածային լրատվամիջոցները, իսրայելական կատերները գնդակոծման են ենթարկել միջատարածքի ափամերձ գոտին: Դրա հետ միաժամանակ հարվածներ Է հասցրել նաեւ մարտական օդուժը: Պաղեստինցի արմատականները պատասխանում են տասնյակ հրթիռների արձակմամբ հրեական պետության տարածք: Ինչպես ավելի վաղ հայտնել Է Իսրայելի Պաշտպանության բանակի պաշտոնական ներկայացուցիչ Ջոնաթան Կոնրիկուսը, Գազայի հատվածից գիշերը Իսրայելի ուղղությամբ արձակվել Է ավելի քան 200 հրթիռ, իսրայելացի զինվորականներն ի պատասխան խոցել են 140 ռազմական թիրախ՝ ոչնչացնելով Գազան վերահսկող ՀԱՄԱՍ խմբավորման, ինչպես նաեւ «Իսլամական ջիհադի» շուրջ 15 անդամների, հաղորդել Է ՏԱՍՍ-ը:

14:35 - 11 մայիսի, 2021