Հունաստան

Հունաստանը կոչ է արել Թուրքիային վերանայել Լոզանի պայմանագիրը |ermenihaber.am|

ermenihaber.am: Թուրքական լրատվամիջոցներում տեղ գտած պնդումների համաձայն՝ Հունաստանը կոչով դիմել է Թուրքիային 2023 թվականի հուլիսի 24-ին ընդառաջ Լոզանի պայմանագիրը վերանայելու կոչով։ Ներկայիս Թուրքիայի Հանրապետության սահմանները մեծամասամբ որոշվել են հենց Լոզանի պայմանագրով, որը ստորագրվել է 1923 թվականի հուլիսի 24-ին և որի 100-ամյակը լրանալու է 2023 թվականի հուլիսի 24-ին։ Չնայած Սևրից հետո Լոզանը համարվում է թուրքական դիվանագիտության հաղթանակը, սակայն Թուրքիայի ներկայիս իշխանությունների հավակնությունների տեսանկյունից Լոզանի պայմանագրով Թուրքիան մի շարք «տարածքային կորուստներ է» ունեցել։ Թուրքիայի Հանրապետության հիմնադիր նախագահ Մուստաֆա Քեմալ Աթաթուրքի առաջ քաշած «Ազգային ուխտի» համաձայն բազմաթիվ տարածքներ, այդ թվում՝ Կիպրոսը և Էգեյան ծովում գտնվող մի շարք կղզիներ պետք է ներառվեին Թուրքիայի սահմանների մեջ։ Սակայն Լոզանի պայմանագրով այդ տարածքների նկատմամբ Թուրքիայի նկրտումները չարդարացան։ «Ազգային ուխտի» նախանշած սահմանները իրականություն դարձնելը Թուրքիայի ներկայիս իշխանությունների երբեմն քողարկված կերպով իրականացվող քաղաքականության մաս է կազմում։ Հունաստանը մշտապես քննադատում է Թուրքիայի վարած այս քաղաքականությունը և մեղադրում իր ինքնիշխանության նկատմամբ ոտնձգություններ կատարելու մեջ։ Այս համատեքստում թուրքական լրատվամիջոցները նշում են, որ Հունաստանը կոչ է անում Թուրքիային վերանայել այն պայմանները, որոնք ամրագրված են եղել Լոզանի պայմանագրում։

17:32 - 04 օգոստոսի, 2020

Պատրաստ ենք երկխոսել Թուրքիայի հետ, եթե չլինի սպառնալիք ու ճնշում․ Հունաստանի ԱԳ նախարար |ermenihaber.am|

ermenihaber.am: Հունաստանը պատրաստ է Թուրքիայի հետ երկխոսության, եթե չլինի ճնշում և սպառնալիք։ Այս մասին հայտարարել է Հունաստանի արտգործնախարար Նիկոս Դենդիասն Իսպանիայի Թագավորության արտաքին գործերի, Եվրոպական Միության և համագործակցության նախարար Արանչա Գոնսալես Լայայի հետ Աթենքում անցկացրած համատեղ մամուլի ասուլիսի ժամանակ։ Դենդիասը նշել է, որ Թուրքիայի հետ ունեցած իրենց միակ խնդիրը մայրցամաքային շելֆի (ծանծաղուտ) և ծովային իրավասությունների սահմանների հարցն է։ Լայան էլ նշել է, որ Աթենք ժամանելուց առաջ Անկարայում թուրք պաշտոնակից Մևլութ Չավուշօղլուի հետ անցկացրած հանդիպումից տպավորություն է ստացել որ Թուրքիան ցանկանում է երկխոսել Հունաստանի հետ։ Նախօրեին էլ Թուրքիայի նախագահականի խոսնակը Իբրահիմ Քալընը հայտարարել էր, որ իրենք նախագահ Էրդողանի հրահանգների շրջանակներում պատրաստ են առանց նախապայմանների Հունաստանի հետ երկխոսել Էգեյան ծովի մայրցամաքային շելֆի, կղզիների, օդային սահմանի, Թուրքիայի կողմից արևելյան Միջերկրական ծովում անցկացվող չհամաձայնեցված նավթի ու գազի որոնողական աշխատանքների ու Միջերկրականում եղած խնդիրների մասին։ Վերջինս ավելացրել էր նաև, որ Թուրքիայի կողմից այդ շրջանում (Միջերկրականի արևելքում-խմբ․) իրականացվող գործողությունները կարող են որոշ ժամանակով դադարեցվել։ Նշենք, որ վերջին օրերին հույն-թուրքական հարաբերությունները առավել լարվել են հունական կղզիների տարածքային ջրերի մոտ Թուրքիայի կողմից նավթագազային պաշարների որոնողական աշխատանքներ իրականացնելու պատճառով։

11:29 - 29 հուլիսի, 2020

Պուտինն ու Միցոտակիսը շեշտել են, որ Սբ․ Սոֆիայի տաճարը պետք է պահպանի իր համամարդկային բնույթը |ermenihaber.am|

ermenihaber.am: style="font-weight: 400;">Նախօրեին Ռուսաստանի նախագահ Վլադիմր Պուտին ու Հունաստանի վարչապետ Կիրիակոս Միցոտակիսը հեռախոսազրույց են ունեցել, որի ժամանակ անդրադարձել են նաև Սբ․ Սոֆիայի (Այա Սոֆիա) տաճարի կարգավիճակի փոփոխությանը։ Ռուսաստանի ու Հունաստանի առաջնորդներն, անդրադառնալով Ստամբուլում գտնվող բյուզանդական Սբ․ Սոֆիայի տաճարը մզկիթ դարձնելու թուրքական կառավարության որոշումը, նշել են որ տաճարը ողջ մարդկության ձեռքբերումն է և պետք է շարունակի մնալ այդպիսինը։ Առաջնորդները հիշատակել են, որ ՅՈՒՆԵՍԿՈ-ի համաշխարհային մշակութային ժառանգության ցուցակում գտնվող «այդ ոչ սովորական մշակութային, պատմական հոգևոր կարևորությունը։ Պուտինն ու Միցոտակիսը շեշտել են, որ Սբ․ Սոֆիան պետք է շարունակի մնալ խաղաղության և ըմբռնման խորհրդանիշ։ Աղբյուրը հիշեցրել է նաև, որ Սբ․ Սոֆիայի կարգավիճակը թանգարանից մզկիթի փոխելու որոշմումը դատապարտվել է Ռուսաստանի հոգևոր և քաղաքական գործիչների կողմից, սակայն կառավարության պաշտոնական դիրքորոշման մեջ նշվել է, որ դա Թուրքիայի ներքին գործն է։ Սբ․ Սոֆիայի տաճարը մզկիթի վերածելու որոշումից հետո այնտեղ առաջին նամազը (իսլամական աղոթք) Թուրքիայի նախագահ Ռեջեփ Թայիփ Էրդողանի մասնակցությամբ տեղի կունենա այսօր՝ հունիսի 24-ին։

12:02 - 24 հուլիսի, 2020

«Ֆրանսիան նման գործողություններ թույլ չի տա»․ Մակրոնը Թուրքիային դատապարտել է Հունաստանի և Կիպրոսի ծովային սահմանները խախտելու համար |tert.am|

tert.am: Ֆրանսիայի նախագահ Էմանուել Մակրոնն այսօր՝ հուլիսի 23-ին հայտարարել է, որ Միջերկրական ծովի արևելյան հատվածում սադրանքներին չարձագանքելը Եվրամիության կողմից լուրջ սխալ կլինի: Դրա հետ մեկտեղ Ֆրանսիայի նախագահը հայտնել է, որ ձգտելու է լրացուցիչ պատժամիջոցներ սահմանել նրանց նկատմամբ, ովքեր «խախտել են Հունաստանի և Կիպրոսի ծովային սահմանները», գրում է Reuters-ը։ Ֆրանսիայի նախագահը հիշյալ հայտարարությամբ է հանդես եկել այն բանից հետո, երբ հուլիսի 21-ին Թուրքիայի ռազմածովային ուժերը հաղորդագրություն էին տարածել Կիպրոսի և Կրետե կղզու միջև ծովային շրջանում հորատման աշխատանքների նախապատրաստման մասին, ինչը, ինչպես նշել են Աթենքում, Հունաստանի մայրցամաքային տարածք ներխուժելու՝ Անկարայի փորձն է: «Միջերկրական ծովի այդ հատվածում, որը կենսական նշանակություն ունի մեր երկու երկրների համար, էներգետիկայի և անվտանգության հարցերն առաջնային նշանակություն ունեն»,- Կիպրոսի նախագահ Նիկոս Անաստասիադիսի հետ հանդիպման ժամանակ լրագրողներին հայտարարել է Մակրոնը՝ նշելով, որ այդ հատվածում ազդեցության պայքար է ընթանում, մասնավորապես՝ Թուրքիայի և Ռուսաստանի հետ, որոնց զսպելու համար ԵՄ-ն լուրջ քայլեր չի ձեռնարկում։ «Միջերկրական ծովում մեր անվտանգությունը այլ անձանց ձեռքում թողնելը լուրջ սխալ կլինի: Դա Եվրոպայի համար տարբերակ չէ, և Ֆրանսիան դա թույլ չի տա»,- հավելել է նա։

20:39 - 23 հուլիսի, 2020

Հունաստանի և Կիպրոսի ծովային սահմանները ոտնահարողների դեմ պետք է պատժամիջոցներ կիրառել․ Մակրոն |azatutyun.am|

azatutyun.am: Ֆրանսիայի նախագահ Էմանյուել Մակրոնի համոզմամբ՝ Հունաստանի և Կիպրոսի ծովային սահմանների ոտնահարման ցանկացած դեպք պետք է արժանանա Եվրամիության կոշտ հակազդեցությանը։ Այս մասին Ֆրանսիայի նախագահը հայտարարել է այսօր՝ Կիպրոսի նախագահ Նիկոս Անաստասիադեսի հետ հանդիպման ընթացքում։ «Ես ցանկանում եմ մեկ անգամ ևս կրկնել, որ Ֆրանսիան Թուրքիայի կողմից Կիպրոսի և Հունաստանի ինքնիշխանության ոտնահարմանն ուղղված գործողությունների համատեքստում իր լիակատար աջակցությունն է հայտնում այդ պետություններին։ Անընդունելի է, երբ ԵՄ անդամ պետությունների ծովային սահմանների անձեռնմխելիությունը ոտնահարվում է կամ վտանգվում», - հայտարարել է Մակրոնը: «Նման գործողությունների հեղինակների դեմ հարկավոր է պատժամիջոցներ կիրառել։ Հունաստանն ու Կիպրոսը այս հարցում Ֆրանսիայի լիակատար աջակցությունն ունեն», - ասում էր Ֆրանսիայի նախագահը։

17:04 - 23 հուլիսի, 2020

ԵՄ գագաթնաժողովում չի քննարկվել Թուրքիայի հարցը, այն հնարավոր է քննարկվի սեպտեմբերին կայանալիք արտահերթ գագաթնաժողովում. Հունաստանի վարչապետ |tert.am|

tert.am: Եվրամիության գագաթնաժողովը չի քննարկել Թուրքիայի հարցը, այն հնարավոր է քննարկվի սեպտեմբերին` ԵՄ անդամ երկրների ղեկավարների և կառավարությունների ղեկավարների արտահերթ գագաթնաժողովում: Այս մասին ԵՄ գագաթնաժողովի ավարտից հետո տեղի ունեցած ճեպազրույցի ժամանակ հայտարարել է Հունաստանի վարչապետ Կիրիակոս Միցոտակիսը, գրում է «ՌԻԱ Նովոստի» գործակալությունը: Լրագրողները հետաքրքրվել են՝ արդյոք Հունաստանը «դաշնակիցներ» ունի Թուրքիայի դեմ «կոշտ պատժամիջոցների» հարցում: «Ես այսօր շատ չեմ խոսի արտաքին քաղաքականությունից: Թուրքիայի թեման քննարկվել է գագաթնաժողովի սկզբում: Եղել են իմ և Կիպրոսի նախագահի ելույթները: Կարծում եմ՝ կլինի Եվրախորհրդի նախագահի ելույթն այդ թեմայով, կա համաձայնություն, որ հաջորդ գագաթնաժողովին, որը տեղի կունենա սեպտեմբերին, այսինքն՝ արտահերթ կլինի, մենք քննարկում կանցկացնենք այն մասին, թե ինչպես պետք է Եվրոպան վերաբերվի Թուրքիայի խնդրին»,-ասել է Միցոտակիսը: «Թուրքիան խնդիր է հանդիսանում ամբողջ Եվրոպայի, ոչ միայն Հունաստանի և Կիպրոսի համար»,-հավելել է վարչապետը:

11:41 - 21 հուլիսի, 2020

Դավիթ Տոնոյանն ընդունել է Հայաստանում Հունաստանի գործերի ժամանակավոր հավատարմատարին

ՀՀ պաշտպանության նախարար Դավիթ Տոնոյանը հուլիսի 20-ին ընդունել է ՀՀ-ում Հունաստանի Հանրապետության գործերի ժամանակավոր հավատարմատար Դիմիտրոս Ֆելոպուլոսին և դեսպանության ռազմական կցորդ, գնդապետ Դիմոսթենիս Սիմայակիսին: Այս մասին հայտնեցին ՀՀ պաշտպանության նախարարության տեղեկատվությա և հասարակայնության հետ կապերի վարչությունից։ Հանդիպման ընթացքում քննարկվել են պաշտպանության բնագավառում հայ-հունական երկկողմ համագործակցության ներկա վիճակն ու ձեռքբերումները, համագործակցության զարգացման հետագա ընթացքը: Հունական կողմը հաստատել է ռազմական կրթության և հունարեն լեզվի ուսուցման ծրագրերի շարունակությունը: ՀՀ պաշտպանության նախարար Դավիթ Տոնոյանը կարևորել է ռազմաքաղաքական խորհրդակցությունների անցկացումը և հույս հայտնել, որ առաջիկայում կիրականացվեն արդեն պլանավորված միջոցառումները: Հայաստանում առաքելության ավարտի կապակցությամբ պաշտպանական գերատեսչության ղեկավարը շնորհակալություն է հայտնել ռազմական կցորդ, գնդապետ Դիմոսթենիս Սիմայակիսին պաշտոնավարման ընթացքում հայ-հունական պաշտպանական համագործակցության զարգացման գործում ներդրած զգալի ավանդի համար և պարգևատրել կցորդին «Ռազմական համագործակցության համար» մեդալով: Հանդիպման ընթացքում քննարկվել են նաև տարածաշրջանային անվտանգությանն առնչվող հարցեր: ՀՀ պաշտպանության նախարարը ներկայացրել է հայ-ադրբեջանական սահմանին տիրող իրավիճակը և դրա շուրջ տեղի ունեցող տարածաշրջանային ապակայունացնող զարգացումները:

17:22 - 20 հուլիսի, 2020

Որպես պետություն, որը ղեկավարվում է օրենքի գերակայությամբ, Հունաստանը սատարում է ԼՂ խնդրի երկարաժամկետ խաղաղ կարգավորմանը․ Հույն պատգամավոր

ՀՀ ԱԺ Իմ քայլը խմբակցության պատգամավոր Մխիթար Հայրապետյանը ֆեյսբուքյան իր էջում գրում է․ «Իմ հույն գործընկեր՝ Հունաստան-Հայաստան բարեկամական խմբի նախագահ, «Նոր ժողովրդավարություն» կուսակցության պատգամավոր Դիմիտրիս Մարկոպուլոսի հայտարարությունը.«Խաղաղությունն ու առաջընթացը կարող են հանդիսանալ միայն նպատակ և ձգտում ոչ միայն Հունաստանի, այլ նաև եղբայր երկիր Հայաստանի համար:Մեզ խորապես անհանգստացնում է սահմանում լարվածության բռնկումը ողջ տարածաշրջանի համար այս ճգնաժամային պահին:Այս համատեքստում մենք մեր մտահոգությունն ենք հայտնում հայ-ադրբեջանական սահմանին տեղի ունեցած վերջին ռազմական գործողությունների կապակցությամբ, որոնք հանգեցրել են մարդկային զոհերի և իրավիճակի ցանկացած սրացումից խուսափելու համար զինադադարի կոչ ենք անում:Որպես պետություն, որը ղեկավարվում է օրենքի գերակայությամբ, Հունաստանը սատարում է Լեռնային Ղարաբաղի խնդրի երկարաժամկետ խաղաղ կարգավորմանը»»։

15:01 - 16 հուլիսի, 2020

Դատապարտում ենք Թուրքիայի ապակայունացնող գործողությունները․ Հունաստանի խորհրդարանի արտաքին հարաբերությունների և պաշտպանության հանձնաժողովի նախագահ

ՀՀ ԱԺ «Իմ քայլը» խմբակցության պատգամավոր Մխիթար Հայրապետյանը ֆեյսբուքյան իր էջում գրում է․ Հունաստանի խորհրդարանի արտաքին հարաբերությունների և պաշտպանության հանձնաժողովի նախագահ, «Նոր ժողովրդավարության» պատգամավոր Կոնստանտինոս Պ. Գյուլեքասի հայտարարությունը. «Ինչպես Հունաստանը և Կիպրոսը շարունակաբար դիմադրում են թուրքական ագրեսիվ սադրանքներին, այնպես էլ այլ երկրներ, ինչպիսին է Հայաստանը, նմանատիպ ճնշման է ենթարկվում Անկարայի կողմից, որը բերում է կովկասյան տարածաշրջանում ագրեսիվ գործողությունների, նրանց սահմանների վրա հարձակումների, հրադադարի ռեժիմի խախտումների և մարդու իրավունքների ոտնահարման: Եվ, փաստորեն, սրանք այն երկրներ են, որոնք անցյալում առերեսվել են թուրքական քաղաքականության կողմից իրականացված ողբերգական գործողությունների հետ, ինչպես որ հայերը, որոնք Թուրքիայի այն ժամանակվա վարչակազմի կողմից ենթարկվեցին ցեղասպանության և դրան նույն ոճրագործների կողմից հաջորդեց Պոնտոսի և Փոքր Ասիայի հույների ցեղասպանությունները:Մենք դատապարտում ենք Թուրքիայի այս ապակայունացնող գործողությունները, որոնք դեմ են ամբողջ քաղաքակիրթ մարդկությանը, որն աշխատում է բոլոր տարածաշրջաններում խաղաղության և անվտանգության համար, և ոչ թե լարվածություն հրահրելու և ռազմական գործողությունները շարունակելու»:

18:04 - 15 հուլիսի, 2020

Հայաստանը հարգում է հույն նահատակաների հիշատակը. Մայիսի 19-ը Պոնտոսի հույների ցեղասպանության օրն է |armenpress.am|

armenpress.am: Հայաստանը, եղբայրական հույն ժողովրդի հետ ի համերաշխություն, հարգում է Օսմանյան Թուրքիայի կողմից սպանված հույն նահատակների և անմեղ զոհերի հիշատակը: Այս մասին հայտնում է ՀՀ արտաքին գործերի նախարարարությունը «Թվիթեր»-ի էջում՝ Պոնտոսի հույսների ցեղասպանության հիշատակի օրվա առիթով: Մայիսի 19-ը Պոնտոսի հույների ցեղասպանության հիշատակի օրն է (1916-1923)՝որպես Հունաստանի պատմության մռյալ պահերից մեկը: «Greek City Times»-ի հաղորդմամբ՝ հիմնականում քահանաների կողմից պահված գրառումները ցույց են տալիս, որ առնվազն 350 հազար պոնտացի հույն ոչնչացվել է թուրքական զորքերի և քրդական զինված ուժերի կողմից: Այլ աղբյուրներ, ներառյալ օտարերկրյա միսիոներները, նշում են 500 հազար մարդու մահվան մասին:

22:33 - 19 մայիսի, 2020

Հունաստանում դիմակ կրելը կլինի պարտադիր |armenpress.am|

armenpress.am: Հունաստանում հանրային տրանսպորտում և փակ տարածքներում գտնվելիս բժշկական դիմակ կրելը կլինի պարտադիր, քանի որ մայիսի 4-ից մի շարք սահմանափակումներ վերացվելու են: Դիմակ չկրելու պատճառով տուգանքը կազմելու է 150 եվրո: Ինչպես փոխանցում է «Ռիա-նովոստի»-ն, այդ մասին տեղեկացրել է Հունաստանի քաղաքացիական պաշտպանության նախարարի տեղակալ Նիկոս Խարդալիասը: Ապրիլի 28-ին վարչապետ Կիրիակոս Միցոտակիսը հեռուստաուղերձում նշել է սահմանափակումներն աստիճանաբար հանելու մասին, որոնք ընդունվել էին կորոնավիրուսի պանդեմիայի պատճառով: Մայիսի 4-ից վերականգնվելու է հանրային տրանսպորտի աշխատանքը: Նույն օը կբացվեն տարբեր առևտրային խանութները, բացի խոշոր մոլերից, ինչպես նաև գեղեցկության սրահներն ու վարսավիրանոցները:

09:19 - 30 ապրիլի, 2020

Հունաստանում ՀՀ դեսպանությունը հորդորում է Հունաստանում բնակվող բոլոր ՀՀ քաղաքացիներին կապ հաստատել դեսպանության հետ

Հունաստանում ՀՀ դեսպանությունը հայտարարություն է տարածել, որում ասվում է․ «Հարգելի հայրենակիցներ,Հաշվի առնելով կորոնովիրուսի տարածմամբ առաջացած ճգնաժամային իրավիճակը՝ Հունաստանում ՀՀ դեսպանությունը հորդորում է Հունաստանում բնակվող բոլոր ՀՀ քաղաքացիներին կապ հաստատել դեսպանության հետ և տեղեկություն տրամադրել իրենց վերաբերյալ՝ ուղարկելով տվյալները (անուն, ազգանուն, բնակության վայր /նահանգ, քաղաք, հասցե/, հեռախոսահամար) հետևյալ էլեկտրոնային հասցով՝ [email protected]:Տեղեկացնում ենք նաև, որ նման տեղեկատվության տրամադրումը որևէ պարտավորություն չի առաջացնում։Դեսպանության հետ կապ կարելի է հաստատել հետևյալ հեռախոսահամարով՝ +30 2106831130 ներքին համարը՝ 207 (09։00-16։00)»:

15:40 - 10 մարտի, 2020

Հունաստանում հայերը կազմակերպում են «Սահմանադրական խորհրդանշական հանրաքվե» |lragir.am|

lragir.am: Ընդառաջելով ՀՀ Ազգային ժողովի որոշումին, նախագահ Արմեն Սարգսյանի հրամանագրին և վարչապետ Նիկոլ Փաշինյանի Սփյուռքահայությանն ուղղված կոչին, զորակցելու ապրիլի 5-ին Հայաստանում կայանալիք մեր ժողովրդի Սահմանադրության փոփոխությունների հանրաքվեի կամարտահայտությանը, և ընդառաջելով Հունաստանում բնակվող մեր բազմաթիվ հայրենակիցների առաջարկություններին, առ այն, որ մեծ թվով հայրենակիցներ հակառակ երկիր մեկնելու իրենց ցանկությանը, հասկանալի պատճառներով հնարավորություն չեն ունենալու մասնակցել կազմակերպվող հանրաքվեին, Հունաստանում կազմակերպվելու է Սահմանադրական փոփոխությունների ԽՈՐՀՐԴԱՆՇԱԿԱՆ ՀԱՆՐԱՔՎԵ, շարունակելով աջակցել հայրենի ժողովրդի պայքարին, հանուն Հայաստանի օրինական պետականության, ինքիշխանության, պետական ինստիտուտների առողջացման և ապակոռուպացման, ինչու ոչ նաև Հայաստան- Սփյուռք կապերի ամրապնդման։ Վստահ ենք, որ Հունաստանում բնակվող հայերը, ինչպես 2018 թ.-ի ապրիլի 21-ի օրհասական օրը, որ համախմբվելով Աթենքի կենտրոնական «Սինդաղմա» հրապարակում, իրենց զորակցությունը հայտնեցին Երևանի փողոցներում հանուն արժանապատվության ընթացող իրենց քույրերի և եղբայրների ՀԱՄԱԺՈՂՈՎՐԴԱՅԻՆ ՇԱՐԺՄԱՆԸ, այս առիթով ևս լսելի կդարձնեն իրենց միահամուռ ձայնը։ Այս նպատակով, Հունահայ համայնքի մի շարք հարգելի դեմքերի մասնակցությամբ կազմակերպվելու է վերկուսակցական ընտրական անկախ հանձնաժողով, որը վայելելու է համայնքի կառույցների մեծամասնության և ժողովրդի հարգանքն ու համակրանքը։ Հայտարարվելու են համացանցային և այլ կապի միջոցներ, ապահովելու համար հանրաքվեի քննարկումների և կազմակերպչական աշխատանքներին մասնակցելու մեր հայրենակիցների հնարավորությունը։ Խորհրդանշական հանրաքվեին, առանց խտրականության առիթ են ունենալու մասնակցել համայնքի բոլոր հայերը՝ անկախ նրանց գաղափարական պատկանելությունից և ՀՀ քաղաքացի լինել-չլինելուց։ Հունաստանում բնակվող մեր բոլոր հայրենակիցներին հրավիրում ենք, իրենց մասնակցությունը բերել Հայրենիքի անկախ պետականությանը զորակցող այս քայլին։ Խորհրդակցություններից հետո հայտարարվելու է քվեարկության ընթացակարգի մանրամասնությունները։ Ձեր առաջարկություններով, զորակցե՛ք ի սեր Հայաստանի ընթացող այս նախաձեռնությանը։ Հունաստանում «Սահմանադրական խորհրդանշական հանրաքվե» նախապատրաստող ժամանակավոր հանձնախումբ Աթենք, 9 մարտի 2020 թ․«Հայաստան» Լրատվական ցանց

11:12 - 09 մարտի, 2020

«Թուրքիայից փախստականների հոսքը դեպի Հունաստան էապես կավելանա» |azatutyun.am|

azatutyun.am: Թուրքիան հայտարարել է, թե Հունաստան և Եվրամիության այլ երկրներ տեղափոխվելու մտադրություն ունեցող փախստականների թիվն էապես կավելանա այն դեպքում, եթե Սիրիայում ճգնաժամը շարունակվի: «Սա ընդամենը սկիզբն է, դեռ կտեսնեք, թե ինչ կլինի, այն, ինչ այսօր եք տեսնում, աննշան կթվա առաջիկայում կայանալիքի համեմատությամբ»,- ասել է Թուրքիայի ներքին գործերի նախարար Սուլեյման Սոյլուն: Նրա փոխանցմամբ` ավելի քան 143 հազար փախստական է անցել Հունաստան: Միգրացիայի հարցով փորձագետներն ասում են, որ թուրք նախարարը չափազանցված տվյալներ է ներկայացրել: «Հունաստանի վարչապետ Կիրիակոս Միցոտակիսը չունի սահմանը պահելու հնարավորություն»,- ասել է Սոյլուն: Նա պնդել է, թե փախստականների հոսքը դեպի Հունաստան կավելանա, քանի որ առաջիկայում կհաստատվի ավելի ջերմ եղանակ, իսկ դրան զուգահեռ Թուրքիան ստիպված կլինի ավելի մեծ ուժեր հեռացնել այդ սահմանից և տեղակայել Սիրիայի հետ սահմանին:

16:59 - 08 մարտի, 2020

Թուրքիան հատուկ ջոկատայիններ է տեղակայել Հունաստանի հետ սահմանին |ermenihaber.am|

ermenihaber.am: Թուրքիան 1000 հատուկ ջոկատային է տեղակայել Հունաստանի հետ սահմանին՝ Մերիչ գետի հատվածում, որպեսզի կանխվի այդ երկրից փախստականների վերադարձը։ Այս մասին հայտարարել է Թուրքիայի ներքին գործերի նախարար Սուլեյման Սոյլուն։Նախարարը նշել է, որ Թուրքիան այլևս չի պատրաստվում որևէ արգելք ստեղծել դեպի Հունաստան և Եվրոպա շարժվող գաղթականների համար՝ ինչպես դա արել է նախորդող տարիների ընթացքում։Օրեր առաջ Իդլիբում 34 թուրք զինվորների մահվան լուրից հետո Թուրքիան հայտարարել էր, որ այլևս չի խոչընդոտի սիրիացի փախստականների շարժմանը դեպի Եվրոպա։ Դրանից հետո հազարավոր գաղթականներ շարժվել են դեպի Թուրքիայի և Հունաստանի միջև եղած Փազարքուլե սահմանային անցակետ։ Սակայն Հունաստանը հրաժարվում է ընդունել նրանց՝ ջանալով այդ փախստականներին հետ ուղարկել Թուրքիա։

19:17 - 05 մարտի, 2020

Մերկելն անընդունելի է համարել Էրդողանի կողմից փախստականներին օգտագործելը |ermenihaber.am|

ermenihaber.am: Գերմանիայի կանցլեր Անգելա Մերկելը քննադատել է Թուրքիայի իշխանություններին, երկրում ապաստանած սիրիացի փախստականներին դեպի Հունաստանի ու Բուլղարիայի սահման ուղղորդելով, Եվրամիության վրա ճնշում գործադրելու քաղաքականությունը: Ըստ կանցլերի՝ իրենք հասկանում են, որ Թուրքիան Եվրոպայից ակնկալում է ավելի շատ օգնություն, բայց դա փախստականների միջոցով ցույց տալն ուղղակի անընդունելի է: «Հասկանում եմ, որ Իդլիբի զարգացումների հետևանքով Թուրքիան մեծ դժվարության առաջ է կանգնել (դեպի Թուրքիա սիրիցի փախստականների հնարավոր նոր ալիքի հետ կապված-խմբ.): Սակայն ինձ համար անընդունելի է այն, որ նախագահ Էրդողանն ու իր կառավարությունը այդ թեմայով ունեցած իրենց դժգոհությունը մեր ու ԵՄ-ի հետ ունեցած երկխոսությունների ժամանակ չեն բարձրաձայնել, այլ նախընտրել են դրա փոխարեն փախստականներին ուղարկել: Ըստ իս՝ դա ճիշտ ճանապարհ չէ»,- ասել է Մերկելը: Մերկելը հայտարել է, որ թե՛ Էրդողանի, թե՛ Ֆրանսիայի նախագահ Էմանուել Մակրոնի հետ շարունակում է երկխոսությունը՝ հասկանալու համար, թե ինչպես կարելի է սիրիացի փախստականներին օգնություն ցույց տալու ու հրադադար հաստատել Սիրիայում:

15:05 - 03 մարտի, 2020