ԱՄՆ

Ամերիկայի Միացյալ Նահանգները դաշնային սահմանադրական հանրապետություն է Հյուսիսային Ամերիկայում, որը բաղկացած է որոշակի ինքնավարություն ունեցող 50 նահանգներից և դաշնային նշանակության Կոլումբիա մարզից։ Ամերիկայի Միացյալ Նահանգները հյուսիսում սահմանակցում է Կանադային, հարավում՝ Մեքսիկային, ծովային սահման ունի Ռուսաստանի հետ։

Մայրաքաղաքը՝ Վաշինգտոն, տարածքը 9,826,675 կմ² է։ 2019 թվականին դրությամբ բնակչությունը կազմում է 328 239 523 մարդ։ Գործող նախագահը Ջոզեֆ Բայդենն է։

Ամերիկայի Միացյալ Նահանգները ներկայումս անդամակցում է ՄԱԿ-ի Անվտանգության Խորհրդին, Հյուսիսատլանտյան դաշինքին, Առևտրի համաշխարհային կազմակերպությանը, Տնտեսական համագործակցության և զարգացման կազմակերպությանը և այլ միջազգային կազմակերպությունների։

Բլինկենը խոստովանել է, որ վերջին տարիներին ԱՄՆ-ի որոշ գործողություններ խաթարել են «կանոնների վրա հիմնված կարգը» |tert.am|

tert.am: Վերջին տարիներին ԱՄՆ-ի մի շարք գործողություններ խաթարել են «կանոնների վրա հիմնված կարգն» ու Վաշինգտոնի՝ կանոններին հավատարիմ լինելու հանդեպ այլոց հավատը: Այս մասին ՄԱԿ-ի Անվտանգության խորհրդի նիստում հայտարարել է ԱՄՆ պետքարտուղար Էնթոնի Բլինկենը, փոխանցում է ՏԱՍՍ-ը։ «Բոլորը պետք է պատասխանատվություն կրեն այն պարտավորությունների հանդեպ հավատարմության համար, որոնք մենք ստանձնել ենք կամովին։ Դա վերաբերում է նաև Միացյալ Նահանգներին։ Ես գիտեմ, որ վերջին տարիներին մեր որոշ գործողություններ խաթարել են կանոնների վրա հիմնված կարգը և ստիպել ուրիշներին կասկածել, որ մենք դեռ հավատարիմ ենք դրանց»,- հայտարարել է Բլինկենը։ Միևնույն ժամանակ նա նշել է, որ ԱՄՆ-ն Ջո Բայդենի օրոք վերադառնում է միջազգային հանրության հետ բազմակողմ աշխատանքին:

21:11 - 07 մայիսի, 2021

Պետդումայում մեկնաբանել են Փսակիի հնարավոր հրաժարականը |tert.am|

tert.am: Ռուսաստանի Դաշնության Պետդումայի միջազգային հարաբերությունների հանձնաժողովի անդամ Ելենա Պանինան ասել է, որ Սպիտակ տան մամուլի քարտուղարի պաշտոնից Ջեն Փսակիի հնարավոր հեռանալուց հետո ամերիկյան արտաքին քաղաքական հռետորաբանության բովանդակությունը դժվար թե փոխվի, հայտնում է «ՌԻԱ Նովոստի» լրատվական գոչծակալությունը։Պանինայի մեկնաբանման համաձայն՝ Փսակին ամերիկյան դիվանագիտության «անքակտելի մասն» է և Բայդենի նոր վարչակազմի օրոք Պետդեպարտամենտի «ֆիրմային ոճի» անձնավորումը:«Լավ կլինի, որ Փսակիի հեռանալով փոխվի ոչ միայն ամերիկյան արտաքին քաղաքական հռետորաբանության ձևը, այլև բովանդակությունը», - նշել է Պանինան և հավելել, որ այդ հարցում շատ քիչ հույս կա:

13:46 - 07 մայիսի, 2021

ԱՄՆ-ում Իրանի ակտիվների ապասառեցումը չեն համարում որպես միակողմանի ժեստ |armenpress.am|

armenpress.am: ԱՄՆ-ի Պետդեպարտամենտը մայիսի 6-ին իրականությանը չհամապատասխանող Է համարել այն հաղորդումները, թե Վաշինգտոնն Իրանի ակտիվների ապասառեցումը դիտում Է որպես «միակողմանի ժեստ Թեհրանի նկատմամբ»: «Հաղորդումները, թե մենք իրանական միջոցների ազատման հնարավորությունը դիտում ենք որպես միակողմանի ժաստ Թեհրանի նկատմամբ, չեն համապատասխանում իրականությանը, ինչը մենք պարզորոշ հասկանալ տվեցինք հրապարկումից առաջ: Ինչպես մենք ասել ենք, ԱՄՆ-ի յուրաքանչյուր Էական քայլ պետք Է լինի այն գործընթացի մասը, որում երկու կողմերը գործողություններ են ձեռնարկում»,- Twitter-ի իր Էջում գրել Է ԱՄՆ-ի Պետդեպարտամենտի մամուլի ծառայության ղեկավար Նեդ Փրայսը:

11:22 - 07 մայիսի, 2021

ԱՄՆ կոնգրեսականը հորդորել է Արցախին 50 մլն ԱՄՆ դոլարի աջակցություն ցուցաբերել |armenpress.am|

armenpress.am: ԱՄՆ կոնգրեսական, Ներկայացուցիչների պալատի արտաքին հարաբերությունների հանձնաժողովի անդամ Քրիս Սմիթը կոչ է արել 50 մլն ԱՄՆ դոլար տրամադրել Արցախի անվտանգային, բնակարանային, բուժօգնության, ենթակառուցվածքների և այլ կարիքների համար: Այս մասին հայտնում է Հայ դատի ԱՄՆ հանձնախումբը: Ներկայացուցիչների պալատի Հատկացումների ենթահանձնաժողովի ղեկավարներին ուղղված նամակում Սմիթը նշել է, որ 2020 թվականի սեպտեմբերին ադրբեջանական ուժերի կողմից սանձազերծված հարձակումների հետևանքով, որոնց լայնորեն աջակցում էր Թուրքիան, Լեռնային Ղարաբաղում հազարավոր մարդիկ մահացան և վիրավորվեցին, հազարավոր մարդիկ մնացին անօթևան, ոչնչացվեցին կենսական ենթակառուցվածքներ: Նա ընդգծել է, որ առնվազն 50 մլն ԱՄՆ դոլարի մարդասիրական օգնություն է անհրաժեշտ տրամադրել Արցախին սննդի անվտանգության, բնակարանների, բուժօգնության ապահովման և ենթակառուցվածքների վերականգնման նպատակով: Նա դատապարտել է Թուրքիայի կողմից սիրիացի վարձկանների Ադրբեջան տեղափոխելու և նրանց հայերի դեմ կռվում օգտագործելու փաստը՝ ընդգծելով, որ պետքարտուղարությունը համապատասխան գնահատական պետք է տա Արցախի դեմ թուրքական կողմի գործողություններին: Նա նաև հորդորել է վերականգնել «Ազատության աջակցության ակտի» 907-րդ ուղղումը, որը սահմանափակում է Ադրբեջանին տրամադրվող օգնությունը՝ նախատեսելով միայն մարդասիրական աջակցություն: Այն ենթադրում է, որ ԱՄՆ-ն Ադրբեջանի կառավարությանը չպետք է աջակցություն տրամադրի, քանի դեռ այդ երկիրը քայլեր չի ձեռնարկել Հայաստանի և Արցախի դեմ շրջափակումներն ու ուժի կիրառման տարբերակները վերացնելու ուղղությամբ:

10:58 - 07 մայիսի, 2021

ԱՄՆ-ն քննարկում է Իրանին պատկանող 1 միլիարդ դոլարի ապասառեցումը, սակայն Թեհրանն այդ գումարը կկարողանա օգտագործել միայն մեկ նպատակով. Պետդեպ |tert.am|

tert.am: ԱՄՆ-ն մտադիր է ապասառեցնել Իրանի՝ պատժամիջոցների տակ գտնվող ակտիվների մի մասը, որը, սակայն, իսլամական երկրի ղեկավարությունը կկարողանա օգտագործել միայն մի նպատակով:Այս մասին հայտարարել է Պետդեպարտամենտի խոսնակ Նեդ Փրայսը, գրում է CNN-ը:Ըստ այդմ, ԱՄՆ-ն, Իրանի հետ միջուկային գործարքը վերագործարկելու շուրջ բանակցությունների ֆոնին, քննարկում է 1 միլիարդ դոլարի ապասառեցումը, որն Իրանի իշխանությունները կարող են օգտագործել միայն մարդասիրական նպատակներով:«Հաղորդագրությունները, որոնց համաձայն՝ մենք իրանական ակտիվների ապասառեցումը դիտարկում ենք որպես Թեհրանի համար միակողմանի ժեստ, իրականությանը չեն համապատասխանում ... Ինչպես ավելի վաղ ասել ենք, ԱՄՆ ցանկացած իմաստալից քայլ պետք է լինի գործընթացի մաս, որում ներգրավված են երկու կողմերը», - գրել է Փրայսն իր թվիթերյան պաշտոնական միկրոբլոգում:

10:17 - 07 մայիսի, 2021

ԱՄՆ պետքարտուղարության խոսնակը հայտնել է, որ, հնարավոր է՝ լքի պաշտոնը |tert.am|

tert.am: ԱՄՆ պետքարտուղարության խոսնակ Ջեն Փսակին հայտնել է, որ, հնարավոր է, լքի պաշտոնը, հաղորդում է ТАСС-ը: CNN-ի եթերում դեմոկրատների քաղաքական խորհրդատու Դեյվիդ Աքսելրոդուին տված հարցազրույցում Փսակին ասել է, որ իրեն պատասխանատվությունն ու մարտահրավերներն իրեն դուր են գալիս, բայց Բայդենի վարչակազմի հետ քննարկել է առավելագույնը մեկ տարի պաշտոնավարելու հարցի շուրջ:

09:13 - 07 մայիսի, 2021

ԱՄՆ և ՌԴ հարաբերությունների ձևաչափի մասին որոշումը մնում է Պուտինին. Բլինքեն |armenpress.am|

armenpress.am: Մոսկվայի և Վաշինգտոնի ապագա հարաբերությունների ձևաչափի հետ կապված որոշումը մնում է ՌԴ նախագահ Վլադիմիր Պուտինին: Այդ մասին հայտարարել է ԱՄՆ պետքարտուղար Էնթոնի Բլինքենը՝ ուկրաինական ICTV հեռուստաընկերությանը տված հարցազրույցում: «Մենք կնախընտրեինք առավել կայուն, կանխատեսելի հարաբերություններ Ռուսաստանի հետ: Փաստացի որոշումը մնում է նախագահ Պուտինին: Նա և Ռուսաստանը կարող են իրենց գործողություններով որոշել փորձել ունենալ առավել կանխատեսելի և կայուն հարաբերություններ ԱՄՆ-ի հետ»,- ասել է Բլինքենը:

21:34 - 06 մայիսի, 2021

ԱՄՆ-ն և Իրանը կարող են լիարժեք վերադառնալ միջուկային գործարքին Վիեննայի նոր ռաունդում |armenpress.am|

armenpress.am: ԱՄՆ-ն հնարավոր է համարում հաջորդ շաբաթ Վիեննայում պաշտոնական Վաշինգտոնի և Թեհրանի վերադարձն իրանական միջուկային ծրագրի իրականացման գործողությունների պլանին: Ինչպես փոխանցում է ՏԱՍՍ-ը, այդ մասին հատուկ հեռախոսային բրիֆինգում հայտարարել է ԱՄՆ Պետքարտուղարության բարձրաստիճան ներկայացուցիչը: «Հնարավոր է արդյոք, որ մենք կտեսնենք փոխադարձ վերադարձ առաջիկա շաբաթներին կամ վերադարձի վերաբերյալ հասկացվածություն: ժամանակը ցույց կտա, քանի որ դա քաղաքական որոշման հարց է, որը պահանջվում է Իրանի կողմից»,- ասել է նա:

21:04 - 06 մայիսի, 2021

ԱՄՆ պետքարտուղարը պատասխանել է Զելենսկիի` Բայդենին` Կիև այցելելու հրավերին |tert.am|

tert.am: Ուկրաինայի նախագահ Վլադիմիր Զելենսկին իր գրասենյակում բանակցություններ է վարել ԱՄՆ պետքարտուղար Էնթոնի Բլինկենի հետ, որից հետո կայացել է նրանց համատեղ ճեպազրույցը: Այս մասին գրում է EADaily լրատվականը: Ճեպազրույցից պարզ է դարձել, որ բացի Ուկրաինայում տիրող իրավիճակից, կողմերը քննարկել են նաև «Հյուսիսային հոսք-2» գազատարը, որի վերաբերյալ «միասնական դիրքորոշում» են հայտնել:Բացի այդ, Զելենսկին Սպիտակ տան ղեկավար Ջո Բայդենին հրավիրել է Ուկրաինա ՝ անկախության 30-ամյակի կապակցությամբ: Սակայն Բլինկենի հայտարարությունից պարզ է դարձել, որ ԱՄՆ նախագահը չի շտապում այցելել Կիև: Դրա պաշտոնական պատճառը հայտարարվել է կորոնավիրուսի համավարակը, ինչը «բարդացնում է ԱՄՆ նախագահի այցերի հետ կապված իրավիճակը»:

17:43 - 06 մայիսի, 2021

Բլինկենը հայտարարել է, որ ՌԴ-ն «օգտվում է Ուկրաինայում կոռուպցիայի հետ կապված իրավիճակից՝ սեփական շահերն առաջ մղելու համար» |tert.am|

tert.am: ԱՄՆ պետքարտուղար Էնթոնի Բլինկենը հայտարարել է, որ Ռուսաստանն «օգտվում է Ուկրաինայում կոռուպցիայի հետ կապված իրավիճակից՝ սեփական շահերն առաջ մղելու համար», փոխանցում է ria.ru-ն։ «Ուկրաինան մարտահրավերների է բախվում երկու ուղղություններով։ Արտաքին կողմից՝ Ռուսաստան, ներսից՝ կոռուպցիա, օլիգարխներ և այլ անձինք, որոնք իրենց շահերը վեր են դասում Ուկրաինայի ժողովրդի շահերից»,- ասել է Բլինկենը Ուկրաինայի նախագահ Վլադիմիր Զելենսկիի հետ համատեղ մամուլի ասուլիսի ժամանակ։ «Ռուսաստանը նաև օգտագործում է այս ներքին խնդիրը, որպեսզի առաջ մղի իր շահերը, որոնք հակասում են ուկրաինացի ժողովրդի շահերին»,- հայտարարել է նա։

17:07 - 06 մայիսի, 2021

ԱՄՆ-ն ուսումնասիրում է Ուկրաինային ցուցաբերվող օգնությունն ավելացնելու հնարավորությունը |armenpress.am|

armenpress.am: Ամերիկայի Միացյալ Նահանգներն ուսումնասիրում Է անվտանգության ոլորտում Ուկրաինային ցուցաբերվող օգնությունն ավելացնելու հնարավորությունը: Այդ մասին մայիսի 6-ին հայտարարել Է ԱՄՆ-ի պետքարտուղար Էնթոնի Բլինքենը՝ ամփոփելով Ուկրաինայի նախագահ Վլադիմիր Զելենսկու հետ կայացած բանակցությունների արդյունքները։ «Մենք ակտիվորեն ուսումնասիրում ենք անվտանգության ոլորտում մեր համագործակցությունն Էլ ավելի ուժեղացնելու հնարավորությունը, ինչպես նաեւ (այդ ոլորտում) Ուկրաինային օգնության ցուցաբերումը»,-Բլինքենն ասել Է համատեղ մամուլի ասուլիսում: Մայիսի 6-ին անցկացվում Է Բլինքենի՝ Կիեւ կատարած երկօրյա այցի պաշտոնական մասը, որտեղ բանակցություններ են պլանավորված Ուկրաինայի նախագահ Վլադիմիր Զելենսկու, վարչապետ Դենիս Շմիգալի եւ ԱԳ նախարար Դմիտրի Կուլեբայի հետ: ԱՄՆ-ի պետքարտուղարը դարձել Է նախագահ Ջո Բայդենի վարչակազմի առաջին ներկայացուցիչը, որն այցելել Է Ուկրաինա, հաղորդել Է ՌԻԱ Նովոստին:

16:25 - 06 մայիսի, 2021

Սա նշանակալի հնարավորություն է՝ քննարկելու ռուսական ագրեսիան․ ԱՄՆ պետքարտուղարը ժամանել է Կիև

ԱՄՆ պետքարտուղար Էնթոնի Բլինքենը ժամանել է Կիև, որտեղ այսօր՝ մայիսի 6-ին, հանդիպումներ է ունենալու Ուկրաինայի նախագահ Վլադիմիր Զելենսկու, վարչապետ Դենիս Շմիգալի և արտաքին գործերի նախարար Դմիտրիյ Կուլեբայի հետ։ «Սա նշանակալի հնարավորություն է մեր ուկրաինացի գործընկերների հետ քննարկելու ռուսական շարունակվող ագրեսիան և իրականացվող բարեփոխումների արագության ու ուղղվածության պահպանման կարևորության հարցը», - գրել է Բլինքենը թվիթերյան իր էջում։

11:24 - 06 մայիսի, 2021

Ամերիկյան և վրացական նավերը վարժանքներ են անցկացրել Սև ծովում |shantnews.am|

shantnews.am: Ամերիկյան և վրացական նավերը վարժանքներ են անցկացրել Սև ծովում: Այդ մասին ասված է ԱՄՆ վեցերորդ նավատորմի Twitter- ի էջում: Ըստ հաղորդագրության, ամերիկյան «Hamilton» նավը ժամանել էր Բաթումի ՝ հանդիպելու Վրաստանի առափնյա պահպանության, Պաշտպանության նախարարության և Թբիլիսիում ԱՄՆ դեսպանության ներկայացուցիչների հետ: Այստեղ վերջին մի քանի օրվա ընթացքում Վրաստանն ու Միացյալ Նահանգները մի շարք համատեղ վարժանքներ են անցկացրել: Ավելի վաղ հաղորդվել էր, որ ռուսական «Պավել Դերժավին» նավը հետևել է ԱՄՆ առափնյա պահպանության «Hamilton» պարեկային նավի գործողություններին: ԱՄՆ-ն իր զինված ուժերի համար Սև ծովը համարում է «ռազմական գործողությունների առանցք»: Այս մասին հայտարարել է ամերիկացի բրիգադային գեներալ Քրիստոֆեր Նորին, փոխանցում է ՏԱՍՍ-ը: «Սև ծովն առանցքային է ռազմական գործողությունների համար: ՆԱՏՕ-ի արևելյան թևի, ինչպես նաև տարածաշրջանի ինքնիշխան պետությունների անվտանգությունը կախված է հավանական հակառակորդներին զսպելու մեր կարողությունից», – ասել է զինվորականը:

09:57 - 06 մայիսի, 2021

G7-ի երկրները կողմ են արտահայտվել ՌԴ-ի հետ հարաբերությունների կայունացմանը |shantnews.am|

shantnews.am: G7-ի երկրները հետաքրքրված են Ռուսաստանի հետ կայուն և կանխատեսելի հարաբերություններով։ Այս մասին ասվում է Լոնդոնում Մեծ յոթնյակի ԱԳ նախարարների հանդիպումից հետո տարածված կոմյունիկեում, փոխանցում է RIA Novosti-ն։ G7-ը մտադիր է հետագայում էլ համագործակցել Մոսկվայի հետ տարածաշրջանային ճգնաժամերի և գլոբալ մարտահրավերների կարգավորման հարցերում։ Խոսքը վերաբերում է կլիմայի փոփոխությանը, սպառազինությունների նկատմամբ վերահսկողությանը, զինաթափմանն ու չտարածմանը, խաղաղ տնտեսական զարգացմանը և Արկտիկայում շրջակա միջավայրի պաշտպանությանը։ «Այդուհանդերձ մենք կշարունակենք մեծացնել մեր հավաքական հնարավորությունները՝ ուղղված Ռուսաստանի վարքագծի զսպմանը, որը սպառնում է առկա միջազգային համակարգին, այդ թվում կիբերմիջավայրում և ապատեղեկատվության ոլորտում»,-ասված է նախարարների հայտարարության մեջ։ G7-ի անդամները կոչ են արել ռուսական իշխանություններին միջոցներ ձեռնարկել՝ ուղղված Ուկրաինայի հետ սահմանին և Ղրիմում տիրող իրադրության դեէսկալացիային։ Կոչ է արվել հեռացնել զորքերը։ Յոթնյակը նշում է, որ Մոսկվան իր ԶՈՒ գործողությունների հետ կապված սպառիչ պատասխան չի տվել։ Յոթնյակն աջակցություն է հայտնել նորմանդական գործընթացին և հիշեցրել, որ պատժամիջոցների շարունակականությունը կախված է Ռուսաստանի կողմից Մինսկի համաձայնագրերով սահմանված պարտավորությունների լիարժեք կատարումից։

09:24 - 06 մայիսի, 2021

Ուկրաինայի ԱԳ նախարարը հայտարարել է, որ Բլինկենի հետ քննարկելու է ԱՄՆ-ից սպառազինությունների գնման հարցը |tert.am|

tert.am: ԱՄՆ պետքարտուղար Էնթոնի Բլինկենի՝ Ուկրաինա կատարած այցի ընթացքում Կիևը կբարձրացնի ԱՄՆ-ից սպառազինությունների գնման հարցը։ Այս մասին CNN հեռուստաընկերությանը տված հարցազրույցում հայտարարել է Ուկրաինայի ԱԳ նախարար Դմիտրի Կուլեբան։ Նշվում է, որ Ուկրաինայի արտաքին քաղաքական գերատեսչության ղեկավարը մտադիր է իր ամերիկացի պաշտոնակցի հետ քննարկել Կիևի կողմից ՀՕՊ համակարգերի գնումը: «Ես կցանկանայի հստակեցնել, որ խոսքը ոչ միայն ԱՄՆ-ի կողմից դրանց մատակարարումների, այլև ԱՄՆ-ից այդ ռազմական սարքավորումների գնման մասին է։ Մենք ցանկանում ենք, որ գործընկերությունն աշխատի երկկողմ ռեժիմով։ Այն պետք է փոխշահավետ լինի»,- ասել է Կուլեբան։

09:16 - 06 մայիսի, 2021

Մոսկվան պետք է կատարի իր միջազգային պարտավորությունները. ԱՄՆ պետքարտուղարը կոչ է արել պատասխանատվության ենթարկել ՌԴ-ին |tert.am|

tert.am: ԱՄՆ պետքարտուղար Էնթոնի Բլինկենը կոչ է արել ճնշում գործադրել Ռուսաստանի վրա, որպեսզի երկիրը կատարի իր միջազգային պարտավորությունները: Այս մասին նա գրել է իր թվիթերյան պաշտոնական միկրոբլոգում:«Մենք պետք է համագործակցենք Ռուսաստանի վարքագծի վրա ուշադրություն հրավիրելու, իր գործողությունների համար Ռուսաստանին պատասխանատվության ենթարկելու և պնդելու համար, որ Մոսկվան կատարի իր միջազգային պարտավորությունները»,- գրել է Բլինկենը:Շարունակությունը՝ tert.am-ում։

12:15 - 05 մայիսի, 2021