Թուրքիա

Թուրքիան հետամուտ է լինելու նոյեմբերի 10-ի համաձայնագրի կետերի իրականացմանը․ Էրդողան |ermenihaber.am|

ermenihaber.am: Թուրքիայի նախագահ Ռեջեփ Թայիփ Էրդողանը, ելույթ ունենալով իշխող կուսակցության համագումարում, անդրադարձել է արցախյան թեմային՝ ասելով. «Նրանք, ովքեր ստանձնել էին լուծել այս ճգնաժամը Մինսկի եռյակի անվան տակ, 30 տարի շարունակ ոչինչ չարեցին՝ բացի հարցն ավելի բարդացնելուց»: Էրդողանը, այնուհետև, կրնկնելով նախկինում արտահայտած իր նույնաբովանդակ մտքերը, պնդել է, թե իր ադրբեջանցի եղբայրներն են միշտ ջանքեր գործադրել ճգնաժամը երկխոսության և համաձայնության միջոցով լուծելու համար: Թուրքիայի նախագահը Հայաստանին մեղադրել է ժամանակ առ ժամանակ «Ադրբեջանի վրա հարձակումները շարունակելու և երկխոսության ուղիներն արգելափակելու մեջ»: «Անցյալ տարվա վերջին ամիսներին, երբ Հայաստանի բանակը կրկին անցավ հարձակման, մենք՝ որպես Թուրքիա, մեր բոլոր հնարավորություններով կանգնեցինք մեր ադրբեջանցի եղբայրների կողքին: Թուրքիայի աջակցության և Ադրբեջանի պայքարի շնորհիվ, փառք Ալլահի, վերջ դրվեց այդ կեղտոտ բռնազավթմանը»,-ասել է նա: Էրդողանը հայտնել է, որ Թուրքիան հետամուտ է լինելու 2020 թվականի նոյեմբերի 10-ի համաձայնագրի կետերի իրականացմանը: Նրա խոսքով՝ այդ գործընթացն էլ ավելի է ամրապնդել Թուրքիայի և Ադրբեջանի եղբայրությունը:

20:27 - 24 մարտի, 2021

С-400-ների գնման հարցը փակված է. Չավուշօղլու |tert.am|

tert.am: Թուրքիան պատրաստ է մանրամասն բանակցությունների՝ Միացյալ Նահանգների հետ տարաձայնությունները լուծելու համար: Այս մասին հայտարարել է Թուրքիայի արտգործնախարար Մևլութ Չավուշօղլուն` մեկնաբանելով այսօր` մարտի 24-ին Բրյուսելում ԱՄՆ պետքարտուղար Էնթոնի Բլինքենի հետ կայացած բանակցությունների արդյունքները, գրում է «Անադոլու» գործակալությունը: Նրա խոսքերով ՝ ՆԱՏՕ-ի շտաբ-բնակարանում ամերիկացի գործընկերոջ հետ բանակցություններն անցկացվել են կառուցողական կերպով: Չավուշօղլուն ԱՄՆ պետքարտուղար Էնթոնի Բլինկենին ասել է, որ Անկարայի կողմից ռուսական С-400 հակաօդային պաշտպանության համակարգերի ձեռքբերման հարցը փակ է: «Մենք նորից հիշեցրել ենք նրան, թե ինչու է Թուրքիան Ռուսաստանից գնել С-400-ները: Համալիրները գնվել են, և այժմ հարցը փակված է», - ասել է Չավուշօղլուն թուրք լրագրողներին Բրյուսելում: 2019-ի հուլիսի կեսերին մեկնարկել են ռուսական նորագույն С-400 հակաօդային պաշտպանության համակարգերի մատակարարումները, որոնք «ճգնաժամի» պատճառ են դարձել ԱՄՆ-ի հետ Թուրքիայի հարաբերություններում: Վաշինգտոնը պահանջել էր հրաժարվել գործարքից և դրա դիմաց գնել ամերիկյան Patriot համակարգեր։

20:19 - 24 մարտի, 2021

Էրդողանը վերընտրվել է «Արդարություն ու զարգացում» կուսակցության ղեկավարի պաշտոնում

Թուրքիայի նախագահ Ռեջեփ Թայիփ Էրդողանը վերընտրվել է երկրի իշխող «Արդարություն ու զարգացում» կուսակցության ղեկավարի պաշտոնում։ Այս մասին հաղորդում է թուրքական TRT հեռուստաալիքը՝ վկայակոչելով Անկարայում անցկացված կուսակցության 7-րդ համընդհանուր նիստի քվեարկության արդյունքները։ Նրա թեկնածության օգտին միաձայն քվեարկել են բոլոր 1428 պատվիրակները։ Ընդ որում, Էրդողանը եղել է միակ թեկնածուն, որն առաջադրվել է այդ պաշտոնում։

19:58 - 24 մարտի, 2021

ԵՄ-ն պետք է դադարեցնի ժամանակ ձգելը և հստակ քայլեր ձեռնարկի հարաբերությունների դրական միտումը բարելավելու համար. Թուրքիայի ԱԳ նախարար |tert.am|

tert.am: Թուրքիայի արտաքին գործերի նախարար Մևլյութ Չավուշօղլուն կոչ է արել Եվրամիությանը դադարեցնել ժամանակ ձգելը և Թուրքիայի վերաբերյալ պայմանական արտահայտություններ անելը:Այս մասին գրում է Reuters լրատվական գործակալությունը, նշելով՝ թուրք պաշտոնյան, ԵՄ գագաթնաժողովից մեկ օր առաջ, որտեղ Միության անդամ երկրների ղեկավարները կքննարկեն հարաբերություններն Անկարայի հետ, դաշինքին հորդորել է նաև հստակ քայլեր ձեռնարկել հարաբերությունների դրական միտումը բարելավելու համար:Գործակալությունը, վկայակոչելով հայտարարության տեքստը, որը գագաթնաժողովում պետք է համաձայնեցնեն ԵՄ ղեկավարները, մանրամասնում է՝ ԵՄ-ն պատրաստ է խորացնել առևտրային կապերը Թուրքիայի հետ, բայց կպահպանի տնտեսական պատժամիջոցների սպառնալիքը, եթե Անկարան այնպիսի քայլեր ձեռնարկի, որոնք կհակասեն դաշինքի շահերին:

17:41 - 24 մարտի, 2021

Տեղեկությունը, թե ռուս-վրացական սահմանին թուրք վարորդը սպանել է հայ վարորդի, չի հաստատվել. ՀՀ ԱԳՆ խոսնակ |tert.am|

tert.am: Տեղեկատվությունը, թե վրաց-ռուսական սահմանին թուրք վարորդը սպանել է հայ վարորդի, չի հաստատվել։ Այս մասին տեղեկացրեց ՀՀ ԱԳՆ մամուլի խոսնակ Աննա Նաղդալյանը։ «Վրաստանում և Ռոստովում ՀՀ դիվանագիտական ներկայացուցչությունները կապ են հաստատել այդ երկրների պատկան մարմինների հետ ու այդ տեղեկատվությունը չի հաստատվել»,-ասաց Նաղդալյանը:

15:50 - 24 մարտի, 2021

Բրյուսելում ՆԱՏՕ-ի կենտրոնակայանում կայացել է Թուրքիայի ԱԳ նախարարի և ԱՄՆ պետքարտուղարի առաջին հանդիպումը |tert.am|

tert.am: Թուրքիայի արտաքին գործերի նախարար Մևլյութ Չավուշօղլուն չորեքշաբթի Բրյուսելում հանդիպել է ԱՄՆ պետքարտուղար Էնթոնի Բլինկենի հետ:Ինչպես տեղեկացնում է թուրքական «Անադոլու» գործակալությունը, ԱՄՆ վարչակազմի փոփոխությունից հետո առաջին անգամ հանդիպում է տեղի ունեցել երկու երկրների գլխավոր դիվանագետների միջև: Նրանց հանդիպումը կայացել է ՆԱՏՕ-ի կենտրոնակայանում:Չավուշօղլուն և Բլինկենը փետրվարի 15-ին հեռախոսազրույց էին անցկացրել, որի ընթացքում քննարկել են տարածաշրջանային գործընթացները։

13:54 - 24 մարտի, 2021

Էրդողանը մոտակա օրերին կարող է փոփոխության ենթարկել երկրի կառավարության կազմը

Թուրքիայի նախագահ Ռեջեփ Թայիփ Էրդողանը մոտակա օրերին կարող է փոփոխության ենթարկել գործադիրի կազմը։ Այս մասին հայտարարել է կառավարող «Արդարություն և զարգացում» կուսակցության ղեկավարի տեղակալ Մահիր Ունյալը։ Նրա խոսքով՝ նախագահը «պատրաստվում է փոփոխություններ կատարել իր թիմում, ինչը կտեսնեք մոտակա օրերին»։ Դա կլինի վարչակազմի առաջին մեծ փոփոխությունը 2018թ-ից հետո, երբ սահմանադրական փոփոխություններից հետո նոր ձևավորված գործադիր իշխանությայանը տրվեցին շատ լայն լիազորություններ։ Կառավարության սպասվող փոփոխությունները տեղի կունենան մի շարք կարևորագույն տնտեսական և արտաքին քաղաքական մարտահրավերնե Թարգմանությունը՝ Լիլիթ Հարությունյանի

12:56 - 24 մարտի, 2021

ԱՄՆ-ն ու ՆԱՏՕ–ն ունեն Թուրքային կառույցի կազմում պահելու խիստ շահագրգռվածություն․ Բլինքեն

Ներքին տարաձայնությունների փուլը հաղթահարելուց հետո ՆԱՏՕ-ն կարող է ավելի ուժեղ դառնալ։ Նա պետք է պահպանի Թուրքիայի տեղը տրանստալանտյան փոխհարաբերությունների համակարգի կենտրոնում, այդ մասին այսօր հայտարարել է ԱՄՆ պետքարտուղար Էնթոնի Բլինքենը։ Բլինքենն ասել է, որ չնայած Անկարայի հետ եղած արտաքուստ տարբերությունների՝ ԱՄՆ-ն ու ՆԱՏՕ–ն ունեն Թուրքային կառույցի կազմում պահելու խիստ շահագրգռվածություն։ «Թուրքիան մեր հին ու արժեքավոր դաշնակիցն է», - ասել է Բլինքենը ՆԱՏՕ-ի գրասենյակում միջոցառման ժամանակ՝ ավելացնելով, որ կառույցի կազմում մնալը բխում է նաև Անկարայի շահերից։

16:50 - 23 մարտի, 2021

Եվրոպայի խորհուրդն ափսոսանք է հայտնել Ստամբուլյան կոնվենցիայից Թուրքիայի դուրս գալու առնչությամբ |tert.am|

tert.am: Եվրոպայի խորհուրդն ափսոսանք է հայտնել կանանց հանդեպ բռնության դեմ պայքարին ուղղված Ստամբուլյան կոնվենցիայից Թուրքիայի դուրս գալու կապակցությամբ և կոչ է անում Անկարային վերանայել իր որոշումը:Ինչպես փոխանցում է «ՏԱՍՍ» գործակալությունը, համապատասխան հայտարարությունը տարածել են Գերմանիայի ԱԳ նախարար Հայկո Մաասը, որը ներկայում նախագահում է Եվոպայի խորհրդի նախարարների հանձնաժողովում, ինչպես նաև Եվրոպայի խորհրդի խորհրդարանական վեհաժողովի նախագահ Հենդրիկ Դամսը:«Թուրքիան առաջին երկիրն էր, որը 2012 թվականին վավերագրել էր կանանց նկատմամբ և ընտանեկան բռնության դեմ պայքարի և կանխարգելման մասին ԵԽ կոնվենցիան: Խորապես ցավում ենք Թուրքիայի նախագահ Ռեջեփ Թայիփ Էրդողանի՝ այդ կոնվենցիայից դուրս գալու որոշման համար, որը մեծ աջակցություն էր վայելում բնակչության կողմից, իսկ հարցը խորհրդարանական քվերակության չի ներկայացվել: Կոնվենցիայից դուրս գալը թուրք կանանց կզրկի կենսական նշանակության պայքարի հնարավորությունից»,- ասվում է հայտարարության մեջ:

22:12 - 21 մարտի, 2021

Թուրքական օդուժը Սիրիայում ռմբահարել է քրդերի դիրքերը |azatutyun.am|

azatutyun.am: Մարդու իրավունքների սիրիական դիտորդական կենտրոնի փոխանցմամբ, Թուրքական մարտական օդանավը նախօրեին Սիրիայում՝ Այն Իսայի շրջանի Սայդա գյուղի մերձակայքում, ռմբահարել են Սիրիայի դեմոկրատական ուժերի մաս կազմող քրդական աշխարհազորի դիրքերը: Դիտորդական կենտրոնը նշել է, որ դա առաջին օդային գրոհն էր 2019 թվականի հոկտեմբերին Սիրիայում թուրքերի նախաձեռնած «Խաղաղության գարուն» ռազմական գործողությունից հետո: Այդ գործողությունը դադարեցվել է այն բանից հետո, երբ թուրքերը համաձայնության են եկել նախ ամերիկացիների, ապա ռուսների հետ, ինչի արդյունքում Անկարան Սիրիայի տարածքում սահմանել է 120 կիլոմետր երկարությամբ և 32 կիլոմետր խորությամբ «անվտանգության գոտի», սակայն Այն Իսայի շրջանը մնացել է քրդական ուտժերի հսկողության տակ: Երեկվա օդային հարվածին նախորդել են հուժկու փոխհրաձգություն և հրթիռակոծություն Սիրիայի դեմոկրատական ուժերի ջոկատների և թուրքերի դաշնակից սիրիական ստորաբաժանումների միջև:

15:55 - 21 մարտի, 2021

Բորելը Թուրքիային կոչ է արել վերանայել Ստամբուլյան կոնվենցիայից դուրս գալու որոշումը |tert.am|

tert.am: ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը Թուրքիային կոչ է արել չեղարկել կանանց նկատմամբ բռնության կանխարգելման և պայքարի մասին Եվրոպայի խորհրդի Ստամբուլյան կոնվենցիայից դուրս գալու որոշումը, փոխանցում է ՏԱՍՍ-ը։«Ժամանակն է առաջնորդություն ցուցաբերել և ակտիվացնել կանանց ու աղջիկների նկատմամբ բռնության դեմ պայքարի գլոբալ ջանքերը, այլ ոչ թե նահանջել։ Ահա թե ինչու մենք չենք կարող խորը ափսոսանք չհայտնել Ստամբուլի անունը կրող կոնվենցիայից դուրս գալու թուրքական կառավարության որոշման վերաբերյալ»,- ասված է Բորելի հայտարարության մեջ:Նա նաև հույս է հայտնել, որ Թուրքիան շուտով կրկին կմիանա Եվրամիության` կանանց և աղջիկների իրավունքների պաշտպանության ջանքերին, որը «21-րդ դարում մարդու իրավունքների, խաղաղության, անվտանգության և հավասարության հիմնարար տարրն է»:Ավելի վաղ Resmi gazete պաշտոնաթերթում հրապարակվել էր Թուրքիայի նախագահ Ռեջեփ Թայիփ Էրդողանի ստորագրած որոշումը, որով Թուրքիան դուրս է գալիս Ստամբուլյան կոնվենցիայից:

10:50 - 21 մարտի, 2021

ԵԽ զեկուցողը հորդորել է Թուրքիային հարգել պատգամավորների խոսքի ազատությունը |armenpress.am|

armenpress.am: Եվրախորհրդարանի՝ Թուրքիայի հարցերով զեկուցող Նաչո Սանչես Ամորը հայտարարել է, որ քրդամետ Ժողովուրդների դեմոկրատական կուսակցության (ԺԴԿ) փակելը լուրջ հետևանքներ կունենա այդ երկրի համար: Այս մասին հայտնում է Demokrathaber.net-ը: Խորհրդարանականը նշել է, որ եթե Սահմանադրական դատարանի որոշմամբ ի վերջո քրդամետ կուսակցությունը փակվի, ապա դա կլինի «Թուրքիային Եվրամիությունից հեռացնող և ներկա ավտորիտար հակումներն էլ ավելի խորացնող մտահոգիչ քայլ»: «Միայն երեկ ԺԴԿ պատգամավոր և իրավապաշտպան Օմեր Ֆարուք Գերգերլիօղլուն սոցիալական մեդիայում արած հրապարակման պատճառով զրկվեց պատգամավորական մանդատից և անձեռնմխելիությունից: Ամեն պահի ակնկալվում է, որ նրան կբանտարկեն: Այս իրադարձության նույն օրը թուրքական իշխանությունները, իշխող կուսակցությունների ներկայացուցիչների կոչերից հետո, դատական գործընթաց սկսեցին ԺԴԿ գործունեությունն արգելափակելու քաղաքական նպատակով»,- նշել է Սանչես Ամորը: Նա կոչ է արել հարգել պատգամավորների խոսքի ազատությունը: «Ժողովրդավարական ճանապարհով ընտրված ընդդիմադիր կուսակցությունները պետք է կարողանան ազատորեն գործունեություն իրականացնել: Եթե թուրք պաշտոնյաներն իրականացնեն ԺԴԿ դեմ իրենց սպառնալիքները, Թուրքիայի և ԵՄ միջև առանց այն էլ լարված հարաբերություններում այդ ամենը լուրջ հետևանքներ կունենա»,- ասել է եվրապատգամավորը:

15:47 - 20 մարտի, 2021

ԱՄՆ սենատորները կոչ են արել Բայդենին ճանաչել Հայոց ցեղասպանությունը |armenpress.am|

armenpress.am: Միացյալ Նահանգների 37 սենատորներ միացել են ԱՄՆ Սենատի արտաքին հարաբերությունների հանձնաժողովի նախագահ Ռոբերտ Մենենդեսի նամակին՝ կոչ անելով նախագահ Ջո Բայդենին հետևել Կոնգրեսին և ամբողջությամբ ու պաշտոնապես ճանաչել Հայոց ցեղասպանությունը: Այս մասին հայտնում է Հայ դատի ԱՄՆ հանձնախումբը: Մենենդեսը նամակում Բայդենին հիշեցրել է, որ նախկինում, այդ թվում և 2020 թվականին նախընտրական քարոզարշավի շրջանակում նա ճանաչել է Հայոց ցեղասպանությունը: «Մենք հորդորում ենք՝ նույնն անել արդեն նախագահի պաշտոնում՝ հստակեցնելով, որ ԱՄՆ կառավարությունը ճանաչում է այս սարսափելի ճշմարտությունը»,- ասվում է նամակում: Սենատորը հիշեցրել է, որ 2019 թվականի դեկտեմբերին ԱՄՆ Սենատը, իսկ 2020 թվականի ապրիլին նաև Ներկայացուցիչների պալատն ընդունել էին համապատասխան բանաձևեր, որով 1915 թվականի կատարվածը ճանաչում էին որպես Հայոց ցեղասպանություն: Նա ընդգծել է, որ ժամանակն է՝ գործադիր մարմինը ևս ճանաչի պատմական իրողությունը: «Դուք ճշմարիտ կերպով հայտարարել եք, որ ամերիկյան դիվանագիտության և արտաքին քաղաքականության հիմքում պետք է լինեն մեր արժեքները, այդ թվում և հարգանքն ունիվերսալ իրավունքների նկատմամբ: Այդ արժեքները պահանջում են, որ մենք ճանաչենք ճշմարտությունն ու անենք հնարավոր ամենը՝ կանխելու ապագա ցեղասպանություններն ու մարդկության դեմ մյուս հանցագործությունները: Ինչպես նշել էիք նախորդ ապրիլին Հայոց ցեղասպանության հիշատակի օրն արված ձեր հայտարարության մեջ՝ «հատկապես կարևոր է խոսել այս մասին ու ոգեկոչել այս պատմությունը այնպիսի մի պահի, երբ մենք ամեն օր ավելի ենք գիտակցում ճշմարտության ուժը և մեր հավաքական պատասխանատվությունը՝ կանգնելու ընդդեմ ատելության, քանի որ լռությունը հանցակցություն է»: Երկու կուսակցությունների վարչակարգերը լուռ են եղել Հայոց ցեղասպանության ճշմարտության հարցում: Մենք կոչ ենք անում Ձեզ կոտրել հանցակցության այս օրինաչափությունը և պաշտոնապես ճանաչել, որ Հայոց ցեղասպանությունը ցեղասպանություն էր»,- ասվում է նամակի եզրափակիչ հատվածում:

13:27 - 20 մարտի, 2021

ԱՄՆ դեսպանի նախազգուշացումը Թուրքիային ռուսական S-400-ների երկրորդ խմբաքանակի գնման մասին |factor.am|

factor.am: Անկարայում ԱՄՆ դեսպան Դեյվիդ Սաթերֆիլդը նախազգուշացրել է Թուրքիային՝ չստանալ ռուսական S-400 զենիթահրթիռային համալիրների երկրորդ խմբաքանակը՝ սպառնալով, որ կլինեն «լուրջ հետևանքներ»։ Այս մասին գրում է ՌԻԱ Նովոստին: «Նոր S-400 համալիրների գնումը կհանգեցնի լուրջ հետևանքների: Մենք պետք է կարողանանք ասել, որ Թուրքիան չունի S-400-ներ իր մոտ»,- ասել է Սաթերֆիլդը թուրք լրագրողների հետ հանդիպման ժամանակ, հաղորդում է NTV հեռուստաալիքը:

22:25 - 19 մարտի, 2021

Մևլութ Չավուշօղլուն և Մոհամմադ Զարիֆն այսօր Ստամբուլում քննարկել են նաև Սիրիայի հարցը |azatutyun.am|

azatutyun.am: Ստամբուլում այսօր հանդիպում են ունեցել Թուրքիայի և Իրանի արտգործնախարարները։ Իրանական կողմի փոխանցմամբ, Մևլութ Չավուշօղլուն և Մոհամմադ Ջավադ Զարիֆը քննարկել են երկկողմ հարաբերություններին և միջազգային օրակարգին վերաբերող հարցեր, ինչպես նաև սիրիական հակամարտությունը, որում Անկարան ու Թեհրանն աջակցում են հակառակ ճամբարներում գտնվող կողմերին։ Այլ մանրամասներ չի հաղորդվում։ Անցած շաբաթ Ռուսաստանը, Թուրքիան և Կատարը հայտարարարել են Սիրիայի հակամարտության կարգավորման հարցով նոր բանակցային գործընթաց նախաձեռնելու մասին։ Երեք երկրները «մտադիր են նպաստել Սիրիայում քաղաքական գործընթացների առաջ մղմանը՝ ՄԱԿ-ի հետ փոխգործակցությամբ»։

16:44 - 19 մարտի, 2021

Հունաստանի ԱԳ նախարարն ընդունել է Չավուշօղլուի հրավերը՝ ապրիլի 14-ին հանդիպելու Անկարայում

Հունաստանի արտգործնախարար Նիկոս Դենդիասն ընդունել է Թուրքիայի արտաքին գերատեսչության ղեկավար Մևլութ Չավուշօղլուի հրավերը՝ ապրիլի 14-ին հանդիպելու Անկարայում։ Դենդիասը նշել է, որ համաձայնել է հանդիպել որոշակի պայմանների առկայության դեպքում, այն է՝ թուրքական կողմը զերծ կմնա սադրանքներից ու չի ուղարկի հետախուզական նավեր Միջերկրական ծովի արևելյան վիճարկվող հատվածը։ Չավուշօղլուն, իր հերթին, հայտարարել է, որ այս հանդիպումը դիտարկում է որպես նախնական, որի ընթացքում կքննարկվի Թուրքիայի նախագահ Ռեջեփ Թայիփ Էրդողանի ու Հունաստանի վարչապետ Կիրակոս Միցոտակիսի հանդիպումը՝ ավելացնելով, որ ինքը ևս մոտ ապագայում պատրաստվում է անձամբ այցելել Հունաստան։

11:30 - 19 մարտի, 2021