Ջեյհուն Բայրամով

2020 թվականի հուլիսից՝ Ադրբեջանի արտագին գործերի նախարար։

Ջեյհուն Բայրամովը ծնվել է 1973 թվականին Բաքվում: Ավարտել է Ադրբեջանի պետական տնտեսական ինստիտուտի տնտեսագիտության ֆակուլտետը: Հետագայում նա ավարտել է Ադրբեջանի համալսարանի իրավագիտության ֆակուլտետը:

1996-2000 թվականներին աշխատել է Ադրբեջանի ֆինանսների նախարարությունում՝ տարբեր պաշտոններում։ 2018-2020 թվականներին եղել է Ադրբեջանի կրթության նախարարը։

ԱԳՆ-ից հաստատում են՝ Հայաստանի ու Ադրբեջանի ԱԳ նախարարները կհանդիպեն Ալմաթիում |1lurer.am|

1lurer.am: Հայաստանի արտաքին գործերի նախարար Արարատ Միրզոյանն ու Ադրբեջանի արտաքին գործերի նախարար Ջեյհուն Բայրամովը կհանդիպեն Ալմաթիում։ «Լուրերի» հետ զրույցում այս մասին հայտնել է ՀՀ ԱԳՆ մամուլի քարտուղար Անի Բադալյանը։ «Ինչպես հայտնել էինք, կա Հայաստանի և Ադրբեջանի նախարարների հանդիպման պայմանավորվածություն՝ ղազախական կողմի առաջարկով. հստակեցված է, որ այն կանցնի Ալմաթիում»,- նշել է Բադալյանը։ Հիշեցնենք, որ կայանալիք հանդիպման մասին ԱՄՆ-ն պետքարտուղար Էնթոնի Բլինքենի հետ զրույցում հայտնել էր Ադրբեջանի նախագահ Իհամ Ալիեւը։

Այսօր 12:05

Բրյուսելյան եռակողմ հանդիպման նման նախաձեռնությունները «կարող են նպաստել նոր սադրանքների Հայաստանից». Բայրամով |azatutyun.am|

azatutyun.am: Բլինքեն-Փաշինյան-Ֆոն դեր Լայեն հանդիպման պես նախաձեռնությունները կարող են նոր սադրանքների դրդել Հայաստանին, որտեղ «ռևանշիստական տրամադրություններ են տիրում», հայտարարել է Ադրբեջանի արտգործնախարար Ջեյհուն Բայրամովը ՌԴ ԱԳՆ հատուկ հանձնարարություններով դեսպան Պավել Կնյազևի հետ հանդիպմանը։ «Ջեյհուն Բայրամովը նշել է, որ մի շարք քայլեր, որոնք նոր մարտահրավերներ են ստեղծում խաղաղ գործընթացի առաջխաղացման համար, այդ թվում՝ տարածաշրջանից հեռու գտնվող երկրների փորձերը և տարածաշրջանում իրենց միակողմանի դիրքորոշումը նախագծելը, դանդաղեցնում են այդ գործընթացը»,-ասված է Ադրբեջանի ԱԳՆ-ի հաղորդագրությունում։ Ադրբեջանի արտգործնախարարը, մասնավորապես, առանձնացրել է ապրիլի 5-ին Բրյուսելում Հայաստանի վարչապետի հանդիպումը ԱՄՆ պետքարտուղարի և Եվրահանձնաժողովի ղեկավարի հետ ու պնդել, որ այդ համաձաժողովն անցկացվում է «ոչ թափանցիկ միջավայրում», և որ «նման նախաձեռնությունները կարող են նպաստել նոր սադրանքների Հայաստանի կողմից, որտեղ տիրում են ռեւանշիստական տրամադրություններ»։ Շարունակությունը՝ սկզբնաղբյուր կայքում

11:49 - 30 մարտի, 2024

Բայրամովն ու Ֆիդանը քննարկել են հայ-ադրբեջանական հարաբերությունների ներկա վիճակը |azatutyun.am|

azatutyun.am: Այսօր Բրյուսելում հանդիպել են Թուրքիայի և Ադրբեջանի արտաքին գործերի նախարարներ Հաքան Ֆիդանն ու Ջեյհուն Բայրամովը։ Ադրբեջանական աղբյուրների փոխանցմամբ՝ արտգործնախարարների քննարկման հիմնական թեմաներից մեկը եղել են Երևանի և Բաքվի հարաբերությունները։ «Ջեյհուն Բայրամովն իր թուրք պաշտոնակցին տեղեկություններ է փոխանցել Ադրբեջանի և Հայաստանի հարաբերությունների կարգավորման գործընթացի մասին», - հաղորդում է APA գործակալությունը։

18:08 - 21 մարտի, 2024

Ջեյհուն Բայրամովը մեկնել է Բրյուսել |azatutyun.am|

azatutyun.am: Ադրբեջանի արտաքին գործերի նախարար Ջեյհուն Բայրամովն աշխատանքային այցով մեկնել է Բրյուսել։ Trend լրատվական գործակալության փոխանցմամբ, Բելգիայի Թագավորությունում նախատեսվում է Բայրամովի մասնակցությունը և ելույթը ատոմային էներգետիկայի միջազգային գագաթնաժողովին, որի բացումը տեղի կունենա վաղը՝ մարտի 21-ին: Բրյուսելում նախատեսված են նաև մի շարք երկկողմ հանդիպումներ։

13:19 - 20 մարտի, 2024

Լուի Բոնոն Բայրամովի հետ քննարկել է հայ-ադրբեջանական կարգավորումը |tert.am|

tert.am: Մարտի 18-ին Ադրբեջանի արտաքին գործերի նախարար Ջեյհուն Բայրամովը հանդիպել է ԱՄՆ Պետդեպարտամենտի Հարավային Կովկասում բանակցությունների գծով ավագ խորհրդական Լուի Բոնոյի հետ։ Կողմերը քննարկել են իրավիճակը տարածաշրջանում, մասնավորապես՝ Բաքվի և Երևանի միջև հարաբերությունների կարգավորման գործընթացի ասպեկտները։Բայրամովը խոսել է Մյունխենի և Բեռլինի անվտանգության համաժողովի շրջանակներում կայացած բանակցությունների արդյունքների և խաղաղության հաստատման գործընթացում Ադրբեջանի ակնկալիքների մասին։ Նա Բոնոյի ուշադրությանն է ներկայացրել Բաքվի դիրքորոշումը խաղաղության գործընթացի մի շարք հարցերի վերաբերյալ, որոնք բաց են մնում։

16:00 - 18 մարտի, 2024

Բայրամովը հայտարարել է, թե Ադրբեջանն ակնկալում է Հայաստանի հետ խաղաղության պայմանագրի շուտափույթ ստորագրում |factor.am|

factor.am: «Ադրբեջանը հետևողականորեն քաղաքական կամք է դրսևորել և ակտիվորեն աջակցել է ուղիղ բանակցություններին, ինչպես նաև ակնկալում է Հայաստանի հետ խաղաղության համաձայնագրի շուտափույթ ստորագրում»,- Բաքվում հայտարարել է Ադրբեջանի ԱԳ նախարար Ջեյհուն Բայրամովը՝ Թուրքիայի և Վրաստանի ԱԳ նախարարների հետ եռակողմ հանդիպմանը։ Ադրբեջանական լրատվամիջոցների հաղորդմամբ՝ նա հայտարարել է, թե Ադրբեջանը, իբր, հավատարիմ է մնում տարածաշրջանում խաղաղության վերականգնմանը։ Անդրադառնալով Հայաստանի և Ադրբեջանի ղեկավարների ու ԱԳ նախարարների մակարդակով վերջին հանդիպումներին՝ Բայրամովը նշել է․ «Այդ հանդիպումները հիմք են ստեղծում խաղաղության համաձայնագրի առաջխաղացման համար և ապահովում են երկու երկրների միջև քաղաքական հարցերի պարզ մոտեցում»։ Եռակողմ հանդիպմանը հաջորդած մամուլի ասուլիսում Բայրամովն ասել է նաև, թե Հայաստանի հետ խաղաղության պատմական հնարավորություն է ստեղծվել։ «Մեր երկրի տարածքային ամբողջականության վերականգնումից հետո Հայաստանի հետ խաղաղության հասնելու պատմական շանս է առաջացել, և Ադրբեջանը ձեռնարկում է դրա համար անհրաժեշտ քայլերը։ Միջազգային հանրությունը պետք է դրական քայլեր ձեռնարկի՝ Հայաստանին վրեժխնդիր գաղափարներից շեղելու համար»,- հայտարարել է Ադրբեջանի ԱԳ նախարարը:

12:27 - 15 մարտի, 2024

Հայտնի է, թե ինչ հարցեր են քննարկվելու Թուրքիայի, Վրաստանի և Ադրբեջանի արտգործնախարարների հանդիպմանը |armenpress.am|

armenpress.am: Ադրբեջանի արտգործնախարար Ջեյհուն Բայրամովը նշել է այն հարցերի շրջանակը, որոնք քննարկվելու են Բաքվում Ադրբեջանի, Թուրքիայի և Վրաստանի արտգործնախարարների եռակողմ 9-րդ հանդիպման ժամանակ։ Այս մասին հայտնում են ադրբեջանական ԶԼՄ-ները: Բայրամովը նշել է, որ արտգործնախարարները մտքեր են փոխանակելու տարածաշրջանային եռակողմ համագործակցության, ինչպես նաև փոխադարձ հետաքրքրություն ներկայացնող տարածաշրջանային և գլոբալ իրադարձությունների շուրջ։ Նա հավելել է, որ հանդիպման ընթացքում ընդունվելու է ընդհանուր հռչակագիր:

11:50 - 15 մարտի, 2024

Բայրամովը հայտարարել է, թե ՀՀ-ն, իբր, Ադրբեջանից տարածքային պահանջներ ունի |factor.am|

factor.am: Ադրբեջանի ԱԳ նախարար Ջեյհուն Բայրամովի և Թուրքիայի ԱԳ փոխնախարար Յասին Էքրեմ Սերիմի՝ Բաքվում տեղի ունեցած հանդիպմանը մտքերի փոխանակություն է տեղի ունեցել երկկողմ, տարածաշրջանային և բազմակողմ համագործակցության հեռանկարների, տարածաշրջանում առկա իրավիճակի, ինչպես նաև Ադրբեջանի և Հայաստանի միջև խաղաղության գործընթացի շուրջ։ Բայրամովն իր զրուցակցին տեղեկացրել է Ադրբեջանի և Հայաստանի միջև խաղաղության գործընթացում ձեռնարկված վերջին քայլերի մասին՝ կրկին դժգոհելով Հայաստանից։ Նա հայտարարել է, թե «Հայաստանը պետք է հրաժարվի Ադրբեջանի տարածքային ամբողջականության և ինքնիշխանության նկատմամբ հավակնություններից՝ տարածաշրջանում խաղաղություն և կայունություն հաստատելու համար»։

17:11 - 07 մարտի, 2024

«Որոշ երկրների կողմից Հայաստանին զինելու ջանքերը վտանգ են ներկայացնում խաղաղ գործընթացին». Բայրամով |azatutyun.am|

azatutyun.am: «Հայաստանի կողմից խաղաղությանն ու կայունությանը չծառայող երրորդ կողմերին տարածաշրջանում ներգրավելը» սպառնալիք է խաղաղության գործընթացի համար, իրանցի գործընկերոջ հետ հանդիպմանն ասել է Ադրբեջանի արտգործնախարարը։ Հանդիպման մասին հաղորդում են ադրբեջանական լրատվամիջոցները, իրանական կողմը հաղորդագրությամբ հանդես չի եկել։ Ըստ ադրբեջանական աղբյուրների՝ Ջեյհուն Բայրամովը Հոսեյն Ամիր Աբդոլլահիանին ասել է, թե «որոշ պետությունների կողմից Հայաստանին զինելու ջանքերը» ևս վտանգ են ներկայացնում խաղաղ գործընթացի համար։ ԱԺ փոխնախագահ Ռուբեն Ռուբինյանը ռազմականացման պնդմանն ի պատասխան՝ Անթալիայի ֆորումին ասել էր, որ Հայաստանը դա չի անում, այլ պարզապես պաշտպանում է իրեն, ինչը տրամաբանական է՝ հաշվի առնելով, որ անվտանգության առումով անհանգստություն կա Ադրբեջանի պատճառով: «Մենք ագրեսիվ վարքագիծ կամ նման մոտիվացիա չունենք մեր հարևանների նկատմամբ, հարգում ենք նրանց տարածքային ամբողջականությունը, միաժամանակ մենք իրավունք ունենք կառուցել մեր պաշտպանությունը», - ասել էր նա՝ հիշեցնելով, որ Ադրբեջանը գնել ու գնում է զենք տարբեր երկրներից։ Ի տարբերություն Երևանի՝ Բաքուն ձեռք է բերում ոչ միայն պաշտպանական սպառազինություն, հավելել էր Ռուբինյանը:

22:39 - 05 մարտի, 2024

«Երևանը պետք է ձեռնպահ մնա հրահրող ձևակերպումներից և հայտարարություններից»․ Բայրամով |azatutyun.am|

azatutyun.am: Հայաստանը պետք է ձեռնպահ մնա հրահրող ձևակերպումներից և հայտարարություններից՝ նորմալացման գործընթացն ու խաղաղության բանակցությունները չվնասելու համար, Անթալիայի դիվանագիտական ֆորումի շրջանակներում, ԵԱՀԿ գլխավոր քարտուղար Հելգա Շմիդի հետ հանդիպման ժամանակ, հայտարարել է Ադրբեջանի արտգործնախարար Ջեյհուն Բայրամովը։ Թե ինչ հայտարարությունների մասին է խոսքը, Բայրամովը չի մանրամասնել։ Ադրբեջանի ԱԳՆ-ի X-ի էջում միայն նշված է, որ Բայրամովը Շմիդի հետ քննարկել է ԵԱՀԿ օրակարգին, կազմակերպության շրջանակներում Ադրբեջանի առաջնահերթություններին, ինչպես նաև տարածաշրջանային և միջազգային զարգացումներին վերաբերող հարցեր, իսկ Սուրբ Աթոռի պետությունների հետ հարաբերությունների քարտուղար, արք. Պոլ Ռիչարդ Գալագերի հետ հանդիպմանը քննարկել է Ադրբեջան-Հայաստան հարաբերությունների կարգավորման գործընթացին վերաբերող հարցերի լայն շրջանակ։ Անթալիայի դիվանագիտական ֆորումի շրջանակներում Թուրքիայում են նաև Հայաստանի արտգործնախարար Արարատ Միրզոյանն ու Ազգային ժողովի փոխնախագահ Ռուբեն Ռուբինյանը։ Երեկ Ռուբինյանն ու Ադրբեջանի նախագահի արտաքին քաղաքական հարցերով խորհրդական Հիքմեթ Հաջիևը բանավիճել են Անթալիայում ՀՀ Սահմանադրության ու սպառազինության գնումների հարցերի շուրջ։

13:15 - 02 մարտի, 2024

Ջեյհուն Բայրամովն աշխատանքային այցով մեկնել է Թուրքիա |armtimes.com|

armtimes.com: Ադրբեջանի արտգործնախարար Ջեյհուն Բայրամովն աշխատանքային այցով մեկնել է Թուրքիա։ Այս մասին, ըստ ադրբեջանական լրատվամիջոցների, հայտնել է Ադրբեջանի արտաքին գործերի նախարարությունը։ Այցի շրջանակներում նախատեսվում է ԱԳՆ ղեկավարի մասնակցությունը Անթալիայում կայանալիք դիվանագիտական ֆորումին, նրա ելույթը «Ինստիտուցիոնալացումը թյուրքական աշխարհում. թյուրքական պետությունների կազմակերպությունը 21-րդ դարում» համաժողովին: Կլինեն նաև բազմաթիվ երկկողմ հանդիպումներ։

18:31 - 29 փետրվարի, 2024

Ինչ է քննարկվել Միրզոյան-Բայրամով բանակցությունների ընթացքում. ԱԳՆ-ն մանրամասներ է հայտնել

2024 թ. փետրվարի 28-29-ը Գերմանիայի մայրաքաղաք Բեռլինում՝ Վիլլա Բորսիգում, տեղի են ունեցել Հայաստանի Հանրապետության արտաքին գործերի նախարար Արարատ Միրզոյանի և Ադրբեջանի Հանրապետության արտաքին գործերի նախարար Ջեյհուն Բայրամովի բանակցությունները։ ՀՀ ԱԳՆ-ից տեղեկացնում են, որ նախարարները և նրանց պատվիրակությունները քննարկել են «Հայաստանի և Ադրբեջանի միջև խաղաղության և միջպետական հարաբերությունների հաստատման վերաբերյալ» երկկողմ համաձայնագրի նախագծի դրույթների տեսակետները։ Արտահայտվել է փոխադարձ համաձայնություն՝ շարունակելու բանակցությունները բաց հարցերի շուրջ։ Այցի ընթացքում նախարարները հանդիպում են ունեցել Գերմանիայի արտաքին գործերի նախարար Անալենա Բերբոքի հետ ինչպես երկկողմ, այնպես էլ եռակողմ ձևաչափով։ Նախարար Միրզոյանն իր շնորհակալությունն է հայտնել Գերմանիային՝ Հայաստանի և Ադրբեջանի միջև բանակցությունները հյուրընկալելու համար։

17:07 - 29 փետրվարի, 2024

Բեռլինում Միրզոյանն ու Բայրամովը շարունակում են քննարկումները Հայաստան-Ադրբեջան հարաբերությունների կարգավորման գործընթացի հարցերի շուրջ

Համաձայն նախապես մեր կողմից հայտարարվածի՝ Բեռլինում մեկնարկել է Հայաստանի ԱԳ նախարար Արարատ Միրզոյանի և Ադրբեջանի ԱԳ նախարար Ջեյհուն Բայրամովի ղեկավարած պատվիրակությունների միջև բանակցությունների երկրորդ օրը: Այս մասին տեղեկացնում է ՀՀ ԱԳՆ մամուլի խոսնակ Անի Բադալյանը: Շարունակվում են քննարկումները Հայաստան-Ադրբեջան հարաբերությունների կարգավորման գործընթացի հարցերի շուրջ:

14:06 - 29 փետրվարի, 2024

Ադրբեջանի համար լավ հնարավորություն էր. Բայրամովը՝ Գերմանիայում հայ-ադրբեջանական բանակցություններից հետո գրառում է արել

Ադրբեջանի ԱԳ նախարար Ջեհյուն Բայրամովը շնորհակալություն է հայտնել Գերմանիային հայ-ադրբեջանական բանակցությունները կազմակերպելու համար։ «Շնորհակալ եմ Գերմանիային և նախարար Անալենա Բարբոքին՝ Ադրբեջանի և Հայաստանի արտաքին գործերի նախարարությունների ղեկավարների միջև խաղաղ համաձայնագրի նախագծի շուրջ բանակցությունների հաջորդ փուլը կազմակերպելու համար։ Ադրբեջանի համար սա լավ հնարավորություն էր ևս մեկ անգամ հայտարարելու խաղաղության իր հավատարմության մասին»,- X-ում գրել է նա։

20:17 - 28 փետրվարի, 2024

Ջեյհուն Բայրամովը աշխատանքային այցով մեկնել է Գերմանիա |armenpress.am|

armenpress.am: Ադրբեջանի արտաքին գործերի նախարար Ջեյհուն Բայրամովը աշխատանքային այցով մեկնել է Գերմանիա: Այս մասին հայտնում են ադրբեջանական լրատվամիջոցները։ Ավելի վաղ, ՀՀ արտաքին գործերի նախարարության մամուլի խոսնակ Անի Բադալյանը հայտնել էր, որ Հայաստանի և Ադրբեջանի արտաքին գործերի նախարարների պատվիրակությունների հանդիպումը տեղի կունենա փետրվարի 28-29-ը Բեռլինում՝ համաձայն Մյունխենում կայացած եռակողմ հանդիպման ժամանակ ձեռք բերված պայմանավորվածության:

18:57 - 27 փետրվարի, 2024

Հայաստանի և Ադրբեջանի ԱԳ նախարարների պատվիրակությունների հանդիպումը տեղի կունենա փետրվարի 28-29-ը Բեռլինում

Հայաստանի և Ադրբեջանի արտաքին գործերի նախարարների պատվիրակությունների հանդիպումը տեղի կունենա փետրվարի 28-29-ը Բեռլինում՝ համաձայն Մյունխենում կայացած եռակողմ հանդիպման ժամանակ ձեռք բերված պայմանավորվածության: Այդ մասին Ֆեյսբուքի իր էջում հայտնել է ԱԳՆ մամուլի խոսնակ Անի Բադալյանը:

16:40 - 26 փետրվարի, 2024