Քիմ Քարդաշյան

Քիմ Քարդաշյանը կոչ է արել ԱՄՆ կառավարությանն ու միջազգային հանրությանը՝ կանխել ցեղասպանությունը ԼՂ-ում |tert.am|

tert.am: Ամերիկահայ հեռուստաաստղ, գործարար Քիմ Քարդաշյանը կրկին բարձրաձայնել է Ադրբեջանի կողմից Արցախի հայ բնակչության դեմ իրականացվող ցեղասպան քաղաքականության մասին՝ կոչ անելով միջազգային հանրությանն անհապաղ միջամտել իրադրությանը։ Քարդաշյանը X սոցիալական հարթակում կիսվել է Rolling Stone պարբերականում սեպտեմբերի 8-ին իր և ամերիկահայ բժիշկ, պրոդյուսեր Էրիկ Էսրաիլյանի հոդվածով, որում կոչ էին անում ԱՄՆ նախագահ Ջո Բայդենին դադարեցնել ևս մեկ ցեղասպանություն՝ այս անգամ Արցախում։ «Ցավալի է, որ Արցախի/Լեռնային Ղարաբաղի հայերի ցեղասպանության հնարավորությունն ավելի է մեծացել հիմա՝ քաղաքացիական բնակչության դեմ Ադրբեջանի լայնածավալ հարձակումների պատճառով, ամիսներ տևած շրջափակումից և սովի մատնելուց հետո։ Մենք կոչ ենք անում ԱՄՆ կառավարությանն ու միջազգային հանրությանը՝ անհապաղ միջամտել՝ կանխելու հումանիտար աղետը»,- գրել է Քիմ Քարդաշյանը։

09:26 - 21 սեպտեմբերի, 2023

«Սա լուրջ խնդիր է». ամերիկացի դերասանն արձագանքել է Քիմ Քարդաշյանի՝ Արցախին սատարելու կոչին |aravot.am|

aravot.am: Ամերիկացի դերասան, պրոդյուսեր Մարկ Ռուֆալոն X սոցցանցի իր միկրոբլոգում կիսվել է ԱՄՆ նախագահ Ջո Բայդենին ուղղված Քիմ Քարդաշյանի կոչով՝ կանգնեցնելու հայոց երկրորդ ցեղասպանությունը: «Սա լուրջ խնդիր է, որին լրատվամիջոցները չեն անդրադառնում», – միկրոբլոգում գրել է Ռուֆալոն:

11:46 - 11 սեպտեմբերի, 2023

Քիմ Քարդաշյանը Հայաստանին սատարող գրառում է կատարել եւ դիմել Բայդենին՝ կանգնեցնելու «հայերի եւս մեկ Ցեղասպանություն»։

Ամերիկահայ հեռուստաստղ Քիմ Քարդաշյանը իմստագրամյան իր էջում Հայաստանին սատարող գրառում է կատարել եւ դիմել Բայդենին՝ կանգնեցնելու «հայերի եւս մեկ Ցեղասպանություն»։ «Իմ խնդրանքն է նախագահ Ջո Բայդենին՝ կանգնեցնել հայերի եւս մեկ Ցեղասպանություն։ ԱՄՆ-ի ու աշխարհի ժամն է՝ քայլեր ձեռնարկելու հայերին պաշտպանելու Ադրբեջանից»,- նշել է Քարդաշյանը՝ կից հրապարակելով ամբողջական դիմումը։

21:12 - 08 սեպտեմբերի, 2023

ԱՄՆ-ում հայերը Արցախի մասին խոսելու պահանջով ակցիա են անցկացրել Քիմ Քարդաշյանի տան մոտ |news.am|

news.am: ԱՄՆ-ում հայերը բողոքի ակցիա են անցկացրել համաշխարհային ճանաչում ունեցող հայազգի հեռուստաաստղ Քիմ Քադաշյանի տան մոտ: Նրանք պահանջել են բարձրաձայնել, խոսել Արցախի մասին, թե ինչ է այնտեղ կատարվում: Նրանք նաեւ կոչեր են հնչեցրել՝ «Բայդե΄ն, խոսիր Արցախի մասին, Քի΄մ խոսիր Արցախի մասին», «Գործե΄ք հիմա», «Բացե΄ք Լաչինի միջանցքը», «Կանգնեցրե΄ք ցեղասպանությունը»: Ակցիայի մասնակիցներին է մոտեցել ոստիկանության ներկայացուցիչ եւ ասել, որ անօրինական է այդ վայրում բողոքի ակցիա անցկացնելը, ինչին ի պատասխան, ակցիայի մասնակիցներն ասել են, որ 120 հազար հայ է ցեղասպանվում Արցախում, եւ ախարհը պետք է իմանա այդ մասին: Հիշեցնենք, որ արդեն 258 օր Արցախը շրջափակված է, այնտեղ հումանիտար ճգնաժամ է, նույնիսկ հացի խնդիր է առաջացել:

11:16 - 27 օգոստոսի, 2023

Էրիկ Էսրայիլյանը, Սերժ Թանկյանը և Քիմ Քարդաշյանը հրապարակումներ են կատարել Լաչինի միջանցքի վերաբերյալ |aravot.am|

aravot.am: Ամերիկահայ պրոդյուսեր Էրիկ Էսրայիլյանը Facebook-ի իր էջում տարածել է Միջազգային քրեական դատարանի նախկին գլխավոր դատախազ Լուիս Մորենո Օկամպոյի փորձագիտական կարծիքը, որում Արցախում կատարվողը որակվում է որպես ցեղասպանություն: «Խնդրում եմ տարածել: Այս զեկույցը պատկանում է Միջազգային քրեական դատարանի նախկին գլխավոր դատախազ Լուիս Մորենո Օկամպոյին: Նա պնդում է, որ Ադրբեջանի կողմից Լաչինի միջանցքի շրջափակումը պետք է համարել ցեղասպանություն Արցախի/Լեռնային Ղարաբաղի էթնիկ հայերի դեմ։ Ադրբեջանի կառավարությունը նավթի և գազի լծակներ է օգտագործում տարածաշրջանից քրիստոնյա հայ բնակչությանը մաքրելու համար: Կարդացեք և տարածեք զեկույցը»,- գրել է Էսրայիլյանը: Իրենց սոցցանցերի էջերում զեկույցը տարածել են նաև Քիմ Քարդաշյանը և երաժիշտ Սերժ Թանկյանը:

11:41 - 09 օգոստոսի, 2023

Քիմ Քարդաշյանն անդրադարձել է Լաչինի միջանցքի շրջափակմանը

Համաշխարհային հեռուստաաստղ Քիմ Քարդաշյանը «Ինստագրամ»-ի իր պաշտոնական էջի «Սթորի» բաժնում Լաչինի միջանցքի շրջափակմանը վերաբերվող հոլովակ է հրապարակել և տեղադրել Հայաստանի դրոշը: Տեսանյութում Արցախում գտնվող մարդիկ պատմում են այն հետևանքների մասին, որոնք կրում է Արցախը ադրբեջանական շրջափակման հետևանքով։ 2022թ․ դեկտեմբերի 12-ից Ադրբեջանը փակել է Արցախը ՀՀ-ին կապող Լաչինի միջանցքը, ինչի հետևանքով շրջափակման մեջ է Արցախի 120 000 բնակիչ, այդ թվում՝ 30 000 երեխա։ 1100 քաղաքացիական անձ, այդ թվում՝ 270 անչափահաս, չի կարողանում ՀՀ-ից վերադառնալ Արցախ։ Հունվարի 17-ին 19 երեխա ռուսական խաղաղապահ զորակազմի ուղեկցությամբ Գորիս-Ստեփանակերտ ճանապարհով վերադարձել է տուն։ Շրջափակման պատճառով ՀՀ-ից ամեն օր 400 տոննա սննդամթերք ու դեղորայք հնարավոր չի լինում հասցնել Արցախ․ առկա է սննդի, դեղորայքի պակաս: 13 երեխա նորածնային և վերակենդանացման բաժանմունքներում է, 9 բուժառու՝ վերակենդանացման բաժանմունքում․ 5-ը ծայրահեղ ծանր վիճակում են։ Այս օրերի ընթացքում շտապ բուժօգնության կարիք ունեցող 28 հայ և 4 օտարերկրացի է միայն Կարմիր խաչի միջնորդությամբ տեղափոխվել ՀՀ, իսկ Արցախում հիվանդներից մեկը մահացել է: Հունվարի 10-ից վթարի պատճառով Արցախում էլեկտրամատակարարումը կատարվում է հովհարային անջատումների չորսժամյա գրաֆիկով։ Գազամատակարարումը հունվարի 18-ի առավոտից Ադրբեջանը կրկին խափանել է Հայաստանից Արցախը սնուցող միակ գազատարի աշխատանքը:

11:37 - 18 հունվարի, 2023

«Մենք աշխարհի ուշադրության կարիքն ունենք հիմա»․ Քիմ Քարդաշյանը՝ Լաչինի միջանցքում ստեղծված իրավիճակի մասին

Քիմ Քարդաշյանը իր ինսթագրամյան էջի «սթորի» բաժնում վերահրապարակել է տեղեկությունը, որ Արցախը հոսանքազրկվել է։ Նա կոչ է արել անտարբեր չլինելու: «Մենք աշխարհի ուշադրության կարիքն ունենք հիմա»,- գրել է նա: Նշենք, որ այսօր տեղեկություններ են տարածվել, որ Արցախում էլեկտրաէներգիայի անջատումներ են եղել, հետո՝ վերականգնվել։ 2022 թվականի դեկտեմբերի 12-ից Ադրբեջանը փակել է Արցախը Հայաստանին կապող Լաչինի միջանցքը, ինչի հետևանքով շրջափակման մեջ է հայտնվել Արցախի 120 000 բնակիչ, այդ թվում՝ 30 000 երեխա։ 1100 քաղաքացիական անձ, այդ թվում՝ 270 անչափահաս, չի կարողանում Հայաստանից վերադառնալ Արցախ։ Շրջափակման պատճառով Հայաստանից ամեն օր 400 տոննա սննդամթերք ու դեղորայք հնարավոր չի լինում հասցնել Արցախ, ինչի հետևանքով առկա է սննդի, դեղորայքի պակաս: 350 հիվանդ չի կարողանում բուժում ստանալ Հայաստանում: 12 երեխա գտնվում է նորածնային և վերակենդանացման բաժանմունքներում, 12 բուժառու՝ վերակենդանացման բաժանմունքում․ 5-ը ծայրահեղ ծանր վիճակում են։ Այս օրերի ընթացքում շտապ բուժօգնության կարիք ունեցող 10 հայ և 4 օտարերկրացի է միայն Կարմիր խաչի միջնորդությամբ տեղափոխվել Հայաստան, իսկ Արցախում բուժօգնության կարիք ունեցող և ծանր վիճակում գտնվող հիվանդներից մեկը մահացել է:

12:55 - 04 հունվարի, 2023

Այնքան հպարտ եմ, որ Ամերիկան ճանաչում է Հայոց ցեղասպանությունը. Քարդաշյանը Հայաստանից արխիվային լուսանկարներ է հրապարակել |tert.am|

tert.am: Ամերիկյան հեռուստաաստղ Քիմ Քարդաշյանը Հայոց ցեղասպանության 107-րդ տարելիցի կապակցությամբ գրառում է արել սոցցանցերում:«Այսօր Հայոց ցեղասպանության 107-րդ տարելիցն է: Եկեք բոլորս միասին կանգնենք և հիշենք 1,5 միլիոն մարդկանց, որոնք կոտորվել են: Ես այնքան հպարտ եմ, որ Ամերիկան ճանաչում է Հայոց ցեղասպանությունը. Երբեք մի՛ մոռացիր», - գրել է Քարդաշյանը:Աստղային հայուհին գրառմանը կից հրապարակել է Ցեղասպանության հուշահամալիրի, ինչպես նաև Հայաստան կատարած այցերից լուսանկարներ, այդ թվում ՝ ՀՀ նախկին նախագահ Արմեն Սարգսյանի հետ:

10:42 - 25 ապրիլի, 2022

Ես միշտ շարունակելու եմ աջակցել այս հիասքանչ երկրին. Քիմ Քարդաշյանը պատասխանել է Արմեն Սարգսյանի նամակին |armtimes.com|

armtimes.com: Ամերիկահայ հեռուստաաստղ Քիմ Քարդաշյանը «Թվիթերի» իր միկրոբլոգում պատասխանել է ՀՀ նախագահ Արմեն Սարգսյանի նամակին, որը նախագահը հղել էր Քիմին ապրիլի 30-ին՝ ի նշան երախտագիտության Հայոց ցեղասպանության ճանաչման և դատապարտման գործում ներդրած ավանդի համար: Ուղղված նամակում Արմեն Սարգսյանը մասնավորապես նշել էր. «Ձեր և Ձեր ընտանիքի ազդեցությունը հսկայական է ոչ միայն ԱՄՆ-ում, այլև ողջ աշխարհում, և հրաշալի էր տեսնել, թե ինչպես Ձեր գործունեությամբ ու քայլերով կարողացաք կարևոր դերակատարում ունենալ Հայոց ցեղասպանության միջազգային ճանաչման գործում: Շնորհակալ եմ անխոնջ ջանքերի, անկեղծ նվիրումի և հանձնառության համար»: Ի պատասխան՝ Քարդաշյանը գրել է, որ մշտապես աջակցելու և սատարելու է Հայաստանին. «Նախագահ Սարգսյան, շնորհակալ եմ Հայաստանի մասին մշտապես ինձ նոր գիտելիքներ տալու համար: Շնորհակալություն եմ հայտնում Հայ դատի ԱՄՆ հանձնախմբին և բոլոր այն խմբերին ու հայերին, որոնք պայքարեցին ճանաչման համար: Ուրախ եմ, որ կարողացա օգնել՝ իրազեկելու մարդկանց: Ես միշտ կշարունակեմ աջակցել այս հիասքանչ երկրին»: Հիշեցնենք, որ Քիմ Քարդաշյանից բացի՝ նախագահը երախտագիտական նամակներ էր հղել նաև ամերիկահայ անվանի բժիշկ, Հայոց ցեղասպանության մասին պատմող հոլիվուդյան «Խոստումը» ֆիլմի պրոդյուսեր Էրիկ Էսրաիլյանին, հայտնի երգչուհի Շերելին Սարգսյանին:

16:40 - 02 մայիսի, 2021

Շնորհակալություն, նախագահ Բայդեն, ճշմարտությունը ասելու համար, որը մյուսները նախընտրեցին թաքցնել. Քիմ Քարդաշյան |armtimes.com|

armtimes.com: Ամերիկահայ աշխարհահռչակ հեռուստաաստղ Քիմ Քարդաշյանը, որը մշտապես պայքարել է Հայոց ցեղասպանության ճանաչման և դատապարտման համար, անդրադարձել է երեկ ԱՄՆ նախագահ Ջո Բայդենի կողմից իր ուղերձում «ցեղասպանություն» եզրույթի կիրառմանը՝ շնորհակալություն հայտնելով նրան ճշմարտությունն ասելու խիզախության համար, որը մյուսները նախընտրեցին թաքցնել: Քիմը գրել է, որ ավելի քանի 1 դար ճանչանման և ճշմարտության համար ձգված պայքարից հետո հայ ժողովուրդը հասավ նրան, որ Ջո Բայդենը 1915 թվականի իրադարձությունները ավանի ցեղասպանություն: «Ես այնքան հպարտ եմ իմ ժառանգությամբ, հայ համայնքներով եւ շնորհակալ եմ նախագահ Բայդենին՝ այս օրը յուրաքանչյուր հային շնորհելու համար, շնորհակալ եմ ճշմարտության համար: Թեեւ ոչինչ երբեք չի վերադարձնի սպանված հայերին, բայց ես հույս ունեմ, որ հիմա նրանց ընտանիքները հանգտություն կզգան։ Ամեն տարի այս օրը ես շարունակելու եմ հարգել եւ հիշել նրանց, ում մենք կորցրել ենք, բայց հիմա այն հույսով, որ ցեղասպանության ճանաչումից հետո մենք այլեւս երբեք թույլ չենք տա, որպեսզի կրկնվեն անցյալի ոճրագործությունները։ Շնորհակալություն, նախագահ Բայդեն, ճշմարտությունը ասելու ձեր խիզախության համար, որը մյուսները նախընտրեցին թաքցնել: Քիմ»։

10:25 - 25 ապրիլի, 2021

Ֆեյք էջեր՝ հայտնի մարդկանց անուններով․ Անձնական տվյալների պաշտպանության կենտրոնը զգուշացնում է

Անձնական տվյալների պաշտպանության գործակալությունից տեղեկացնում են․ «Հարգելի քաղաքացիներ, Ֆեյսբուքի օգտատերերը ահազանգում են, որ հայկական տիրույթում կրկին ակտիվացել են կեղծ գրառումները, որոնք նպատակ ունեն տիրանալ մարդկանց անձնական, բանկային ու այլ տվյալներին։ Կեղծիքը տարածվում է հայտնիների՝ Հենրիխ Մխիթարյանի, Գարիկ Պապոյանի, Քիմ Քարդաշյանի, Սերժ Թանկյանի և այլ մարդկանց անունից։ Դրանք իրականում կապ չունեն այդ մարդկանց հետ, նման կերպ վստահություն են շահում՝ ապօրինաբար տվյալների տիրանալու համար։ Պետք չէ արձագանքել նման գրառումներին՝ հավանել, մեկնաբանել, տարածել ու կատարել նրանց առաջադրած պահանջները՝ փոխանցելով ձեր տվյալները։ Այս տեսանյութում կարող եք տեսնել, թե ինչ կեղծիքի են դիմում՝

20:47 - 27 նոյեմբերի, 2020

Մարդկությունը մեծ կորուստ է կրել. Քարդաշյանը կիսվել է Դադիվանքի նկարով ու պատմել տեղահանված արցախցիների մասին |armenpress.am|

armenpress.am: Աշխարհահռչակ հեռուստաաստղ Քիմ Քարդաշյանն ինստագրամի իր էջի «սթորի» բաժնում նկար է հրապարակել Դադիվանքից՝ բարձրաձայնելով սեփական տանից տեղահանված արցախցիների մասին: «Ոչ միայն Արցախի հայերը, այլև ողջ մարդկությունն է մեծ կորուստ կրել: Սա հրաժեշտ է այս պահին: Եթե դուք տխուր եք, ապա պատկերացրեք, թե նրանք ինչ են զգում: Իրենց նախնիների տնից տեղահանված 120 հազար մարդ, որովհետև Թուրքիան հասավ իր ուզածին»,- գրել է Քիմ Քարդաշյանը: Նա նաև նշել է, որ Դադիվանքի հոգևոր հովիվը հրաժարվել է լքել իր եկեղեցին: «Ես այստեղ զենքը ձեռքիս կկանգնեմ, մինչև նրանք չսպանեն ինձ: Աստված պահպանի իմ ազգը»,- համաձայն Քիմ Քարդաշյանի գրառման՝ ասել է հոգևորականը: Ինստագրամում 191 միլիոն հետևորդ ունեցող հեռուստաաստղը իր գրառմանը կցել է այնպիսի հեշթեգեր, ինչպիսիք են՝ ճանաչեք Արցախը, կանգնեցրեք Էրդողանին և Ալիևին, կիրառեք սանկցիաներ Թուրքիայի և Ադրբեջանի նկատմամբ, հեռացրեք Թուրքիային ՆԱՏՕ-ից: Ավելի վաղ Քիմ Քարդաշյանը հայտնել էր «Հայաստան» համահայկական հիմնադրամին հանուն Արցախի 1 միլիոն դոլար նվիրաբերելու մասին:

00:15 - 14 նոյեմբերի, 2020

Տարեդարձիս լավագույն նվերը. Քարդաշյանն անդրադարձել է ԱՄՆ Կոնգրեսի գրադարանի հայտարարությանը |armenpress.am|

armenpress.am: Աշխարհահռչակ հեռուստաաստղ Քիմ Քարդաշյանն «Ինստագրամ»-ի իր էջում տեղեկացրել է, որ ԱՄՆ Կոնգրեսի գրադարանն այսուհետ կկիրառի «Հայոց ցեղասպանություն» խորագիրը: Նախկինում այնտեղ առկա գրքերը, տարբեր աղբյուրները ներկայացված էին «Հայկական կոտորածներ» խորագրի ներքո: «Տարեդարձիս լավագույն նվերը: Այսօր ԱՄՆ Կոնգրեսի գրադարանը հայտարարել է, որ կկիրառի «Հայոց ցեղասպանություն» խորագիրը: Այս նշանակալի լուրի մասին հայտարարվեց ԱՄՆ Կոնգրեսի կողմից Հայոց ցեղասպանության ճանաչումից գրեթե մեկ տարի անց և Արցախի հայերի նկատմամբ վերջին կործանարար հարձակման ֆոնին»,- այս մասին նշել է Քիմ Քարդաշյանը: Նա իր երախտագիտությունն է հայտնել Կոնգրեսի գրադարանի աշխատակիցներին, Կոնգրեսի անդամներին հայերի պաշտպանությանն ուղղված մեծագույն ջանքերի համար: «Միասին մենք շարունակում ենք աղոթել այս դժվարին իրավիճակում այն բոլոր տղամարդկանց, կանանց, երեխաների համար, որոնք տուժել են պատերազմից: Մենք մեկ գլոբալ հայ ազգ ենք»,-նշել է նա:

13:24 - 22 հոկտեմբերի, 2020

Դադարեցրե՛ք Ադրբեջանին ԱՄՆ-ի ռազմական օգնությունը, որն օգտագործվում է հայերի դեմ. Քիմ Քարդաշյան

Քիմ Քարդաշյանը «Թվիթթերի» իր միկոբլոգում մի քանի թվիթներով անդրադարձել է Արցախի սահանին ընթացող մարտական գործողություններին։ Նա հայտնել է, որ Արցախի հայերը հարձակման են ենթարկվել, և տեղեկությունները, թե դրանք բախումներ են, ոչ թե Ադրբեջանի հարձակում, չեն համապատասխանում իրականությանը։ «Մենք աղոթում ենք խիզախ տղամարդկանց և կանանց համար, որոոնք վտանգում են իրենց կյանքը ՝ պաշտպանելով Արցախը և Հայաստանը»,- ասել է նա։ Քիմ Քարդաշյանը հայտնել է, որ Ադրբեջանն արգելափակում է սոցիալական մեդիան՝ բացառությամբ պատերազմական քարոզչության հարթակների: «Մենք կարիք ունենք, որ միջազգային դիտորդները հետաքննություն իրականացնեն և կոչ անեն ձեռնարկել միջազգային քաղաքական և դիվանագիտական քայլեր՝ սրացումները և ողբերգությունը կանխելու համար: Կո'չ արեք Բաքվին դադարեցնել ուժի կիրառումը, դադարեցրե՛ք Ադրբեջանին ԱՄՆ-ի ռազմական օգնությունը, որն օգտագործվում է հայերի դեմ, և զգուշացրե՛ք Թուրքիային, որ զենք և մարտիկներ չուղարկի Բաքու»,- ասել է նա։

22:49 - 27 սեպտեմբերի, 2020

Քիմ Քարդաշյանը քննադատում է Ադրբեջանին և կողմնակիցներին կոչ անում աջակցել Հայաստանին |civilnet.am|

civilnet.am: Ամերիկահայ հեռուստաաստղ Քիմ Քարդաշյանը Թվիթերում գրառում է արել՝ քննադատելով Ադրբեջանի ագրեսիան Հայաստանի հետ սահմանին։ «Չնայած շարունակվող համաշխարհային համավարակին՝ Ադրբեջանը խախտել է գլոբալ հրադադար հաստատելու ՄԱԿ-ի կոչը՝ հարձակումներ գործելով Հայաստանի վրա։ Հայաստանում քաղաքացիական կառույցներ են թիրախավորվել, և Ադրբեջանն այժմ սպառնացել է հարվածել Հայաստանում գտնվող ատոմակայանին»,- ասված է Թվիթերում Քարդաշյանի տեղադրած «սթորի»-ում։ «Ես իմ հայրենակիցների հետ եմ և աղոթում եմ նրանց համար, ովքեր երկրում վերջին սրացման ընթացքում սահմանին են։ Ես կոչ եմ անում խաղաղ հանգուցալուծել այս չհրահրված հարձակումները համավարակի այս՝ արդեն իսկ բարդ պայմաններում»։ Քարդաշյանը նշում է նաև, որ Կոնգրեսը հաջորդ շաբաթ քննարկելու է Ադրբեջանին սպառազինությունների մատակարարումը և ռազմական աջակցությունն արգելելու օրինագիծը։ «Խնդրում եմ ձեր սենատորներին և ներկայացուցիչներին կոչ արեք աջակցել Հայաստանին»,- ասված է գրառման վերջում։

09:13 - 17 հուլիսի, 2020