16:22 - 06 հուլիսի, 2022
Հուլիսի 1-ից հետո ռազմաուսումնական հաստատություն ընդունված եւ համապատասխան պայմանագիր կնքած զինծառայողներին անհատույց կտրամադրվի բնակարան․ ԱԺ-ն ընդունեց նախագիծը
Ազգային ժողովն այսօր առաջին ընթերցմամբ ընդունեց «Զինվորական ծառայության» և «Զինծառայողի կարգավիճակի մասին» օրենքում փոփոխություններ և լրացումներ կատարելու մասին օրենքի նախագիծը։
Պաշտպանության նախարար Սուրեն Պապիկյանը նախագծի առաջին ընթերցմամբ քննարկման ընթացքում հայտնել էր, որ օրինագծով նախատեսվում է ռազմաուսումնական հաստատությունը ավարտած և պաշտպանության նախարարության համակարգում սպայական պաշտոնի նշանակված սպայական կազմի զինծառայողների համար սահմանել բնակարանային ապահովության նոր տեսակ, այն է ՝ անհատույց օգտագործման և անհատույց սեփականության իրավունքով բնակարան ստանալու իրավունք։
Նա մանրամասնել էր, որ զինծառայողը Երևան քաղաքում կստանա 3 սենյականոց բնակարան, իսկ գնման գործընթացի մեկնարկը կտրվի 2023 թ․-ից։
Նախագիծը ընդունվեց 55 կողմ, 0 դեմ ձայներով։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)