Ռուսաստանի նախագահ Վլադիմիր Պուտինը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ, հայտնում է Կրեմլի մամուլի ծառայությունը։
«Քննարկվել են Դոնբասի պաշտպանության ռազմական գործողության զարգացման տարբեր ասպեկտներ։
Վլադիմիր Պուտինը տեղեկացրել է նաև Ռուսաստանի և Ուկրաինայի ներկայացուցիչների միջև բանակցությունների ընթացքի մասին։
Էրդողանն իր հերթին հույս է հայտնել, որ Ռուսաստանի և Ուկրաինայի միջև բանակցությունները դրական արդյունք կունենան։ Նրա խոսքով՝ եթե մշտական հրադադար հայտարարվի, ապա երկարաժամկետ կարգավորման ճանապարհ կբացվի։
Բացի այդ, Էրդողանը վերահաստատել է Ռուսաստանի և Ուկրաինայի նախագահներին Անկարայում կամ Ստամբուլում ընդունելու պատրաստակամությունը»։
comment.count (0)