11:07 - 19 մայիսի, 2019
«Թրամփը պաշտոնանկության է արժանի». ԱՄՆ կոնգրեսականն անդրադարձել է ընտրություններին ռուսական միջամտության վերաբերյալ զեկույցին |tert.am|
tert.am։ ԱՄՆ Կոնգրեսի Ներկայացուցիչների պալատի անդամ, Դեմոկրատական կուսակցության ներկայացուցիչ Ջասթին Ամաշը հայտնել է, որ ռուսական միջամտության մասին զեկույցը կարդալուց հետո նախագահ Դոնալդ Թրամփին պաշտոնանկ անելն արդարացի է համարում:
Կոնգրեսականի թվիթերյան գրառման համաձայն՝ Թրամփը «պաշտոնանկ լինելու շեմին» է: Նա հստակեցրել է, որ նախագահը ներգրավված է եղել «հատուկ գործողությունների մեջ» և անպատժաճ վերաբերմունք է ցուցաբերել:
Ամաշն ընդգծել է, որ հատուկ դատախազ Ռոբերտ Մյուլլերի՝ ռուսական գործի Վերաբերյալ զեկույցում Թրամփի կողմից արդարադատությանը հակասող բազմաթիվ ապացույցներ կան:
«Նախագահից բացի Միացյալ Նահանգների ցանկացած այլ պաշտոնյայի նկատմամբ նման զեկույցի հիման վրա մեղադրանք կառաջադրվեր»,- եզրափակել է դեմոկրատ պատգամավորը:
Թրամփն ու նրա օգնականները բազմիցս հերքել են նախընտրական քարոզարշավի ժամանակ Ռուսաստանի պաշտոնյաների հետ ունեցած ապօրինի կապերի մեղադրանքները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)