azatutyun.am: ԱՄՆ-ը երեկ պաշտոնապես դուրս եկավ «Բաց երկնքի մասին» պայմանագրից, որի մասնակից են 35 պետություններ:
Միացյալ Նահանգները հայտարարել էր իր այդ որոշման մասին կես տարի առաջ։ Վաշինգտոնը Ռուսաստանին մեղադրել էր Կալինինգրադում, Վրաստանի սահմանի մոտ և խոշոր զորավարժությունների անցկացման տարածքներում թռիչքներն արգելելով պայմանագիրը խախտելու, ինչպես նաև այն «չարաշահելու» մեջ՝ ԱՄՆ ենթակառուցվածքների մասին տեղեկություններ հավաքելու համար:
Պայմանագիրը ստորագրվել է 1992 թվականին և թույլ է տալիս մասնակիցներին թռիչքներ իրականացնել միմյանց տարածքներով՝ զինուժի և սպառազինության փոխադարձ վերահսկողության համար: Այս թռիչքների արդյունքում ստացված տեղեկատվությունը հասանելի է դառնում պայմանագրի բոլոր կողմերին:
Այս կապակցությամբ, օրեր առաջ Ռուսաստանի արտգործնախարարությունը հույս է հայտնել, որ համաձայնագրում մնացած երկրները կդադարեցնեն տվյալների տրամադրումը Միացյալ Նահանգներին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)