01:03 - 18 նոյեմբերի, 2020
Պայմանավորվածություն է ձեռք բերվել բնակավայրերում կատարել հումանիտար աշխատանքներ
Արցախի ԱԻ պետական ծառայության տնօրեն գեներալ-մայոր Կարեն Սարգսյանն այսօր ընդունել է Ռուսաստանի Դաշնության Արտակարգ իրավիճակների նախարարության փրկարարական կազմավորումների դեպարտամենտի տնօրեն գեներալ-լեյտենանտ Իգոր Կուտրովսկուն և ՌԴ ԱԻՆ միջազգային գործունեության դեպարտամենտի տնօրեն գեներալ-լեյտենանտ Վլադիմիր Սոլովյովին: Այս մասին հյատնում է ԱՀ ԱԻՊԾ-ն։
Հանդիպմանը, որին ներկա է եղել նաև ԱՀ առողջապահության նախարար Արարատ Օհանջանյանը, քննարկվել են փրկարարական և առողջապահության ոլորտներին առնչվող մի շարք հարցեր:
Նաև պայմանավորվածություն է ձեռք բերվել համատեղ ուժերով առաջիկա օրերին Ստեփանակերտում և մյուս բնակավայրերում կատարել հումանիտար աշխատանքներ, միտված՝ խաղաղ բնակչության անվտանգ կենսապահովմանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)