20:34-  Ես երկար ժամանակ է, ինչ ասում եմ, որ Չինաստանի հետ գործ ունենալը շատ թանկարժեք զբաղմունք է: Մենք հենց նոր խոշոր առևտրային համաձայնագիր էինք կնքել, թանաքը հազիվ էր չորացել, և աշխարհը խոցվեց Չինաստանից եկած ժանտախտով: Առևտրային համաձայնագրերը չեն կարգավորի իրավիճակը: Հարյուրավոր գործարքներ ոչինչ չեն փոխի. այդ բոլոր անմեղ կյանքերն արդեն կորսված են: [ԱՄՆ նախագահ Դոնալդ Թրամփ] |tert.am|

18:32- Ավստրիայի վարչապետ Սեբաստիան Կուրցն այսօր ասել է, թե նախատեսվում է հաջորդ ամիս վերաբացել Գերմանիայի հետ սահմանը: Նույն հարցով Վիեննան բանակցում է նաև Շվեյցարիայի ու Լիխտենշտեյնի հետ, ինչպես նաև շփումների մեջ է Արևելյան Եվրոպայի երկրների հետ: Վարչապետը նշել է, որ Իտալիայի հետ սահմանը վերաբացելու պլաններ առայժմ չկան, քանի որ այնտեղ կորոնավիրուսով վարակվածների թիվը բարձր է: |azatutyun.am|

18:13- Աշխարհում կորոնավիրուսային վարակով վարակվածների թիվն անցել է 4 միլիոն 368 հազարը: «Մահացածների թիվն անցել է 293 հազարը: Ապաքինվել է 1 միլիոն 619 հազար 949 մարդ: Վարակվածների թվով առաջին տեղում գտնվող ԱՄՆ-ում 1 միլիոն 408 հազար 823 հաստատված դեպք կա: Այստեղ մահացածների թիվը 83 հազար 455 է: |armenpress.am|

17:10- Իսրայելի ոստիկանությունը 320 մարդու է ձերբակալել, որոնք փորձել են հրեական կրոնական միջոցառում անցկացնել՝ խախտելով կարանտինի պայմանները: Ռաբբիներից շատերը պաշտպանում են կառավարության մտցրած սահմանափակումները՝ կանխելու կորոնավիրուսի տարածումը, բայց ուղղադավան (օրթոդոքս) ռաբբիները հրաժարվում են չեղարկել կրոնական ծեսերը: |azatutyun.am|

16:38- Իրանում կորոնավիրուսի մայիսի 13-ի վիճակագրական տվյալները.

Վարակակիրների թիվն ավելացել է 1.958-ով
Ընդհանուր՝ 112.725
Մահացածների թիվն ավելացել է 50-ով
Ընդհանուր՝ 6.783
Ապաքինվածների թիվն ավելացել է 1.071-ով
Ընդհանուր՝ 89.428
[Իրանում ՀՀ դեսպանություն]

16:37-  Գերմանիայի կառավարությունը որոշում է կայացրել փուլային տարբերակով հանել հարևան երկրների հետ սահմանային վերահսկողությունը: Լյուքսեմբուրգի հետ սահմանն ամբողջությամբ կբացվի մայիսի 16-ին: Եթե իրավիճակը թույլ տա, ապա սահմանների ամբողջական բացումը նախատեսված է հունիսի 15-ին: Գերմանիայում կորոնավիրուսով վարակվածների թիվը կազմում է 173 հազար 276, մահացածներինը՝ 7 հազար 756: |armenpress.am|

15:42- Գերմանիան և Էստոնիան նախատեսում են ՄԱԿ-ի ԱԽ-ին ներկայացնել հրադադարի գլոբալ պահպանման բանաձև՝ կապված համավարակի պայմանների հետ: Այն կոչված է փոխարինելու Ֆրանսիայի և Թունիսի կողմից մշակված փաստաթղթին, որը արգելափակել էր ԱՄՆ-ն: Ինչպես Ֆրանսիայի և Թունիսի առաջարկը՝ նոր բանաձևը նույնպես կենտրոնանում է աշխարհի տարբեր հատվածներում կոնֆլիկտային գոտիներւմ հրադադարի պահպանման վրա, ինչը հնարավորություն կտա երկրներին պայքարել մահացու համավարակի դեմ: |armenpress.am|

14:56-  Վերջին մեկ օրվա ընթացքում կորոնավիրուսից Ռուսաստանում մահացել է 96 մարդ։ Ընդհանուր առմամբ, երկրում COVID-19-ից մահացել է 2 212 մարդ։ Մահացության դեպքերի մեծ մասը գրանցվել է Մոսկվայում։ Վերջին մեկ օրվա ընթացքում Ռուսաստանում գրանցվել է կորոնավիրուսի վարակման 10 028 նոր դեպք՝ ընդհանուր թիվը դառնալով մոտ 242,2 հազար։ |hetq.am|

12։27- Վերջին օրերի ընթացքում վարակի նոր դեպքերի թիվը նվազել է, և եթե այսպես շարունակվի, ապա այն հիմք է՝ արագացնելու սահմանափակումների վերացման գործընթացը և վերականգնել այն տնտեսական և սոցիալական գործառույթները, որոնք ներկայումս կանգնեցված են: Վրաստանին իսկապես հաջողվել է հաղթահարել Covid 19-ի համաճարակը։ [Վրաստանի խորհրդարանի նախագահ Արչիլ Թալակվաձե] |aliq.ge|

11։41- Աշխարհում նոր տիպի կորոնավիրուսային վարակով՝ COVID-19-ով վարակվածների թիվն անցել է 4 միլիոն 342 հազարը: Կորոնավիրուսի հետազոտական կենտրոնների տվյալների համաձայն՝ մահացածների թիվն անցել է 292 հազարը: Ապաքինվել է 1 միլիոն 602 հազար 712 մարդ։ Վիրուսով վարակվածների թվով առաջին տեղում գտնվող ԱՄՆ-ում 1 միլիոն 408 հազար 636 հաստատված դեպք կա: Այստեղ մահացածների թիվը 83 հազար 425 է: Այս ցուցանիշով ևս ԱՄՆ-ն առաջինն է աշխարհում: Ընդհանուր ցուցանիշով երկրորդ տեղում գտնվող Իսպանիայում հաստատված դեպքերի թիվը 269 հազար 520 է: Մահացության ցուցանիշը կազմում է 26 հազար 920: |armenpress.am|

11։36- Հունաստանի կառավարությունը մտադիր է հուլիսի 1-ից վերսկսել զբոսաշրջությունը, այդ մասին CNN հետ հարցազրույցի ժամանակ հայտարարել է վարչապետ Կիրիակոս Միցոտակիսը, սակայն, ըստ վարչապետի «այս տարի զբոսաշրջությունն այլ կլինի»։ Մասնավորապես, գիշերային ակումբներն ու սրճարանները չեն գործի կամ կլինեն սահմանափակ, սակայն զբոսաշրջիկները հնարավորություն կունենան այցել տեսարժան վայրեր։ |cnn.com|

11։34- Իսպանիայում կորոնավիրուսից մահացած մարդկանց բարեկամները դատարան են նեկայացրել կոլեկտիվ հայց ընդդեմ կառավարությանը՝ վերջինիս մեղադրելով անգործության մեջ, որն էլ դարձավ վարակի տարածման ու բազմաթիվ մարդկանց մահվան պատճառ։ |thehill.com|

11։33- Թվիթթերի ղեկավար Ջեք Դորսին հայտարարել է, որ կորոնավիրուսի համավարակի ավարտից հետո էլ ընկերության աշխատակիցները ցանկության ու հնարավորության դեպքում կարող են շարունակել աշխատել տնից այնքան ժամանակ, ինչքան ցանկանան։ |cbsnews.com|

11։31- Մոսկվայում այս պահի դրությամբ մանրէբանական իրավիճակը համապատասխանում է սահմանափակումների թուլացման առաջին փուլի պահանջներին։ [Մոսկվայի քաղաքային Դումայի ղեկավար Ալեքսեյ Շապոշնիկով] |tvzvezda.ru|

11։21- Մեծ Բրիտանիայում հունիսի 1-ից անվտանգության կանոնների խստագույն պահպամնամբ կվերսկսեն իրենց աշխատանքը կրտսեր դպրոցներն ու մանկապարտեզները։ |theguardian.com|

11։02-  Վրաստանում  կորոնավիրուսի հաստատված դեպքեր - 647
Առողջացածներ - 372
Մահացածներ - 11
Կարանտինի ռեժիմում գտնվողներ  - 4373
ստացիոնար բուժում ստացողներ- 386 |stopCov.ge|

Նորություններ կորոնավիրուսի մասին, Աշխարհ, 14․05․20

Կորոնավիրուսի շուրջ զարգացումներ, Հայաստան, 13․05․20

Նորություններ կորոնավիրուսի մասին, Աշխարհ, 12․05․20