14:03 - 27 հուլիսի, 2019
Մոսկվայի կենտրոնում բերման ենթարկվածների թիվը 435-ի է հասել, ոստիկանությունը ներխուժել է ցույցն ուղիղ եթերով լուսաբանող հեռուստաալիքի ստուդիա |tert.am|
tert.am: Մոսկվայի քաղաքապետարանի շենքի մոտ նախատեսված բողոքի ցույցին ընդառաջ բերման ենթարկվածների թիվը հասել է 435-ի, գրում է meduza.io-ն։ Ավելի վաղ հաղորդվել էր 211 բերման ենթարկվածի մասին։ Նշվում է, որ ձերբակալվածների զգալի մասը Մոսկվայի բնակիչ չէ։
Հաղորդվում է, որ ներկա պահի դրությամբ բողոքի ցույցի մասնակիցների թիվը 3500-ի է հասնում, որոնցից շուրջ 700-ը լրատվամիջոցների ներկայացուցիչներ են։
Համացանցում տեսանյութ է տարածվել, որում երևում է՝ ինչպես են ոստիկանության աշխատակիցները ներխուժում «Навальный Live» հեռուստաալիքի ստուդիա, որի լրագրողն ուղիղ եթերով Մոսկվայի կենտրոնից լուսաբանում էր ակցիան։ Հեռարձակումն ընդհատվել է, սակայն քիչ անց վերականգնվել է։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
comment.count (0)